富都茶餐廳 (Closed)

今天跟honey忙了一日，終於可以坐下來吃個下午茶。平常駕車經過，會看到這間好大的茶餐廳，所以今天諗住嚟試下。裏面座位是寬闊的，但不知怎樣，入去有一陣後巷的味道……不過，我們已點餐了，又不好意思走。茶餐廳水準大多差不多，不過，這裏的實在不好味。這個 炸豬扒薯條，味道正常。但是，肉絲炒麵……炒麵的份量，是我手掌的大小，而且那個「傑撻撻」醬汁……只有幾條肉絲……然後全是「傑撻撻」的醬……佐敦這麼多選擇，相信下次……我會搵第二間！

In a bad weather, almost all restaurants closed and we found this filling up our stomach, at first i wanted have a roasted minced spaghetti but they making by beef sadly Fried Beef Noodles is well cooked with fire, and tasting good too, maintain good standardFried Rice with pineapple looking smaller as i think, but really no meat at all, the taste is so strong with msg, adding a bit too many sugarI quite like Frech Toast, so yummy with butter and honey, having some peanut sauces insides, taste s

八號風球過左，無聊路過尼間餐廳，諗住食返個下午茶餐。選來選去叫左個特餐。見到特厚餐肉咁即刻叫。嚟到見件餐肉係厚過A4紙。無言。入到嚟根本無人理你，咁大個場都無用。

寫食評時才發現這餐廳不只一間，最意外的是很多食評說服務差，我想寫這家食評，正正是因為我們一行8人都覺得服務好，誰知之前那麼多不一樣的食評，奇怪。.服務好有兩個證據，第一是我們一行8人，分兩張方枱剛剛好，午餐每人又有餐湯又有飲品又有一碟飯，侍應好好亦好醒問我們是否想每枱拍多一張枱坐鬆啲，係鬆好多，坐得舒服。通常係客人要求，侍應可能嫌煩。.第二證據是當侍應上菜時，留意到我們的枱不穩，主動幫我們墊好枱腳，真細心。.午餐餐牌都有好幾款，而且侍應說每天會改部份款式，讓經常去的食客不會食到厭。午餐有中湯 / 羅宋湯 / 忌廉湯三款。.👇中湯中規中矩⭐️⭐️⭐️.👇羅宋湯好味過中湯，推介這個。⭐️⭐️⭐️⭐️👇梅菜扣肉，中規中矩，不算肥，有足夠肉可食，有幾片椰菜。⭐️⭐️⭐️💫 3.5分.👇薯仔炆雞飯 ⭐️⭐️⭐️💫 3.5分，雞可多返兩三件。. 👇蒸𩶘魚，好大條，仲有幾件豆卜在底⭐️⭐️⭐️💫3.5分總結:✅服務好，侍應細心✅價錢平，午餐又有湯又有飲品✅坐得舒服✅光猛乾淨✅款多✅羅宋湯好味🆗味道中規中矩

聽電話嗰個又惡聲惡氣 送外賣上嚟嗰個又惡 話唔收毫子 聽電話嗰時唔係應該一早講好嘅咩 一攞到個外賣盒發現唔夠秤 見到個盒好似好大咁大 其實入面根本唔裝滿 仲見到底 開嚟食佢係一pat嘢 新年流流搞啲咁嘅嘢有冇搞錯呀 完全唔建議任何人食呢間嘢

這家茶餐廳價錢越加越貴，但餸菜水準每況愈下成反比例，餸菜沒有味道用料似隔夜餸，以一家廿四小時營業的餐廳，都算是門堪羅雀，若果這家餐廳不是在遊客區的話我相信現在已經是一間無人問津的食肆。除了餸菜水準超低之外，門口收銀大媽面口也很難睇，態度表現到好像客人來白吃。今時今日咁多食肆選擇的區域，這家茶餐廳這樣的表現，不知可以維持落去幾耐？

其他富都分店好多都去過，食物都不過不失尖沙咀昵間第一次去，小小肚餓，又係下午茶時間，又入去食小小嘢，飲杯嘢嘆一嘆先😂😂一入到去就有待應招呼叫隨便坐，坐底有待應比杯水我同問我食乜，而且係有禮貌，服務都幾好呀。叫左個吉列🐷扒配沙律，沙律正常無特別好吳好食，吉列🐷扒反而有驚喜，因為都係唸住求其食D嘢，無唸過普通既茶廳會有特別好食，點知塊🐷扒反而比到驚喜我，食到係即炸，咬落口入面係熱辣辣，肉吳會鞋，皮仲係脆卜卜，粉又吳會厚，成塊差不多食完切到最尾個啖都仲係熱辣辣，燙口果隻，好食。😋😋✌️✌️🍋🍵，又多🍋，茶又夠熱😋走果時埋單又係好有禮貌，笑容➕多謝➕拜拜➕慢慢行👍

I ordered beef fried rice noodles. the taste was not bad. But potion is not big for me. Usually Hong Kong restaurant serve enough potion of rice or noodles not like this. I'm thinking go to the other shop and have more seriously. It seems this shop opens 24hours. It should be good for foreign traveler.

跟一個同事入去, 下午1240叫了油鴨比飯, 中途催了女侍應一次, 1305 還未到, 同事碟菜遠牛河差不多吃完, 叫正在收銀的光頭中年想取消, 光頭人好大聲說就取消吧, 回到座位剛好碟油鴨比飯到了. 不小心跌了匙, 光頭佬恐嚇我說我刑事毀壞, 想報警, 我也怒火中, 拿出手機給他報警.  光頭佬坐在我對面, 說這麼怒氣, 為什麼還要吃呢? 吃'完都無肉啦, 還周圍對其他食客說為什麼我不開心還要吃碟飯, 剛才這麼火爆為什麼他大聲罵幾句便比烏龜還靜.  隔了十分鐘, 我吃完飯, 若不是同事要等杯熱飲, 否則我立即離開, 我拿出手機玩玩, 光頭佬又坐在我對面想用手機拍我, 我當然用手機擋著. 然後急步離開. 之前已付錢給同事叫他買單.

兩口子諗住簡簡單單叫碟中式牛柳同蟹醬通菜就算，點知佢三月尾都話無通菜，唔係當造季節，咁我都算，咁我轉清炒時菜，佢寫係套餐果一欄，當菜上台時，我就要求伙記給我兩碗飯同湯，佢點知同我講清炒時菜唔係套餐，佢話要七十元以上先係套餐，我咪話佢個餐牌無寫，佢叫我同老闆投訴，我就話叫佢老闆嚟，佢話老闆唔係度，叫我第二日再嚟投訴，態度認真好差，價錢又貴，唔會再幫襯

每次去到這間茶餐廳吃晚， 都非常欣賞他們的燉湯， 十分足料，心機之作。但其他的菜式，不值一提，只是吃飽晚餐就算了吧。 今次點了的魚香茄子煲蝦及韮王蝦仁炒蛋 ，算是不錯，除了韮王蝦仁炒蛋的韮王用葱代替了之外價錢不算便宜， 二人餐約140元。

去過很多次這間餐廳，餐廳空間很寬敞，座位很多，不會有擠逼的感覺。菜品有很多種，有時候望著餐牌真不知道要選哪種食。八寶飯，肉很多，但吃起來有點油膩，需要伴青菜吃。早餐我比較中意榨菜肉絲麵，口感很清淡。

13:00去到吾洗等，坐左90%人，吾洗強制拼坐正題~~常餐肉餅飯個肉餅味道味道正正常常，不過真係好簿，同老麥既薯條比較起來，肉餅比薯條再簿dd個飯就好香飯味，夠晒鬆軟又吾怕濕，抵讚。最後凍奶茶就真係馬馬地.....可能太少奶吾滑。$44蚊午餐如非必要吾考慮...

去到茶記，望著餐牌，不知吃什麼好，店員推介我吃的椒鹽骨，好吧！！就吃這個，反正沒有什麼頭緒。誰知來到的時候，根本就不是椒鹽骨，我問他，這真是我的嗎？？他看到後，也問為什麼會這樣？問我需要换過嗎？我說需要，他便換一給我。换了之後，多了一點椒鹽的感覺，但其實是同一點的東西吧！！我根本已經不想吃了，但無謂浪費，吃吧，可是味道真的太差，這塊豬扒根本硬得吃不下去，沒辦法了，我決定買單走人，去别的地方在吃吧！！！

在尖沙咀行街,行下行下發覺有點肚餓,於是便走進去尖沙咀這間富都茶餐廳,店內的地方很大,我們隨便找一個座位坐下,點了一個二人小菜晚餐,分別點了金菇牛肉煲及豉汁蒸排骨金菇牛肉煲麻麻地,只是一般茶餐廳的普通質素。相反,豉汁蒸排骨味道不錯,有點像是房菜的感覺,肉質後感非常好, 可惜,這菜式由下單到上枱的時候，需要四十五分鐘，是真的需要這麼久？是等得太久嗎？ 對於一間茶餐廳來說要等四十五分鐘實在太久了, 無論質數如何出眾...