寶和堂養生專門店 (Closed)

涼茶係中國嘅非物質文化遺產， 我每次熱氣都會走去飲番杯呢個文化遺產--涼茶。寶和堂唔係連鎖式嘅涼茶舖，係傳統嘅涼茶舖，所以我覺得應該比起連鎖嘅涼茶更加有效。今日因為見女朋友牙肉有啲腫，而因為佢唔鍾意飲廿四味，所以就用咗45蚊買佢最貴嗰隻靈芝龜苓茶，睇嚟應該係清熱嘅頭號幫手啦。呢枝野飲落去甘甘甜甜，唔似得連鎖店嗰啲一大陣糖味，睇得出都係做街坊生意，所以真材實料。其實佢仲有好多其他款嘅涼茶廿幾蚊一大支，十零蚊一碗，其實得閒嚟飲一碗，仲好過成日去飲珍珠奶茶啦！因為飲涼茶飲嘅係健康呀 ！

2-4-2017 (Sun)晏晝,同老公o係象山食完lunch後返o黎,老公話要食甜品=.=”,去邊o度食?佢諗起呢間有蕃薯糖水食,於是走o黎,o黎到睇,有$26.00o既桑寄生蓮子蛋茶,就要一碗,同要$18.00o既蓮子雪耳糖水.我o地坐低後等,女店員先舀桑寄生蓮子蛋茶o黎,之後係蓮子雪耳糖水.我先食蓮子雪耳糖水,睇到有好多雪耳,雪耳軟硬適中,唔錯; 蓮子粉冇苦味,糖水唔甜.食完一半就同老公對調,食桑寄生蓮子蛋茶,桑寄生蓮子蛋茶除o左有蓮子同蛋外,重有紅腰豆,呢個同樣唔甜,紅腰豆就有啲唔多夠腍,不過呢o度o既糖水都幾養生.環境:全部都係木傢俱,好有悠閒feel,但原來佢啲傢俱會賣,重有茶貝,茶葉等賣.抵食係2.5分