寶哥上海味館 (Closed)

下晝同媽媽慶祝生日食lunch buffet夜晚就來個簡單的來到這裏因為下午食西餐夜晚就食返個上海菜小籠包裏面湯汁唔算多， 味道ok，皮算薄奶油津白津白煮得算係爽口嗰種菜嘅份量都ok ，食得出應該係娃娃菜黎個湯汁都幾濃，味道唔算好咸清清淡淡台式鍋貼我淨係覺得算幾抵食三十零蚊咁大隻 味道就係一隻鍋貼啦冇特別豬軟骨湯麵豬軟骨整得好冧好好食湯汁亦都好味，麵的份量亦都足夠酸辣湯麵，酸辣湯嘅料唔算好足夠但係味道ok爸爸媽媽飲嘅咸檸七最後叫多咗客小籠包埋單大概三百鬆啲蚊每人100蚊對於食上海嘢嚟講呢個價錢唔算平因為只係叫咗兩碗麵三個人share 亦都唔係食到好飽認真我寧願上返西九龍上面food court食上海嘢仲抵。

今日放假，同老公又到深水埗一帶出沒探親，今年第1個8號波，好大雨，想行遠少少食都冇心機，樓下就係西九龍，是但一間填飽個肚就算啦環境同服務真係冇咩好講呀，好普通一間茶餐廳。食物:一個lunch set包一碗例湯一杯豆腐，例湯簡單講就係蕃茄味精水。我點左蔥爆羊肉,又ok喎，其實我都幾鐘意食羊肉，少少騷味，炒得唔錯。另一個點左涼瓜牛肉，呢個就麻麻地啦，涼瓜冇味。埋單唔洗一舊水，其實西九龍啲餐廳都好一般，不過落咁大雨當然去商場會方便啲。

今日午餐想煩惱怎麼解決，朋友提議試試呢間，因為每次都經過，就是沒有機會試。今次正好大家都想食上海嘢，所以就進來了。看到有薯粉，很快就決定要試試，我們叫了小雲吞油豆腐湯薯粉，味道還可以。午餐可以加錢追加小食，所以就追加了粉皮，朋友也追加了小食。

平平凡凡的一日 , 筆者和太座如常到 深水埗-西九龍中心 , 返舖頭開門做生意之前 , 先吃個 lunch, 今次幫襯的是 寶哥上海味館 ~Menu ~筆者點了個午餐 , 有餐湯 , 主菜一款, 跟飯 ~ 是日餐湯 , 蛋花魚肉湯 , 筆者看到碗內 , 蘊藏著大量芫茜 , 就知道絕對不合口味 , 所以沒有喝個半口 , 就交給太座飲用 ~ 筆者點的午餐是 , 紅燒獅子頭 $48 , 跟菜飯 (菜飯另加 $8) 這個 紅燒獅子頭 端來時已不是平常 獅子頭 的球狀 , 完完全全是崩塌的 , 實在太不像樣 , 肉質好散 , 醬汁又好鹹 , 感覺好頹 .... 簡單一點 , 就是不好食 ~本篇完 ~

超後悔去左尼間所謂上海菜。食物普通價錢又貴唔值得去試。唔好浪费金錢扮大方話送甜品之後又返悔收回。真係好笑話送既係佢地要收番又係佢。客人任佢玩。不知所謂。一定無下次。

係西九龍想搵個舒服d ge餐廳坐低食野，心血來潮想食上海菜。行經寶哥，可能時間仲早入面一個人都冇🤣見環境都乾淨，就膽粗粗入去試吓…都佩服自己嘅勇氣😏全場得壹個侍應，個姐姐好好人招呼周到，可能冇其他客人🙈午餐跟一杯嘢飲同埋有例湯。例湯太鹹啦飲咗一啖就冇飲，我好驚飲啲蔗水一味得個甜字，呢度個蔗水味道淡淡地我反而仲鍾意。最後叫左糖醋魚塊…糖醋魚塊吾似糖醋魚塊🤣，算啦吾理啦⋯⋯不過魚塊炸得外脆內軟，幾好。

今天去了深水埗買電子零件，差不多到了中午就去了西九龍中心搵食，看西九大堂的水牌真是很多選擇，所以選擇逐層行一下，看看有什麼好食，行到六樓就被一間《寶哥上海味館》門外的客飯套餐吸引了，實在很久未試過吃上海客飯了，我點了上海客飯中我最喜歡的韮黃炒鱔糊，套餐跟一杯飲品一個湯，不過炒鱔糊的味道我覺得差一點點味道，不過份量都算多，埋單$64。

第一次比負評如果唔係太肚餓都唔會心急行左入去一入到去無人招呼 唔緊要 但啲員工態度又差又慢又無禮貌 野食貴唔單止 仲要唔好食 除左加一 茶都計錢 仲要$3位 西九黎講佢都算貴。。。真係愈食愈嬲😭😭😭😭青菜煨雞面 諗住清清地 點知又稀 啲面又林。。。一啲口感都無救命 真係除左啲菜有啲咬口完全無可取既地方男朋友叫左糖醋魚 點知佢原來係咕嚕魚。。。。大佬我想食既係上海正宗個隻糖醋魚呀最後完全唔飽因為無野係好食 於是就上去食food court!!

第二食呢間，上次黎係下午茶。晚餐小菜份量算精品，同售價一致，d 嘢食夠熱。有湯送～粉葛肉湯(咸)， 湯唔夠熱，可能近收工時間 9：00pm 左右豆漿一般，夠甜但無咩豆味。飯既份量幾多。服務一般，可能趕收工。um...左：銀芽鱔糊 hkd55右： 糖醋魚塊 (雪藏魚柳) hkd45有加一同茶芥hkd3. 共$120 。

無論食物質素，還是價錢方面，都不值得一試的一間上海菜館。首先，晚餐set的價錢是可以接受的，大部分都是$50前後，包例湯，飲品。可是一入去服務員便遞給我們每人一杯茶，原來這杯茶是計茶錢每人$3。以為計茶錢就沒有加一服務費？錯了，還有加一服務費呢！原來茶錢和加一服務費還能分開這樣計！而且，他們食物的質素和價錢真不相符。叫了一個蔥爆牛肉晚餐（有飯，湯，飲品，蔥爆牛肉），但裡面的蔥既然佔了超過半兜，送上食物時，整碟都只有一點點熱，很不像剛炒出來，食完我還以為自己食的是「牛肉爆蔥」，蔥才是整碟的主角呢！另外一個是栗米魚肚羹，很細碗，不值得$12，最重要的是有腥味，很明顯沒有去腥。雖然地理位置方便，但下次我寧願食kfc的飯好過。

今日去到深水埗辦啲事， 去到三點幾都未食過嘢 。非常之肚餓， 去咗附近嘅西九龍中心覓食 。一開始行咗上food court， 選擇的確好多，但係就非常多人， 而且啲位置都唔舒服。 於是我就走返落去下低幾層， 睇下有冇邊間餐廳又抵食嘅下午茶。去到唔記得幾多樓， 見到呢間上海餐廳 。見到入面得一枱客 ，而且位置都幾好坐， 更緊要嘅係我諗起自己好耐冇食過上海嘢 ，於是就坐咗入去 ，連個餐廳名係乜都唔知。打開午市menu, 發現都幾多選擇， 而且一份主菜仲可以拼一份小食，仲有嘢飲 。埋單三十幾至到五十幾蚊， 都幾抵食 。我就叫做一個擔擔麵加三隻小籠包 。等咗大概五分鐘 ，擔擔麵就送到， 賣相一般， 用粟米呢伴碟 ，感覺唔係好傳統 。但係擺入口， 味道的確唔錯 ，最特別嘅係花生醬非常濃郁。 小籠包喺五分鐘之後都送到。 小籠包就真係非常好食 。皮算薄， 湯汁濃郁 ，配合埋醋食非常好食。 呢個價錢 配合呢個環境 ，非常抵！ 坐咗大概個幾兩個鐘先走！

今日中午同事話想食上海野 所以就黎到西九龍中心既六樓食寶哥啦 因為食lunch時間 幾乎坐滿 好彩兩個人都易搵位 我地叫左招牌担担湯麵 小辣 $28 麵質唔錯 湯底都夠濃 仲有我最鐘意意既栗米粒 加左 $13/2隻 鮮肉生煎包 皮厚料少 又乾身 唔係咁好食 菜肉雲吞湯麵 $30 個湯好似水咁淡 我地結果要將啲麵浸返落個担担麵到食 雲吞普通 都係好淡 啲皮好淋 一夾就爛 加左$12/2條 大白菜春卷 好脆 唔算太油 口味都偏淡 沾返喼汁還可以啦 但職員態度好差 食個飯都要受氣 野又唔係好食 唔會有下次

在西九龍中心，有各種各樣的美食～好多時都會去美食廣場食下野～但有時美食廣場實太太太多人了⋯今次就去左呢間上海餐廳試下～呢張係特價餐牌，店內仲有其他好選擇～我就叫左個糖醋排骨擔擔麵～～朋友就叫了醉雞來到了～等的時間都唔算耐～一開始見到擔擔麵怕佢唔夠味咁⋯但係！又唔會wow~花生味都算幾重～湯底有少少辣～都幾野味～醉雞，酒味都幾重～雞都算幾滑～40幾蚊有這質素都算係唔錯～糖醋排骨真係正的，肉多，唔會好多肥，又夠「淋」味道酸酸甜甜，酸味微微重過甜～加上剛好的肉質～正！

以前已經食過幾次, 感覺上冇講得咁差, 可能人人口味不一吧。但我自己就覺得喺深水埗區呢間上海野算唔錯, 所以今日再來食lunch。午市價錢不太貴, 選擇也很多, 平均$40-50一個餐, 免加一。兩個人揀了口水雞擔擔麪同黃金炒飯+生煎包。口水雞雞肉算多, 辣度足夠, 但沒有麻。擔擔麪麪質恰好, 軟硬度適中, 花生醬味不太重, 微辣帶少許醋味, 非常惹味。黃金炒飯聞下去很重咸蛋黃香, 食下卻不太重蛋黃味, 但都是不錯的。生煎包沒有影到, 一般般, 包很軟熟, 但裡面沒有湯汁, 有點乾。總括個人認為不算差, 下次還會試其他客飯

當天的晚餐 , 就落腳於 西九龍中心 的 寶哥上海味館 ~Menu / 點單紙 ~ 紹興醉雞 $ 60 : 醉雞的味道不夠酒香 , 亦不夠入味 , 肉質死實兼無雞味 , 溫度也過於冰冷 , 幾粒杞子也沒有杞子味 .... 具體一點來說 , 就是好難食 ~ 青菜雞煨麵 $ 42 : 份量不少 , 湯頭味道不夠鮮香 , 雞肉的肉質死實而無雞味 , 可幸麵條的麵質算是正正常常 , 還不至於過腍 ; 整體來說是中規中矩 , 未至於難食但肯定不是好吃 ~除了食物的味道不佳之外 , 侍應生的服務態度也有很大的進步空間 ~本篇完 ~