寶琳為食喵 (Moved) New Location

呢排捉得多喵喵怪，見到個舖頭名都覺得好似有聲咁！點解住西環嘅我會山長水遠咁一路向北，黎征服將軍呢？就係因為早幾日見到Utravel有個post 介紹將軍澳嘅隱世小店sss啦。我嘅第一站就係呢間寶琳為食喵啦!佢位處於寶琳邨嘅街市入面，冇乜方向咁嘅我一路喺屋邨嘅行人天橋度兜左好耐，先落到去地面，搞到零舍餓呀喂！街市入面都有好多唔同嘅食店，集中埋一齊。雖然話係街市，不過都算幾整潔嘅，又唔會話好焗，所以堂食都okay。為食喵外面有2張枱俾人堂食，我知道呢度嘅瑞士雞脾出名，但係太大隻我又食唔晒，又想試下其他小食，所以我就叫左雞翼芝士撈麵同炸燒賣。雞翼芝士撈麵（$22） 啲雞翼都係瑞士汁，啲雞翼好深色，好入味，又唔會太甜。芝士汁係有少少似新記嗰啲，芝士味都幾重，不過汁嘅份量就少左啲。炸燒賣（$10/ 10粒）真係超抵，1蚊一粒燒賣真係邊度有，仲要炸到外脆內軟，灑埋啲椒鹽，正，不過食完都幾口乾。食完呢兩樣嘢，本身想試埋隔離間寶琳粉仔，不過佢未開，唯有等下次啦！

今日去寶琳街市為食喵，叫左個海鮮芙蓉蛋飯，勁大塊蛋又多料，個飯32蚊加左罐可樂都係34蚊，都幾好味！不過真係幾抵!食完要行多2步消化下…仲有加10蚊有個粟米魚肚羹勁多料，不過唔記得影相，勁滿足!

我知我知，原句係大件夾抵食～認字特警可以抖吓先作為將軍澳嘅街坊，時不時聽聞寶琳為食喵好抵食，三十蚊就有大大份雞脾飯連飲品，隻雞脾仲要成塊面咁大，係咪真架？我一於帶埋我朋友去食先！食飯果時已經夜晚九點，啱啱過晚飯時間，又未到宵夜，人流都無乜，去到就有位坐。寶琳街市唔似其他街市咁有熟食中心，所以好少檯櫈，畢竟佢好多時都係做附近居民同學校嘅生命居多，如果係想堂食，繁忙時間就要留意吓啦。我同朋友都叫咗瑞士汁雞脾飯配豆漿，望到隻雞脾終於明咩叫雞脾大過塊面，而且好多飯，好多色，我平時食開一碗飯，呢個飯大概碗半左右，食完真係勁飽如果係男仔，叫一份都夠食啦！講番隻瑞士汁雞脾，雞肉非常嫩，唔似外面咁會煮到老；瑞士汁甜度適中，送飯一流，就算平時唔係大飯桶嘅我都會扒多幾啖飯而且雞脾煮得好入味，真係食過翻尋味架以前寶琳街市係窮人恩物，讀書果時不時會去食，而家再番嚟，依然有抵食夾大件，仲好好食嘅選擇，窮人依然有福呀！

I love this cute joint because it is heavily decorated with cute cat elements.There are so many choices for food.I got the crispy prawn rolls which were crispy and delicious wrapped in a thin layer of beancurd skin and the minced prawn in the middle was springy.It came with Sweet Thai sauce which I didn't like.I also had the fish gas bladder and sweetcorn soup but I found it too sweet and the thickness was a bit strange because it was quite gummy.Anyway, I am going to come back for the fish and

係fbook時日睇到有人post佢地嘅嘢食，今次試咗蜜糖蒜蓉包同海鮮芝士撈麵，真係幾好味，內鬆外脆，好香蒜味又有蜜糖，即焗，正！！！！無諗到街市會有哩個水準，好多人食雞脾，見人食真係幾大隻，下次都想試下

寶琳街市好多食店入街市，去到粉麵店既後巷就會發現理髮店對面新開咗呢一間小食店有幾個堂食位餐牌很顯眼款式唔少，我都已經幫襯過幾次推介既有：雞翼芝士撈丁（$22/$28加底）圖中係加底既，因為兩個人share唔加底就22蚊，女仔食一個就飽晒！講返個芝士麵，真係同尖沙咀新記有得揮真的好味(已吃過3次,水準平穩！)雞翼味道都唔錯，有汁唔會乾！推介推介！2:炸魚薯條（$26）26蚊竟然可以食到炸魚薯條😮真心唔會有期望不過都算係驚喜之作魚柳唔係果種碎魚肉壓成既魚手指，而係用原塊魚柳有魚肉既質感仲要有少少魚皮連住味道就同美荷樓同西貢海旁無得比架喇但CP值好高！另外薯條真係好好食，香脆得尼唔覺油調味剛剛好，食到唔停口！3: 瑞士汁雞脾（$15）係嫩滑多汁，煮得入味亦夠淋又係一食就停唔到口其實我試左CP值高既仲有雞脾腸仔飯 （$30連飲品）午餐/晚餐可以30蚊食到碟飯真係好優惠不過我本小姐麻麻地喜歡食飯（而且根本食唔晒XD）都係散叫多幾款開心d溫馨提示：雖然食物都幾乾淨衛生但街市始終環境上唔理想（街市味/地濕/蚊之類）怕去街市既朋友都係拎走食啦，唔駛加錢既！大力推介！！