寶生食品公司 (Closed)

琴日食咗好嘢，今日要食啲簡單啲啲平衡一下😆 寶生車仔麵位於水邊圍邨附近，歷史悠久， 每天早上開店 ,好多人都食完就返工、返學，初頭有賣腸粉嘅，而家主攻車仔麵嘞 簡簡單單叫咗三餸麵🍲 豬腸~ 洗得乾淨，彈牙爽口，滷得入味 牛肚~ 腍得嚟帶咬口，同樣滷得入味 辣蘿蔔~ 炆得好腍， 蘿蔔甜味突出，好少帶渣👩‍⚖ 三餸跟麵總數26蚊，價錢都算平價，如果食得嘅辣嘅話，一定要加辣汁， 辣中帶勁🌶🌶🌶🌶， 絕對會令你口水鼻涕齊放🤣🤣

食好西一定要貴？座落於不起眼的街角 在後行一個小房間 只有幾張舊式摺檯摺椅 沒有華麗的裝修 但他們的車仔麵卻吸引一班老街坊 學生排隊買完麵之後就要拎去後行的房仔食只需49蚊包飲料🥤，餸/麵 -$4-7/ 一款對於食車仔麵 我好怕個種鹼水味 不過這家的麵卻一點都沒有 正中我口味一般我都會叫幼麵 感覺爽口 配上滷水牛腩湯底 不太鹹及油膩 味道剛剛好 配菜是整個的重點: 陳皮魚蛋, 爽口彈牙的豬腸(我同我同事從不吃豬腸的 都被其他同事推介 一試就愛上) , 仲有滷得入味的雞翼 每次食我都會叫上一大堆配菜都係50蚊有找包野飲！

學生時代，真的價錢要平要飽肚！寶生，正正是在我學校附近的平價的小本經營的食店！由細食到大麵店，細細個嗰時仲有腸粉賣，依家主要係買麵😭😭😭腸粉就冇咗啦鋪頭位置就唔係好吸引，得老闆2人落手落腳做。光線夠食既地方好乾淨，老細親自洗腸，反而令我食得放心。佢又夠平，但如果要用裝修，佢個度一定會係五合格，佢個度豬血同豬腸乾淨，辣汁一定要食。🤤🤤🤤牛腩牛肚炆得又淋又好食，辣蘿蔔辣豬皮辣魚蛋，蘿白有揀過冇渣，掂！豬皮煮得爽脆，有咬口，掂！豬紅唔會鬆泡泡，夾得到，非常之掂！魚蛋係陳皮魚蛋👍👍👍仲可以堂食，不過就細細間全部都係摺檯摺櫈，小朋友就要小心佢主要做學生同家長生意，所以乾淨衛生，小朋友食唔會太大碗，大人要加$5麵底會好D🤤最正係啲大腸，裡面通得好乾淨唔會有屎！

辣汁好正豬腸乾淨 又好食辣羅白辣豬皮辣魚旦必食推介雖然份量細細份 但加個麵底咩都夠哂餸個方面又5會少得好過份。牛肚牛腩炆得好入味又夠冧豬紅又靚 5會一夾就散雞翼7蚊就有兩隻很正鐘意食辣既人一定要試下個辣汁 個人認為好正老闆又好好人 好有人情味麵底5蚊個 餸有4蚊既又有7蚊既 睇自己鐘意食咩我今日食兩碗先70零蚊 抵呀開左咁多年，都依家冇變過值得一讚以前仲有得賣粉腸都好好食嫁，不過可惜冇得賣 很懷念呢種小店真係買少見少 希望長做長有

之前介紹過元朗咖哩汁雜錦車仔麵，今日要介紹另一間價錢平民、水準適宜嘅車仔麵。位於水邊位邨對面嘅「寶生車仔麵」，可能開得較近學校嘅關係，價錢一直都相當實惠，懷疑真係打後生仔市場生意，所以假日都會休息。事關之前搵工時期手緊成日都會幫襯，真係幫我慳咗唔少飯錢。呢度餸菜係逐份計，每款餸4蚊/6蚊、麵底就5蚊，以我食量兼我照舊所叫嘅餸(豬腸、雞翼、魚蛋、豬紅、油麵)，加加埋埋都係27蚊咋！除咗夠平之外，其實水準都非常穩定。家母就最鐘意食豬腸，每次都會柯打兩份，鹵水夠入味，同洗得乾淨唔會有奇怪味。魚蛋有好多種，呢間用嘅陳皮魚蛋係細個食開個種，個人覺得有味啲同有嚼勁。湯汁有鹵水或腩汁揀，但我每次都係揀鹵水汁，色水同味道好似濃啲。而且鐘意食辣嘅你絕對要加辣汁啊！我雖然唔食得辣，但每次都會叫老闆用湯羹比些少辣汁我，加辣汁後味道上會更有層次，食落比較過癮同開胃。不過呢度嘅麵，個人覺得份量係比較少，有時連我都會覺得唔夠！所以自認胃量較大嘅你，就要諗諗計，決定要加底定加餸喇。另外呢度加菜係當一個餸，喜愛有條菜伴車仔麵嘅你都要留意下。 最後溫馨提及番關於衛生問題，其實舊街坊會知道寶生係夫妻檔拍住上，而食堂要行過

😋呢間以前細細個就已經落去食以前淨麵4蚊，羅白 豬皮 牛腩 牛肚 豬腸 雞翼 豬紅 菜 魚蛋 豬仔 芝士腸都係3-4蚊一款左右，經過左成20年之後呢間都每款只係加左1-3蚊 真係又抵食又好味🍜🍜🍜湯底本身都有啲腩汁，再加埋個秘制🌶辣汁真係好好味👍🏼價錢合理 味道不錯👅 值得推薦其實睇到店舖人手不足，所以未必有時即刻汁乾淨張枱，呢樣嘢都可以體諒下最緊要食麵吾洗熱辣辣流住汗食，因為佢係隔離特燈租左間舖俾你嘆住冷氣食。💪🏻💪🏻💪🏻💪🏻💪🏻

還記起我中學那七年時光，中午飯一直往外跑！學生時代，真的價錢要平要飽肚！寶生，正正是在我學校附近的平價的小本經營的食店！講真，出左黎社會2年，在元朗吃午飯既機會真的不多。今日，正好心內有癮的，過黎尋找懷舊的味道叫左魚蛋、豬皮、豬腸、牛腩中辣粗麵魚蛋還是用舊時的魚蛋，新既魚蛋係成個球狀，一睇就知係機做！舊時既魚蛋係有咬口，仲要係扁圓狀的！一直以來，還是舊時魚蛋較為好吃豬皮就吸收辣味，非常爽口！寶生，做得好既原因往往係麻辣味！佢既辣，不像永年那樣有刺激性！豬腸就清潔得非常乾淨，混合麻辣味可辟左豬腸俾人感覺上的腥味！牛腩就真的不過不失，始終純粹for飽肚，因為個牛腩不太淋，又吸唔到汁既味！寶生，還是能讓元朗人回憶往時的青蔥歲月吧！希望小本經營還是會有繼續奮鬥的動力！

呢間店歷史我估超過20年,20年前3餸一麵是15元,今時今日仍是15元.不吃車仔麵,也有腸粉,魚旦吃...不過平.也不可要求有熱情的服務.同環境.環境有些人接受唔到.一日末關門一日都不執枱的...我點了三餸...豬腸:幾彈牙.細細件,有正宗舊式車仔麵的感覺.不過有少少豬腸肥油無洗乾淨..有點失色...腸仔:絕對不會是廚師腸,現在的廚師腸很貴,呢間的腸仔硬硬的,無味的.差...牛肚:好入味.同林.........加了辣也不辣.賣相也變差......

　　記得中學時期都看見同學吃這個吃得津津樂道..在中一~中三不能外出吃飯時，同學們仍"冒死"購買，可想而知它的魅力相當大。當然，除味道外，還有它的價錢相當便宜，對於我這種零用錢不多的學生，這裡可算是不二之選。　　甫見店前，怎麼人也沒有？心在掙扎是否味道已變，但再看看這家専做學生生意的"老店"，今天是星期６，大概學生不會來。於是便與男友上前點上食物。不變的是價錢依然如此使人快樂，而且餸的款式也不少，我以前吃的還在。我跟男友這２位大吃的"同學"，２人的的面底也加大了。而我則點了魚蛋和豬腸，男友的是菜、牛腩和豬紅。我的湯是半腩汁加辣．男友的是全腩汁加辣。(全腩汁不會十分咸，而且味道濃郁，我２吃後也沒有甚麼口渴的感覺）　　　拿取食物後的我們，十分熟悉地走到在側的房間。房間設備雖然十分簡陋，但勝在涼風充足，不用邊吃邊抺汗水(那可是十分要命的)。　　拿到戰利品後我２快速坐下，先坐一坐，亨受那涼風快意後，即互相交換戰利品，你一塊時我一件，互相交換後便吃得狼吞虎嚥。一向的習慣是先吃一吃那入味的魚蛋，內有小小果皮味道，再加上特製咖哩的確令人回味無窮，再來一口肥美帶”蘇”味的豬腸，確令人十分痛快。看看男友

以前唔係呢個名，可能轉過手，不過格局同廿幾年前係一樣~細個o固陣最鐘意學完野去食串魚蛋，仲有入一蚊可以搖搖下既車仔/馬仔玩架~而家o的車仔麵個湯底同香味同以前都係一樣~食懷舊氣氛~幫襯既都係附近街坊~