寶記串燒店

Open Now

Now Closed

食完幾次晚飯經過舖頭聞到好香，今次食飯特登留肚，經過既時候買左幾款串燒/燒肉尼試下：➡️豬頸肉一塊 $30➡️羊架一塊 $50➡️雞腎一串 $15➡️雞軟骨 $15➡️牛脷 $15➡️雞翼 $15拎外賣既時候 姐姐問我要唔要辣，我話放側邊，姐姐極力推介話試少少淋喺面啦，我地啲辣好好食架。臨閂埋外賣盒前，姐姐落左少少辣同埋淋左蜜糖喺面！果然，落左辣同蜜糖係令啲串燒生色不少，款款都燒得好靚，特別係個雞翼、豬頸肉、同埋雞腎。唯獨是羊架有陣幾強烈既s羶味。。。Overall尼講，好食！

同朋友喺大角咀食完飯，諗住食少少宵夜，坐低姐姐都有招呼我哋，不過就係咁問我哋食唔食海鮮🥹我海鮮過敏所以都拒絕咗幾次，但係都不斷咁樣問，搞到我都有啲唔好意思😢叫咗個炒烏冬同韭菜，仲有其他不過就冇影低，食物質素一般，如果唔係必要下次應該都唔會再嚟～

我哥哥是這間店嘅常客，佢講咗好多次話呢間啲串燒好好食，今日大家唔知食咩好嘅時候佢就諗起要帶我去呢一間越式串燒店，去到我亦都被佢牆上既graffiti 所吸引，因為都係以越南做主題嘅食物方面： - 最令我深刻就係佢嘅燒魷魚，佢嘅味道令我諗起細個時候喺尖沙咀華懋戲院出面賣嘅烤魷魚，仲記得細細個既時候爸爸知道我鍾意食佢會成日買俾我食，依間燒出嚟嘅味道可以話係同我以前細個食嘅味道一樣 - 其次係燒烏頭，因為我係一個好鍾意食魚嘅人，但呢間燒烤店用嘅香料再配合佢嘅特色燒法會令烏頭嘅香味更突出，烏頭亦唔會燒得過熟，魚肉燒完之後仲係保持好嫩滑 - 粉絲炒蝦都係推薦之選，蒜蓉同牛油嘅香味好突出，帶出蝦嘅鮮味，而粉絲吸收所有材料嘅精華其實仲有好多好食之選不能一一盡錄，例如豆卜、牛脷、雞泡魚乾、雞腎、五花腩同雞軟骨等等…都係以越式醃製方式服務：老闆同老闆娘都係越南人，都好好人，甚至乎熟絡咗好似朋友咁傾偈環境：比較地踎啲，如果試過去越南既朋友，其實餐廳都與當地既餐廳感覺相似總括：諗唔到食咩就會諗起佢，可以提早打俾老闆同佢講你想食咩海鮮或食材佢會為你提早安排，依間店會係我晚餐同宵夜首選嘅選擇

食完飯落街散步見到呢個串燒店， 冧住試下 因為宜家好多串燒店都有低消同偏貴😕 但呢間價錢都合理　$1x一串就叫左一串燒韮菜、一串雞肉 一串豬腩肉2串牛舌 一份豬頸肉。 味道一般，等得偏耐 尤其係豬頸肉等左好耐先上 但係得蜜糖味....☹️韮菜最早到但燒得唔夠耐，有陣草味，燒耐啲會好食好多；牛舌豬腩肉同雞肉本身個腌料都好食。餐廳都有紙巾同牙籤好貼心。最後埋單都係$80，所以都幾抵食😀但係有一樣要注意係個老闆比較燥底 講嘢比較粗獷，所以最好唔好催佢啦，個日因為得我哋一張枱，等左好耐先問一問...😕

有次覺得唔係好肚餓就同老公食下串燒，見街邊好似幾好風味就坐低叫左串燒加個炒麵。等得耐已經係覺得唔ok....唔餓都等到餓好啦，終於食物嚟度，好勁係可以做到串燒無燒烤味，可以話無味，好似係爐上面燒一燒有色就比我食，靠個汁搭夠🤨🤨除左個炒麵係掋食，總結我就唔會再幫襯，一次夠了

大角咀區專門吃串燒的店子越來越多，但調味通常傾向內地重慶的濃烈香味為主，較少吃到泰越店可找到的串燒味道。寶記賣的正正是難得的越式串燒！各種豬牛雞肉串燒都用上了黃薑醃製，不像一般調味蓋過肉味，好鮮味！要特別推介五花肉，非常入味，喜歡吃肉的肯定會捧着肚子離開！寶記是類似半開放式的排檔模式運作，多數都是老闆夫妻二人工作，等食時間比進食時間一定多。但支持這些小店，又怎會介意等多一陣呢？反正只要有點耐性，食物總會來的！

聽朋友講食串燒係大角嘴有間平靚正即串燒店，一去到見到得路邊坐位，已經打左個折，衛生程度好極有限，枱櫈癡粒粒，紙巾好似比人呻過鼻涕咁。叫左份韭菜，都唔知係燒定烚出黎，串燒又冇味又唔香，肉質好韌，睇其他食評話有自家醬汁，L有自家醬汁咩, DKGH!!啲嘢食已經唔係平，仲要係難食，唯一好處係環保，唔L洗開冷氣。全程老闆娘冇洗過手，掂完生肉又掂個夾，水都慳翻。一間串燒店，可以聞唔到香味嘅，都算係幾失敗下，當問到老闆娘有咩醬汁既時候，佢回應我地冇醬汁架喎，全部醃曬係啲肉度，越南串燒係咁架，越南串燒係咪標榜冇味串燒架，啲嘢食有味唔洗問你有冇汁啦！衛生程度，食物質素，價錢，擰曬頭，唔會再食佢，唔知有冇食環出既牌，因為完全見唔到。

呢間串燒店真係毫不起眼！ 有少少潔癖嘅應該唔會睇佢上眼，因為全部嘅座位都係坐路邊，街邊！ 仲有，呢間店明傳其實的夜食店，因為佢只會在夜間營業到半夜。店只有一對夫妻營業， 簡單說， 街坊生意吧。 一般串燒店的的食品呢度都會有， 仲有炒面， 燒海鮮，但我超鐘佢整嘅自家串燒汁，令到串燒超級惹味~~~不太繁忙的時候，老板娘同老板會同食客吹下水，有時仲會飲一杯！除左呢樣之外，我又好鐘意佢飲品可以外帶！當然，呢度都有幾款啤酒，飲料等！希望呢間小店可以堅持落去

今日同男朋友行過,見到呢間完全唔起眼既串燒順手就拎起張餐牌睇下, 一睇, 呢到既價錢就丁到我們了雖然係一般既野食, 但真的很平芝士腸 - $9丸 - $9台灣腸 - $9冬姑 - $9金姑 - $18大眼雞 - $68烏頭 - $55海鮮 - 時價仲有好多好多, 最衰我唔記得影個餐牌價錢真的很平我們2人一共叫了10樣野食雞亦冬姑烏頭金姑台灣腸白飯魚牛肉..(我唔記得了)先講雞亦, 一般, 不夠咸冬姑 - 很好吃, 不是一般燒的, 不乾身, 入口很香金姑 - 很底食, $18 佢真係比足一包金姑你, 係街市買都7蚊包, 而家有人煮埋, 真係底到咸台灣腸 - 同係一田食既一樣, 好味! 不過一田收你15蚊一條, 佢就收你9蚊3條, 你話幾底.白飯魚 (我未記錯既話) - 這個味道ok, 但太硬, 我不推介, 食為會食到口軟牛肉 - 一般烏頭 - 必吃!!!! 原本叫大眼雞,但因為冇曬, 老闆娘話食烏頭啦, 包你話好食, 好, 我就試下你有幾好食 點知, 真係一試難忘!原來係鹽焗烏頭, 用錫紙包住查滿鹽的烏頭一起燒, 烏頭內還有姜, 蔥, 洋蔥. 超級細心,

住係呢區已經有3、4年，平時都係呢區搵食！一直無試過寶記，因為多數幫襯2街之隔另一間串燒檔！今晚無拉拉又想食串燒做消夜！點知去開果間休息。我男人提議試下佢啦~ 所以真係話野唔可以亂食！我地叫咗燒賣、金菇、雞肉、雞腎、五花腩，想叫蝦但係已經賣晒，店員推介話今晚牛肉好新鮮，於是叫埋試下啦！外賣3大個拎番屋企，一入門就即刻開餐！先說明，由呢檔野行番屋企入埋門口3分鍾有找！所以食物溫度不存問題！*蒜蓉金菇我地淨係聞到同食到美極味！*雞肉串係凍肉舖package好晒一串串果d勁「鞋」雞胸肉！*雞腎燒得唔夠乾身！*燒賣，乾燒！無任何調味！*「好新鮮既牛肉」唔係新鮮，好un，有牙力都咬到牙較軟！寶記串燒，我地兩公婆已經black list了！

一間唔起眼既大排檔式小店 沒有漂亮的裝潢 但有價廉物美既野食。食左寶記差唔多年幾 都無人幫佢出食評唯有我出手 第一次寫食評就寫佢啦~佢GE食物多數係用 蒜溶, 蔥花, 牛油, 鹽等作調味帶出食物本身的味道，而唔係坊間多數用的調味粉。個別製作方式仲可以同老細提出架。但係寶記既位置唔係咁就腳，同英記油渣面仲有一段距離。不過如果識得食既都唔會介意果少少距離既~