小巨蛋 (Closed)

今日放左學,知道小巨蛋被飲食男女評為在油尖旺區排名No.1奶茶,於是去咗試吓。一去到,我就要咗杯黑糖珍珠奶茶,老闆仲話我識飲飲等咗五分鐘,杯奶茶終於到,於是第一時間就開咗去飲真係好正!奶和茶味適中,唔會太甜,珍珠仲好有咬口,我仲飲到黑糖味!飲食男女果然冇介紹錯!所以我決定帶同學去飲一定有下次!

全新推出黑糖系列，供應期有限。$13。黑糖黑芝麻奶茶：今次原汁原味，只是叫了少冰，感覺甜味也可接受。這個黑糖黑芝麻奶茶的黑芝麻味比黑芝麻奶茶的較濃，讚！飲用時要搖勻哦，皆因有不少黑糖和黑芝麻粉沉澱著…

服務好好呀.諗左好耐飲咩.老闆娘同其他妹妹都好nice咁介紹.唔係handsell.仲好好笑容.抵讚.最後自己都係點左黑糖珍珠奶茶,唔洗等好耐就有喇.其實我飲唔出黑糖味.不過就覺得幾好飲,唔係太甜,凍得黎唔會話有好多好多冰.同埋真係好大杯

夜晚11點..唔洗排隊..佢有好多選擇..好多唔知係咩既名..不過店員都一一解釋最後叫左紫椰林加紅豆同香芋奶茶加星鑽..兩杯個味好似..甜咪都ok既..不過仲可以小甜d味道又好似普通左d唔會話有比突出囉不過星鑽好正..粒粒星星

最近同啲同事都迷上咗小巨蛋嘅珍珠~對比起人哋嗰啲飲品,我真係覺得佢啲珍珠好得~彈牙之餘又唔會淡而無味,價錢唔貴,又大杯,仲可以儲印仔換多杯~唔係幫佢賣廣告囉,因為真係唔差!可惜佢成日排匹長龍,可能始終舖位同器材問題~最值得讚嘅係老闆同老闆娘啲服務一流,笑容同態度超親切!!!不過啲妹妹仔就差啲喇~

今日再試下小巨蛋~叫左「碧海寒天」，貪個名好聽~~都幾多人，要等一陣先有~以為杯野係綠綠地色的，原來唔係，只係蜂蜜綠茶+2種寒天......更何況我覺得唔係寒天來的，似仙草+愛玉多d...飲落杯綠茶都冇咩特別，而且偏甜...令我覺得有少少蝕左...

之前睇過食評, 俾小巨蛋這些特色的飲品吸引真係好想試下呢!突然好想飲香竽味道的飲品, 就一於試下香竽和椰汁製成的紫椰林。:香竽的味道比香竽奶茶更濃,而且好香好自然。椰味不算突出,所以唔怕會好甜好漏。只是奶茶的奶味變成椰子味, 但我認為配合椰味更match更fresh呢!仲有免費加珍珠,真係好抵!加上珍珠更加好味, 而且珍珠的軟韌度剛剛好, 好好味!對其他特色飲品好有信心, 必定再試!

係太子行左一陣就見到呢間~位於太子B2出口的~店內標榜用黑糖做飲品，話會健康d...甘就試下招牌的黑糖珍珠奶茶啦~一大杯要$12~不過飲落又冇咩特別wo...奶同茶都好普通~飲左好耐都冇飲到黑糖味......而且杯奶茶都偏甜......珍珠都比較少...不過睇在買十送一份上就算啦~

天口太熱，試了碳燒MOCHA和黑糖奶茶。碳燒MOCHA很有咖啡的香味，但不是很MOCHA，也算做得合格多D了。黑糖奶茶太甜，有點淡(但不是因為多了奶)，差了D，也比對手差。

我同媽咪特登出來太子，就是要尋找台式飲品和雪花冰!而小巨蛋就在MTR的旁邊，小巨蛋旁邊都有很多新開的台式飲品店!ニ話不說，立刻買一杯榴槤飄香試吓先! 榴槤飄香 700cc $15賣相幾靚! 仲有很多胚芽!入口第一啖榴槤味頗重!可是榴槤味重的味道只是維持短時間 ，入口挺滑, 我想應該是榴槤雪糕加大量清水打造而成! 還可以的。下次經過，我會試吓招牌的黑糖珍珠奶茶!

去開太子, 一出地鐵就轉過去試下間小巨蛋!當時鋪頭冇人 老闆好nice好好笑容 介紹野飲俾我地睇兩睇就落order 黑糖珍珠奶茶 少甜少冰!好味 不過飲落又唔覺黑糖有咩特別味 珍珠size唔太大又唔太細,唔太軟又唔太硬!正!不過杯野size真係太大啦! 我飲一半就飽,盡人事都係飲剩少少就掉左老闆娘話: 咁大杯先係正宗嘛!!朋友order左黑糖奶茶巨冰其實係沙冰, 都好好味 夠晒消暑太子都新開左好幾間台式飲品店, 路過我會試下其他!

$15。鳳梨園：鳳梨味甜味剛好，不會過甜有太膩之感，入口還很清新，解渴挺好的！$15。雙芒會：內有芒果金鑽=果凍粒。整體來說芒果味道香濃，與椰汁的配搭絕頂，很滑，不錯！已集齊十個印仔了，能享有買十送一的優惠，此店除招待有禮外，還有個優點，就是可選用八達通付款，方便極了

七月二十六日 (星期日)吃過澳洲牛奶公司,當然未夠飽...急忙帶忙老公仔到太子一喝小巨蛋為什麼?因為有他最喜愛的榴槤特飲 - 榴槤忘返可能是加入了肧芽,老公仔覺得它搶去了不少味道很大杯,而且很"杰",老公仔只能喝到大半就投降整體而言不是太理想,細杯一點會更好而我就喝了百香果綠茶很清甜,在夏日炎炎,是非常消暑的飲品老闆娘很友善,在我們影相期間,和我們有說有笑而且歡迎我們任意影相....原來她的老公也很喜歡影相呢!

途經太子我就去試下最近係太子好hit既小巨蛋聽說它是用黑糖, 比較健康的飲品因為天氣太熱的關係, 又想飲解渴既飲品就揀咗小巨蛋奶茶巨冰我初時還怕自己叫錯咗, 我以為巨冰只係凍飲原來佢係沙冰呀~叫佢小奶, 小甜~我期待的一刻, 但覺得味道一般,沒有什麼茶味, 只覺有少少黑糖味~不過我又不能用巨冰作準(他的味道好不好)所以我下次會試多一次佢既黑糖珍珠奶茶呀~

一行到去woo~老闆就好nice咁笑笑口問我地要飲d咩其中3個包括我都叫左黑糖珍珠奶茶!另外果2位share飲蜂蜜奶茶但話晒依度個gimmick就係黑糖 咁緊係飲依個啦!等左應該有10-15分鐘先黎齊晒4杯野!ok啦!可以接受!黑糖珍珠奶茶我飲唔出有黑糖味/"\難道我熱氣==但我另外果2位朋友就話飲得出...........珍珠比之前我飲過既貢茶少奶同茶既比例ok!等緊果陣老闆真係全程都係笑容滿面!我想唱錢!佢又好好人同我唱~服務態度甚佳!買左4杯有4個印 儲夠10杯送一杯16元以下既飲品!好!絕對有下次!