小巨蛋 (Closed)

今日天氣好熱 去到太子見工 經過見到小巨蛋 就停左係到睇下有咩好飲可以解下渴跟住個老板娘就好客氣咁話:哥仔 今日飲咩呀 佢介紹左我飲巨峰沙冰 14$唔貴 大大杯等野飲其間同個收銀姐姐吹水 所以覺得唔係等左好耐 味道唔錯 勝在夠大杯 d冰好幼細 好解渴 係lee d咁熱嘰天氣飲真係一流 ps:個收銀姐姐同班員工都好好客 ,收銀姐姐叫我買多幾杯 但最後我都冇買到 老闆娘就話佢牙力唔夠 游說唔到我 唔簡單抵飲 有傾有笑 讚"

食飽飯... 經過聯合.. 見到佢話"台灣正宗黑糖珍珠奶茶"出名... 又標榜材料全部由台灣運來... 買左杯黎試~ $12.. 大大杯都算抵飲~~但.. 奶茶不夠香... 也不夠滑... 而黑糖... 同普通糖... 好像完全無分別~~~其實佢又唔係唔好味.. 只係. 一心以為能飲返台灣的正宗味道... 點知.. 都係一般貨色~ 有點失望~~

以前系台北旅遊。就飲過次正宗珍珠奶茶。意猶未盡呀！D奶茶真系好飲。今日系朋友果度聽講太子有間小巨蛋唔錯，系正式臺灣珍珠奶茶，我一聽！！一定要去試下！夜晚收工就來裡間小巨蛋試下！！哇。。位置蝕佐D~不過裝修幾顯眼。嗯！睇下先！！嗯嗯~品種都幾多。老闆都好禮貌介紹個黑糖珍珠奶茶。我就聽老闆話點佐個黑糖珍珠奶茶。12元都系中等價錢。等佐1分鐘左右啦。都幾快！！因為得我一個人嘛，哈哈！哇。D味。。真系。。。唔知點講好，真系好好飲。依家我終於知道“正宗”哩兩個字點寫了！同以前系台北果D珍珠奶茶真系同一個味道，唔通台北果間系賣搬來哩度？嗯~~~唔止奶茶好飲，D珍珠都夠Q！忍唔住我又返去又買一杯，返去比Dad飲！以後就唔去第二間啦。小巨蛋真系勁！！日日來飲。

本身見到「黑糖珍珠」呢個賣點好吸引因為話灑係台灣一試難忘當然! 唔會諗住香港既「黑糖珍珠」會追得上台灣既「黑糖珍珠」但係... 真係冇味lo....個奶茶都算平常 同另外係登打士街既兩間差唔多但係d珍珠真係完全冇味咬咬下完全唔知自己咬緊咩真係幾失望下...

今次係我第一次寫食評, 就寫下我經常幫襯o既小巨蛋啦由於我住附近,而又勁鍾意飲台式飲品,所以旺角至太子一帶o既台式飲品外賣店都試均而小巨蛋係我keep住幫襯o既一間以下係我推介(我成日飲o既兩款):黑糖珍珠奶茶-茶味濃,奶同茶比例適中,黑糖味甘香朱古力冰沙-朱古力味超濃,冰沙打得幼細,唔會有o的打唔勻o既大冰塊仲有值得一提o既係, 呢度o的店員好有禮貌,個個都面帶笑容,就算好多人o既時候,佢o地都keep住面帶笑容, o係旺角太子呢一帶,真係無邊間食店,外賣店做o到好似小巨蛋咁,值得一讚

見它在openrice的名次不斷上升,更到達第一位,真的不可不試呢!老闆的服務很好,而且店內的環境乾淨衛生。小巨蛋的奶茶味濃,而且偏甜,但甜得黎又味;雖然如此,也不失其茶味。珍珠則較其他淋身,但非常煙韌,是我最喜愛的。試了其招牌貨”黑糖珍珠奶茶”老闆說用黑糖取代用普通的砂糖但黑糖的味道並不突出,反而突顯出茶香,是較為出色的原味珍珠奶茶。再試的是”芋香珍珠”芋香味濃,而且來得清新。顏色也較紫,可能係芋香粉下得比較多吧,不過也算是好事!整體來說還不錯吧!會再光顧!

朋友叫到, 話去小巨蛋 買野飲, 太子近聯合總共開左3間台式飲品店, 要搶生意真係要有自己既特色, 令人想一試再試, 同埋印象深刻先得, 如果唔係咁多間, 都唔知選擇邊間好。上次試過TEA一TEA, 今次朋友叫我試下呢間，其實在OPENRICE一早已經見過佢個大名----小巨蛋，個名又幾得意, 今次去到, 可能地鋪較為偏遠, 唔算多人, 又可能已經7點幾, D人去晒食DINNER la。因為中午返工飲左杯凍奶茶, 今次想飲抹香奶茶(加了珍珠), 都是$10 咋~!!!!! 老闆娘極力推薦既 黑糖珍珠奶茶 就由我朋友試。他們人手好似好少, 都要等左一陣, but 好大杯, 又係個D大杯到會飲飽肚o個隻。抹香珍珠奶茶, 對唔住, 我唔應該點呢杯野, 對自己個肚唔住~!!!!! 唔....................起初幾啖, 有抹香味, 唔覺佢係奶茶, 是抹香珍珠?????茶味一D都無, 成杯奶, 飲到中間仲好似無晒D抹香味??????,..........我想我誤會了抹香珍珠奶茶是抹茶奶茶..........................還是HAPPY LEMON既抹茶正正呢。但

As I remembered Lemon Tea’s recommendation on 小巨蛋, I forced my friends to try out 3 drinks with me when we walked past this store the other day. 招牌黑糖奶茶 ($12) – The best of the 3 that we tried. The tea flavor wasn’t as strong as I would have liked (or expected), but the black sugar (黑糖) added a noticeable burnt caramelized sweetness to the drink. I consider this a nice variation to help differentiating this tea from the massive Taiwanese milk tea products out there. The tapioca balls were che

27/6/2009 (星期六)今日下午去觀塘做完義工後回家路經太子，所以順路去試下近期的人氣店小巨疍的珍珠奶茶，那兒的位置並不顯眼，被太子地鐵站的出口擋住視線，係對面馬路都見唔到小巨疍，一定要行到入去果條街先至會見到，旁邊有瘋薯和另一家台式飲品店，最近台式飲品店真係越開越多，成為一股熱潮，行過兩條街又有另一家台式飲品店。我見黑糖幾特別又未試過，我就叫咗黑糖珍珠奶茶 ($12) 試下，趁等候珍珠奶茶的空檔，我就拿出相機來拍照，女侍應非常好人，話比我知要茂低身先至影到收銀柜枱前面小巨疍的紅色招牌。話咁快，我影完相杯珍珠奶茶就到手啦。黑糖珍珠奶茶： 杯珍珠奶茶好大杯，有很香的茶味，唔係太甜，好好飲，杯內有好多珍珠，好大粒又好好食，而且用黑糖比起用白糖和砂糖健康。

今天經過發現開了此新飲品店, 一試黑糖珍珠奶荼黑糖珍珠奶荼完全沒有黑糖味道, 而珍珠也嘗不到黑糖味.真不知道加了黑糖沒有? 而奶荼味道和一般街頭的珍珠奶荼沒有分別但總之旁邊的i茶好飲試了一次後不會再試了

見開飯好多入讚，我個茶精緊係要去試試。我叫咗杯佢嘅招牌黑糖奶茶+咖啡果凍$15，我係要半甜、走冰（本來我係想微甜嘅，但係佢冇）等咗約4分鐘、其實唔算快，因為我前面只有2個人買嘢飲，又因為只有1個人冲茶到我喇！我見到杯茶裡面有珍珠，因為我唔鍾意食珍珠(成日買奶茶D人都好似聽得唔清楚，畀咗珍珠我），於是佢都好好人幫我換過1杯。飲落杯茶覺得茶味好似唔多夠、我覺得被奶味蓋過添至於黑糖味，我又唔多識分別啊仲有D咖啡果凍我覺得太大舊，我好難啜到，飲完杯茶仲有好多起個杯底度其實佢同TEA壹TEA都係奶味比較重，不過飲落味道都係唔同嘅。但係佢個價錢好似貴過其他奶茶鋪少少。其他奶茶鋪平均一般$10-12有交易。不過，我都覺得幾特別，至少出面D台式奶茶唔係用黑糖，茶味多番D我諗應該幾好飲仲有D果凍切細舊D更好。佢地服務都好好，努力啦！

次次去完瘋薯都會去呢到買野飲但係都好似唔係開左好耐)第一次去到老闆+老闆娘係到但近幾次都係得老闆佢地勁好服務 就算你買一杯野飲都好好笑容 唔似得旺角果d咁 黑住塊面 講返佢d野飲 會比出面既同類野飲甜左少少(次次唔係我買都唔知可唔可以少甜)但係都好好飲 但係佢好多野飲都有黑糖黑糖同普通糖唔知有咩分別

呢排太子開左好多台式飲料專門店成日行過都冇機會試下~尋晚上黎open rice睇下d食評發覺小巨蛋好似幾好於是今日走去試下~去到counter前面,都唔知叫咩好呢個時時候個收銀姐姐好好人咁介紹佢地店舖既黑糖珍珠奶茶($12)話用黑糖整既,入口會好滑~~咁我就試下啦~即叫即做等左2分鐘到(得我一個客)一杯凍冰冰既黑糖珍珠奶茶就完成啦~我最鐘意係佢地d飲管係獨立包裝(唔知係咪間間都係架呢??)夠衛生杯奶茶真係好滑又飲到有茶味我個杯唔算多冰(我冇叫少冰)個人認為甜度ok仲有就係睇落好少珍珠但係食極都食唔完(岩晒我呢d珍珠怪)一個人清晒成杯^^個口仲有陣黑糖&茶味添整體黎講非常不錯雖然比其他鋪頭貴一兩蚊不過一流既服務都抵返晒啦~其實以前食過d黑糖既糖覺得一般,但係飲落去又幾ok...可以一試同埋有張買十杯送一杯既卡背後有齊晒所有飲品&價錢not bad期待下次既芒果冰沙

１１ＰＭ去到都仲開，試咗黑糖珍珠奶茶個呀叔Ｄ Service 又幾好，不過慢咗Ｄ，可能夜啦，經過一日嘅辛勞之後蛇都死啦…奶茶味幾平均，幾好味，Ｄ珍珠軟硬適中，Ｄ珠多少少甜味會好ＤＤ珍珠係好多…比例唔係好啱overall 係唔錯，會再去試

買了一杯黑糖珍珠奶茶。入口很香滑...珍珠份量奇多，飲到無晒奶茶個底都仲有好多。珍珠好Q，亦唔會黐埋一齊。甜度適中，奶味濃，相反茶味就較淡，唔太出味。要了少冰，所以飲到最後都好濃味。