小巴黎越南餐廳 (Closed)

差唔多半年冇食過依間野。今日行過屋企人話想食番佢，所以就食下佢既下午茶。其實半年前食過依間都覺得一般，只覺得香矛豬扒檬粉食得下(味道一般), 價錢又唔算平，普通一碗檬粉連飲品下午茶價都要$50左右。不過冇所謂啦，屋企人覺得岩食就ok啦。點知只隔半年時間，依間野既野食由一般級別至跌落勁難食級別。碗檬粉完全冇味，好似用滾水煮出黎咁，豬扒又硬又冇味。成碗粉食左兩口就唔想再食。最後埋單走人再去隔離間餐廳食過。感覺好似用百幾二百買左三碗垃圾。以後都唔會再去依間野

晚上七時来吃晚飯 ,叫了個香茅豬扒飯.無香茅味, 放左好多好油既葱, 好似中式葱油豬扒飯甘, D飯重要係一舊!!!!. 好多水,. 好难食 以後都不会帮襯. 43 元, 不正宗! 不好吃!

無意中發現原來小巴黎原來搬左去新虛，就入黎試下啦⋯⋯點左香茅豬排飯同鮮蝦扎肉捲，果然是小時候的味道！雖然太飽，食唔曬d飯，但其實好好食！值得再黎對好多次！服務態度，唔可以話好好但都令人好舒服！

小弟的第一個食評只能給了這間絕頂的餐廳..當晚路經此店心想小巴黎都曾經名極一時, 應該都不差的.. 所以會同太太入內進食因太太的要求我們 叫了一碟香茅猪扒飯及一碗 牛肉河他們用了只是5分鐘左右上了一碟香茅猪扒飯...不過當初我還以為他們上錯了食物...因為此碟一見難忘的猪扒飯共有3片猪扒而且各有特色...三"片" 都是不同味道及顏色(感覺是不同餐廳供應的香茅猪扒一般)而且最有趣的是...當我向職員詢問時...他們居然有如習以為常般向我解說...諸如 :  煮的時間不同/大片小片所以送多一片(答非所問).......總之他們的意思就是" 你一定要接受這個事實" 而且他們完全不覺得這是一個問題...最後只能無奈接受.(因之後趕住去睇戲)...還好它的味道不是難以入口...不過對這"老字號" 不禁搖頭就是了另外還好他們還有點安慰的就是他們的牛肉河...湯水還算有牛香, 而且沒什麼味精的感覺...

今日晏晝去咗小巴黎食lunch,嗌咗1碗香茅豬扒湯河同一碟香茅豬扒雞翼飯。雞翼都ok,豬扒冇香茅味同又薄又嚡。香茅豬扒湯河個河較淡，40蚊一碗河粉只有一塊薄到紙咁嘅豬扒，完全唔值呢個價，又唔係平越盞好多，咁嘅價錢真係接受唔到囉。成餐唯一好味就係杯椰汁冰

學生時代常去荃灣路德圍既小巴黎食飯，果時一碟飯連飲品都係$25蚊。十幾年後，通脹已經將個飯由$25連飲品升到$43冇飲品...只感嘆d錢愈來愈唔見使呀~講返正題。小巴黎咁多年來質素都冇乜變過。我由荃灣搬了屯門，以前係市中心果間食，環境舒適點，而家仁政街的似茶餐廳多點，環境嘈雜點，台面比較窄。但香茅豬扒飯既豬扒都係大大塊，滑嘟嘟，油淋淋(我鍾意呀)，勁多肉。蔥油依然好香(重口味的我次次會叫多蔥)，配飯食一流。飯仍然係大大碟(麻甩飯size)，叫左少飯既我都係食唔晒很配服d餐廳咁多年都水準依舊，味道不變。希望佢keep落去

呢間野食過兩次，應該唔會再食了。就食物而言，份量係大既，味道就尚可啦～但最突出一定係服務態度。呀姐們既服務態度真係無得頂，完全係唔想做咁，落漏單，上錯菜時叫都叫佢唔住已經閃開左，真吹漲

叫左個2人餐食有5樣食物再包2杯飲品蒸粉卷-已經一上枱即襯熱食,但粉皮太厚熱食都係硬,餡料太小又冇味全靠面頭花生碎及蔥油先有返小小味炸札肉-口感唔錯有小小蝦餅感覺,彈牙又唔腥香茅雞翼&豬扒-雞翼雖然大隻但好入味肉仲好滑又唔會唔熟,豬扒又簿又小肉鞋又硬,以前必叫來食而且唔夠細心明知2人餐豬扒得一塊都唔識碎上炒通菜-好夠鑊氣菜香口入味,唔會咸又唔油越式炒檬粉-粉有點碎味道偏淡但撈魚露食就剛好,餸有豆干札肉蛋絲芽菜蔥都好豐富總結-食物又唔難食但冇驚喜價錢就一流,本人搬舖前係常客,食物做得比較有心機,可能司傅已轉

星期日晚去新墟既小巴黎，叫左咖哩雞飯及咖哩牛腩飯咖哩汁勁咸牛又老又鞋華都果間好食過佢好多野食差都算仲要態度勁差我們一家三口去，有bb響度，一個人食先，另一個抱住個b都好正常啦！我老公食曬，我成碟飯未食過，個阿姐就走埋黎話食曬未，收野！我都嬲嬲地，叫老公抱個女出去換片，我快快手食埋佢當我食左唔夠5分鐘時個阿姐又黎，指住我老公個位話仲有無人坐？我立即講：我走架啦！起身立即執野走！未見過一間餐廳係咁趕客！請我都唔會再黎

叫咗生牛肉河，春卷，茄汁牛腩同椰汁三色冰生牛肉河k多牛肉，總體尚算足料春卷:嚟到熱辣辣，唔會凍冰冰，春卷好脆，茄汁牛腩:唔算太食到茄汁味，但牛腩都算幾大嚿，同埋附送嘅發酵餅唔係好夠用椰汁三色冰:尚算足料價錢:頗貴環境一般，要坐得比較迫，如果空間可以大番小小會好d

記得小巴黎仲係喺屯門市中心嘅時候，細佬我就仲未去幫襯過…點解我會知有呢間野就梗係因為我女友啦，港九新界遍佈佢嘅食堂，喺新界行過新墟呢個地方，佢就梗係會講呢間小巴黎，佢同我講以前朋友帶過佢去食，人生第一次撈檬都係喺呢度食，所以佢成日都好似好回味咁，但我相信原因無咁簡單(笑)，不過唔緊要啦，人生匆匆，懂得及時行樂，無需要記掛住過客，只要珍惜眼前就最緊要。所以就促成我有個肥妺仔女友講返個檬，女友話佢加價加得犀利，百物騰貴，又唔係成日食都可以接受，我呢個係香茅豬扒撈檬，呢個豬扒可以話係呢度嘅招牌菜，佢豬扒甘香鬆軟又入味，配埋特製葱油，香而不膩再加啲魚露，酸酸甜甜，為呢個炎夏加添清新。撈檬就一塊豬扒，而佢嘅香茅豬扒飯係有两大塊嫁！其實两者真係好難揀，所以最好两個黎食，開心share一下

突然好想食河粉，所以就到＜小巴黎越南餐廳＞吃充滿越式風味的午餐！店內的裝潢也有陣陣越南風情，草帽和吊扇，也令人置身其中。。。香茅豬扒河粉（＄45）相當馳名，果然不負眾望！香芧豬扒應該用了半肥瘦梅頭肉，肉帶點肥，吃下鬆軟美味 之前食過其他餐廳的香茅豬扒，太瘦不但會韌，而且非常＂攝牙＂。。。香茅豬扒煎到熟透及微焦十分香口，放在清湯中，豬扒的黃油慢僈滲出！令清湯底更加美味、濃郁！如果加更多芽菜，吸收湯底，更正！椰汁三色冰配料也足，綠色糯米粉粉條、綠豆、仙草。。。而且椰汁味濃！喝下清涼香甜，是夏天消暑的最佳飲品！

好耐無食啦 好彩搬左新鋪 味道似舊💕💕💕💕坐底立即叫返杯青檸梳打先😙😙😙喜歡食雞翼尖嘅我當然係叫雞翅湯檬啦清湯底但有香濃嘅香料味道👍🏼雞翼尖預先調味好再炸到金黃色 湯檬非常爽滑 同爽脆嘅大豆芽菜係絕配👍🏼重叫左碗凍檬 喜歡札肉嘅味道 而且有咬口凍檬配菜絲菇絲同蘿白絲 爽口彈牙👍🏼👍🏼

小巴黎最出名就係香茅豬扒雞翼飯，今日都係叫左 呢個午餐，餐飲叫咗三色冰，豬扒夠稔又入味，但好似比以往薄左，雞翼剛剛炸起，外面香脆一咬下去很多汁，好味，蔥油撈飯很香。三色冰椰汁味清香，十分解渴。