小巴黎越南餐廳 (Closed)

細細個食到而家 食物質素越嚟越差 香茅豬扒飯好鹹 飲完野都覺得好鹹 員工服務態度有待改善 講嘢有啲串 不過食物份量大 但食物質素和價錢不成正比 凍飲同特飲價錢一樣 lunch time 時間不用排隊

好耐無食過, 記得以前讀書成日嚟食, 趁今日得閒去回味下先雞絲湯檬內有好多雞絲,湯底夠清甜,冇咩油,算清淡越式檬粉檬粉炒得干身幾有鑊氣,加上蛋、扎肉、芽菜和蒜片炒得香又入味越式炒飯炒飯不太油膩, 加入生菜絲、蛋絲、雞肉幾有咬口越式春卷炸得香脆,食到停唔到口三色冰和紅豆冰,兩杯椰香味濃,唔會過甜, 三色冰的糯米粉條入口彈牙,而紅豆冰嘅紅豆唔會太硬, 兩杯都好好飲

即係咁，入黎食個Lunch但已經覺得少少污糟，之後叫左一碗香茅豬扒湯檬同撈檬。但黎左個烤牛撈檬，個賣相好唔掂，咁叫佢換返黎啦。之後又俾左啲餐具我地，全部餐具都附上咖啡汁？連埋飲管都有😰唯有用濕紙巾抺抺，真心好污糟。食物方面，真係好一般，豬扒可能叫好少少。唔會再黎。

小巴黎已經係香港開左好多年，一開始係食係係荃灣，食完之後就完全愛上左佢地既香茅豬扒湯檬，佢既味道係我食過禁多間越南餐廳中最好食，如果配飯記得叫多蔥，因兩者係完美嘅配搭😋全盛時期荃灣有兩間，可惜依家無左，要食就唯有入屯門，希望有機會可以係荃灣開分店啦😊👍🏼

記得兒時，阿媽總帶我食呢度既香茅豬扒飯，香噴噴的蔥油用黎撈飯認真一流！香茅豬扒飯係做得唔錯，豬扒大大件，滿足一眾食肉獸，惟可能待應太忙，經常經過唔理，感覺被無視。

以前成日同同學去荃灣嘅小巴黎執咗笠之後就冇再遇上今日再度重遇上總帶點舊日情懷無限回憶今日點左：香茅豬扒飯🐷，$57大大塊野味嘅豬扒，都好juice，如往日配上秘製蔥油，送飯一流。😋越式雞絲湯河🐥，$41熱辣辣嘅湯底算鮮甜，但得好少雞絲😆，份量好似小咗啲。今晚不過不失👌小巴黎仍然喺走平實路線，大眾化今晚朋友帶我嚟屯門嘅小巴黎都幾大間但係在疫情下生意麻麻得幾枱客仔服務員都企響度互相吹下水感嘆下啲生意

呢間野都好耐歷史下，由細細個食到依家都屹立不倒。入到去坐低有小小似去左茶餐廳，餐牌樣樣野都唔貴。叫左個香茅豬扒撈檬，45蚊炸！雖然擺到幾混亂，仲奇奇怪怪有薑容，不過味道都唔差，豬扒都幾大塊。抵食！

自從食過一次呢度既香茅豬扒飯，我就愛上了❤️平時我比較喜歡食雞扒多個豬扒，因為豬扒通常比較硬，又難咬，所以好少叫，亦不容易食到好味既，所以今次特登黎食豬扒飯🐷但係呢度豬扒整到好軟身 好易咬 而且比我平時食既薄身少少,味道唔會太鹹又有香茅味，加埋蔥油一起食更加惹味 而且豬扒亦很足料，三大塊食完好滿足，唯一美中不足係蔥油如果少點油就更完美啦 因為油滲左落個飯度食到尾覺得有點膩 總結，滿足既一餐 價錢唔貴仲有好多唔同選擇😋

小巴黎是我由中學時期便很喜歡的一間餐廳，10多年來，歷經不同舖位，原來現在它在新墟也有分店，裝潢依舊維持著原味，餐牌亦變化不大（但當然多了很多菜式啦），這裡最令我懷念的，是它家的香茅豬扒飯，超多蔥油在面，飯也是油亮油亮的，香茅味道出眾，每次都能吃過片甲不留。同時它的撈濛也是令人懷念的，這天我不想吃飯就點了烤牛肉撈濛，也許回憶總是美好？雖然這碗也不錯，但和以前相比都總好像普通了....也許下次還是要點香茅豬扒飯！

小巴黎肯定是每個屯門人的回憶，坐立於屯門市中心，成為每個屯門人的飯堂，而我每次光顧，都會鍾愛於這個香茅豬扒飯。豬扒份量多，有兩至三塊，醃味足夠，肉質不會過韌，水準一直能夠保持。不用任何醬料，配上大量蔥油，口味濃郁，獨特吃法，而價錢適中。午餐還配有凍飲或特飲，平民餐廳。侍應上菜速度超越你想像，除了豬扒外還有眾多越式粉麵炒飯，唯午市時間人流頗多，要撘抬感覺有點擠逼，侍應空間也不只夠會不時撞到你椅子或身體。

黎親呢度我10次有8次都係叫嗰樣野食😁只要一懷念就要黎😚室內設計唔錯座位都坐得舒適有2人餐可以揀👇熱撈檬同湯檬係唔一樣架熱撈檬用汁撈架有沙爹，咖哩同茄汁我就無咩興趣喇😢仲有其他野食既相信好多人都同我一樣食黎食去嗰兩樣😂首先講下我媽子叫既呢個烤牛肉湯檬，媽子話唔應該叫烤既實在係韌左啲😅重點黎喇😆識食當然食香茅系啦大佬呀香茅豬扒/香茅雞翼/香茅豬扒併雞翼皇牌黎喎，唔係唔試吓呀嘛😂😂我係成碟食哂😝平時無食咁多飯架我大家一定要信我😳

朋友話佢以前成日黎小巴黎食，呢間餐廳亦都係唔少屯門人細細個就黎食既餐廳!因為佢又平又大份，仲要好好食添!!所以屯門人個個都識。而我呢D非屯門人就真係第一次食啦~我朋友話推介個豬扒飯，佢話豬扒以前有兩份大大件，個味又好好食添!!不過我今日就想食麵，所以就叫左個香芧豬扒粉食，又真係幾好食喎!!難怪呢間係屯門人既回憶啦，下次我黎屯門又經開呢頭，會再黎試下!

曾幾何時，小巴黎是我們最常光顧的越式餐廳，隨著不同品牌越菜進駐屯門，無論是因為貪新鮮，還是對飲食選擇和環境有要求，光顧的次數明顯減少了， 但它仍然是我們的家常餐廳，因為好吃又便宜。每次必點香茅豬扒飯，大量的蔥油又香又惹味，雖然有點油，但是用來拌飯吃真的非常棒。 豬扒大大塊，又香又軟又夠味，美味！越式生牛河也不錯，鮮香味美，不錯吃。椰汁珍多冰味道比較普通，解渴不錯，不過不失。整體性價比高，兩人吃個簡單的晚餐，只需百多元而已。

記得以前細個好鐘意食小巴黎既香茅豬扒飯飲三色冰好味好正而家小巴黎分店愈來愈少了今晚放左工即係落街跑下步舒展下筋骨跑到9點幾見佢仲未關門就入去醫肚好在唔係太多人聞唔到我跑完既臭汗味🤣對呢間店既印象麻麻記得之前有次黎食見到有個小朋友係度痾尿他媽用個膠袋裝尿然後他媽將尿放係裝碗碟既tray上好嘔心自從那次我很少來食覺得他們很不衛生今晚老公話要來食就比次機會佢啦🤣香茅豬扒飯兩至三塊大大既豬扒超級多蔥幾香幾好味記得加甜酸汁就更好食其實食物質素算ok啦希望佢地注意環境衛生多一點

細細個嘅時候係沙田食過小巴黎，執咗笠之後好多年都冇再食過，最近心血來潮上OpenRice Search下呢間野，原來係未執晒笠嘅放假即刻揸車去試吓係唔係同當年一樣嘅味道 一坐低，叫咗個豬頸肉串燒同著名嘅香矛豬扒飯（多蔥），真係好食到唔識形容呀尤其係我咁鐘意食蔥同埋鐘意食淋既豬扒之後就係個串燒豬頸肉份量就夠晒，但個汁就有點咸 下次都係只叫香予豬扒飯就夠啦