小漁坊

Open Now

Now Closed

發現深水埗一家餐廳超級好味嘅午餐，番茄魚飯，真係超驚喜。問咗老細 個蕃茄湯底係用新鮮南瓜同紅蘿蔔打爛整嘅湯底，非常新鮮非常好飲，有南瓜嘅清甜。之前食譚仔同米線陣嘅蕃茄湯底同小魚坊嘅蕃茄湯底真係無得比，唔係一個水準嘅。建議鍾意飲蕃茄湯嘅人都試下。仲有酥炸生蠔同姜蔥蠔都好好食👍然後！餐廳有3只可愛嘅貓貓，係一家三口。貓貓都好乖，可以帶啲貓零食喂佢哋。對於我哩個愛貓人士話真係超級治癒！可以一邊食嘢一邊睇貓貓🐱

見上面食評講到好好，就襯今晚平安夜嘗試叫外賣自取，總共點了4款小菜，包括薑蔥蠔，薑蔥魚卜，香芒咕嚕肉，楊州炒飯。首先，我是親自打電話到店舖叫外賣的，以下是我和店員的對話：我：請問外賣有折扣嗎？店員：乳鴿？有啊我：唔係乳鴿，我問外賣有冇折扣，即係有冇得平店員：有呀乳鴿，外賣乜嘢我：ok,我係叫外賣，我要薑蔥xx….完店員：仲有冇，再覆返我一次（正常）我：請問收唔收電子支付？店員：收呀我：好，等陣過嚟拎，要幾耐？店員：15分鐘啦到店後⋯⋯有個疑似老闆A走出嚟我：可否PayMe？A:只收現金我：唔係喎，剛才電話問過有電子支付A: 我哋嘅同事係唔會答你有嘅，因為我吩咐佢只收現金我愕然了，停頓一下，但明明電話話有A：我啲同事唔會咁講，我聽住嘅我：下（講大話）我：心想..難怪店舖咁靜有原因的A：你PayMe我啦我：咁你俾個code過掃，會清晰啲A: 你打我個電話得啦，你唔識按咩，過數朋友嗰度喎 （語氣是很不忿氣嘅）我：生氣😡中單看以上，我已經唔會再有下次幫襯，呢個疑似老闆態度非常差，就算電話真係聽錯都唔應該有呢個態度！難怪店舖拍烏蠅🪰至於食物，分量非常之少，性價比勁低！味道也不見得出色，但四樣嘢

見多人介紹小漁坊，所以決定去試下，果然真係好味，又抵食。我閒日夜晚，唔多人，👧🏻妹妹服務好好，雖然裝修頗舊，但地方乾淨，坐位亦寬濶，坐得舒服。泊車🚗🚙亦方便，對面西九龍中心，食飯前後仲可以去行下買嘢。因為得兩個人👩🏻👨🏻，要從好多餸菜裏面揀選，再加上另一半唔食得太辣，所以水煮牛、毛血旺呢啲自動棄權。最後叫咗韭菜雞紅、清炒萵荀絲、涼伴皮蛋豆腐、砂窩雲吞雞半份。全部都真係好味。見到隔離枱叫沙冰，好吸引，下次一定要叫。👍🏻

五月某日想嚟，上openrice睇寫已結業，咁就完咗。一直想去筲箕灣，但又覺得好遠。。有日無意中見有網紅post，話椒鹽豆腐好好食，再睇下啲相咁面善，先知改咗名原班人馬，咁唔知咩原因啦，我嚟食嘢唔洗知咁多嘢 🤷‍♂️椒鹽豆腐食過一次，好食與否比較個人，淨係知好大份食唔晒，我本身嘅餸都幾漏下，唔係好飽肚，最飽都係支啤酒。飲品都多選擇，有沙冰有菠蘿冰及茶記水吧有嘅，但腸胃差就無我份嘞 🙈特登黎呢度食 😋：豉汁蒸魚頭。薑蔥魚卜。醉豬腦 。麻辣豬腦。。

我今日上一網睇吓深水埗有咩好食，點知比我發現咗一間好好味嘅小菜，佢叫小漁坊，入到去好似茶居感覺，環境好大，精緻嘅茶壺，另外佢最出名嘅小菜，有一味叫麻辣煲仔-麻辣魚春拼魚扑，因為我屋企人好鍾意食魚。尤其係魚春同魚扑，所以我就同屋企人介紹，試一試我哋叫了砂鍋雲吞雞（半隻）- 隻雞好滑，配合d菜，好好味麻辣魚春拼魚扑 - 魚泡又滑又彈牙，如春口感一流，份量夠多鮮果生炒骨 - 鮮果甜味，外脆內軟嘅生炒骨酸菜桂花魚（小窩）- 肉質嫩滑楊州炒飯 - 飯粒乾爽上湯浸小菜 - 菜好柔軟

原來咁多人覺得失而復得，其實呢間野味道真係唔錯，尤其午餐抵食，有野飲，唔知點解唔多人幫襯，可能要行樓梯啦楊州炒飯味道夠，又夠熱口水雞叫完又叫，翻買左一百次，唔知點解可咁滑，紅油無得輸另一最愛蕃茄魚飯無影到老闆支持你呀

食開魚鈁都有兩年了，點知一次經過話要結業，真心難過，以為以後都冇得食魚春魚卜等等美食，畢竟喺香港真係好難搵到😭仲諗住專登去筲箕灣另一間食添……今日經過深水埗，發現原位置有新鋪頭開緊，仲要名字都差唔多，即刻去睇下，竟然真係重新開咗。不過時間問題今日就冇喺度食，不過相信食物質素都會保持水準以前食過咁多次出來冇諗住comment，今次失而復得之後先發現真係要好評支持下，俾更多人知道，先可以支持到中意嘅餐廳繼續營運～

地點就腳，西九龍中心對面，上層樓梯就到，裝修簡單，有幾張卡位椒鹽豆腐粒 $ 58豆腐大大粒，外脆內軟，係店員推薦份量多，唯一係豆腐味唔濃薑蔥魚春卜 $ 132網上推薦菜式，煲仔細細，其實份量都好多，上枱熱辣辣，魚卜正魚春就煎得太乾太硬，係香口，不過口感乾硬少少鞋。。。乾煸四季豆 $ 68四季豆多汁入味，幾新鮮👍 肉碎調味偏重手，不過餸飯一流店員都好老實，邊樣好食唔好食，水吧師傅射咗波😂食物價位合理，都有啲高價食物，雞煲、烤魚等，其實都比外面價位低，而且佢冇收加一，冇收開瓶費，堅係抵食

深水埗區，超抵tea time ，全部lunch套餐40蚊，我叫左個酸菜魚飯+凍奶茶，超大碗，仲有例湯。酸菜魚味道都唔錯，魚質夠爽口，但略嫌唔夠酸菜，但就有大量芽菜 由於本人唔太中意食芽菜，所以冇咩點食，個湯都唔會話太濃或者太淡，送飯一流。以呢個價錢黎講，真係冇得彈。勝價比高

推薦～小店～拒絕大型連鎖餐廳！舖頭位於西九龍中心斜對面，7仔隔離樓梯直上就到，地鐵巴士都到到。餐廳裏有幾十個座位，高樓底空間寬敞。依間唔係打卡的餐廳，但味道絕對有保證。薑蔥魚春魚卜煲：🐟惹味香口，冇腥味，魚春跟魚卜都有走過油，必點！我都係比佢吸引左，次次尼都會叫。炸蠔：🦪好酥脆，炸得啱啱好，蠔身好大隻分量十足，非常新鮮，怕熱氣可以改為薑蔥口味。蒜蓉炒萵筍：味道啱啱好，夠鑊氣，送飯一流喔！另外炒土豆絲都好好食，不過今次冇叫。

每次到訪深水埗必去呢間樓上川菜🥰佢地既椒鹽豆腐粒同生炒骨都係必點 暫時食過最好食💯豆腐大大粒 份量又多 椒鹽味好夠生炒骨完全感受到廚師既用心 食到脆炸口感之餘酸酸甜甜好開胃🤤仲有必點魚春魚卜煲 唔係周圍有得食 加上佢地魚春有特別處理過 口感更加出👍🏻平時愛辣既我一定會嗌麻辣 Juice D 不過今次有小朋友 嗌左薑蔥魚春魚卜煲 都一樣有驚喜🤩記住要趁熱食之後再嗌咗蒜蓉萵筍絲同椒鹽鮮魷 不得不講佢哋嘅炸物都幾出色

招牌菜麻辣魚春魚卜煲， 辣得過癮，魚春口感特別，魚卜焾滑入味，個汁送飯一流重慶雞煲， 香氣撲鼻， 雞肉惹味嫩滑香芒咕咾肉， 豬肉肉質鬆軟，啖啖肉，除平常菠蘿外，再加上芒果肉， 不但果肉結實無炒爛，而且酸甜味更有層次珍寶沙冰有多種口味， 非常大杯抵飲， 既解辣又解渴， 黎緊天氣開始熱呢個沙冰係必然選擇

前排知道依間餐廳唔做，覺得好可惜又有一間好食又有人情味嘅餐廳做唔住🥲。點知原來係改名原班人馬原址重開，一知道佢哋開番即刻打電話book枱同班friend試吓有冇變化。鋪面同以前都差唔多，係西九對面間7-11旁邊，好易搵到。裡面都同之前一樣，卡位都唔少，大部分位都算闊落。因為我哋嚟之前有預早打電話book枱，所以送咗一碟小漁鈁名物：椒鹽豆腐🤩同以前一樣好好食！豆腐好嫩滑，外殼個脆皮薄薄一層而且調味充足，椒鹽味都好夠，必食！難得我哋六個人嚟到小魚鈁當然要叫下魚鍋！今次叫咗青椒鯛魚鍋，鯛魚爽脆有口感，小辣辣度輕微一般人都接受到，青籐椒啲麻香好夠！成鍋都好香好好味，而且裡面有好多菜，有萵筍，芽菜，青瓜，秀珍菇。我哋連湯都飲咗幾碗😂估唔到轉咗名仲有新嘢食：椒鹽鮮魷。外皮香脆可口，唔單止得咸味，我自己覺得本身外皮都有啲喼汁味所以唔點嘢都好好食！鮮魷炸得啱啱好，嫩滑多汁，一啲都唔硬。小食我哋仲叫咗雞絲鵝腸，之前無食過，今次一食即刻愛上，調味有辣度，雞絲嫩滑唔老，加埋鵝腸爽口同佢啲油脂，味道豐富，勁滿足嘅小食！朋友唔食得辣所以叫咗薑蔥魚春魚卜，魚春有炒/炸過，好香口惹味。魚卜好入味又滑又夠油脂，又香又

的確係原班人馬，同之前味道一樣咁好食🤩三月頭突然聽到佢哋話要結業嘅消息，覺得好可惜😭仲諗住之後冇得食，唔知去邊度仲可以食到啲咁好味嘅魚春魚泡煲，好彩今日再經過，見到佢哋只係改咗新名🤭上到去依然都係原班人馬🤩好似有失而復得嘅感覺🤩今次點咗，麻辣魚春魚泡煲、麻辣雞煲、菠蘿咕嚕肉、紅糖糍粑🤤麻辣魚春魚泡煲魚泡又滑又彈牙，如春口感一流，份量夠多麻辣雞煲雞肉夠滑，個汁嘢味配白飯一流菠蘿咕嚕肉個汁好開胃，外層焦脆，肉嫩多汁紅糖糍粑非常煙靭，最鍾意佢嘅紅糖糖漿一啲都唔孤寒

約左fd 2個人黎食先喺樓下見到鋪頭名唔同左不過望望下啲menu嘢食好似無變但變晒純文字版😂伙記話個新menu仲整緊上樓去望下見到熟悉嘅面孔就發現唔需要擔心啦照舊叫左之前必叫嘅餸分别係椒鹽豆腐、麻辣魚春煲同剁椒焗蜆水準依舊👍👍好好食椒鹽豆腐上檯時熱辣辣又好脆 入面豆腐好滑 味道剛好不會過咸 2個人輕鬆解決一碟麻辣魚春煲好足料又夠味 無叫魚春因為個人不愛魚春口感😂😂接受到的建議試埋，唔係度度都有呢個菜式剁椒焗蜆辣度剛好 又鮮 唔會食到沙 份量都好足夠鐘意之前同一個位上手餐廳嘅朋友放心黎食啦～