小蜜蜂 (Closed)

先講依度好處：泊車方便。壞處就：食物質素差，叫咗個乾炒牛河，冇鑊氣牛肉太鬆肉。但我覺得周街茶餐廳都係咁嘅樣，所以見怪不怪。但要寫這食評為劣評，主要原因是服務極有問題，係極有、極有、極有問題！個收銀疑似老闆，但唔知點解黑口黑面，定係唔想做生意？定係想趕客？惡劣服務質素，唔會出聲，唔講多謝（侍應ok的冇咩問題）難道我做錯d咩？我自問食完就閃，應該唔係問題啦？我當然冇現場出聲表示不滿，不過暗地裡知道，可以唔使特登渣車嚟再幫襯。冇影相因為本身冇打算寫openrice。

喺沙田揸車搵位食飯有難度，今日見到小蜜蜂門口有車位當然泊入去啦。記得佢個馬來咖喱好好食，所以就嗌咗個咖喱魚柳飯，果然冇失水準，咖喱椰汁味好香，魚柳炸得好脆口，而且白飯夠大碟！

之後去大埔有特別任務，於是先行到沙田這邊，其後再到大埔。餐廳屬於屋苑茶餐廳，門面小小，內裏座位反而不少。但是很多職員都是不太理睬你，可能因為生面口，叫了幾次，才有職員替我落單。常餐好像不太吸引，於是隨意點了一個午餐，是干炒三絲公仔麵。雖然沒有指明三絲是哪三種🤔，但是我萬萬想像不到，紅腸竟是其中一絲🤷🏿‍♀️。公仔麵份量還不少，大大箸還是吃極都有，幸好，炒公仔麵還算夠熱，不太油膩。凍檸茶，味道淡，沒什麼檸香，茶也欠濃。

以前讀書時候久不久都會去花園城小蜜蜂醫肚，貪個度有車仔麵食。難得今天在附近工作，順路去食個晏。午飯時間，舖頭坐滿客人。由於門口沒有大門阻隔，在三十幾度高溫下熱空氣湧入，坐近門口的客人吃到大汗搭細汗！舖面吾大，衛生情況也不太理想。不過街坊茶餐廳都吾會對佢有特別期望。快快點了個四餸車仔麵，有豬紅，白蘿蔔，紅腸和墨魚丸，腩汁湯底配米線。食材不算出色，豬紅似乎有少少燶味🤔😩，不過都係滿足我想食車仔麵吧了。飲埋杯凍奶茶，盛惠$49 大元。

今晚同幾個朋友去左小蜜蜂隔離的蜂味燒, 啲野食都幾好味, 不過最好味都是酸菜烤魽魚(走辣), 平時好怕食多魚骨既魚, 諗吾到這條魚好少魚骨, 而且面啲豆卜都入哂味, 好好味!我們帶了幾支酒去飲,玩了一個開心既晚上!

本來已是熟客，自從幾個月前，晚餐食海南雞，有一半帶黑色，已多個月沒有幫診。佢早餐仍可以，但今朝試後，經歷仍是恐怖及極度不滿。新來樓面阿姐寫单時已經寸寸貢，叫咗個多士早餐，嚟到係全塊深啡色燒濃晒，同佢話阿姐多士太濃，佢話多士係濃嘅wow 堅持要換，结果換來一片變形及成斤重嘅物體，算啦我投降啦，唯有以後決不再幫診。

只能說，貼錢買難受。食物質素唔係好，之前光顧已經覺得好污糟，價錢亦唔平，今晚諗住買外賣貪佢門口停得車，點知門口聽電話加收銀個大姐態度極差，句句串到行，完全係想趕客走。今時今日經濟唔好市道差都仲有呢d 服務態度，請我都唔會再光顧。祝生意興隆！

約左朋友食早餐， 佢話佢揸車邊度方便， 諗起呢間小蜜蜂門口可以拍車又可以喺門口食野方便睇車， 我叫咗個沙爹牛肉麵火腿炒蛋 同凍奶茶小奶， 個沙爹牛肉麵還可以，公仔面就唔係煮到好淋，不過湯底就非常之冇味， 可以用同普通水一樣來形容， 好在個沙爹牛肉煮得都幾好， 牛肉份量都算多， 個沙爹汁調教得 剛剛好， 連公仔麵一齊食好食， 火腿炒蛋 火腿煎到好乾， 炒蛋係炒滑蛋，炒得剛剛好外軟內滑都幾好食，杯凍奶茶就普通通， 茶味同奶味都可以，不過D冰就多左D，揸車係呢到食真係好方便

是日2口子去「小蜜蜂」開餐，今晚試新野，2人套餐，叫左「豉汁蒸倉魚」 + 「涼瓜牛肉」，2個小菜都好好咪，倉魚蒸得岩岩好，涼瓜唔苦，但不失涼瓜香味，牛肉都唔會炒到好老，好有鑊氣，唔會好咸，成個套餐2杯飲料+2個白飯+2個自選小菜 $150 有找，好過自己買料買爐煮

早上要搞裝修，搞掂晒 d野都到下午茶時間了。沒甚麼胃口，便到小蜜蜂叫了一客雞脾沙律，飲熱奶茶。小蜜蜂店裡不算大，有長檯，有卡位，位置都很貼近。快快脆脆食個快餐沒所謂，如果打算姿姿柔柔歎番陣，就不太適合了。不過這裡有一樣好，就是可直接泊車在店外，雖然偶然要走鬼，但已是十分方便。雞脾沙律不算大碟，但雞脾本身很足料，原整的一隻脾，厚肉，炸得皮脆內嫩，更有肉汁流轉，非常美味。沙律是傳統的茶餐廳雜果沙律，份量適中，醬汁濃烈，酸甜度調較得恰到好處，與雞脾實在是絕配。熱奶茶普普通通，茶香奶滑，算是交足貨了。但是有一點要一提，可能因為這裡的茶餐廳已買少見少，小蜜蜂差不多是獨市生意了，有點唔憂做吧。侍應的態度相對比較差，呼叫他們時總有點愛理不理，落單稍慢即表現出不耐，還會叫你想好先叫他，然後走左去。不過，喺街坊茶記，這種態度倒是見怪不怪了。

<沙田新店速試 - 蜂味>河畔花園自從唔再俾食店擺街後，即刻有幾間茶記執笠，一向在馬會隔離既小蜜蜂茶餐廳竟走去租多個鋪搞檔川菜串燒 – 蜂味。店子十來個座位，由於新開關係，員工都在門外拉客﹔睇睇餐牌，食物以燒物為主，亦有不少是師傅自家創作的菜色，本著不死的冒險精神我倆當然試吓。「棒打牛魔王」，即安格斯露筍卷，牛肉燒汁醃過挺冶味，露筍清新脆口是挺好的配搭。「蒜泥黃瓜拌麻辣蓮藕」，兩者都切得細細粒，少辣多麻，送酒不錯呢﹗「鮑你撈起手撕雞」加入大量大蔥絲同青椒絲，再灑上麻醬，夾埋素鮑，神奇的配合，很香口﹔「彩椒陳醋東北木耳」大碟，木耳極爽脆，微酸小辣汁亦做得很好，美味﹗以下幾味就唔多岩口味： 如「韭菜燒珍珠蠔」，蠔細無味，夾埋個韭菜成盤汁咁味道麻麻﹔「無骨雞翼」拆到不倫不類﹔「特級牛仔骨」$35得兩件，食家嫌佢醃得過濃了。其餘簡單串燒都燒得不錯，整體來說，這兒的川味涼菜小吃做得很好，我倆也極喜愛，反而要避開那些「名字比較特別」的食物，應該沒有大問題的。p.s.應是老闆兼師傅很緊張自己生意，成日在廚房伸個頭出來問我地好唔好食，仲請我地食佢話「醃咗七日七夜既話梅涼瓜」，幾特別的﹗

<沙田新店速試 - 蜂味>河畔花園自從唔再俾食店擺街後，即刻有幾間茶記執笠，一向在馬會隔離既小蜜蜂茶餐廳竟走去租多個鋪搞檔川菜串燒 – 蜂味。店子十來個座位，由於新開關係，員工都在門外拉客﹔睇睇餐牌，食物以燒物為主，亦有不少是師傅自家創作的菜色，本著不死的冒險精神我倆當然試吓。「棒打牛魔王」，即安格斯露筍卷，牛肉燒汁醃過挺冶味，露筍清新脆口是挺好的配搭。「蒜泥黃瓜拌麻辣蓮藕」，兩者都切得細細粒，少辣多麻，送酒不錯呢﹗「鮑你撈起手撕雞」加入大量大蔥絲同青椒絲，再灑上麻醬，夾埋素鮑，神奇的配合，很香口﹔「彩椒陳醋東北木耳」大碟，木耳極爽脆，微酸小辣汁亦做得很好，美味﹗以下幾味就唔多岩口味： 如「韭菜燒珍珠蠔」，蠔細無味，夾埋個韭菜成盤汁咁味道麻麻﹔「無骨雞翼」拆到不倫不類﹔「特級牛仔骨」$35得兩件，食家嫌佢醃得過濃了。其餘簡單串燒都燒得不錯，整體來說，這兒的川味涼菜小吃做得很好，我倆也極喜愛，反而要避開那些「名字比較特別」的食物，應該沒有大問題的。p.s.應是老闆兼師傅很緊張自己生意，成日在廚房伸個頭出來問我地好唔好食，仲請我地食佢話「醃咗七日七夜既話梅涼瓜」，幾特別的﹗

野食真係好難食，當晚如平時order蠔仔泡飯，但今次服務態度極差，野食水準大不如前.. 蠔仔泡飯既蠔仔好少，水就好多，完全無料! 雖然價錢唔貴，但佢既服務態度好有問題！當晚飯後打算食生菜魚肉，問一問老闆有無，老闆既回覆: 梗係無！呢度茶餐廳黎架...(態度極差)黎得呢度都係附近街坊，態度唔好如同趕客...

是日來到了沙田的河畔花園，本來的目標是尋找一家位於這一帶的意大利餐廳。到埗後上網查一柑確實的位置，但網上搜尋器回覆給我們的訊息，是一個失望的訊息，我們本來想尋找的餐廳結業了。太太不想遠找地方食飯了，我泊好車後就看看周遭有什麼好地方食。然後，想起了在附近上班的食友握介過的一間茶餐廳，名字叫《小蜜蜂》。這食店，很大很顯眼，門口可以非法泊車，後知後覺的我入了咪錶才知道。太太要求今天全素，所以我們是日的整個午餐都是素食，首先是一個羅漢齋炒麵，配料就是菜加豆腐咁簡單，味道非常之清淡，可是淡到令入口的感覺帶點酸。好的地方，就是麵餅夠香脆。咖喱，因為要食素的關係，我只好點咖喱雜菜，這咖喱，不太辣，而味道也未可以叫好香口，也許，只是因為只配上簡單的茶心同煎蛋一隻。咖喱，同樣是淡口，沒有肉味在點綴，純蔬菜令到入口時，令人產生一個怪異的味道感覺。連吃素的太太，也覺得這咖喱的味道有點怪，不知道怎麼再說。奶茶，感覺有少少太過濃，幸運的是夠奶，彌補了茶太濃的不足。服務上，是一個不歡，hea 到十足的店員，落錯哂張單仲要賴我說得不清楚....有沒有搞錯....而食物上，感覺就是工友型茶餐廳，只求大碟，味道上，可能

凍冰冰 , 真係唔係幾想煮飯 , 於是呢日隨便落街搵 d 野食 , 除左過沙角o個邊 d 大排檔食小菜 , 翠華田園閣呢邊都好多茶記帶埋兩隻小狗落黎 , 見到邊間 arm 食就坐低 , 唔使傷腦筋 ,而呢日我地就揀左呢間小蜜蜂 , 皆因 d 煲仔飯款式多 , 價錢平 ,加上店員話可以自由配搭 , 唔使一定跟足 menu 叫 , 決定試下佢 煲仔飯配料除左一般o既臘腸 , 雞 , 肉餅等等之外 , 仲有鮮魷石斑等不過我地揀左兩個比較普通o既試一試先 , 一個跟例湯 , 一個要飲品1. 姜蔥田雞煲仔飯~ 姜味足但無乜蔥 , 田雞件頭多 , 但無乜肉食 , 味道偏淡 , 似乎完全無醃過飯面上有兩條白菜 , 蠻健康的 , 煲仔飯豉油有一人一碗 , 味道還可以整個賣點就係熱辣辣 , 大大煲 , 以五十蚊有找黎計 , 真係幾抵食 例湯係木瓜雞腳湯 , 呢個反而好大驚喜 , 好濃好足料 , 味精應記一功2. 窩蛋牛肉煲仔飯~ 上台時比姜蔥田雞o個煲更加熱 , 店員放下時特意提醒我地要小心然後回頭再幫我地把分別上o既生雞蛋打落飯及牛肉面上 , 立即再蓋上再叮囑我地要焗一焗先開黎食 , 蛋汁流入飯粒裏頭