小鍋米線

Open Now

Now Closed

今日到了朋友介紹的人氣小店，下午3:00仍要排隊，就是小鍋米線，身為米缐迷當然一試！餸的選擇非常多，每款價錢由$4-$8。而且有多款精選米缐以國內地方命名，再將擺上月出每款米缐的配菜，我選了昆明米線，材料有豬肉、豬膶、木耳、金菇、冬菇絲、腐皮、金華火腿、芽菜、菜、秘製甜酸菜。米線一上枱已經聞到濃郁的香味，材料豐富，米線的軟硬度適中，味道也剛好到位，特別一提是秘製甜酸菜特別好味。餐廳座位窄，服務員態度不錯。

比朋友拉左去食，話好出名。此店位處元朗嘉城後面的橫街，門面簡陋，地方不見得清潔，冷氣有滴水。叫左碗招牌小鍋米線，中辣，加塊豬扒。如果愛辣的朋友，我建議叫大辣，因為中辣我都唔覺得辣。米線無乜嘢，正正常常，味道不差，但一定唔係叫好好。塊豬扒都係一樣，係食得嘅，唔錯。但千祈唔好諗住係肉汁豐富，内軟外脆果隻囉。如果唔係咁多人排隊，我唔會有咁大怨言。等一大餐，被d呀姐呼呼喝喝後，食碗咁行貨的米線，環境又咁差，為乜？我估d人係貪平囉。總結 : 寧願食譚仔。

餐廳：小鍋米線地區：元朗地址：元朗西裕街金福閣 7 號及 10 號日期：17/1/2021時間：3:00人數：2人 等位： 5mins 價錢： ＄89琴日去元朗返工咁啱有個同事本身住元朗對元朗美食非常熟悉，我同佢講想食米線於是佢就帶左我尼間小窩米線，間鋪位於係後巷比較隱蔽嘅地方如果唔係元朗人應該唔太識去嗰度🙈同事食開所以嗌左自選米線（$42），自選辣度同自選一餸，額外配一杯熱飲，凍飲加＄2蚊。由於我第一次嚟啦🙊所以我保守啲嗌左佢哋嘅招牌小窩米線（$47）麻辣湯底，配菜已經有好多8款😂有雞肉、鮮菌、酸辣肉碎、炸醬、腐皮、芽菜、生菜和秘制甜酸菜，再自選左同事十分之推介既南乳雞件⭐️總共＄89。南乳雞件炸得非常酥脆香口👍，雞件嘅部份係雞中翼，所以肉質都比較嫩滑，南乳醃製得非常入味😋中意食南乳味既朋友仔千祈唔好錯過😝米線方面原來招牌小窩米線係比自選米線多咗雞肉、鮮菌、木耳同炸醬，其他配料都係一樣，如果冇話特別鍾意食以上尼幾款嘅話直接嗌自選米線已經好足夠🙊米線嘅份量都幾多下，絕對適合大食嘅朋友嚟食🤣

元朗谷友介紹很多元朗美食，經研究後決定試一試這間，很多人說元朗這間非常好吃，南乳雞又出名，我們抱住嘗試心態去。餐廳位於比較穩敝的街仔，要等位，職員很貼心地在準備入座時落單，所以有位置坐下後便有東西到。我點了招牌動作小鍋米線，包一餸及飲品。招牌米線已經有很多酸菜、雞肉、腐竹、菜等等，我選擇一餸是粟米雲吞，本以為得兩粒雲吞而已，原來上菜時有4粒那麼多，配菜舖到麯滿一滿，很大碗。湯底有少辣但可接受的，又沒有味精。飲品是豆漿，比較普通，杯有少許污糟，疫情下不敢直接飲，需要飲管安全點。凍豆漿但又是和暖的，其實真的麻麻。吃完這碗麵很飽、飽到行不動了。非常超值，$46一碗，很抵吃。下次一定會來，搬到元朗後更會叫這間外賣。

平日午餐最鍾意食米線😋但係要搵間啱食唔容易😕呢間小鍋米線食過幾次都唔錯 水準keep到👌🏿今日叫咗個招牌小窩米線加蒜香雞扒，手撕雞，菜肉餃😋落單阿姐仲提我送果一個餸記得揀個貴 抵食啲👍🏿今次叫外賣自取，因為堂食實在太多人，等咗接近25分鐘先拎到外賣，趕時間嘅人記得唔好揀🗣🗣返到屋企即刻開餐😋湯同米線分開放，最鍾意佢個米線嘅口感岩岩好 唔會硬但又夠彈口😋雞扒夠香又夠林👍🏿手撕雞就真係好唔得 又鞋又韌👎🏿菜肉餃個餡好味但個皮真係好厚🤣但係我最欣賞係佢湯底入面嘅秘製甜酸菜 真係好好食😋叫咁多野食都係$50 抵食👍🏿

小鍋米線係元朗應該都幾有名氣的, 論出品, 比起譚仔應該高幾班, 但始終係小店格局, 仍有改善的地方.中午去到, 等了幾分鐘就有位,  店內以四人台為主, 也有幾張小枱, 但不論2/4人, 張枱都比較細,加上台與台之間, 唔好講1.5米距離, 連0.5米都做不到, 有些幾乎係背貼背的,  唔知佢點樣可以過到之前的審查了.  四人台中間也沒有隔板的,  如果同三唔識七的人一起坐住食, 相信感覺唔會良好, 但來幫襯的街坊食客, 好似對此已經習以為常, 有得食就可以了.話說今次我一個人入到去, 店員指住張兩人枱叫我搭台 (已經有個食客在吃), 我立即說不坐,還好店員都叫我改坐另一張四人枱, 但講明都一樣要搭枱的 (最後有兩個人坐在對面)講番食物, 餐牌已經有十幾款什錦米線, 例如過橋 / 江川 / 昆明 / 大理  等等, 每款米線的配料都不同, 我今次點的是江川, 配料有 虫華花 / 野菜 / 豬肉 / 皮蛋 / 腐片等, 材料舖滿晒成個碗面, 而且湯底唔咸又無乜味精, 單以米線來講, 品質真係無得輸的,  但飲品就普通過普通, 叫凍奶茶少冰, 一樣都係好多冰的, 而且茶味欠奉,  就不要

第一次同朋友嚟左依間野試 ，我嗌左個昭通米線，小辣。第一啖飲個湯底好好味 ，較清甜。麵身ok 配料多，甜酸菜勁好食，唔似得其他鋪頭咁冇味。但肥牛就老左少少 ，需要多啲時間去咬 。但整體碗麵都幾好食

喺元朗想搵間好食嘅米線真係好難，真係要每一間都試一試，唔喺大街，但唔難搵嘅。鋪面唔算大，所以都係買外賣算啦餸嚟講都幾多選擇叫咗個招牌小鍋米線，呢個本身入面已有雞肉同菇，所以揀多一樣餸都夠晒，揀咗個個都推介嘅南乳雞件配埋個酸辣湯底好貼心，外賣係會分埋湯配菜真係幾多，味道唔算太辣接受到，元朗嚟講算係好食南乳雞件好香脆，好食，終於明白點解個個都會叫😁特別一提本身米線跟的配菜 秘製甜酸菜甜得嚟又唔會少咗酸菜應有嘅酸味 因為係配菜，份量唔太多，唔夠喉啊！

外賣自取，張單寫得啱，但係可以碗野錯晒要3個餸可以比得一個我，仲要唔係三樣入面既。野飲又比錯 等外賣平時已經一碗要等成20-30分鐘 仲要比錯，個外賣蓋透明都可以執錯比客 建議各位下次外賣要睇清楚

由細食到大 諗唔到食咩或者想食米線必定係我首選🔺自選米線 豬扒😋指數: 🌕🌕🌕🌕🌕◻️豬扒炸得好金香 米線 最欣賞佢嗰個酸辣肉碎 融入湯底配埋米線食簡直係天下無敵 我夠膽講元朗呢間小窩米線絕對係我食過最好食嘅一間米線 淨係個自選餐 已經令我回味無窮 南乳雞翼 豬扒 雞扒 雞翼 我每款都食過晒款款都一樣咁好食未試過嘅朋友一定要黎元朗試下每次有朋友黎元朗 都一定介紹呢個湯底可以揀麻辣 或者酸辣 我個人鍾意食中麻辣加埋酸奶肉碎 酸酸地浸係湯入邊 人生一大享受

小鍋米線係元朗名店，中學時代起已經成日幫襯佢!!!米線的軟硬程度適中~其他餸菜配料，例如腩肉、蘿蔔、雞絲、豬腸等，通通都非常美味，同埋超級多! 我叫左一個招牌小鍋米線，成個湯底充滿肉碎、甜酸菜等等，我唔洗叫太多餸，因為佢本身已包一個餸!!佢既餸仲要一D唔HEA, 叫左份炸雞同炸豬扖，入口勁香唔油，，食落十分滋味。中麻辣湯底夠曬辣，BB辣岩唔係好食得辣既人，但係記得要叫辣，如果唔係個湯底就係小鍋米線既特色湯，所以最少都要叫BB辣哦~

可能我真係太鍾意食米線，呢間位於元朗嘅小窩米線，真係啱晒我嘅口味，夠晒酸又夠晒辣，今次我叫咗佢嘅豬扒小窩米線，豬扒夠香脆佢嘅米線湯底香濃又有好多配料，有肉碎又有酸菜，加埋米線分量十足真係冇得頂！

好耐之前已經聽過依間小鍋米線，就趁今晚試下先！係康樂路落車行5分鐘就到，係一個橫街入面，要俾啲眼力搵下。其實野食方面同其他米線舖差唔多，都係可以自己揀餸（唔同價錢）。如果諗唔到食咩，都有啲配好左嘅揀。我叫左招牌小鍋米線配蒜香雞中翼同埋芝士腸。招牌小鍋米線包左雞肉、鮮菌、酸辣肉碎、炸醬、腐皮、芽菜、菜、甜酸菜，食落酸味比辣味突出，非常開胃。加埋即炸嘅雞翼，醃得好入味，好滿足！如果有時食慣左連鎖嘅米線，依間都係唔錯嘅選擇！

招牌米線 中麻辣🍜+雞翼～ 加杯冷檸茶 ，正！ 店鋪細，但翻桌率快～ 即叫即煮 米線熱騰騰～ 炸雞翼香脆唔太油～ 甜酸菜 好食～ 米線份量略少了一些...整體嚟講都 值得推薦既！！～

今晚去試下未食過嘅米線先，平時見經過幾多客咁，就試下好唔好味大約6:30，一般米線店細細嘅格局，但因為無乜人，所以環境清淨坐得舒適食到一半先記得影相朋友叫左一個南乳雞翼米線，我叫左一個豬軟骨中麻辣米線。我食左一舊南乳雞翼，新鮮炸起，外層卜卜脆，淡淡南乳味，唔錯。我個豬軟骨就一般，因為軟骨唔係我鍾意嘅啫喱狀，咬落去啲骨係爽嘅；但我鍾意個麻辣湯底，夠辣夠麻，而且唔油，有時去啲米線舖會勁油呢間就辣而不油仲有我地都覺得配料酸菜好好味已經諗定下次試下炸豬扒先