尚品廚坊

Open Now

Now Closed

睇社交平台火鍋群組見到呢間新開小店啲相好似幾正咁，所以就打電話訂位嚟試吓呢度係觀塘熟食中心一樓，真係唔係睇社交平台 見有間咁既舖頭都唔會搵到海皇蟹肉羹每人一盅，入面有一啖啖既蟹肉，不錯蒜蓉粉絲蒸蟶子每人一隻，但好似蒸過龍燒西班牙豚肉串燒呢個超好食（任食），叫咗幾轉，滿滿既肉汁大亂鬥雞煲好特別既味道，第一次食有孜然粉味既雞煲呢個食咗兩轉金湯酸菜魚訂枱滿四個人就免費贈送，正常口味，不過不失手切牛頸脊好香濃既牛味，仲要係任食既

係FB 見到有人介紹話任食牛頸脊，又包前菜雞煲，4位仲送埋酸菜魚，就搵老友去試下先，第一次walk in 無位，所以記得訂枱先好去，因為鋪面唔大，大慨5-6張4至6人枱，同兩張2人枱，無位有啲要坐鋪外就無冷氣。$218 任食雞煲牛頸脊已經好抵食，開五至十點，無限時任食仲包左海皇瑤柱花膠羹，蒜蓉粉絲蒸聖子👍🏻👍🏻👍🏻串燒西班牙黑豚肉（任食）👍招牌大亂斗惹味雞煲（任食）👍精選湯底：（番茄薯仔海味湯、360牛乳豬骨湯、芫茜皮蛋百福豆腐湯、重慶麻辣湯）手切牛頸脊（任食）👍👍👍除左以上，仲有芝士牛丸、年糕丸、沙律丸、芝士腸、午餐肉、蔬菜籃係跟一碟牛肉一次上晒比你先。仲有張紙仔比你剔叫其他野： 有牛柏葉，魷魚，鵝腸，雞子，3種餃，炸魚皮，炸響鈴等等食左第一輪上嘅野，我地加左鵝腸雞子同炸魚皮，其他無試已經飽晒。任食類就無海鮮食，不過淨食牛都回晒本啦！飲品任飲：道地解茶，無糖可樂，五花茶、可樂，雪碧，芬達飽到上心口埋單仲話有甜品送椰汁雪燕凍奶，$218無加一仲要服務幾好，怕飲品唔夠凍仲問要唔要冰底，今餐真係好滿足唯一不足就係喺熟食街市入面，鋪面唔大同坐圓櫈無咁舒服。