尚食

Open Now

Now Closed

搬左黎長沙灣無耐，偶爾經過見到呢間有晚市一人火鍋想試！琴日經過見到無開（原來星期一休息），今晚收工終於黎左試，好驚喜呀！痴線，我揀左滑雞，冬陰功湯底，55hkd包汽水無加一，好滿足，又有蔬菜盤😍😍🤣🤣🤣 我唔會話佢味道係驚艷，但係係中上，而且性價比係非常高！一個人可以用呢個價錢打邊爐真係好嘆，坐得都幾舒服。有圖有真相。老闆夫婦好好人，仲問我要唔要辣椒豉油，一定會繼續支持所有有heart嘅街坊小店！加油呀，希望你地好生意，多啲人幫襯！！

以往路經沒有發現此店今日湊巧經過諗住隨便食晚餐點知驚為天人食物份量對得住價格唔在講質素亦十分合理以一人火鍋計每樣食物不多不少可以食到火鍋意義每樣食d另外新入貨啤酒其罐型設計亦非常吸引眼球抵食到唯有出post讚好

放工係長沙灣搵野食，天氣咁凍，就好想打邊爐。經過呢間小店，見到佢推出左一人火鍋，三款肉類可以揀，最平$53 就有交易，加埋一都係$60 就打到邊爐，都咪話唔抵食呀！🤩 而且雖然平，但食既野絕對唔hea!鋪頭唔算好大，係兩邊長卡位設計，坐得幾舒服，二個人打邊爐位置都算寬敞。觀察到應該係家庭式運作，老闆同老闆娘都好友善，有個後生既應該係呀仔，幫手處理落單同埋電子野。呀仔仲會主動同食客傾計，了解下食客有冇咩意見同埋食得飽唔飽。我覺得呢d 小店既人情味真係愈黎愈難得！🥹除咗揀肉類，邊爐配料都好多選擇，有我最愛既芝士丸。而且每個餐都跟咗雜菜拼盤，就算想加配野食都唔算貴。連埋個粉麵，食完超飽😆 推薦佢既滑雞，真心好滑👍🏻👍🏻👍🏻！！！好入味！！！唔止係湯底既味，應該係本身都有醃過，同埋幾新鮮。另外仲有個自家製漢堡丸👍🏻 👍🏻邊爐配料，推薦可以直接單點。老闆話呢個漢堡丸係師傅手打，食落好香黑椒同埋香草味，口感紮實肥瘦均勻，配上芝麻花生醬，好有驚喜。整體呢個定價真係好有良心，有小店嘅人情味，性價比超高，值得支持！🙌🏻🙌🏻

今晚去咗長沙灣呢間小店食一人火鍋，個價錢真係平到難以置信，肥牛$60 ，雞/豬🐽$55 ，除咗肉之外，仲配有三款唔同嘅丸，飲品同埋一大碟菜，而家呢個時勢，仲有呢個價錢，真係超級抵食。最重點係，食物質素一啲都唔差，食材新鮮，仲有幾款湯底揀，有藥膳、麻辣、壽喜鍋，呢個冬天真係要多啲嚟幫襯。老闆好好友善，係家族生意，一定要支持小店。滑雞雞好肥美，而且新鮮，有雞味漢堡肉丸呢款漢堡肉丸非常有特色，係新鮮豬肉整成，裏面有唔同嘅醃料，好好味，比起雪藏丸好味好多，而且冇落味精，食完一啲都唔口渴

一間值得我從家裏行15分鐘才到的食店，食物質素超值，店員服務態度良好，價錢合理🥺因為行得比較遠，平時上班不能在此進食早餐，但一到假期或周六、週日，必定專程來吃個早餐。食物吃得出是從心製造，份量足夠，味道很好，比起集團的大餐廳，質素好得太多了👍我很少寫食評，但今次衷心推薦給大家，但請留意服務時間，以免撲空🙏

同朋友經過呢間新開茶餐廳，位置吾多，但野食好足料。個西多士有3層包，每層都有花生醬😍😍沙嗲牛肉面既牛肉食落吾un，而且好入味。吉列豬扒黎到超大塊，同埋都多汁仲有例湯跟，飲落冇味精，而家好多料😋值得推薦黎食