川之味麻辣米線 (Closed)

太子地鐵站附近的川之味，平時中午來到都好多人等位，今次來到要排長龍。應該係因為B類餐飯，得20個位。等左半小時，終於有位，來到川之味，一定要試佢的豬軟骨。豬軟骨腍身，又滷水入味，加上麻辣湯底，真係非常好食。另一個不得不試係麻辣雞翼，外皮鬆脆、麻辣入味，肉質也好爽口。

旺角有好多唔同嘅米線鋪，我就梗係要揀一間未試過嘅黎食下啦🥰🥰Lunch time嚟到川之味，全間餐廳都滿座，好受歡迎🤣🤣—-我就嗌咗酸辣米線，配辣腩肉、辣豬肚絲同埋菜肉雲吞😋😋首先講吓個湯底，夠酸同埋夠辣，而且個湯底好濃味，好味道可以飲晒個湯🤣🥰辣腩肉好易咬，唔會好韌！辣豬肚絲亦都整得好入味，同埋好淋~菜肉雲吞個皮好薄，多餡料🤣🤣—-值得一讚佢哋個面好大碗，而且餸嘅份量都好多，晏晝食完飽到夜晚😂

川之味都係我一直好想試既米線list，估唔到6點幾近7點到都已經排曬隊，可能因為位置真係唔多。佢辣度有分十級辣，我本身唔太食得辣，簡左最少個級，但都覺得幾辣下! 所以大家要簡辣度個陣要留意下啦! 佢既餸其實普普通通啦，不過米線係幼身幾好咬!

川之味上次都介紹咗，咁今次又介紹咩呢？即刻介紹返～ 可惜今日太飽自己隊唔到一碗同肥仔share’’..🌶#中辣❤️‍🔥真係冇料到（利申食開譚仔幾小辣嘅朋友照叫，點知辣到佢食噴火）🌶請問有冇食到 #大辣川之味🌶嘅朋友仔一齊食😆其實大辣都唔係好辣，不過好刺激好正，皆因食譚仔特辣再加辣都已經冇料到🥲😮‍💨 所以自行考慮辣度🌶另外必點餃有🍖豬軟骨、🐙墨魚頭、🍢#醬爆鯊魚丸，不過今日冇鯊魚丸🥲同埋豬軟骨只限叫一份（唔夠貨）🌶#豬軟骨夠腍、夠入味，肥瘦剛好唔痴牙🦷 #墨魚頭 爽口彈牙，唔係嚼香口膠，中意食一家要叫！（唔係米記果種，2樣嘢嚟）🌶另外仲叫咗 #豬紅、#豬脷、#腩肉、係靚豬紅唔散，豬脷同腩肉一般（腩肉係白烚果種同雲貴川嘅唔同）5餸$71🌶#芫荽餃/豬肉餃 🥟 $32@6隻香茜餃係#芫荽控🌿必食，超香，好正，又脆卜卜，係家庭式嘅feel ！豬肉餃真係入面入豬肉😆 餃子控要試啊🌶米線最多「只可5餸」，扣底仲會俾多d牙芽你！夠晒好！學生跟餐凍飲 🥤+$2 /凍檸好 +$5 係學生恩物！所以Vienn超推薦中意食辣🌶嘅朋友一定要嚟食☺️🌶川之味麻辣米線 (太子)🌶太子通菜街212號地舖#肥dodo食

曾幾何時，每逢星期五花墟打完波都會聯朋結隊跑去食個麵吹下水最近少左去花墟但只要經過門口你都會俾佢陣川味吸引住今次都唔例外🍜川味自選套餐🍜個陣辣味清得黎仲好獨特唔係街邊一般炒辣椒🌶️加辣油嗰隻佢嘅麻辣係會吉入脷苔而好惹味我次次都係飲湯就飽左一半因為實在好難抗拒餸方面我都係以吸湯嘅為主打好似豆卜、竹笙等咁樣唔會俾啲餸搶左個湯😂但如果真係要推介一個餸必定係個秘製腩肉汁醬好厚身得黎係入晒味舊腩肉好明顯係炆得好淋身多年來都吸引到該區居民愛戴晚上6:30-8點係最多人時間通常都要等3、4台先可以入座呀 另外介紹埋兩款必點小食我會揀煎餃同埋香草🌿雞翼🥟餃子🥟餡料以菜多為主所以會覺得清新而且索索聲小編特別係酷愛香茜餃肉同芫荽層次分明餃子皮香脆可口，可能佢包得高身所以成隻都好有口感同埋可以滴啲醬油入餃子🥟裏面 🐔香草雞翼🐔呢個真係由細食到大要知道一個雞翼控係會幾介意個雞肉醃得唔入味但呢個即烤嘅香草雞翼只可以講係神一般的存在香草超足，烤出黎個效果絕對鎖實肉汁所以唔使擔心，每一口都係滴油同爆汁麻辣味我就覺得太刺激如果唔怕辣嘅朋友都係一個幾好嘅選擇 價錢係物超所值起碼個質素唔會參差食左咁多年都係咁高品質雖然好懷

大大碗分量十足，次次黎親都食唔晒碗麵🤪雖然佢係米線鋪但其實我覺得啲米線質素麻麻地，偏淋身。但我就鍾意佢嘅湯底，雖然係麻辣湯但唔會成層油又浮喺面，食起上嚟都覺得冇咁大負擔。不過佢嘅辣度真係唔係講笑，四小辣都已經辣到飛天🔥餸菜方面呢每次必叫嘅一定係墨魚頭！食得出好新鮮，唔會軟趴趴反而好爽脆😛另外滷水豬手同豬軟骨都係我嘅最愛，兩樣都炆得好淋勁入味，豬軟骨直頭炆到變咗啫喱咁。同埋佢哋嘅汁都係偏甜少少，唔會死咸😋

呢間米線店真係好受歡迎，我地差唔多排咗4-5個字先入到去😖估唔到呢度啲姐姐態度幾好😆佢嘅辣度有分小辣1-4，小辣5-10(+$1)，中辣(+2)同埋大辣(+$3)#麻辣米線😋好味指數：(7/10) 雞肉，墨魚頭同醬爆鯊魚丸，加埋凍飲夾埋就$59因為見好似好辣咁，我就試咗4小辣先，平時譚仔通常都食小辣，我就覺得呢到嘅4小辣唔係好辣🤣同埋個湯就得辣味冇一種濃郁嘅感覺😖佢啲配料份量好多!雞肉幾嫩，墨魚頭好大粒，大嘅差唔多有6,7粒，夾夾埋埋應該有10幾粒，又爽口唔會老好難口😆醬爆鯊魚丸都唔錯😳另一碗冇記錯係2小辣，顏色明顯冇我個碗咁橙🤣如果唔洗排太耐隊可以試下，米線煮得岩岩好，啲配料份量多又好味，不過個湯就普普通通，可能下次嗌辣啲會好味啲😚

已經好耐冇寫過食評，但係食完呢間之後真係忍唔住要寫，因為真係好好好好好好…….味😋👍🏻最近見米線關注組有人推介呢間，所以特登揸車過去食，咁啱門口就有錶位了Lucky 🌟叫咗酸辣(中辣)，豬腸、豬軟骨、豬潤、豆卜、爆漿貢丸豬軟骨同豬腸真係冇得輸，真係好鍾意d豬腸入邊係冇肥膏入口即溶，爆漿貢丸我都覺得唔錯而且個湯底濃郁好味，我本身都覺得自己係食得辣嘅，但係呢度個中辣都幾辣，但好好味😋而且好想讚下個姐姐超有禮貌，個人好Nice呢間暫時係我米線排行榜嘅第一位❤️👍🏻

想食米線但又low carb緊😂（人生就係咁矛盾🙃）不過原來可以米線轉芽菜架！·🥢豬軟骨蘿蔔芽菜底. 小辣1級😂😂入到鋪內麻辣味勁嗆，feel到好堅😂小小辣唔好咁激～食落湯底一般，但豬軟骨唔錯！唔怪得咁多人讚😆好入味！·🥢豬腸腩肉紫菜米線. 小辣1級～呢碗朋友既.你地都係穩陣派😆試左件豬腸，一樣好入味好好食，仲要洗得好乾淨👍🏻👍🏻·🐥麻辣雞中翼. 熱辣辣不過略咸·📍 川之味麻辣米線太子通菜街212號地鋪

呢間太子嘅人氣米線店晚飯時段由6:30開始已經大排長龍，到9點都仲係有人排，人氣勢不可擋👬👫👭餐廳有十幾年歷史，鋪面係茶記裝修繁忙時段一定要同人搭格，但係每兩個位之間都要有個隔板，感覺還好，同時用餐嘅空間都會相對窄啲雖然呢間係米線店，但係呢到就淨係得麻辣冇酸辣，所以唔鍾意嘅麻辣嘅朋友可能未必啱食😢但係鍾意食麻辣嘅朋友仔一定要試下！🍜雞肉炸醬麻辣米線 $42米線整體彈口，但係中間會夾雜有啲硬身未煮熟嘅餸嘅份量好多，食唔哂😋炸醬半肥瘦，帶甜，唔辣，質地係濕濕地，似肉躁，撈埋米線好好食🤤雞肉食落係好似譚仔個種口感，都夠嫩滑，而且成碗米線連配料嘅份量都好多👍🏿呢到嘅辣都係好似譚仔咁分左1-10辣，但係呢到就1️⃣係最唔辣，10係最辣，而1-4辣係免費，5-10要加1蚊侍應姐姐好好，本身我嗌左5小辣，點知佢好驚我太廢😂係咁同我講「可能好辣架喎」、「你食唔食到呀？」「一係食小辣啲先啦」🤣最後都係聽佢講叫左3小辣，真係啱啱好，太辣會食唔到🥵所以唔太食得辣嘅朋友要小心啲嗌，唔好一野就嗌咁辣🌶啲辣好足料唔會食落唔夠辣，好夠麻食到你個咀會紅哂，出到餐廳都仲麻緊，又唔會太油，夠哂惹味欣賞佢係每張枱都放左紙巾，可

太子川之味，好多米線群友推薦，辣度比其他鋪頭勁好多。湯底只有麻辣，冇得揀酸辣。叫左7小辣（右碗）和1小辣（左碗）。7小辣和譚仔中辣差唔多，湯底都同譚仔好相似，個人覺得冇特別。麻辣湯底當中，荃灣老闆娘最好味，跟住就係觀塘香格里拉，新蒲崗雲川都OK。米線偏粗及幾滑，彈牙但比較散，味道一般。滷水大腸及豬軟骨好好食，勁淋又入味，有驚喜。雙拼滷水小食唔知份量有幾多，可以考慮外賣加餸。雙拼雞翼$38，都係似譚仔，但好味啲。凍檸茶就好一般，麻麻哋。舖頭細細間，唔算迫，但係枱面好細。有紙巾任用，要加分。食完幾個鐘頭，個肚仲係慶慶地，好在淨係叫7小辣，否則菊花應該會賴嘢😬我都係鍾意酸辣湯底，食得辣嘅可以去挑戰下。總結，湯底似譚仔，米線一般，餸就好好味。個人唔鍾意譚仔，呢間試過就算啦。#太子#川之味

尼間係「米線關注組」人氣推介之一。地方比我想像中易搵，但地方就有啲細，冷氣都好足夠，不過佢既辣真係唔講得笑，愛好者必食之一。同埋佢既芽菜、韭菜超級多，比得上米線的份量！所以不太鐘意既話就記得要走芽菜！大推入口豬軟骨，是必點之選！-👅：豬軟骨+炸醬+雞肉豬軟骨醃得好入味，好甜，真心入口即融🤩🤩，滿口骨膠原的感覺超級正！不愧勁多人推介！雞肉就好嫩，比譚x更加嫩-👅：肥牛+芝士腸+ 炸醬佢尼啲餸都不過不失，普普通通既餸。不過勝在撈埋啲米線一齊食入哂味💕💕💕-👅： 米線+麻辣湯底統一講下佢個湯底先，佢就算三小辣都好辣🤣🤣🤣不過就真係好香，同埋麻辣感好強，食完都係吞尖到散發出黎🤣🤣佢既米線係我鐘意既硬度。係偏軟既米線。-👅：香菜烤雞中翼佢有分別有3份同6份比你簡，雞翼就偏干身，唔似其他雞翼肉感滿滿，同埋佢表面燒得太干，咬落第一淡係苦既，個人就覺得可以唔洗試佢啲雞翼。

川之味係我最鍾意食嘅米線有十幾年前喺太子明愛讀毅進lunch又食，放學又食，日日食之後出嚟做嘢到以前，就算返港島區，放假放工都要個個禮拜食去到而家未必能個個禮拜，但每個月都一定會抽一至二日嚟食首先川之味我覺得好好食，好難用文字表達每一次我都只係會嗌十分四中碗，呢個辣度適中（其實我可以食辣d,不過再辣啲就要加錢）飲凍奶茶，仲要食鴛鴦雞翼最鍾意就係食佢啲酸菜，每一次都會食曬啲餸先至食麵，每次食完都有一個好滿足嘅感覺同埋我覺得好有人情味同好親切，可能因為成日黎，如果老闆娘幫我落單，佢已經唔記得我食啲咩，佢問就會問我係咪照舊溫馨提示星期日同紅日假期係唔開嘅

服務真的好差勁👎，阿姊態度都好差！但是味道真的不錯，我們選了一個米線，加了豬軟骨，炸醬，腐皮，木耳，份量真的超大，夠兩個人吃，選了bb辣，真的夠味了，怕辣的慎選！香草雞翅膀味道也都不錯，檸檬茶也正常發揮！

本身想食佢個中碗米線套餐 但我想食酸辣湯底 佢話無得轉酸辣係麻辣 咁我話我要單嗌個酸辣米線五要個中碗 個姐姐大大聲喝我我諗成間鋪都聽到 「您諗清楚先同我講 d單改黎改去好亂」跟住話「我去拎過張單寫］佢就行開左我都算等佢落哂其他客d單先叫佢佢過到黎又講 ［你諗清楚先好落單］語氣真係好差講反野食米線小小硬 湯底我覺得五錯嗌咗豬軟骨豬大腸同雞肉豬軟骨好硬身其他兩樣五錯單睇嘢食可以有下次咁嘅服務態度就👋👋其他姐姐啲態度唔錯係得個個姐姐咁衰