川味美食

Open Now

Now Closed

喺荃灣想平平哋食個飯，又想食薯粉米線個類， 就諗起川味!🤤 本身冇乜期望只係想食飽就得， 叫個湯係佢竟然問我“洗唔洗多咩走咩？“ 我聽到呢句覺得好出奇，“走“就聽得多，“多“咩都有得揀？？我叫咗2號酸辣炸醬紅薯幼粉(小辣，蘿蔔，豬耳)， 我以為個餐嘅配料有芽菜點知原來得生菜， 但我姐姐超好人幫我將生菜轉做牙菜。。👍👍味道方面， 冇乜酸味，但係好香，好多配料，份量好足夠。👍 蘿蔔好清甜，豬耳嘅份量都好多。 個底真係有好多牙菜!😍😍 正!食碗麵都可以有咁多要求真係好。 💕

以前係附近返工，成日都黎『川味』lunch，可以話係我食過最好味嘅薯粉，個湯底好令人回味，所以我有時經過荃灣都會特登去食返碗！今日放工，過左荃灣，緊係要黎回味下～本身唔係太餓，所以叫左「酸辣炸醬米線」少米線多芽菜加配「海帶」同「小麻辣腩肉」兩個餸只係35蚊咋！就算再加餸，每款都只係加5～6蚊比出邊嘅鋪頭平好多！我覺得最正係個湯底！湯底濃郁，配料豐富又夠多，酸辣味夠突出，又唔會太嗆喉👍🏼👍🏼「小麻辣腩肉」好夠味，軟硬適中。Yummy!

做完gym，想食返啲雞肉補充下蛋白質，加上冇咩錢嘅關係，就想搵間大份夾抵食嘅餐廳，一諗就諗到川味。呢間餐廳由中學大學到宜家都好鍾意食，每次都必點撈紅薯粉，冇咩地方有撈粉，試過撈拉麵都唔錯，湯麵就未試過。大約兩點鐘來到，星期日都多人，好在有位。叫左撈紅薯寛粉，加蘿蔔、通菜、雞絲，麻小辣一來到嚇親，呀姐好似知我做完gym，勁大碗，對面個哥哥都望左一望。大份之餘，唔會因爲你叫左幾份餸而分薄左個份量，每樣餸都比得好足！蘿蔔係最喜愛，好淋同甜，又唔會吸左太多汁而變得油膩，件件都大大舊。仲而有配料：炸醬、芽菜、花生，份量好似一樣餸咁多。紅薯寛粉，好有咬口，但好滑有啲難夾會有少少彈汁有樣可以做得更好嘅係可以隔清啲水，咁就可以撈得入味啲。

唔使講都知荃灣區人口多， 人人都鍾意快靚正， 好多人 ，都會食快餐， 呢度就係一個好好嘅選擇， 普遍你講每個人嘅用餐時間都係15分鐘左右 ，點解可以食得咁快， 其實係上菜上得快 ，你點完餐大概三分鐘左右食物就會上到你面前 ，呢個就係最大嘅#賣點， 另外佢哋選擇都幾多 ，可以揀米線，河粉 ，拉麵 ，粗薯粉， 幼薯粉， 最鍾意就係#牛腩6hkd， #油菜10hkd，#肥牛6hkd一齊食， 加 #6蚊 有一支黑/白豆漿， 佢哋間舖頭嘅辣椒醬仲好好食，店舖裝修清潔都幾新淨。下午餐時段就有送埋飲品。入面既員工都(2號餐 酸辣紅薯幼粉）

話說今日好趕時間，睇住錶已經下午5點2，得番4個字時間，要食完野出發去上堂，又想番一番屋企，又想慳錢，又想食熱野，行行下發現左呢間川味美食，竟然滿足哂我既願望！😍我叫左個最普通既酸辣薯粉$25，跟住發現下午茶(下午5點半前)送埋野飲。問一問個呀姐，話飲品櫃入面既都得，裡面有罐裝汽水之餘，仲有原味同黑芝麻豆漿，咁我就要左好似好抵既黑芝麻豆漿。最終，連埋外賣加1蚊，盛惠$26咋！講番食物先，個薯粉都好足料架，係典型既酸辣味，又唔會好油，仲有好多肉碎，兩個字講哂，抵食

我同老公最鍾意去川味食佢嘅米線😍😍 我哋叫咗海帶肥牛米線同埋大腸肥牛米線再加碟通菜， d米線好入味，每碗米線都會配埋炸醬， 好惹味😍 通菜有少少辣，令人好開胃😋😋 肥同埋呢間餐廳嘅店員都好熱情， 會同啲客人傾計，好好態度👍👍👍下次一定會再幫襯😍😍

間鋪頭我經常去食 因為佢下午有餸一碟餸又或者係 送豆漿， 兩點半到五點 時段先有連星期日都有， 我次次都係叫酸辣 幼薯粉， 不過今次改咗叫酸辣拉麵， 入面嗰度呢姐姐好惡， 我同佢講酸辣又薯粉改轉拉麵， 唔要辣， 佢同我死 拗， 叫我下次一定要同佢講 酸辣拉麵 走辣， 不過算啦唔同佢哋嘈， 其實呢你 嚟嚟去去都係嗰幾個配搭， 酸辣/幼薯粉/粗薯粉 /拉麵 ,大中小 辣， 外賣加一蚊， 次次都唔駛五分鐘已經送到我手， 極力推介呢間嘅酸辣真係好正 而且好快手，肚餓最啱入去點嚟食。

荃灣一向是米線集中地，某天晚上經過，看到很光猛又很多人，便決定試試～店內位置不多，只有三張卡位及三張圓枱，搭枱時必然的，小店當然沒所謂啦，選擇有很多，薯粉，米線，拉麵及河粉，可以拌湯或撈粉，再配上自選的餸，點了碗豬頸肉牛栢葉湯米線，豬頸肉本身是帶辣的，個人不太吃到辣，雖然吃到要飲汽水，但酸酸辣辣的真的很正～而且整碗份量很多，配料、餸及米線都很多，豬頸肉及牛栢某都不很過硬～還有看到店員阿姨超好人，一直陪單身一人的婆婆傾偈，又幫婆婆去隔離的店看營業時間，很warm呢～

川味粉多到分唔到，隨便入一間碰碰運氣。這間還算不錯。落單姐姐友善有禮。環境衛生乾淨。隨便選兩個餸，都係三十幾。可惜無小食，有就更滿足。姐姐一送上，嚇到我眼都大，大碗到呢！仲要一條芽菜墊底都無，可想d粉有幾多。味道也不錯，夠酸夠辣，炸醬還要夠瘦不肥，都算健康之選。

每逢過黎荃灣廣場做野，一定係黎川味食，大大碗又抵食！下午茶時段送一送或飲品，湯面底21蚊撈面底20蚊，真係窮人恩物黎！雞絲撈粗薯粉，好食！其實本身碗粉跟既肉碎都幾多，有時唔太餓就咁叫淨面底加個野飲都夠了！

這天返荃灣外家前忽然好想食薯粉仲要粗嗰隻好彩醒起川味美食有粗薯粉那便不用煩食乜啦!!每碗粉可+$5配可口可樂或+$6凍豆漿一枝,應該係攞貨的但冇招紙不過豆味頗香而且不太甜幾好味飲得過呀^0^我的祕制醬汁撈紅薯粉$20粉底已有炸醬,花生,芽菜等配料,然後我另選了酸菜$5和豬頸肉$6合共$31~粗薯粉煙韌彈牙撈上中辣的秘製醬汁吃下香辣又刺激,配料方面酸菜未夠香醇但也可接受,而豬頸肉則偏淋不夠嚼頭!!車爸爸吃的是上湯炸醬米線$21底粉跟我那碗相同,而他選了大腸$6和腩肉$5共$32,試了大腸炆得挺甘香完全沒異味好好食呀~

一直以黎都唔喜歡食米線, 但係有次喺三哥食過紅薯粉, 一直念念不忘, 可惜三哥太貴, 一直都得唔抵食突然有事出荃灣, 完咗之後都唔想周圍搵野食, 經過見有位, 就入去試下啦~就叫咗碗撈幼紅薯粉, 加腐皮加雞絲落單嘅時候叫咗走青, 蔥同莞茜都冇晒, 有d辣肉碎, 芽菜同花生, 撈下撈下又ok喎~成個麵因為個肉碎搞到少少辣, 都幾開胃. 腐皮同雞絲都ok多d紅薯粉好煙韌, QQ咁, 一碗食咗我好耐, 同好飽肚我俾佢4/5分啦, 以米線黎講都高分啦~