川味美食

Open Now

Now Closed

買外賣要豬頸肉加雞翼米線.點知返工屋企打開係2份雞翼, 無豬頸肉.已經吾係第一次出錯.之前已經試過3次. 不論外賣自取或外賣平台都係甘.… 服務態度又差堂食的話吾多人. 但一定要你答應可以之後同人搭枱先比你坐. d卡坐好窄.坐不到4人. 最多每邊生1個半人,都要你坐.....

平時夜咗附近餐廳閂晒, 就嚟買外賣。食物質素不錯，份量好夠，鍾意食撈薯粉👍🏽 香辣肉碎都幾惹味。店員服務幾好，有八達通收費。飲品選擇唔多，都係罐裝汽水豆漿咁樣，感覺還好

兩個樓面啊姐服務質素勁差，講嘢好冇禮貌而且仲要西口西面，以後都唔會再幫襯！食物質素好一般，仲要加上咁嘅服務，簡直係貼錢買難受！想要嘗試有幾差嘅服務呢間啲啊姐絕對可以俾你感受到

去到荃灣米線聖地緊係食米線啦！依一間成日經過都會想試下，不過門口有一大級，所以今次最後選擇左外賣🤣今次叫左豬耳撈紅薯粉同雞翼麻辣米線豬耳撈紅薯粉大家最擔心係唔多乾身不過放心佢唔會好似外面甘拉起啲面重會有湯係底既🤣，夠乾身！豬耳份量足夠！雞翼麻辣米線叫左小辣辣度剛剛好，唔會超油！雞翼會有2隻，肉質一啲都唔硬👍🏻，米線超多🤣好似唔會有食完既一日甘，係甘夾都重有👍🏻👍🏻埋單$80內，真心抵！味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️⭐️

時隔好耐冇食川味 以前係附近返工堂食經常食呢間 味道都唔錯 價錢又平 。 今次經過買外賣 慣例嗌咗上湯炸醬酸辣米線 等咗5分鐘就 都好快拎咗 返到去點知一打開 見到湯底個色同米線有啲心感不妙 似係自己喺屋企煮嗰種米線 一食落去 米線偏硬 浸多陣都係冇淋到 冇米線鋪果種米線嘅口感… 嗌咗酸辣 但真係一啲酸都冇 得啲辣油嘅麻.. 由於個湯底唔好味所以啲餸完全都唔入味… 雖然係平 但以前平都唔係咁架!! 失望。

今晚唔想煮飯所以專登去買外賣😜今次嗌左1️⃣(左) 酸辣熱拌紅薯幼粉中辣 配 豬耳有時出街食呢啲嗌中辣都完全唔辣呢間就夠晒味🌶🔥🔥👍🏻👍🏻👍🏻👍🏻豬耳醃得夠味！爽口！👍🏻👍🏻👍🏻2️⃣(右) 麻辣湯米線中辣 配 雞翼拎到返屋企15分鐘車程都仲好夠熱米線又唔會浸到好淋👍🏻👍🏻👍🏻雞翼有少少細隻，不過夠味，偏淋身呢個價錢，性價比都算好高！👍🏻👍🏻🦽: 因為今次係外賣，所以不適用味道: ⭐️⭐️⭐️⭐️服務: N/A價錢: ⭐️⭐️⭐️⭐️⭐️🦽👍🏻: N/A🚗: N/A

服務態度極差，問少少野都唔願答咁，又無禮貌。尤其樓面落單個兩個呀姐，講野又講唔清楚，聽都聽唔明佢講咩，明明一個收左錢，又唔比收據我，另外個個又衝出嚟話我地未比錢，做乜唔show收據就拎走佢碗麵

中場休息入泥食碗粉啫，響鈴分開上有咩問題？一系你就講吾得，吾好系出餐位大大聲講粗口，我坐系你後面咋，大姐，從我坐底到食緊米線，你就一直系到做運動，我入泥睇你做運動架？講野語氣又差，響鈴又淋，仲系到講，無生意咪照叫（豆漿）囉，反正可以放半個月，真系睇下幾時食壞人，真系吾系睇吾起大陸女人，做到你甘真系無說話講，食完個肚真系吾舒服，我甚少寫食評，今次真系無辦法吾寫下，ps.做運動去運動場拉，反緊工架你，

入到去問佢幾有禮貌地有冇餐牌 回應竟係叫人出返門口睇玻璃貼但佢唔係冇外賣紙 又唔係冇堂食的餐牌禁姐係純粹唔想serve我禁話?！係落雨嘅日子 都要人咁樣做 🤔當然只係化妝個個姐姐態度不善，其他員工好正常好有禮貌。講返食身物:係啲好濃酸味嘅米線， 如果你迷酸辣都可以嚟食下咁就試咗個特別少少嘅 2號餐酸辣炸醬紅薯粗粉 可能外賣佢有好熱啦返到去就有少少煮過頭呀個粗薯粉 如果煙韌啲會再好食啲佢都幾多料餸菜嚟講都幾多選擇嘅 有五至七蚊，有雞翼呀，豬頸肉呀，大腸喇，魚皮餃呀，炸醬呀，響鈴呀，腩肉個啲恆基本野佢附送嘅肉碎都好多呀 多到我以為佢係一個餸嚟㖭啦

通常一食開米線果排就會好掛住，食完一碗之後隔日又會想再食。我叫左酸辣炸醬米線少辣，湯底唔會過咸同唔油膩，而配菜方面我揀左豬紅，海帶結同腩肉。腩肉都幾瘦同埋有少少辣辣都幾惹味，配菜份量都唔少所以5蚊一款都真係幾抵食。

今日去完附近整嘢後求其入咗間米線舖味道一般，衛生環境好一般，服務差碗嘢個湯還可以，但嚟咗食唔夠兩啖就見到啲湯到有隻烏蠅，同呀姐講，佢即刻收咗隻烏蠅就問我本身果碗係咩嚟換過碗比我等緊佢換過碗比我果陣呀姐想埋嚟收走我舊果碗我叫佢遲啲先，個呀姐想夾硬收，我要佢放番低，佢發脾氣，話唔會比番呢碗我，行去廚房繼續發脾氣既然唔會比番同一碗我點解唔可以新果碗到先收舊果碗？之後仲要發脾氣丟嘢等人聽到咁，真神奇利申：我食完比足錢乜都無拎過佢著數架除咗個呀姐比我啲氣

荃灣好多米線店同紅薯粉店揀E間雖然吾會特別出名 但勝在吾洗下下排隊等食今次叫左豬頸肉撈紅薯寬粉 次次都吾會失望 大大碗好足料 因為本人吾好食辣🌶所以從來食親米線/紅薯粉都會叫吾辣/清湯撈紅薯粉原有既肉燥調味十足 所以吾會因為吾辣而食落好寡味豬頸肉既肉質好爽口 而且吾似某D米線/紅薯粉店甘幼切 所以食落去滿足🤤而老婆叫左個清湯牛展拉麵 試食左幾啖發覺都吾錯 牛展軟硬適中 食得出好濃既牛肉味 E間店既野都幾好食 係樓面姐姐有少少吾憂做😗樓面無咩人既情況下 搵佢落訂 都要叫幾次🤦🏼

行街行到去荃灣廣場，個邊都有浩楠飯堂，川味美食，就係其中不間，5:30前有下午茶 送飲品。大家都知薯粉健康，5個大蕃薯才造到1斤薯粉。吃過薯粉的多數只吃過普通那種(比米線粗一點),這家是其中一家有粗薯粉(又叫扁薯粉),這種我特別愛，因為扁薯粉就像河粉一樣粗。煙煙靭靭(台灣叫:QQ 的) 薯粉有分撈粗薯湯粗薯，兩様都很好吃，我就比較喜歡湯的，平常都叫中辣。還有特製蒜茸辣椒醬，加落薯粉超級開胃好吃。另外他們有自家手工拉麵也是非常不錯的。

米線控又嚟介紹米線喇😆今次呢間川味美食大家應該好熟悉，因為佢有好多間分店遍布香港😆但真係入去試我都係第二次，今次我地就試左佢嘅撈粗薯粉，聽講薯粉係健康過米線😏我地分別嗌左蘿蔔麻辣豬耳響鈴撈粗薯粉（小麻辣)，首先講下佢個醬汁麻麻地好香口好開胃，而薯粉唔會好硬，好煙銀同個麻辣perfect match!!!!蘿蔔好甜好淋，麻辣豬耳味道唔錯，唔會好辣，但有啲厚身，如果切薄啲啲就更好了😚而另一碗我地嗌左雞肉絲豬腩肉海帶撈粗薯粉(小麻辣)，豬腩肉都幾好食，味道有少許辣，佢仲有另一個自製辣醬可以俾你隨便落，落一小匙羹仔就味道剛剛好了，如果唔食得辣嘅朋友仔可以落幾滴試下先😬😬😬我地嗌左支黑豆漿，埋單都係100咋！正！

打波前快吃個 tea，貢左入附近呢間川味美食，好似其他 blogger 話齋，唔知點解荃灣咁多川乜川物，細個還未有譚仔時只有路德圍一間同citylandmark 後的雲貴川，而家十幾間都有，Anyways。叫個酸辣腩肉牛柏葉米線，下午茶送豆漿一支，$40 有找抵食啦！不過食物中規中矩，味精湯腩肉鞋牛柏葉還爽口，不過咁既價錢算係好好喇！Lunch 或下午茶一定唔會令你好失望的。酸辣腩肉牛柏葉米線, 下午茶送豆漿一支