川品雲南米線

Open Now

Now Closed

啱啱好趕得切喺午飯時間入座💕💕5分鐘後門口已經排咗人龍座位唔算闊落，甚至有啲迫🫣🫣但見到每一枱個樣都係好愉快地等待間接令到我都好快樂地等咗15分鐘🤣🤣由坐低開始已經聞到好香嘅酸辣味😋今次叫咗👇🏻👇🏻豬頸肉拼雞扒酸麻辣湯小辣$68 +凍檸茶$7🔶豬頸肉果然係王牌，肉質好食，唔會柴唔會鹹🔷炸雞一嚟到食第一嚿脆卜卜好好食，但之後浸晒湯就差咗少少，不過仍然都覺得好食，雞肉好Juicy📣📣重點講湯底，本身配菜可以加芽菜韭菜芫荽同蔥，加上仲可以加酸，不過我全部冇加，主要係想試清楚湯底個味道💕💕💕湯底飲落好濃厚，唔會好稀，有淡淡嘅甜味同麻既感覺，反而酸嘅感覺係最突出，依碗嘢真係好驚喜😍😍😍對於口味清淡嘅我唔能夠飲晒成碗湯，但每啖米線食落吸晒湯汁嘅味道，真係超級正👍🏻👍🏻不過眼見隔離枱四個男人全部飲晒成碗湯就好佩服佢哋🤪🤪個湯真係唔錯😋😋🐝—————————我是分隔線—————————🐝總結：未試過嘅快啲去試吓啦，我已經諗定隔兩日再去食多一次再試真啲，對於依個麻酸辣，真係刷新咗我依個米線控嘅新味蕾🫵🏻店名：川品雲南米線 (新蒲崗)地址：新蒲崗康強街17A號地舖#hkig #foodie#foodblo

醬爆丸同魚腐酸湯米粉真係一對好拍檔！醬爆丸外脆內嫩，醬汁香濃，味道十分入味，食落去好開胃。魚腐酸湯米粉湯底清新酸爽，魚腐滑嫩，與米粉完美結合，吸收咗湯汁嘅鮮味。米粉煮得剛好，口感滑順，整碗菜式色香味俱全。特別適合想食輕鬆又美味嘅朋友，真係非常推薦！

麻辣胡椒湯（腩肉/鴨血）湯頭先麻後香，胡椒既辣令湯既層次更加豐富，適合鐘意濃味既人。腩肉夠厚夠大塊，油脂感足夠。鴨血夠滑，但略嫌薄同份量較少（只有三塊）。米線滑而且份量足。衛生方面，地板同櫈有啲污糟同鋪位後方有點臭味。凍飲加$7 總計$57食物🌕🌕🌕🌕🌑環境🌕🌕🌑🌑🌑價錢🌕🌕🌕🌕🌑服務🌕🌕🌕🌑🌑

係新蒲崗好好味嘅雲南米線，每到lunch time外面都會排長龍。川品個辣味真係好味。豬頸肉或雞扒或豬扒都好足料大份，另外加款送就好豐富。推介魚腐，係同平日嘅魚腐唔同的。而紫菜佢真係成大餅紫菜俾你。面質可以揀軟硬度，也可轉薯粉。外賣可以門囗掃碼落單十分方便。

依間係我超愛既米線店之一甚至可以講係九龍區最好食果間(利申:我覺得) 湯底有好多種無論係正統麻酸辣定係比較少見沙嗲湯甚至最近仲有出酸菜魚湯底 我每樣都試過鍾情於麻酸辣湯辣度可以自己決定我覺得第一次嚟/如果平時唔算太食到辣可以先由最小既微辣開始就算係最低級別都已經好辣所以野飲係必需!!超過癮會一啖一啖咁接住食完全停唔到落嚟份量都好夠 雖然佢主打係米線而最吸引我就係餸有好多款揀但一定一定要試炸野無論雞扒/豬扒/豬頸肉都試過外皮炸到好香好脆肉質仍然好嫩滑

每次經過都見舖頭坐滿晒人出邊排晒隊等攞外賣今日中午見人少少，就入去試一試佢酸辣湯+鴨血+蘿蔔+牛肉湯底好有後勁，建議唔食得辣嘅人唔好揀咁辣蘿蔔甜，都算難得！(成日喺出邊叫蘿蔔一係冇味，有時仲會酸講起就嬲)牛肉滑、鴨血冇怪味所有配料湯底都做到應有水準而且價錢合理，糧尾恩物題外話，職員服務唔錯值得嘉許，見佢勁忙但都唔會做到黑晒面

係附近返工，基本上 一星期食3次咩湯底都試過哂 自己一路都好鐘意食米線食過大角咀覺得好好食 過咗嚟喱邊返工見到有 就日日嚟食 下就食後生個個同事好好 因為基本上樓面得一個人 好忙 但個個同事長期都好好態度咁有日收工，又好涷 想食個胡椒湯同朋友一齊食 一人一碗 自己叫咗菜底 朋友就食米線咁嚟到 我真係嚇親 係少過我平時下午食勁多 我問店員 咁係個呀姐嚟 唔係平時個個 我話 點解啲份量少咗 同平時差好遠店員入完廚房 出嚟話 廚師問我有啲唔同咗？我話平時下就嚟食開 份量都唔係咁少然後店員話係咁少菜㗎 菜底仲有冇其他問題我就真係已經無言 我答 你都講到咁 我可以有咩問題我知就收工 咁唔夠埋，不如直接暫停佢 唔好勉強 同埋個位同事 真係超無禮貌 我提出份量少唔係要退錢或者咩 係平時份量成日都唔同 今次係過份，唔會再去！

呢間米線已經見過好多人介紹見約開朋友就順便嚟探訪一下！🌼豬頸肉米線（酸麻辣湯小辣）大大碗米線裝到勁滿😋，侍應上枱嗰陣都寧捨小心💪🏼💪🏼米線本身已經走晒青同茜啦。首先試飲湯底，酸辣味道好出色超夠味‼️食每啖米線都忍唔住要𢳂夠滿滿嘅湯一齊食😋個人覺得小辣都好夠辣啦，再嗌中辣應該要飲好多水😝跟住再試名物之一嘅豬頸肉👉🏻豬頸肉份量多，切到佢係煎過先上的，就算浸咗湯都食得出焦香，超好味！

大角咀都小有名氣既川品雲南米線開左分店係新蒲崗😋Soy Egg 🥚同9 Flag 🏳️經過見到就入左去試下係唔係真係咁好食😋必試: 無是但總結: 我個人會寧願去譚仔😟是但食評🌟💬✰環境 🙂 細間 逼夾🙂小店格局 無咩特別裝修🏡 都叫做乾淨企理 D位都放得幾密唔算坐得好舒適 🙂✰小鍋米線 酸麻辣湯 招牌腩肉 醬爆丸 ($48) 🐷🍜 唔夠酸 唔夠麻 腩肉有騷味😟酸麻辣湯唔夠酸 唔夠麻😟D香料好似爆得唔夠香 唔夠出😟酸味都唔夠 個湯入落去得高湯味咁醬爆丸係普通醬爆丸 無咩特別招牌腩肉寫住招牌喎 搞到期待值飆升可惜期望愈大 失望愈大😟無咩味道可言 似白烚豬肉💦🐷仲要有豬肉騷味 都幾失望😟✰小鍋米線 麻辣胡椒湯 麻辣鴨血 炸醬 ($48) 🌶️🍜 胡椒味失左蹤😟胡椒味完全唔夠要𢳂到底 連埋D胡椒粒一齊食先有胡椒味🌶️麻辣味都係唔夠麻 唔夠香😟都係得高湯味 偏咸但高湯應該都足料既 飲到雞湯同豬骨味🐔🐷麻辣鴨血夠入味 但麻辣味都係唔夠強勁🦆未到好滑 但有未到好實果隻口感上不過不失🙂炸醬好重豆瓣醬味 好夠咸 但唔夠香味😟我expect 會炒到麻麻辣辣同埋有提鮮作用但現實係幫個麵加咸左only😟✰口水雞 (

川品嘅米線，朋友都讚好要返chur，自己比較細食，轉芽菜底，有得轉，nice~😎叫個兩餸，腩肉同被朋友驅使叫咗嘅腐皮⋯結果成碗都係腐皮同腐皮同腐皮⋯本身食得辣，嚟個中辣，正！😋，比阿三同阿譚嘅酸更夠酸～ 同埋食落無阿三咁油。有得轉底，flexible 好多，米線加兩餸份量，男士都夠飽😃雖然座位有少少窄，不過侍應都好幫得手。有時要等一陣位，但揀啱時間（1:30？）就唔洗等位太耐。個人同朋友最深感受：冷氣夠！阿三同阿譚嘅冷氣真係要拎多包紙巾先夠抹汗

酸辣湯底，仲可以轉牙菜底，啱晒細食嘅女士☺️ 中辣爽歪歪！竟然仲有萵苣食，正！值得再回頭～仲有可以加脆豆，加其他配料，夠晒窩心🤭同行朋友話胡椒豬肚湯底都好好食，下次可以試試～

求其喺OpenRice搵附近嘅餐廳，發現咗呢間米線😳竟然同譚仔三哥開喺同一條街，所以覺得一定要試吓😂😂😂🌟酸麻辣湯底好好食，湯底嘅配料都俾得好多，夠味得嚟又唔會好鹹，肥牛同埋滑牛都好夾👍🏻👍🏻👍🏻🌟麻辣湯底都推介，豬頸肉係即炸，非常脆口😳 鴨血好入味，唔係求其煮完放入去😂所有食物上枱嘅時候都非常熱，好新鮮，米線好彈牙，唔係好淋嗰種😳呢間餐廳嘅店員都非常之Nice～～～價錢仲要好抵，大推

星期三八點放學，第一時間去醫肚仔。本身係另算食另一間，但係我地以為呢間就係本身想食果間，就入左去。食完睇返openrice, 先發現去錯左😂😂不過，呢間水準都好高，而且價錢合理！Order左個沙嗲湯底小小辣豬頸肉薯粉，涼拌雲耳同凍檸茶。Oh my god, 個湯底好好味！可以係一大驚喜，配埋個薯粉，其實唔使食餸都ok!不過薯粉嘅份量較少，男仔食嘅可以會唔夠飽～兩個粉，一碟小食，兩杯凍檸茶，$129走得，都無得輸了😋

平時隔一排就米線癮起見到川品新開咗係新蒲崗，特登入去試試舖面唔大，到lunch hour就坐滿人枱同枱都幾貼 ，唔好預好好坐大家都係食完就走我地兩個人食，一人一碗米線再加3個小食成功叫滿一張枱胡椒豬肚枝竹湯米線(+炸醬，墨丸，蜂巢豆腐)超小地方有胡椒豬肚枝竹湯揀，碗米線黎到好多餸，基本已經有豬肚同枝竹，分量都唔係hea，豬肚都大大舊，好厚，加埋我叫嘅餸好似多咗兩份餸咁，湯底亦好濃郁，胡椒味都重，十分推介嗌呢個湯底再配啲吸湯嘅餸小窩酸麻米線(+豬頸肉，豬腸，腩肉)呢間嘅豬頸肉幾出名，果然炸到個面好脆，加埋個酸麻湯好正，餸嘅分量都唔少，男士都絕對夠飽鹽酥雞醬拌皮蛋蒜泥白肉特別想分享下，佢同平時嘅蒜泥白肉樣唔同，底係青瓜，上面放塊郁切嘅白肉，頂就係蒜尼同花生芫荽，食落口感比平時果啲薄薄一大塊更正更爽，食完有青瓜中和下個口唔會勁蒜味同好油整體係間cp值高嘅米線舖，店員都好有禮貌，上菜速度都快，係一間食完會掛住佢想再食嘅小店

睇唔岀新蒲崗呢間米線認真岀色。係我食過最好食嘅米線鋪！建議嗌雞扒或豬扒米線 塊扒明顯食得岀心機同功力 無論黎幾多次食都炸到外脆內軟 肉汁滿滿 雖然有時落完單等得耐左少少 但寧願佢有心機整好過求其快快手整完就算 唔似某啲x仔米線咁。湯底方面鍾意食辣嘅朋友可以叫胡椒或者麻辣湯底冇得輸 胡椒味湯底胡椒味極濃 如果想食唔辣可以試下食胡椒豬肚湯底 都好正店員好禮貌又好服務，米線控快啲黎試下！！