川滿居 (Kyoto Plaza)

Open Now

Now Closed

川菜中最愛那挑動味蕾的香麻 為唇齒間帶來刺激的味覺體驗 餐廳主打四川菜及京川菜 不但菜式選擇多 食物頗有質素且性價比高 是在銅鑼灣品嚐川菜的好去處.▪️黃金蝦球 | $128黃金蝦球是當晚最喜愛的菜式之一 外層的黃金炸衣帶有酥脆的口感 鹹蛋黃平均佈滿每隻大蝦 蝦仁相當大隻 肉質爽彈 炸後仍保持著鮮嫩多汁 .▪️金湯酸菜魚 | $188金湯酸菜魚也是推薦之選 酸菜魚賣相吸引 魚肉用了桂花魚片 紮實嫩滑 酸菜魚可點選不同程度的麻辣度 不會過鹹或過於油膩 除左有滿滿的魚肉外 亦有不少薯粉 姬松茸菇 萵筍等配料 吸盡湯汁精華 美味度加倍提升 .▪️川香鮑魚雞煲 | $168▪️紅糖糍粑 | $58另外的鮑魚雞煲鮑魚份量很慷慨 鮑魚軟腍入味 雞肉嫩度中規中矩 勝在入口惹味 四處瀰漫誘人香氣 最後以炸得金黃煙韌的紅糖糍粑作結尾 確實相當滿足.這裡不少菜式也供客人選擇喜愛的辣度和麻度 更有少油選擇 以貼近香港人的口味 裝修以中國風為主 天花板上的紅燈籠 牆上一幅幅川劇畫和面譜等 份外增添地道風味💆🏻‍♀️

今晚想食川菜, 記起銅鑼灣  [川滿居], 立即去電訂位.   這家館 子,  中式佈置, 紅卜卜的, 好有歡樂氣氛.天花掛上紅燈籠, 牆上有立體裝飾, 好有中國風. 有 VIP房, 梳化卡座, 方桌, 客人不少,  有氣氛. 侍應招呼好有禮,  安排座位有效率,餐牌彩照好閱目, 食物款式多, 海鮮, 有出名的酸菜魚,  蝦.  雞煲, 北京片皮鴨.   有齊我們喜歡的川菜.落單點了菜, 叫了 大樽裝藍味啤酒,  好冰涼. 蒜香拍青瓜 ~  手拍青瓜, 好入味,  蒜香酸辣味道至正.  開胃小食,  越食越精神.黃金蝦球  ~  即叫即炸, 上檯熱騰騰, 蝦球好巨型,  外皮有流沙鹹蛋黃,  香脆可口,  蝦球肉質新鮮彈牙,  調味非常好. 金湯酸菜魚 ~  選擇了BB 辣,   藍色的盛器, 滿載金黃色的食材.    好豐富,   有鯛魚片, 酸菜, 蒿筍, 鮮菇,  乾菇片, 青紅辣椒, 唐芹, 芫荽,  薯粉等 . 湯底酸辣開胃, 魚片配料份量多而入味.  微辣味道好滿意.   魚肉好滑,   魚片 大大塊, 味道鮮, 爽滑結實. 配菜相當多.紅薯粉好粗身, 煮得稔滑,  口感煙

我和朋友們約好去川菜館。進入餐廳的瞬間，我們就被濃郁的辣椒香味所包圍。餐廳內裝修簡潔大方，桌上擺滿了各式各樣的調味品和小菜，讓人看了就胃口大開。我們點了幾個招牌菜開始品嘗。🔹水煮牛肉🔹🔹金湯酸菜魚🔹🔹麻辣招牌香鍋🔹,午餐肉牛栢葉,豬大腸,牛肚,萵筍第一個上桌的是水煮牛肉。這道菜色澤鮮艷，紅亮誘人。牛肉片入口即化，配上辣椒和花椒的刺激味道，讓人忍不住多吃幾口。緊接著上來的是金湯酸菜魚。這道菜以新鮮的草魚為主料，加入了特製的金湯和醃制好的酸菜。湯汁濃稠而且帶有微微甘甜，在嘴裡回味無窮。最後一道是招牌香鍋。這個鍋底由十多種特殊調料燉制而成，色澤紅亮、香氣四溢。鍋里的午餐肉、牛百葉、豬大腸，牛肚，萵筍等配料都鮮嫩可口，口感豐富。其中最令人印象深刻的是牛肚和萵筍。牛肚烹制得非常入味，口感爽脆；而萵筍則保持了原汁原味，清爽可口。我們吃得非常滿足。這幾年來，香港開設了許多川菜館，為食客們提供更多選擇。無論是水煮、麻辣還是泡椒做法，每一道川菜都展現出濃郁的川味風情。

而家港人流行北上搵食！但係其實交通好唔方便，每一次來回時間都要成四個鐘！又要過關又要排隊😅⋯⋯這間川菜館充滿濃厚嘅正宗川菜風！味道相當正宗，而且出品大件夾抵食！每一種菜式都做得非常出色！夠晒鑊氣！👍👍使乜上大陸搵食啦⋯⋯😅😏黃金蝦球海蝦炮製的蝦球超巨型，肉質鮮味！而且雪白！鹹蛋黃外脆內嫩⋯⋯非常出色👍趁熱食😋口感超正！非常滿足！金湯酸菜魚金湯酸菜魚，可選辣度！揀咗中辣👍超正！酸辣可口！湯汁濃郁！薯粉吸收了湯汁超惹味！魚肉超多，鮮嫩而且大件！非常厚肉！配菜仲有好多款添！招牌香鍋麻辣香鍋廚師用咗好多種嘅配料去炮製呢個麻辣醬汁！有別於其他食店！特別出色！匯集麻辣、香辣、鮮味的特點！小酥肉超惹味又鮮嫩！牛肚超多！吸收晒啲麻辣醬汁好好味！墨魚餅彈牙爽口又鮮味！花菜、四季豆非常爽脆！啤酒🍻仲有冰杯提供添⋯⋯👍

📍川滿居銅鑼灣駱克道491-499號京都商業中心6樓終於都有時間同阿媽食個母親節飯，二個人去撐枱腳，我之前嚟食過，覺得個酸菜魚好好味，就帶阿媽嚟食下，佢都覺得好食，又坐得舒服🤩🤩👉金湯酸菜魚 💰$188😋😋😋😋.8/5其實兩個人食呢個份量有啲，但已經係細份，又好想食，所以最後都係點咗。一嚟到即刻飲啖湯先，酸酸辣辣非常惹味醒胃，魚肉又嫩滑，酸菜醃到好入味，配料又夠多，食極都食唔完，食剩好多，最後打包走👉籐香雞 💰$66😋😋😋😋.8/5上次食過口水雞，今次試下呢個籐香雞，雞肉夠嫩，微微籐椒辣香味滲出嚟，呢個價錢，呢個份量，非常抵食👉孜然牛肉 💰$88😋😋😋😋.8/5好夠鑊氣味，洋蔥爆到金黃香口，牛肉又嫩，又重牛味，一啲都唔韌，餸飯一流👉桃之夭夭 💰$36😋😋😋😋.7/5好濃桃味，配上梳打水，係個口到爆氣泡個感覺，成口桃味👉百香果檸檬茶 💰$36😋😋😋😋.8/5特濃檸檬茶加上百香果，原來都好夾，唔會太甜，飲到茶味，又帶點百香果味，又有咬口回頭:yesyesyes！食物好高質，食物選擇勁多總有嘢啱食🤩🤩🤩

銅鑼灣午餐想吃川菜，這間在銅鑼灣地鐵站C出口對面，吃完去逛街，地點真的堅一流；內裡的裝修以面譜為主題，充滿京劇的傳統味道～籐香雞～雞肉十分嫩滑，份量也多，雞肉充滿水份感；而味道方面，因加入了籐椒原固，味道香辣，麻味延長，吃起來更開胃～孜然肉片～用麼麼皮夾著吃，肉片厚度適中又冧軟，洋蔥非常香甜，用麼麼皮夾著吃超正～金湯酸菜魚～味道刺激香麻，魚片滑嫩無骨，內裡還有大量的木薯粉及香菇，很適合分享一起吃～

小編係好辣之人，川菜絕對係我嘅心水菜式，想搵間性價比高啲，份量又多，味道又較正宗，我就推薦呢一間喺銅鑼灣嘅小店！👍🏻金湯酸菜魚 稱得上係店舖必食，湯底夠酸又夠辣，魚肉滑捋捋，無骨無刺食得安心，底部更加有朔晒湯嘅薯粉，口感煙靭；配料方面亦有萵筍、雜菌、蘿蔔片等等嘅蔬菜！👍🏻黃金蝦球咬落去啖啖鹹蛋黃嘅香味，鹹香度出色，而且不油不膩，蝦肉爽彈，外層不會粉粉厚厚，反而極香脆極香口～送飯一流👍🏻口水雞雞件份量都好多，而且雞皮唔會太過肥，肉質幾嫩幾滑亦夠冰凍，特別喜歡佢嘅花生碎粒。👍🏻飲品分別叫左桃之夭夭同百香果檸檬茶，蜜桃飲品嘅底部更加含有爆珠，口感一流；百香果檸檬茶清新又解膩，除咗檸檬片之外，更加有青檸添！💡一入門口就聞到嗰種麻辣香，不過唔會嗆喉，餐廳裝修亦都具有特色，掛滿着一盞盞嘅紅色燈籠！

好耐無吃酸菜魚啦，就同朋友約埋一齊去吃。環境好，服務態度都唔錯，位置闊落，座位舒服。我地叫左個金湯酸菜魚，湯底好正啊，酸酸辣辣，魚肉鮮嫩，酸菜好好味，而且裏面好多配菜，有金針菇、薯粉、姬松茸菇同埋萵筍，份量夠曬足，吃落去唔會太油膩，而且都唔會話太鹹，其他菜式都唔錯噶，推薦比其他朋友試試。

今晚跟同事到銅鑼灣一間上樓餐廳食川菜，七時入座，餐廳幾乎全滿，似乎質素頗有保證，一看餐牌發現餐廳小菜種類繁多：雞煲、乾鍋、酸菜魚、小炒以至甜品等應有盡有，而且價錢相宜，性價比高，難怪餐廳頗有人氣。❤️片皮鴨片皮鴨可選半隻以及一隻，今次揀了半隻份量，亦足夠兩三人分享。片皮鴨鴨肉充滿油香，至於皮位爽脆，油脂十足但不會有油膩感，鴨香味濃，沒有臊味，非常高質素，再加上北京醬、大蔥、青瓜條等，再用麼麼皮包住，多種味道及口感混在一起互相配合，喜歡食片皮鴨的朋友絕對要一試。❤️川香鮑魚雞煲鮑魚雞煲份量非常多，三四人分享亦足夠，味道濃郁又不會過鹹。鮑魚口感爽彈有口感，不會嚡口，至於雞肉，外皮炒得頗香脆，而裏面肉質仍然嫩滑有肉汁。另外加上洋蔥片、芫茜以及芝麻，令本身雞煲香濃味道更添一份香氣，味道層次豐富，絕對大推介。❤️孜然牛肉一上枱已經聞到味道香濃的孜然味，牛肉質感嫩滑，再加上洋蔥青甜味道反而更能令牛肉多添一份甜味，再配合麼麽皮包住食，有少許似土耳其的烤肉捲，味道惹味同時又有麼麼皮的煙韌口感。❤️清炒萵筍絲萵筍含有大量膳食纖維，纖維有助於促進腸道蠕動，增加排便的規律性，而口感爽口滑嫩中又帶有清甜，簡單的一道小

今日放工同朋友黎左銅鑼灣行街，順便試下呢間川菜。今次我哋叫咗佢哋嘅招牌菜金湯酸菜魚、孜然羊肉同藤椒雞，再加埋一杯酸梅湯同桃之夭夭，真係又麻又辣又香又好味！金湯酸菜魚一上枱就傳嚟一股濃濃嘅香味，湯底金黃辣辣嘅，酸菜嘅酸爽同魚肉嘅鮮嫩一齊完美結合。魚肉鮮美多汁，配埋彈牙嘅酸菜同微辣嘅湯底，真係令人停唔住，仲有大量配料，菇類，萵筍同埋薯粉，配落個湯到好好食。孜然羊肉，羊肉切得好薄，食落幾軟。孜然嘅特別香氣滲透其中，令人垂涎欲滴。每一口咬落去都可以感受到羊肉嘅鮮甜同孜然嘅香辣，再加上微微嘅麻辣口感，真係一道讓人回味無窮嘅美食，佢仲配左6塊麼麼皮，可以包住黎食添。藤椒雞，外脆內嫩嘅雞肉裹住勁香嘅藤椒醬汁，一口咬落去，麻香嘅味道就喺口入面綻放。雞肉鮮嫩多汁，加埋藤椒醬嘅香，真係讓人回味無窮。酸梅湯，清爽嘅酸梅味道帶嚟一絲絲涼意，消暑又開胃。桃之夭夭，清新嘅桃子香氣彌漫喺飲品入面，帶嚟一絲絲甜蜜。飲一口，桃子嘅香甜滋味就喺口中緩緩散開。📍 川滿居 (京都廣場) (銅鑼灣)銅鑼灣駱克道491-499號京都廣場6樓#香港美食 #香港必食 #hkfoodie #hkfood #hkfoodblogger

最近跟朋友去了銅鑼灣的川滿居吃晚餐。檯面長這樣。 ☺menu長這樣。 ☺川香鮑魚雞煲 (不辣)鮑魚雞煲份量非常豐盛，而且醬汁的味道非常惹味。金湯酸菜魚 (bb辣) 我覺得對我來講辣度很夠，不太能吃辣但又想吃辣的朋友可點bb辣，另外我點了小份量。小份量的魚肉也非常多，肯定夠兩個人分享。我特別喜歡這道菜中的菇類，它們為整道菜增添了不同的口感。半隻片皮鴨片皮鴨的性價比非常高，不需要港幣200元便能品嚐到美味的片皮鴨。 鴨肉非常多汁和新鮮，搭配麼麼皮、青瓜和白葱以及醬汁，味道超級搭配！凍奶茶 & 凍檸茶

正宗川菜，個場好旺，經常需要排隊，藤香雞，唔係周圍有，肉質好嫩，藤椒香痲，又有層次，而且唔會太辣，仲可以食到雞香味；孜然羊肉會配搭麵皮，孜然味香濃并且惹味，加左洋葱，有少少甜味，用麵皮包住食又頂飽又好食，冰鎮酸梅湯好解膩。

舊同事也是嗜辣之人🌶️因此每次飯聚都會盡量選辣的去吃這間餐廳其實餐點種類很多，不過近來吃了乾鍋辣炒類的，所以比較想吃酸菜湯類的🐟金湯酸菜魚 $188選了大辣(難得有吃大辣的朋友)，一開始吃的時候沒覺得辣，越吃越覺辣勁，到最後連吃酸菜也覺得辣呢🥵不過辣度亦未及米線店的大辣，大概中辣左右吧魚跟配料份量很足，魚肉鮮嫩腍滑已經一口接一口的在吃，但薯粉跟酸菜好像怎麼吃也吃不完😆🐑孜然羊肉 (配6張麼麼皮) $98之前看見照片裡附上薄餅皮，好像蠻有特色的，於是就試試這個看餐牌這個餅皮叫「麼麼皮」，其實就像片皮鴨的那些羊肉加入了大量洋蔥香炒，惹味而且羊的羶味可以接受包著餅皮吃不錯，唯一略嫌油有點多而且餅皮一定要趁熱吃，否則會硬掉變脆不能再包肉吃了🌱清炒萵筍絲 $66萵筍絲炒得爽口，但略嫌清淡了些點了小辣也沒有什麼辣味

川滿居銅鑼灣駱克道491-499號京都廣場6樓川滿居出品的香鍋，酸菜魚好出名, 在銅鑼區四川菜，這間食物好岩我胃口。金湯酸菜魚，好多配料，除鹹酸菜仲有菇，鍋筍同薯粉。一大盤好飽呢，湯帶酸菜的酸香，開胃。魚肉片得利落，唔會有碎骨，滑到似食緊豆腐。四季豆有豬肉碎，鹹鹹香香豬肉碎更香更下飯$66$66 籐香雞是呢度好出名，我次次來都會點上一份，麻香的冷盤雞肉。桃之夭夭，soda 加桃味珠珠，甜味飲料是可以降辣。

今日放假約咗老婆去咗拍拖當然去咗我老婆最愛嘅地方銅鑼灣行到攰攰地，又見肚餓咁就去咗京都廣場搵嘢食呢間廣場都係出名名菜特別多咁我哋就揀咗最愛嘅川菜 #川滿居 其實呢間嘢都食咗好多次😁😁😁 一直都冇令我失望🥢水煮魚 水煮魚味道超正份量很足配菜豐富魚肉特別滑🥰🥰🥢火爆魷魚鬚🫰🫰🫰非常惹味，我超鍾意下飯🍚一流🥢籐香雞👍👍👍肉質都好滑藤椒好入味📍 川滿居 銅鑼灣駱克道491-499號京都廣場6樓