川聚緣

Open Now

Now Closed

在官塘做完工作，順道開餐。見到有街坊川菜館，一於吃些四川麻辣菜去除體內濕氣。餐廳佈置光亮簡潔。傢俬以綠色為主，感覺清新。精品毛血旺，四川特色麻辣大雜燴。豬皮口感鬆化，十分入味。粉紅色的午餐肉被辣椒染紅了，提供視覺上的刺激。主角鴨血，份量都不少。小黃瓜，又甜又爽脆！鐵板水晶粉$72街坊價錢，大大碟的抵食划算。鐵板呈上，鑊氣十足！水晶粉晶瑩又陣牙！除了水晶粉和肉碎外，更有雞蛋打底，絕對食得又飽又滿足。

今晚喺觀塘～川聚緣～食飯，呢間小店有驚喜呀。我地叫左香辣雞軟骨同我至愛既酸菜魚。🤤香辣雞軟骨，雞軟骨炸得香脆，同滿滿嘅炸蒜辣椒一齊炒，辣味香氣撲鼻，好過癮，每一口都係滿滿嘅香辣滋味，食唔停口呀！😋呢度嘅酸菜魚，係用上鯇魚片。鯇魚片嫩滑爽口，搭配酸菜嘅酸甜清爽，絕配。 平時酸菜魚通常用上寬粉，但係呢度用嘅係米粉，更加可以索滿酸菜湯汁，正。呢間餐廳好多街坊黎食，不停都有客入，又不斷有外賣單，觀塘呢個位置咁近我，下次再嚟食。

朋友最鍾意食辣，搵到一間喺觀塘嘅小店，差不多每一個餸菜都係同「辣」有關，啱曬口味，而且價錢合理。所以點內長期都爆場，生意非常好，我都要等咗一陣位先至可以成功入座，但絕對值得！四川回鍋肉~炒得非常香口，當中有青椒、蔥、香料、紅椒....仲有肥瘦參半嘅肉！每一樣都非常惹味，肉香完全可以充分地散發出嚟！酸菜鯇魚片~魚片非常幼滑，魚骨嘅部分曾經香煎過，所以帶有焦香，配菜亦都非常足料包括粉絲、豆芽、酸菜.....湯底亦都令人回味無窮！酸辣程度恰到好處！

住咗觀塘咁耐，都唔知原來有一間正宗四川既地道菜館老闆係正宗四川人，大部份嘅香料同食材都係由四川直接運到，所以味道特別香同惹味，而且價錢都係街坊價，抵食之選雙椒鷄（$98）呢個非常推介，辣得來會令你食完一粒又一粒，送飯一流👍🏻泡椒腰花 （$88）豬腰真係唔係度度都有得食，食落非常爽脆，重點係佢都幾辣下🤣真係又愛又恨酸菜鯇魚片（$158）魚嘅份量極之多，食極都仲有，而且係用新鮮嘅鯇魚新鮮製造，絕對唔係雪藏魚片，所以惹味得來都食到魚嘅鮮甜同嫩嘅肉質，呢個價真係超值！

👩🏻一向好鐘意食川菜，但估唔到觀塘區都有咁正宗嘅川菜餐廳。我哋去食嗰晚成間餐廳full晒😌。✨四川回鍋肉 $88五花腩嘅豬油香加埋豆瓣醬、辣椒所帶嚟嘅濃郁香辣， 好有鑊氣，惹味到不得了。配白飯食一流。✨精品毛血旺 $148我哋揀咗小辣，底料辣度唔高但有陣陣花椒香。一盤有晒肥腸、黃喉、豬紅、牛柏葉、魷魚、午餐肉、豆芽、薯仔片。我鐘意佢特別多有咬口嘅餸。✨熗炒酸辣土豆絲 $68味道好濃好啱餸飯。醋酸味好出好開胃。大火猛炒過嘅薯仔絲口感爽脆，喺屋企係冇可能做到呢種口感。

觀塘🚇呢間川聚緣係一間平靚正嘅🇨🇳川湘菜館，口味正宗辣度🌶️可以自選，嘢食份量好足料👍，啱曬鍾意食辣嘢嘅人🤤。麻辣鷄煲🍲可以揀半隻或者一隻，麻辣味道🤤香濃有層次，雞肉嫩滑🐓而且白蘿蔔同埋蒜頭🧄仲好入味添！🔥幹鍋肥腸風味十足，🐖豬大腸外脆內軟，入面嘅🧅洋蔥同埋薯仔🥔都十分之香辣🌶️好味。鐵板🦑魷魚須份量十足，魷魚鬚鮮味彈牙😋，用咗鐵板上枱好有風味🥰，加上入味又香甜嘅洋蔥🧅，好啱我口味。紅糖冰粉絕對係解辣🌶️神器，入口清爽香甜凍冰冰🧊，食完辣嘢之後食啱晒👍。

颱風過後天氣持續悶熱，是時候食啲川式辣菜醒醒胃！麻婆豆腐醬料濃厚夠味，讓豆腐、絞肉等配料可充分裹著醬汁，撈飯一流。辣子雞不同辣椒、香料爆出不同風味，辣、鹹、香、麻、濃烈，令雞粒惹味香濃。雞肉連骨食起上嚟特別有口感。四川回鍋肉回鍋肉切得夠薄片，肥瘦適中，鹹香入味。最重要連同青椒一齊食，先有爽脆嘅層次口感～烤魚系列-烤鱸魚川菜味濃，有時會把原材料味蓋過，有啲餐廳用啲cheap食材。呢間就不會，魚肉鮮嫩，湯底也是自家秘製，麻辣越食越出，好過癮。不太能食辣者，都不需要擔心，設有bb辣，辣度會調得比較溫柔～配料還有大荳芽、土豆片。

今天在觀塘早放工，很想食川菜刺激一下這個blue Monday。經過這餐廳，看門面那些紅卜卜火辣辣的川菜相片很是吸引，便來試一下。食川菜，點可以唔食水煮魚！嘩，完全沒想過這水煮魚的量是那麼大，只這個水煮魚就算兩個人吃也吃得飽飽的！而且重點是，它很美味，魚片很滑，一點腥味也沒有，而且充滿花椒的香麻，正！裏面還有很多芽菜、土豆片、還有薯粉🥰另外我還點了一碟辣子田雞，滿滿的紅椒加上脆卜卜的田雞，田雞腿肥嘟嘟的，配上香口的花生，只欠一杯啤酒，這菜佐酒一流！喜歡嚐辣的朋友，可以來試試喲！

今次去川聚緣試咗幾款經典川菜唔同風味各有特色😝😝呢間嘢主打正宗重慶川菜同埋燒烤酸菜魚可以話係代表作之一大量酸菜令整碟菜醬酸香濃郁配埋幼滑嘅粉絲口感豐富 味道激發食慾魚肉品質好 煮得恰到好處 入口軟滑☺️至於椰菜回鍋肉 五花腩用得好脂肪香味醇厚 椰菜爽脆增加層次感醬汁調製得好 咸香味配合豬肉十分合拍超好下飯的呢😂😂😂最後嚟到乾鍋田雞 入口酥脆肉質軟嫩 薯條充滿醬汁 口感好粉😍香料調味入味 惹味程度超高令人回味無窮！呢三款川菜風味獨特 用料實在而且份量好大 好抵食🤣相當入味過癮 好值得一試!是日人頭湧湧🤣🤣🤣🤣🤣忙過不停