Video
Telephone
24909222
Good For
Group Dining
Opening Hours
Mon - Thu
15:00 - 23:00
Fri - Sun
12:00 - 23:00
Above information is for reference only. Please check details with the restaurant.
復活節假期天氣幻變不定，中午時段紅雨、黃雨、雷暴，但好彩黃昏時段天氣回復穩定，所有暴雨、雷暴警告也取消，我們的BBQ活動如常舉行，嚟到荃灣川龍開心坊自助燒烤場。我喜歡這裡地方寬敞，燒烤爐唔會互相太貼近有壓迫感，燒烤場有室內場有上蓋再下雨也可如常燒烤，不受風雨影響。室外亦有大空地，有小朋友的可以打鞦韆、踏單車、sir 滑梯…，家庭、朋友聚會的好地方。而且這裡食物豐富，肉類: 豬、牛、雞扒、金沙骨、咖哩魷魚、雞腎、雞中翼、雞全翼…腸、 丸類: 魚蛋、 牛丸、 墨魚丸、 豬肉丸、燒賣、獅子狗、雞肉腸、芝士腸、紅腸……素類: 蕃薯、粟米、金菇、鮮菠蘿、原條茄子、蕃茄仔、 韭菜、鮮冬菇、方包……肉類調味很入味，味精唔重食完唔口喝，而且燒烤場很貼心，提供調味品及有錫紙供應，入場費已包餐具、燒烤义、2包炭、蜜糖、一卷厠紙及每人一支水一罐汽水類飲品換購由黃昏燒到晚上又食又同朋友傾計，真係好抵食，而且好開心 老闆娘亦很親切，常會出嚟和食客傾計，感覺很窩心燒烤場亦有幾隻可愛的貓貓，喜歡貓貓的朋友可以同貓貓玩下，貓貓好可愛又乖巧開心坊真的一個遠離煩囂的聚會的好地方
continue reading
Boxing Day 跟著小朋友黎左聚會燒烤埸，地方企理乾淨，有大幅空地適合小朋友玩，又有麻雀聚友，只係地點略嫌偏遠，食物質素都好味，只係部份偏鹹，整體都有80分！節日大人都係＄170一位，低玩！
continue reading
去郊野公園燒烤嘅人感覺越嚟越少，當然，始終仍有唔少喜歡到郊野公園燒烤嘅捧場客，小弟就喺其中之一 。不過，燒烤場卻漸漸興盛起嚟，以前就通常晌啲新界區先有，如大埔、元朗、屯門、西貢……等等，依家就連市區都有唔少，甚至工廠區嘅廠廈又有，市區天台亦有，好豪華嘅一樣有，真喺百花齊放。今晚同幾個朋友嚟到荃灣川龍開心坊，喺一邊燒嘢食，一邊迎月睇月光 。以前嚟川龍嘆茶、行山，都偶遇過依個燒烤場，實際開咗幾多年就唔知，但環境依然頗新簇，比起小弟屋企附近嘅「吉吉」同「九華徑」兩個燒烤場，就光猛闊落好多，而且中央有一大片空地，可以俾啲細路仔玩吓。是夜經過下午一場雨，天色更清，皎月就晌頭上。如果坐小巴上到川龍，都仲要行一段路先入到嚟，幸好朋友有車，可直驅燒烤場，而場外大把泊位，點泊都得。入場第一件事就喺俾錢，幾個主理人棟晌門口櫃枱，就即時以唔多好嘅態度問你收錢，憑貼紙記認，貼甩咗隨時會再問你收過。而最搞笑，想攞多張櫈擺袋都被佢哋話，好在有個男負責人開聲先無問題，當時成個場大把吉櫈，真喺唔知佢哋做乜咁都要管制 ！嚟得依類燒烤場無非為咗兩個字：「方便」，第一方便，就喺起爐，師傅仔拉住支石油汽過嚟，一開火「咋咋聲」搞掂，前後唔使5分鐘就起好爐，仲火光熊熊 。第二方便，唔使講就梗喺唔使買、唔使洗、唔使醃就有得燒嘢食。不過，未講燒烤，先講講收費，星期一至四，成人收$128，小童收$88，而星期五至日、假期，成人收$148，小童收$108，無時限，但據知特別日子就有分時段。5人以下一個細爐，包一樽蜜糖及一包炭，而5人以上就一個大爐，包兩樽蜜糖及兩包炭，額外再要炭就每包$28 。其實，一包炭真喺唔夠燒，好彩我哋6個人，有兩包炭用，不過，事後發覺佢哋俾咗一樽蜜糖過我哋。此外，每位客人都附送一支750ml蒸餾水及一罐汽水，收費時會派張換領卡，自行前往裡面櫃台換取，不過，張換領卡喺孖住，即喺一次過要同時換領蒸餾水及汽水各一，依樣有啲唔彈性。 額外飲品、雪條、甜筒或一啲零食，就成為自費項目，店方當然唔歡迎自携飲品，不過，自携食物佢哋就無任歡迎，所以，我見唔少熟客都帶啲私伙海鮮嚟燒。食物方面，一大個雪櫃放晒所有生肉、蔬菜，不時補充，走咗幾轉，都甚少見某款食物缺貨。款式都算幾多，憑相片記錄，一次過打晒出嚟等大家有個參考，包括：黑椒牛扒、漢堡扒、黑椒豬扒、蒜香豬扒、蜜汁金沙骨、蜜汁豬頸肉、黑椒雞扒、蒜香雞扒、黑椒雞翼、蒜香雞翼、咖喱雞翼、瑞士汁雞翼、香茅雞翼、黑椒雞腎、獅子狗魚蛋、芝士腸、雞肉腸、紅腸、咖喱魷魚、三文魚頭、秋刀魚、多春魚、雜丸、燒賣、金菇、雞脾菇、冬菇、韭菜、菠蘿、車厘茄、茄子、豆卜、粟米及蕃薯，應該都無乜點打漏。雪櫃旁仲有一列調味品及錫紙，作用喺用嚟包吓啲雜菌拎去烤焗。講咗咁多資訊性嘅嘢，究竟啲嘢食味道喺點？大部份肉類都醃得幾入味，而且，同一種肉類，有多款味道選擇，好似雞翼咁就最多，就足足有5款味道：黑椒、蒜香、咖喱、瑞士汁及香茅 ，而且，每款味道都做得錯，唔會食嚟食去都喺嗰隻味，不過，始終喺任燒任食，貴價嘢就欠奉，好似成本貴啲嘅牛扒，就只有黑椒味。唯一問題喺，普遍性有過鹹嘅情況，食咗好幾款扒都如是，個人而言，雞翼、魷魚醃得最好，恰到好處 。除咗蕃薯，飽肚嘅澱粉類就喺方包，唔知老友喺有心關照定靠害，一次過拎咗成磅方包返嚟 ，拎咗嚟就當然唔好拎返去咁唔衛生，一人一塊搞掂佢，小弟就夾塊豬扒成為蒜香豬扒多，又幾正喎 。其實，對依一類燒烤場都唔會抱太大期望，反正，味道其次，純粹過吓燒烤癮。雖然服務態度差咗啲，不過，不得不讚佢哋晌衛生方面搞得幾好，場地乾淨企理，而所有食物都放晌雪櫃裡面，有不銹鋼夾可以用嚟夾生料，側旁嘅方包亦有蓋冚住。大家燒咗3個幾鐘，又有明月相伴，夠晒盡興。第三方便，就喺食完拍拍「蘿柚」就走得，乾手淨腳！
continue reading
燒烤場，我就去過許多過汀角，小㰖，西貢，馬鞍山....這一次來到荃灣，就真係覺得環境非常好，好似置身大自然，燒烤埸地新簇簇，特別一讚是厠所空氣清新。對於食物方面除了有一般的丸類和肉類外，本人特別推介：三文魚頭，牛仔骨，新鮮菠蘿，雞腎。食物大致上都係好味o既，雞翼入味，若加上慢慢烤的話，真係我最鐘意的食物。三文魚頭，多汁入味。牛仔骨入味，菠蘿新鮮，多汁，外脆內juicy,雞腎爽口。
continue reading
今次都係有朋友話俾我地知係大帽山川龍新開咗間bbq場,即興底下諗住去試一試去到雖然唔係好大地方,但係都夠干淨,旁邊仲有一個小小農場,鍾意大自然既可以去租黎玩下,都係一個樂趣野食方面,覺得佢地都好有誠意,肉類調味可食出係無鬆肉粉,唔會有好多味精同唔咸,最欣賞係佢個雞腎,雞翼,牛扒,魷魚海鮮有秋刀魚,三文魚頭...........同埋佢地有好多菜類,有菇,茄子,韭菜,菠蘿等等........最好既係有個調味枱,好多款調味料,ps,個蒜蓉牛油好好食佢地好好人,仲請我地食糖水呀
continue reading