巴蜀麻辣米綫 (Moved) New Location

某日夜晚經過此店時被佢好香既麻辣味吸引，於是決定試一下。間鋪乾淨闊落，坐得舒服。我叫左碗：炸醬，菜肉雲吞，小小辣，炸醬肉粒細粒，味道微酸辣，好開胃，好正！菜肉雲吞,好有菜味，好食！再叫左3隻麻辣雞翼，香口刺激既麻辣味，外脆內嫩，真系好食到停唔到口。呢間米線好岩我口味，加上老闆好有禮貌，員工服務OK，一定會再光顧！！

今天帶著老婆和3歲兒子來吃米線, 本是高高興興, 可是一開始小朋友就不小心弄倒一匙羙辣油落枱上.老闆娘見狀便上來一邊抹抬, 一邊罵小朋友貪玩, 說要不給小朋友吃東西, 說辣油要錢買, 要小朋友賠錢. 又說大人怎么不看好小朋友等.  我們連忙叫兒子向姨姨道歉. 我們起初覺得是小朋友不小心, 老闆娘跟他說笑欺負一下他, 也沒話可說.可是仔仔卻真的罰企起來, 不敢坐下, 我們便跟他說姨姨說笑的, 不是真的.  雖然這樣, 仔仔還是不開心的成餐飯扁著咀.到結賬前, 老闆娘再一次問仔仔有冇食嘢, 仔仔不敢答因他以為姨姨唔淮佢食. 老闆娘再一次說他不乖, 做壞事, 要爸爸賠錢, 賠一佰蚊吧, 仔仔嚇到沒聲音不敢回答. 我這時自己倒忍不住說道, 仔仔再跟姨姨道歉. 然後我便跟老闆娘說, 小朋友唔小心弄倒一匙羙辣油, 你駛唔駛不停罵, 你以為你在講笑, 咁細個小朋友點識分, 一餐飯, 被搞得恐懼又怕. $100 唔係賠不賠得起, 係你收唔收得起, 好不好意思收!! 做餐店客人倒瀉O野要抺抬係正常不過的事, 卻向小朋友發咁大脾氣!!前後我要仔仔道歉2次, 但一件小事(3歲小朋友不小心弄倒一匙羙辣油落枱上

又是市場考察的時候，今天到達大角咀，食肆愈多愈多的埃華街。下著鈄鈄大雨，即使帶了傘，我也被淋得全身淋透，所以就算是午市繁忙時間，也沒有太多客人。看見餐牌的四川擔擔麵，便柯打了。一大碗的送來，再看色水，大概不是正宗的四川版本。呷口湯，微辣，麻醬味幾重，尚算開胃，不過麵條太腍，不是我喜歡的。加五蚊配的熱檸茶，在我全身濕透的時刻最為合用。見停了雨，快快把它喝光，走人為上。

由於工作既關係, 我呢排要駐守系大角咀. 聽 D Friend 講大角咀有間米線鋪叫巴蜀, D野食好好食, 於是揾日lunch去試一試. 去過幾次都是座爆,結果都係冇入到去,今日見有位, 當然要入去一試啦.第一次試食就叫左豬潤, 炸醬,微辣, D豬潤真係好嫩滑, 目前黎講係我食過最好食既豬潤, 呢度既炸醬係甜甜地然後係少少麻果種辣...完全係四川/重慶果種麻辣既感覺. 再要多一份麻辣烤雞翼, 皮脆肉嫩兼夾香口. 呢間巴蜀D米線比其他鋪D較幼身同咪彈牙, 幾爽口窩, 好岩我口味.基本上而家每個星期都最少去3,4次, 而每一次去食都係保持水準. 至於環境方面, 我覺得坐得舒服過譚仔好多倍lor, 至少起碼座位闊落, 張凳又有得挨下, 地方又乾淨. 我成日幫親巴蜀，冇理由吾上來openrice贊一贊佢既。

前幾日聽我個FD講大角咀有間麻辣米線鋪好好食，一向中意食辣野既我即刻揾日去試下，果然冇介紹錯，佢D麻辣湯底好特別，湯底D麻唔會麻到令我覺得變成鹹味，呢點我中意，我試過其他麻辣米線鋪，因為好過麻，反而覺得超鹹，所以食過一次就唔會再去食。呢間巴蜀麻辣米線D味道好岩我，一定會再幫親。。我個FD話佢一個星期起碼幫親7，8次，厲害。間鋪好乾淨，員工幾有禮貌，尤其老闆態度好好，不過對我來講最緊要系平，食左甘多也,埋單先一人六十幾蚊。果日我試左豬肉、腩肉、木耳（小辣），啲猪肉好滑，木耳幾萃口，麻辣烤雞翼，沙薑鴨腎，仲飲左一罐泰國耶青，味道幾好，真值得推薦大家試一試。

由紅磡食到大角咀,巴蜀D水準有升無跌!佢D湯底又麻又辣,對於熱愛食辣ge人黎講絕對系不容錯過每次去到巴蜀,都中意叫雞肉同炸醬. 豬潤,雲吞都系好好ge選擇$24一個餸,加一款配料加$4,相比起現時ge米線鋪黎講,價錢算系甘系旺角食雲貴香`川居個D,價錢真系稍貴! 而且味道總比巴蜀遜色,因為唔夠麻!!今次去食系下午茶,下午茶真系抵!!! $25一款餸,送雞翼同豆漿~~米線分量適中,唔會好似譚仔甘太多食唔曬! 而且味道好真系唔洗多講巴蜀雞翼好食,系熟客ge一定覺! 第一次食已經上癮,烤得又香皮又脆,兩隻嫌唔夠喉下午茶食完都系二十幾蚊,又飽又滿足,抵到爛!!!幫襯巴蜀幾年,服務態度真系好! 老闆次次都好好笑容,老闆娘就好nice好好傾有時見你系熟客仲會比多D分量,益下你! 甘親切ge鋪頭買少見少,難得遇到真系唔好放過講下講下又想食巴蜀米線tim

前2個月去過一次 , 食食下碗米線有蟑螂 , 老細即黑黑面話唔係, 但好快換過一碗新的, 唔好意思都無聲..尋晚夜晚10點再去, 米線到左, 想加一份魚腐 , 個男侍應話唔可以後加, 問佢點解(前加同後加有乜分別) , 原來佢話d送要煮過先出得, 佢話 "如果個個客都咁後加4蚊一個送, 廚房未好唔得閒? " (但係個時係得3,4 檯)無話佢有錯, 間野係你既, 你話乜都得 . 但有時當少少野都滿足唔到個客, 又點留客呢. 態度有待改善!

第一次去巴蜀風的經歷是不愉快的,記得當日係午市時段,巴蜀風座無虛席.好不容易獲安排入座,竟然無人幫我落單,我一共截停了三個伙計,全部都係同我講等一等.雖然態度很有禮貌,但當我等了5分鐘,伙記還是要我等一陣時,我就決定起身走人.心中嘀咕巴蜀風實在太過待慢客人.回家後覺得心有不甘,又怕因一時意氣錯過了好餐廳,於是上OR查一查巴蜀風的資料,見它竟然取得零劣評的佳績,心中又馬上盤算何時再訪巴蜀風.為了避開午市時段的人潮,再次到訪我選擇在下午茶時段.下午茶時段到巴蜀風好似入錯鋪咁,一個客都無,駛唔駛咁大落差先?睇吓餐牌,25蚊一個下午茶餐,包一碗兩餸米線,一杯豆漿.也可以選一碗一餸米線,兩隻烤雞翼,一杯豆漿.再研究其餐牌,平常一客三隻雞翼賣19蚊,而米線加一個餸只係4蚊.咁好明顯就係叫烤雞翼抵過叫兩餸米線好多啦.日後我亦發覺,去巴蜀風食下午茶.10個客人入面,起碼有7個會點烤雞翼.食物質素又如何?烤雞翼十分美味,醃得入味之餘,烤的火候又好.可以肯定唔係汆水到半熟再烤的揾笨貨色,亦唔係午市賣剩攤喺度攤到凍冰冰的貨色.每隻雞翼都熱辣辣香噴噴,絕對對得住它19蚊3隻的正價,下午茶能吃到就更覺超值.由於

因為自己住係大角咀，成日都要係呢附近開飯。食過附近一間出名米綫，一來好多時要等位，二來食完成日覺得口渴，不太舒服。呢間其實搬左黎一段日子，初時唔係好多客，都有D擔心佢會做唔住，因為大角咀區好多食肆，競爭大，佢對面兩間點心鋪做左一段時間都要執笠。不過，睇番佢係門口介紹，原本佢係第二區都有D FANS，於是入去試試。其實我唔太喜歡食米綫，鍾意食麵，於是叫左上海麵，另外點左腩肉、豬脷、燕肉餃，要少少辣。上海麵彈牙，D餸味道唔錯，辣味對我來說剛剛好，有香味，食完都唔會覺得口渴。整體來說價錢公道，大部份時間唔使等位，服務都OK，正是平日家常開飯不錯選擇。

說起巴蜀這名，好像總會令人想起吃四川那種辣死人不償命的小菜。這家小店轉作米線，小本經營，跟譚仔連鎖式經營對抗比起譚仔，這裡親民得多，下單後可以改動，不想譚仔般嚴厲，下單後一律不得改因為住在這裡附近，看著大角嘴的食店一代換一代，很多食店好像都因為挨不起貴租而結業了，點好味便是其中一個例子。好吃可能算不上，只是時間久了，吃幾次之後，跟店員混熟了，有了感情講遠了，這次來也只是普普通通吃個quick lunch這家米線的酸辣湯底一向做得不錯，不會只有死辣，一入口先是香，慢慢的那種辣勁才會出來，很有層次感米線分量對於一般普通人來講會太多，不過對於我這種變態的大食狂倒是有餘。牛肉沒有下的太多鬆肉粉，保留本身的感覺，所以會有一點乾，倒是比那種被鬆肉粉洗禮過的東西好多了下午茶時間還有豆漿送，不會過甜，豆味也不足，好過沒有大角嘴的小店越來越少，取而代之，是一家又一家的連鎖式經營食店，希望這家米線小店挨得住吧

本來今日去南丫島同個fd做牛一!但心思思想食巴蜀 因為同平時去開果d米線比 哩間好好多 環境好光猛 又靚d新d乾淨d 最緊要又無咁迫!!!!就親佢11點關門前殺上去!!10點30上到去 本來老闆話關門 見我地誠意拳拳 就做埋我地生意~超好人之後都係即刻叫碗鮮牛炸醬米牛肉夠彈牙又易咬 米粉又滑 炸醬夠香!而且老闆態度超nice最衰佢因為請唔夠人 星期日唔開害我摸左兩次門釘!WHATEVER哩間野既質素已經值回票價!一面兩送+飲野+雞翼(6隻)一人都係$40

係呢度挖左料就今晚去左試..8點左右去度..坐左得4成人度..有幾個係內地客..而伙計似係內地人口音..雖然對巴蜀背景唔熟..但就知同四川一樣玩辣呱我估..先講環境...好耐無試過咁適中覺得...都係用白色既燈做光度..而擺設方面都幾企理..伙計男個位招呼的..幾有禮...走個陣收銀都係一樣..試左 豬潤+炸醬既麵..前者真係如下面所講 幾滑下..食得過...份量亦適中..炸醬就間間差唔多..米線就中上分數..做到易入口.類似潭仔咁就滿意la..但湯底無後者咁ok..我叫左小小辣..有分5級..我係尾2個級..但發覺自己都係食唔得辣..一陣要上網搵下有無得磨練食辣..唔係成世都食唔出四川既滋味..需知個頭好多呢d鋪..一麵23..+1送4$=27$ +5$要左杯凍檸茶..合格的..仲有+13$試埋 腐乳通菜..醬同菜係分開上..所以好周到下!而且菜都幾爽口新鮮...冬天我諗我會幫襯多d.. 講埋冷氣方面值得一讚! 有成5部分提式..係好多時下粉麵店所缺小...食湯麵相對人會熱d..冷氣都需求大d..good!!!無幾可比中間幾項都5分..因為係同類型店鋪佢算唔錯!

譚仔食得多,今日兩點自先食lunch冇人陪食新店轉口味也好,走左試下巴屬睇下有咩特別一個人食下午茶,叫左個清湯燕肉餃米線 豆漿 雞翼2隻,$24先講豆漿,我覺得再甜就更好味!湯底的話,我覺得譚仔的味道較濃較好味燕肉餃係同魚皮餃差唔多的餃,不過較爽口,都唔差雞翼算係最好味,不過我諗鍾意脆香雞翼多啲.以$24的價錢來說,算抵食,不過味道方面就同譚仔有段距離,除非你鍾意清淡啲的清湯

既然譚仔風光暗淡, 又有新o野未試過, 吸引力是一定有的店內座位大約30 多個, 米線配料較為車仔, 而且貴o的, 兩樣就已經$26, 加o野飲加四蚊添……要的是鹹豬脷配燕餃, 清湯米線豬脷有咬口, 鹹鹹o地也不錯呢。餃就不是很特別湯底與配菜正正常常都值得一試, 也不會抗拒翻兜

以前佢地喺紅磡時我成日幫襯佢,一星期都幾次,最抵係下午茶,一餸米線外又有兩隻雞亦,又有豆漿,材料都好新鮮~不過佢地搬咗咗大角咀之後我就少咗幫襯,因為太遠了,要等架2E巴士都15分鐘,去到又要半粒鐘.....不過放假得閒都會去食既,因為我覺得太好味,次次去都係老闆娘親手煮既因為佢知道我地"山長水遠咁嚟",我每次都食豬肉米線同香草雞亦,豬肉好新鮮,湯底好鮮味,我食係微辣,唔太辣又有少少辣味,啱哂我胃口,同埋鍾意食佢地既腐宁通菜,佢個汁好好味,每次臨走都叫老闆娘快d喺紅磡再開多間分店,唔駛成日"山長水遠咁去...哈哈