平記富金軒雲南米線

Open Now

Now Closed

根據米線關注組成日提及依間米線，🏠 探索香港佐敦區嘅美食，平記富金軒雲南米線帶俾我一個全新嘅外賣體驗。今次我點咗佢哋嘅麻辣小小辣既公司米線🌶️🍜，一個配料齊全，味道豐富嘅選擇。🛒 到達餐廳時，人流稀少，外賣過程簡單快捷。服務員嘅高效率令人印象深刻，外賣包裝堅固，確保咗食物喺運送過程中保持完好。麻辣小小辣既公司米線 🍜：($65)雖然標榜「小小辣」，但係辣味嘅強度遠超預期，帶嚟咗一個火辣辣嘅驚喜(我唔食得太辣所以變左驚嚇)。米線嘅彈牙同湯底嘅鮮香，即使經過外賣嘅路程，都冇損失半分。公司米線(咩料都有)絕唔係虛言。🥩🍤🐟 我嘅碗中有新鮮嘅肉片、彈牙嘅雲吞、嫩滑嘅雞翼、豬潤、豬紅、豬腸、香脆嘅豆皮，仲有脆口嘅蔬菜，每一款配料都係精心挑選，帶嚟唔同嘅口感同風味。👨‍🍳 外賣服務嘅速度同質量都值得一讚，服務員嘅態度親切。💰 外賣嘅價格合理，考慮到配料嘅豐富同食物嘅質量，性價比ok。

點解米線群組，吹到咁大諗住有得食好嘢。抱住好食嘅希望結果，非常失望黃酒雞完全冇味酸辣米線米粉over ，米線發長。已經唔想食所有食材好普通真係諗明點解群組話好食😣😣😣😣令我而家水準下跌呢？群組成日吹到人山人海。但去到完全得一兩個人。同埋街市嘅衛生實在太差自問。譚仔米線好食過佢🥲🥲🥲

係街市其實都有心理準備 個地下會濕環境唔會有鋪果啲咁好但係最少食物入面唔會有唔應該出現嘅嘢出現點解會係屋企味道 首先佢個碗係我屋企用開嘅碗😂😂😂好有家嘅感覺 同佢個湯底佢唔係現成 食得出佢自己調出嚟重點佢個辣肉碎好正 份量仲好多❤️❤️服務幾好 有禮貌又會擔心我食唔哂/會唔會辣得濟🤣無收加一都有咁嘅服務 好心收加一果啲學下啦 ：0） 人地重視客人嘅意見 食好同埋服務好就會返轉頭 ( ´▽` )ﾉ 依間絕對有轉頭

根本完全唔值得推介～不論食麻辣米線或者黃酒雞米線，根本完全唔及格。唔明白點解米線關注組可以推介得落？唯一解釋可能係根本呢間嘢就轉左手又唔出聲，d味道差過譚x、三哥、川味xx一百倍。特麻辣可以一d都唔辣既，叫佢加辣，都幫唔到件事，根本就唔好味d餸少到呢，個魚腐夠薑比一件你only，痴線架！我同事食既黃酒雞米線，有酒味但湯底淡過水都冇味既。呢間嘢永世blacklist未試過咁差既米線！離譜！真係好唔開心

叫左2碗米線蕃茄湯米 x1麻辣湯米 x1蕃茄好一般，羅白無浸糖水冬菇好味，厚肉有菇味，正既雞絲ok, 海帶ok麻辣很不錯！豬耳，腩肉都ok份量很足！唯一扣分。。。第1次去坐左一陣見有支筆係枱，以為要圈落張牌，圈左陣，金毛行黎見到，個樣即刻想打人咁，已經講左幾次唔好意思，道歉埋，即場用左紙巾抹左。金毛都係想殺人咁，難得見到人介紹，死頂硬食試一下。下次會再試，不過真係唔like金毛態度金毛d態度後黎見到對每張枱都一樣，都已經唔係整到佢d野既，一開波又係西口西面，跟住又正常番d,好睇心情其實為咩？ 你打開門做生意，EQ真係要學好一點，祝生意興隆

天氣轉暖，又再encore米線關注組推介之一！上次試完酸辣米線之後，今次試黃酒雞湯米線！🔸黃酒雞湯米線一碗米線裏便包括杞子、紅棗、雞件、薑、黃酒。黃酒湯底非常濃郁，唔會油膩。一啖飲落去香濃酒香，十分暖胃！加埋紅棗，有藥膳feel😌雞件一般，談不上滑雞但用料充足！總括🔹價錢適中，同區提供外賣，佐敦尖沙咀嘅朋友仔可以一試！

米線關注小組其中熱捧之一，街市大排檔冇咩冷氣，所以就外賣試一！🔸五花腩五花腩較為一般，起初以為一件件五花肉，但原來係一片片薄切，有啲失望～🔸豬紅豬紅非常入味，鮮嫩唔會老實🔸蘿蔔蘿蔔清甜軟淋，大小適中🔸炸醬炸醬唔算辣，但味道香濃總括🔹價錢適中，味道中上。下次再試試另一個主打黃酒煮雞米線！

熟食中心搵到真愛米線！！朋友都知我一個禮拜唔食米線會生癬作為米線關注組嘅榮譽會員一定9衝去試新野！！！去之前見到唔少 cm 都講佢地嘅衛生環境所以唔好預超級乾淨 就係一般熟食中心 setting去到出奇地少人 成個場勁空 勁夠 social distance 😂超級空曠所以我覺得都食得舒服 最緊要好食！！今次叫左腩肉炸醬酸辣米線中小辣少米多酸多青男朋友叫左豬潤豬紅蕃茄辣湯拉麵小辣（打緊都流哂口水……💦💦）豬潤同豬紅必嗌！！食得出好新鮮，好滑而且有天然甜味米線都唔會好淋而佢係我好鐘意個種「混濁」嘅米線湯底夠哂重口味🤣 下次要試埋佢地嘅麻辣！而且佢真係每碗都即刻用大火 her her 聲咁煮出黎 🔥老闆娘同伙記都超有禮貌超 nice！！！加分❤️榮升我最近嘅至愛米線，勁想即刻啪返碗！！！咁好食無理由無人討論！！但另一方面又驚比人瘋狂介紹完之後keep 唔到水準米線控即刻衝去試 plz 🏃🏼‍♀️🏃🏼‍♀️🏃🏼‍♀️

回頭n次米線香港5大米線之一👈🏻我話嘅次次都係叫公司米線😋呢間嘢好食到講優點係數唔哂個個餸都好味，搞唔掂湯底係米線愛好者都冇得彈🙈咁缺點係有嘅...冇冷氣囉🫥夏天食當練功🤣流汗都要食同埋老闆真係用心逐碗煮要等下👈🏻咁咪好味囉呢個時候就望下貓玩下貓岩岩好熟食中心拆下又一間襯未拆行開尖咀佐敦附近要去食下味道：🌕🌕🌕🌕🌗CP：🌕🌕🌕🌕🌕--------------------

官涌街市係正市區看似唔就腳 但其實尖沙咀行過黎幾快穿過九龍公園 or行戲曲中心既隧道都得當餐前運動😂話哂富金軒個分量真係好足3點街市洗地 4點黎食 已經洗完地豬軟骨好夠淋 軟骨部分係完美既膠狀 調味無咁重 配搭偏濃味既湯底啱啱好每次黎都一定揀炸醬炸醬有肥有瘦 份量多 酸辣小辣 湯底偏酸✌🏻好啱我口味老闆娘超級好人 貓貓好得意政府好似想拆官涌街市重新起過將來都唔知有冇得留番熟食市場🥺如果無左呢度既米線 啱口味既鋪頭 最近都要去到荃灣喇😭

星期六中午拜訪官涌街熟食中心bookmark咗嘅米線，果然冇失望強烈建議大熱天時唔好嚟😂😂預咗街市裏面環境衛生麻麻，服務都算係咁，老闆娘幾nice～紙巾長缺，最好自備🙈講返正題先，最出名嘅 黃酒雞米線 $48溫馨提示：黃酒較補身，食完會成身暖晒，加上有紅棗，呢款不宜黎緊m女仔食。黃酒湯底好足，味濃但唔膩，不過雞件就正常，唔算好滑。飲完會有陣甘苦味停留喺口腔，個人黎講就幾鍾意😆另一款叫咗 炸醬豬頸肉小窩米線 $45 +$5 凍檸茶呢個又係相當重口味米線，好正🤩叫咗中小辣，係偏辣嗰種，成個人會食到好熱出晒汗，最好嗌得保守啲🙈🙈豬頸肉正常，米線軟硬程度啱啱好，炸醬亦唔錯，唔係平時譚仔食開嗰種口味，而係好似辣肉碎咁樣😋P.S. 炸醬有好多油，最好分開上。總結呢間係平民美食，湯底別具風味👍🏻👍🏻

📍地址: 佐敦寶靈街17號官涌市政大廈2樓熟食中心CF4號舖✿😋味道😋：3/5✿🏙️環境🏙️：1/5✿🤵🏻服務🤵🏻‍♂️：3/5✿👀賣相👀：3/5✿💰價位💰：4/5↠⏰時段：Lunch 11:00 ↞ ✦✧ 呢間「平記富金軒雲南米線」位於佐敦官涌市政大廈街市熟食中心入面，重點每一碗米線都喺即叫即製，面且米線湯底喺靈魂，用咗萬年湯底，每日加入3-4隻鮮雞、40斤豬骨、香料同埋調味料熬製，標榜無加入任何味精，煮到湯渣完全溶入湯底入面。✧✦ 順帶一提，有一個隱藏公司米線，而餐牌上面喺無嘅，簡單啲講其實即係雜錦米線，其實原本係比啲熟客叫嘅，基本上有八款嘅配料。～～～～～只收現金～～～～～—————————————————————🟡🐓🍜❝黃酒雞湯米線❞ $48❀ 惠顧$45以上送豆漿1杯，送完即止。☞ 呢個招牌黃酒雞湯米線，即叫即煮，將啲紅棗、雞件、姜片、黄酒加入鐵鑊用猛火烹調，最後加埋米線之後上碗，米線煮得夠爽滑，口感彈牙；黃酒湯一入口佢唔喺好濃郁嘅味道，而喺有淡淡嘅酒味，不過唔會有苦味，但喺就偏甜；而雞件用咗農家雞，但唔算好入味，但喺肉質爽口彈牙，而且好滑。成碗米線份量都好足夠。

I don't understand why so many people highly recommend this place for rice noodle soup, I really didn't find it special.I had the spicy rice noodle soup with pork belly, it was not bad, but not with the quality that I would visit deliberately or revisit again. The taste was just the same as any other rice noodle soup restaurant. But to be fair, I think they put less MSG and the noodle portion was big.My friend had the signature rice noodle soup with chicken and yellow wine, the broth had a stron

因為米紙的介紹, 令我理解到官涌街市的美食, 基本上平時在佐敦, 也很少會去這區域. 來到它介紹的平記富金軒, 沒有什麼裝橫, 就是熟食中心的大枱, 圓凳以及Open Kitchen. 這𥚃的醉雞米線好像比小鍋米線有更多的好評, 就一於品嚐它吧!由於是Open Kitchen的關係, 可以見到師傅即叫即製的新鮮. 和鳳鳴居不同的是, 這家的酒香很濃而且持久, 湯喝起來多一份甘, 少一份甜, 去濕保暖效果應該挺不錯. 米線偏腍而不糊, 口感順滑. 雞件有雞油香, 沒有雪味, 雞肉同樣嫩滑. 水準相當不錯, 但雞件份量偏少, 在租金相對便宜的熟食中心, 接近五十元一碗就有少少Overpriced呢!Ping Kee Fu Kam Hin is at the food centre inside the wet market of Jordan that I seldom visit. With the introduction of some famous foodie IG and YouTube, she has become one of the rising star of HK

近排好多人介紹既米線今日終於試咗 官涌街市對我來說都幾陌生 今次第一次踏足 坐低當然要叫佢地既招牌-黃酒煮雞米線 加左邪惡大佬之二 大腸及腩肉因為必食之一 份量十足 先說米線煮得偏硬身我自己比較喜歡淋身d 大腸都入味的 熟悉的豬腸味明就明 腩肉 唔係好大舊肥膏個款 都淋身 最後係湯底 黃酒煮雞 我認識嘅係客家菜＂味道有啲唔同 𥚃面有紅棗、杞子、薑片及黃酒 微微的甜味 黃酒味好出 出到有小小小苦的感覺 雞肉份量十足 煮得剛剛好 唔係煮到好老個d 重有一點每一碗湯底都會煮一次先再比客人 好有心地方係傳統街市熟食中心feel 如果要特登出來食 就唔會啦 經開冇乜野想食可以一試