Video
9-min walk from Exit A, Yuen Long MTR Station
continue reading
Opening Hours
Today
13:30 - 21:00
Mon - Fri
13:30 - 21:00
Sat - Sun
12:00 - 21:30
*（不定休）
Above information is for reference only. Please check details with the restaurant.
呢間舖近天橋位，有時經過新商場都見到，最近終於第一次食 我叫咗酥皮黑糖麻糬鯛魚燒 。大概三、四組客人等緊，最後等咗10分鐘拎上手熱辣辣，店員幾nice，提醒我要小心燙口咬咗一啖，黑糖味好鮮明，苦苦甜甜，味道好好！麻糬好大舊，可能加熱咗，所以口感比較偏水，唔算好煙韌，食落幾得意成塊三十幾蚊，食完唔會好濟，都算抵食 。食落其實同平常嘅鯛魚燒完全唔同，反而比較似黑糖布甸+酥皮，真係幾特別～下次再試試傳統皮，富良野牛乳都好似幾正！
continue reading
第一次食！係新新地既加點商場，位置唔近地鐵站，其實就唔太方便，但想試下，就特登行過去。元朗西鐵站都要再行起碼5分鐘有多先到。去到冇人，鋪頭細細，但一落橋就到。櫥窗前放左幾款鯛魚燒，多d 款式就可以係落單位置有個menu見到。傳統鯛魚燒同酥皮鯛魚燒各叫左一個，一咸一甜。等左15分鐘左右，就有得拎。見到佢係櫥窗拎左個紅豆入去翻熱，都有d 擔心唔係即叫即整會唔會冇咁好食，但食左之後就發覺多慮了！首先我拎住兩個鯛魚燒都唔係即食，拎左15分鐘返左屋企先慢慢食。 依然係熱，同埋香脆。紅豆鯛魚燒外脆內軟，但軟得黎有d 煙韌口感，食到最後有少少偏濕，但唔太影響味道。紅豆大粒，甜度我自己覺得剛好。明太子芝士竹輪，口感更酥脆香口。明太子比例上唔多，但反而唔會變到太咸太搶味，芝士唔係熔哂流出黎個種，係比較有咬口，整體都好唔錯，但價錢就比紅豆貴double😂。店主都有禮，仲提我如果唔想等太耐，下次可以電話order 左先。等候期間都有三四個客人黎買，但可能當時鋪面得店主一個，佢入左去整野，鋪面落單位冇人，所以最後有位先生企左陣見冇人又冇出聲就走左。等個陣發覺左上呢幅人生地圖幾有趣，有時間大家都可以望下。
continue reading
等咗好耐，終於喺元朗重開啦！今次都係食最鍾意嘅十勝紅豆麻糬酥皮，我唔鍾意太甜，但呢個紅豆嘅甜度啱啱好，麻糬都夠QQ。同行朋友第一次食，佢就唔多鍾意食甜品嘅，試咗明太子芝士竹輪酥皮，都覺得好食，佢話再多啲芝士就更加好。都仲係有得加配冷泡茶，今次試個新口味，茶甘同紅豆嘅甜，都幾夾。新舖裝修都有心思嘅，繼續有life map，而舖頭正面仲有一塊「航班顯示牌」，有啲去旅行feel呀！舖面都係細，雖然有2個位坐，不過都有啲逼，所以都係行2步入商場涼住冷氣等。
continue reading
自家製牛乳吉士鯛魚燒🐟🐟🐟之前見foodie介紹完之後，有特登去大角咀食過，好好食有去咗日本既感覺☺️☺️ 之後佢哋突然冇做 ，香港周圍都食唔返傳統皮鯛魚燒既味道🥲🥲🥲前排行行下街發現竟然開咗係屋企附近既新商場！！梗係即刻要試下！！味道不變，自家製牛乳吉士依然好香唔甜好好味😋😋😋 之前係大角咀食過明太子芝士竹輪酥皮鯛魚燒都好好食，不過今次食完飯太飽試唔到其他口味🙈，下次再繼續試其他口味。
continue reading