幸運燒味冰室

Open Now

Now Closed

呢間燒味冰室真係唔錯，佢哋既叉燒公仔麵一向都好受歡迎，叉燒切得厚厚，肉質嫩滑，搭配濃郁的湯底，唔食都可惜。麵條煮得剛好，吸收咗湯味，整體味道超正。另外，佢哋的多士煎蛋都好好味，外脆內軟，多士烤得金黃，配上埋一隻剛煎好的蛋，簡直係完美早餐！你可以選擇加點醬油或者沙律醬，味道更佳。整體來講，呢間冰室嘅燒味加埋麵同埋多士，真係好方便又好味，無論係朝早定係放工後，隨時都可以來一碗，滿足感十足！不過人流太多，侍應服務質素爭少少

網上叫咗湯粉外賣，點知送嚟嘅湯好似飲剩下嚟咁，個情況係我已經係備註寫「多湯」。點知餐廳回應是「已經多湯，平時更少」「湯唔係用嚟飲嘅」😅😅避雷呢間餐廳，仲要唔係好好食。個粉冇湯，完全幹撈，冇味，超級難食。本身想飲湯先轉湯粉，點知衰過食飯。避雷❗❗❗❗❗❗❗❗❗❗❗❗❗

自問俾過好多次機會因為唔知附近有咩好食既燒味 所以間唔中都會嗌黎間次次午餐嗌燒鵝都中伏合理懷疑是翻熱昨日的燒鵝皮又軟又皺肉又乾又柴試過一次係晚餐嗌完全唔同質素先知之前午餐一直俾搵笨$150食咁樣質素同超市燒味完全冇分別咁樣做生意點留住客

第一次試，都幾好味，仲有冇味精湯送，價錢都係$60+ 雞蛋汁加埋落啲飯同埋個叉燒真係半肥瘦，好好味，另外嗌咗燒鵝同埋燒肉，但係燒肉比較好食，佢嗰個醬有話梅核，久違了的舊式醬汁🫶🏻

星期六晚下大雨，差唔多9點，得呢間未last order , 於是試吓啦，坐低拿拿聲落單，點了叉燒蛋飯和煎肉餅飯，有例湯和飲品。先飲例湯，當日係花生雞腳淡菜湯，有唔少湯渣，味道非常好飲，佢聲稱不加味精嘅老火湯，其實我好想encore多一碗，不過唔好意思問！至於碟飯，擺盤幾靚，茶餐廳格局來講，算係有心思有格調，賣相好，叉燒滑蛋飯，啲蛋顏色好靚，炒得好嫩滑，叉燒個樣都好靚，食落唔韌，只係略嫌白飯比較硬，如果用珍珠米就更好啦！煎肉餅飯整出來好似豬扒咁，但其實係肉餅，外脆內軟，幾香口㗎，伴碟仲有少少沙律菜，中西式fusion ! $5x-$6x 晚餐，有湯有飯有杯飲品，都算經濟實惠啦！住附近的街坊又多個選擇！味道環境性價比

魚米家之後變咗呢間店，見佢成日都好多人，今日去試吓。到達時仲有幾張枱，但店員堅持安排搭枱。🙄現烤叉燒忌廉雞湯意粉 配：西煎雙蛋 🍳 +牛油吐司🍞（$42）：呢個餐話係number one所以要試吓。有四舊叉燒，味道尚算可以。個 so-called 忌廉雞湯係好淡冇乜味。意粉都係冇味。食到尾聲，叉燒浸起湯度，連啲叉燒都搞到冇晒味。雞蛋🍳同多士🍞，正常，可接受。餐飲點咗薑蜜奶茶，唯一叫做比較特別。美式早餐（$46）：叫咗吉列魚柳 🐟，冇特別功夫，正正常常，就唔多講啦！

賣相其實唔錯嘅啲送分量都唔差但係你幾分鐘上餐啲飯唔熱又硬你話你廚部系度搞乜野連個飯都唔識煮燒味部都離譜雞柴熏蹄騷成餐飯真係好似練緊牙力緊食到成肚火建議想練牙力者可以常去

忙足全日，辛苦揾來自在食😌。可惜🙄，這個叉燒飯$56的叉燒份量已不多，仲要係柴叉😳😳😳😳😳，真的令人想講粗口🤬🤬🤬🤬🤬🤬🤬🤬🤬🤬如果你想練牙力，呢個係首選！🤣🤣🤣🤣🤣

路過將軍澳晉海，見到呢間新開嘅茶餐廳好多人排隊，於是就入咗去食早餐叉燒湯意粉見到叉燒湯麵喺個餐牌度寫住係top one推介，所以叫咗，本身好期待個忌廉雞湯湯底，出到嚟發現應該係史雲生雞湯加水溝出嚟嘅味精湯，有啲失望🥲叉燒食落去比較乾同埋瘦，普通咗啲冇咩特別推介沙嗲牛肉麵沙嗲牛肉麵，反而有驚喜，沙嗲牛肉汁非常濃郁，牛肉嘅份量都充足！本身早餐又配煎蛋同埋牛油麵包，味道正常同平時茶餐廳食嘅差唔多！飲品薑蜜奶茶見到佢有得嗌薑蜜奶茶非常特別，於是叫咗，薑蜜最主要都係沉底，要攪勻晒先好飲，到薑蜜同奶茶都幾夾，飲完成個人都暖笠笠！

以為餐廳名同燒味有關，燒味就有D保證，點知好難食叫左碟叉燒油雞飯叉燒質感軟熟，但係果種甜味同一般燒味舖好唔同，搞到個味道好奇怪油雞直頭係災難級，顏色偏淺賣相唔多好，食落係完全無豉油味，反而係超重既雪味，肉質極之韌既雞胸燒味飯雙併$60，加$3熱飲/$5凍飲，價錢偏貴但係唔好食太X會好食D食飯時咁岩遇著refill餐具，佢地既餐具係放喺枱既櫃桶，但係服務員姐姐係咁開關我張枱搞到張枱震震地真係有D唔舒服，建議一次過好了，不要太多開關開關

I ordered their 68HKD signature bbq pork rice dish. It is supposed to be half fat and half lean. This piece of meat is all lean and hard as hell. If you like eating erasers, this is for you. Rice is overnight and cold as well. I will never eat again.

叫個肉餅飯 成半廿幾分鐘都唔來 等得太耐 取消走咗 叫個肉餅飯 成半廿幾分鐘都唔來 等得太耐 取消走咗 叫個肉餅飯 成半廿幾分鐘都唔來 等得太耐 取消走咗 叫個肉餅飯 成半廿幾分鐘都唔來 等得太耐 取消走咗

新開餐廳，下午茶燒鵝賴要胸位，正👍🏻。皮夠香，肉夠厚，賴粉夠彈牙，跟餐奶茶夠香滑。$53食到碗燒鵝瀨粉醫下肚，夠曬滿足。建議要指定位置，好過食骨食到一肚氣。

中午飯就簡簡單單食一餐!比想像中好吃,X0醬滑蛋蝦仁拼叉燒飯為人氣之選。坐下都見不少食客叫此飯。蝦仁算大隻,又彈牙,好!X0醬夠味,正。滑蛋就老了一點點但也不錯了。

我下晝15:30去食下午茶，一開頭侍應話餐牌有4款賣晒，係嗰啲西多士，熱狗，咁就叫包類。隔咗10分鐘過嚟就話豬扒包賣哂，冇問題，咁我轉芝腿治。隔咗5分鐘過嚟同我全部三文治賣晒。我同你講話：就1分鐘前你同事話有，你問返我轉頭邊個同事同我講，你內部溝通好啲先啦！3點半乜都賣哂！如果我係16:30-17:00黎食下午茶，你乜都賣晒都情有可原，而家15:30黎食下午茶，餐牌有一頁全部都賣晒，正確嚟講你個下午茶時間只係開咗一個至一個半鐘，咁你唔好做下午茶session 啦！哂時間！