康瑞涼茶 (Closed)

一直都好想試康瑞嘅芋圓，今日終於試到啦 。 佢四點開門，我四點零五分入到去已經有兩枱客喺度了， 之後陸陸續續都有好多客入嚟， 真係好出名。 我叫咗兩個甜品， 一個係紅豆沙芋圓， 另一個係桂棗雪耳芋圓。先試紅豆沙芋圓，我會俾7個贊紅豆沙份量唔少，甜度及稠度剛剛好，唔會過稀，紅豆一粒粒有咬口，紅豆湯亦煲到起沙， 非常好味。 再試佢嘅芋圓地瓜圓， 呢度比較 失望，兩者都偏林，唔夠煙韌 。芋圓有淡淡嘅芋頭味， 反之地瓜圓冇乜番薯味，兩者都有少少甜，但口感麻麻， 太過軟，有七分都係個紅豆湯好味， 芋圓地瓜圓就啱啱合格啫。再來試佢嘅桂棗雪耳芋圓 ， 我會俾佢六個贊個桂棗雪耳湯底幾清甜， 雪耳大大塊有5塊咁多， 雪耳幾爽口，紅棗味幾香， 唔錯。不過將呢個雪耳湯底配落芋圓地瓜圓到就好唔夾，兩者味道完全唔一樣， 配唔到， 將佢地擺落個雪耳湯到破壞咗成個味道。總括嚟講康瑞出名嘅芋圓地瓜圓令我大失所望 ，唔夠煙韌 ，唔夠番薯味， 希望可以改進一下，下次再嚟試過。

最近愛上食芋圓既熱潮。因為要等位食正餐,所以跳左STEP先食甜品~餐牌選擇唔會有好多唔似依家西式甜品店"康瑞涼茶"有涼茶,亦有中式糖水而我地一心為了芋圓特式仙草百配(凍)有芋圓,地瓜圓,小丸子3款食品都係QQ,煙韌口感仲有西米及仙草,可以中和一下甜度而特式仙草百配,原先都唔會好甜, 可能迎合一般香港人口味桂棗雪耳甜湯(熱)第一個感覺,自己好健康因為平時多數會食凍甜品, 好少會熱食桂棗雪耳個分量都唔少秋冬季節食一流有滋潤養顏重點是價格平民, 質素唔差~

近期芋圓糖水很受歡迎, 筆者也被這股熱潮帶動, 心血來潮來到人氣店康瑞涼茶店. 平日下午四時半到達, 店內也六成滿, 真的意想不到. 點選了特式仙草百配(芋圓, 地瓜圓, 小丸子)(熱)(HK$25). 筆者不太喜愛薏米, 要求走薏米, 店方也能做到, 外賣又不用額外加錢, 值得一讚. 試一口, 糖水沒有過甜, 而且很足料, 每一口也有不同的材料, 最欣喜是它的芋圓, 地瓜圓, 口感極佳, 煙韌彈牙, 又充滿蕃薯和芋頭香, 非常出色. 加上淋軟的涼粉, 小丸子和西米,感覺豐富極至. 怪不得這麼受歡迎. 榮升成為筆者最喜愛的糖水!

有晚想去試 點知行到過去 好長龍 惟有放棄今日三點幾去佢未開四點幾再去 已經好多人 要搭枱好彩都唔使排隊啫叫左最出名嘅特色仙草百配的確好好味 芋圓夠煙un仙草都ok 唔會太霖配埋奶真係好正!

之前成日聽同事話康端涼茶糖水芋圓好正好正，令到鐘意食芋圓嘅我即刻心心眼心郁郁要出深水埗朝聖。當日食咗碗麵就快快手手去喇！當時8點幾好好彩未有人龍，唔洗等就入到去一坐低就叫特色仙草百配！貪佢咩都有。天氣涼涼地叫咗熱。一上枱，嘩好靚漸變色，好多仙草，暖暖地的。仙草好滑較稀身。多款配料，但芋圓蕃薯圓令我失望可能期望過高，芋圓蕃薯圓欠缺咬口較淋，芋頭蕃薯味不濃烈。。不明白為何噤多人話超級好食。可能我食過更好食嘅芋圓蕃薯圓。總括: 價錢合理，味道普通，正常糖水如要排好耐隊我就不會考慮了，一試便算。

想試好耐，咁啱去開深水埗就試下。$25大大碗，乜都有，不是太甜剛剛好。芋圓地瓜圓珍珠都好煙un，仙草好滑唔苦。老公叫的椰奶紅豆沙就顯得好單調了。下次再去一定會encore 特色仙草百配

木嘴前排突然好想食芋圓，係想食到朝思暮想，發夢都夢到芋圓果隻。呢種毒癮一起，真係好難頂，恨食恨到覺得自己就黎發痲，終於幾經辛苦搵到晚有機會去深水埗食呢間出名食芋圓既糖水店一解毒癮。當晚懷住極興奮嘅心情，晚飯都唔食直接就黎食糖水。因爲去既時間係晚飯時間所以間店無乜人好清靜，可以慢慢坐唔怕比人趕。佢款色唔多，但真係好平，廿蚊有交易，非常良心。本身諗住一次過叫幾碗瘋狂狂食，但一望住自己越趨圓潤既體型，都係算吧啦。最後淨係叫左一碗，仲要特登迫自己叫碗清D既野，最後就揀左桂棗雪耳配芋圓，而木嘴朋友就食特式仙草百配。鑑於本人粗劣嘅拍攝，下面呢張相雖然影唔到D圓，但其實係非常足料，有芋圓，地瓜圓，小丸子同埋珍珠，食得好滿足，芋圓同地瓜圓好彈口，好似本人既皮膚咁彈，好正。桂棗雪耳除左養顏仲可以滋潤下我個木嘴，令木嘴短暫變濕嘴。朋友既仙草百配，望落都知超足料。D仙草好滑，滑到不都不唔起，望住朋友好努力咁不起D仙草實在非常滑稽，唔講仲以為佢係扮緊邊個諧星或者佢本身就係一個諧星。總括黎講，呢餐糖水真係令木嘴超級滿足，既食得飽，又好食，又平，又能夠一解木嘴既芋圓毒癮。唉唔再講喇，再講我既芋圓毒癮又會發作嫁喇。

在附近西九龍吃過晚飯後,就打算去吃個甜品作完滿的一餐,所以就去了這問「涼茶舖」吃芋圓了😂其實之前康瑞還在醫局街時,我就已經買過外帶回家吃了。而當時一度成了我在港,芋圓榜上的首三之一,簡直愛上了康瑞芋圓的風味。但自康瑞搬出來後,一直都未有光臨新店,反之更多的負評就在網上出現,這令我對新店有所卻步,遲遲未去嘗試。心血來潮的時間總會有的,芋圓癮一起,就沒多想的進店。店內人潮很多,可見多人慕名而來,店內的侍應有點反應慢,但見禮貌親切。芋圓下單不到一會就上來了,一碗熱的酒釀桂花芋圓,一碗凍的綠豆沙芋圓。不得不説的是,芋圓保持了水準,完全不似負評中説的,太粉或是太硬,依舊還是彈性有嚼勁,芋圓有濃厚芋香,地瓜圓小丸子也很好吃。最重要的是配糖水的芋圓份量多充足,能令喜歡吃芋圓的人十分滿足💕

係珠江酒家食完晚飯，散散步，再食甜品！上次中秋有朋友請過我食康瑞之後，今次到我帶人黎試試！很幸運，等枱的人不算多。一行5人，等了10分鐘便坐下。＊特色仙草百配＊仙草很香，大大件的。芋圓及地瓜圓有Q彈感，但味道不算濃。整體甜度適中，不錯。25元，很划算。＊暖胃薑汁配＊薑味非常濃，但感覺似是用了薑粉，有點不自然。＊椰奶紅豆沙配＊正正常常，家人都覺得不用特別來這裏食紅豆沙。＊總結＊會再來，不過食仙草百配便已足夠，其他的有更好的地方！

係一個唔係遊客區，唔係旺區嘅地方，絕對唔多人嘅一條街，今次就有個老友話帶我食e個手打芋圓，睇到openrice之後，明明個名係康瑞涼茶，點解又會有甜品呢！?去到之後，原來已經改左名做康瑞甜品啦！去到之後，舖頭唔係好大，但係就人山人海，而且門口都重有點涼茶賣，保存住文化，而甜品店牆上都好有特色，好多香港以前嘅相片。跟住我地就睇下餐牌啦。我就點左個特式仙草百配，而我老友就點左個椰奶紅豆沙配芋圓。我老友果碗紅豆沙配芋圓就到左先啦，佢就笑左一笑，話跟本就係紅豆沙加芋圓，我就笑佢話餐牌根本就係咁樣寫，咁佢就開始食啦，紅豆沙佢就話係標準野啦，但係佢就好欣賞個手打芋圓，佢話真係比出面食果d更加彈牙，更加煙韌。跟住就到我個特式仙草百配啦，賣相非常好，有芋圓，蕃薯圓，仙草，西米等，芋圓真係好彈牙，好好味，而個仙草就有好大舊，用個匙都不唔晒，絕對唔係果d台式飲品加幾蚊加果d仙草嘅份量，而其他野都好好味，味道都好配合，涼冰冰，好快就食晒啦。

特色仙草百配 $25 @ 康瑞甜品呢日買外賣🙈，康瑞既仙草百配依然係咁多料，有齊西米、薏米、紅豆、小丸子、片片仙草，同最唔少得煙韌既芋圓同地瓜圓👏👏👏， 啖啖都好有咬口好滿足。… .Ps.呢款糖水味道較淡喔。…

康瑞真係愈黎愈難食 無左果種初心！一去到已經人山人海叫左個招牌 入面雖然好多芋圓 但係無咩味同咬口同以前完成吾一樣 同佢講既手打有小小分別！ 個番薯味都完全吾出☹️食餘好多 連老闆都闆點解 我覺得要改善啊！

在深水埗的大排檔愛文生食完飯，朋友決定要去食糖水，平時深水埗食糖水都係食慣綠X甜品，但係朋友們最近都好推薦紅爆嘅康瑞甜品。三位朋友之中只有我未食過呢間最近紅爆嘅芋圓，咁仲唔通仲唔去試咩！去到嘅時間約九點半，遠遠已經好多人聚集左係甜品店出面，已經好驚要排好耐，去到一攞飛夥記已經話三個人好快就有位，2分鐘就入到去。入到去係坐雙人打對枱再加一張櫈係中間，不過坐出面個位就有小小影響左走廊行嚟行去嘅姐姐哥哥，有小小唔方便。友人們都推薦食特式仙草百配，咁大家都叫左呢個，價錢只係25一個！實在比出面好多甜品店都平好多！甜品嚟到！真係百搭好多唔同嘅配料，紅豆、粉圓、地瓜...乜都有！仙草都好好味道！不過如果下次再嚟會想試下椰汁西米露配芋圓，因為本身自己就好鐘意食椰汁西米露，覺得配搭芋圓一定會好正！

去過台灣食芋圓 一直都忘懷唔到好彩香港有康瑞可以幫我止下癮今日要介紹呢間食左n次既糖水台 康瑞本人同老闆都少少熟 每次見到我都好醒目叫聲靚女 再拎張飛俾我 呢種味道叫人情味開心唔係因為佢叫你靚女 而係因為老闆會認得班熟客每次黎只會點兩樣野黎食：1. 仙草百配好食到你唔信 尤其係個芋圓真材實料 咬落口係煙韌兼爽口 食得出好足芋頭糖水底係中藥底 唔會有苦味 仲好夾添連男朋友都話正呀 推介2. 什果啫喱又係好足料 超正 推介呀美中不足既係 每次都等好耐不過因為康瑞好有良心 用好平既價錢做好食既糖水賣俾大家 所以都抵佢多人幫襯

之前食過覺得普通，這次是順路陪朋友去試的可能是熱潮過了，今次不用排隊朋友叫的紅豆沙配芋圓地瓜圓小丸子($25) - 朋友說太甜了我的仙草西米奶露 ($20) - 沒有奶味，仙草比以往失色，只有死甜，試過一次夠了