廖同合荳品廠

Open Now

Now Closed

我試過呢度既豆腐花因為片得較厚感覺無咁滑加上有陣煲燶豆漿味個人唔太鍾意反而佢既磚豆腐煮"送"食真係一流夠滑又無燶味加上夠堅硬唔會煮到碎晒

買完富貴牡丹/艷麗玫瑰之後時間尚早,行黎廣東道試下另一間古早豆腐花。經過好多路邊攤走入廣東道街市,見到中國冰室(我會黎試既,等我!!)無耐就見到呢間舊式豆品店,一入門口就同阿姐講:熱豆腐花唔該!除左間舖夠歷史之外,連碗都係,幸好我唔係崩口人=p豆腐花外表睇黎好滑,事實的確係幾滑,不過唔係好滑個隻,質感比較實淨,而且豆花片得較厚,所以食落真係好有質感。豆腐花有種特有焦味,我個人好鐘意食到呢種味道豆花。另一個好處係夠熱,放左一陣影完相至食都熱到辣口,保溫好勁!!今日天氣凍凍地,食一碗熱辣辣豆腐花真係超正!!

今日送完林小B返工, 之後打個輪回家問豆腐癡二家姐問要不要食豆腐花? 佢一句話好我就搖身一變做外賣仔買兩碗大豆花回家。二家姐一打開個蓋就聞到好香濃豆香味, 食落豆味濃又夠滑, 糖水有薑同煲, 所以食時會有少許薑味但又不會搶走豆香味, 她愛極了。而另一碗是走甜的, 因為曚豬蓮(老媽)不能食甜, 但她只吃了一半, 因為一半在晚飯時用來掏飯, 再加少許日本醬油(因本地出品只得鹹字, 全沒豆香), 就已能食掉整碗飯。

琴日黎開呢頭想起大家都大讚呢度既豆花天氣又突然熱番當然要食番碗凍既豆花幫手降降溫6蚊一碗絕對合理豆味唔知重唔重因為已經完全俾d燶味蓋過睇個樣好似會幾滑點知........並唔係想像中咁滑口相比起旺角街巿附近既豆花個人認為人和較好至少滑口d亦都唔會有一股燶味而且人和只係5蚊份量又一樣無理由幫襯間差d又貴d架嘛

今朝早餐搞搞新意思, 黎老字號豆品店食豆腐花. 熱豆花好滑, 黃糖同糖水落齊都唔算好甜, 好味!

先講講我今日食既熱荳花...今日路過旺角果頭既廣東道﹐又忽然諗起曾經在openrice睇過呢度附近有間好食既荳花店...所以行過黎試下六蚊雞既荳付花真係好正﹐同埋可能伙記打斜咁片我碗野﹐睇落好有質感同立體﹐食入口又好滑﹐不過雖然軟滑﹐但唔易散...所以以六蚊既價錢真係超值la.所以食jor 兩碗.對比起附近旺角區其花甜品店或者開左好多間企業化既人和...簡直又平又好食,,,如各位在旺角區行到冇乜好做又想食豆花﹐不妨行去la...收晚上七點再講下其他野食la....但冇乜好過﹐因為冇乜種類,,得煎豆付﹐豆張﹐涼粉..我睇見就咁多law...又冇menu ..我好似唔見佢有其他野食,,,與九龍城義香又係賣豆品舖.,,真係少得滯...人地平佢一蚊碗﹐而且好多花臣﹐有蘿白糕﹐湯粉..大菜糕等...

我都成日幫趁呢間老字號豆品舖嫁! 佢o既豆腐花, 豆腐同腐乳都唔錯. 好多老街坊係佢熟客黎嫁!

而呢類荳品舖，除左有腐乳同豆腐賣，當然亦有豆腐花吃。因為好多都係在舖內自家製作豆品，所以論新鮮程度會勝一籌。在旺角街市仲有兩間，一間是人和，另一間就係呢度。星期六晚，客串去朋友家裡煮下野，趁在呢頭買菜時來試了一試。叫了一碗熱豆腐花，這裡的質地較實淨及有質感，吃落又幾滑，豆香不太濃，都算不錯。埋單六蚊，經濟抵食，路經這裡不妨不試。題外話：據非正式統計，舊街市內，梗有間舊式荳品舖，北角馬寶道街市有德興隆，深水步街市有公和。