廖同合荳品廠

Open Now

Now Closed

放工經開旺角街市, 走左去食碗我既至愛, 凍豆花~!間舖冇冷氣, 裝修keep住七十年代既氣息~ 有部份仲用緊木傢俱 ~ 講起豆花, 有人叫豆腐花, 都係同一樣野~ 一般都係甜食,可加入糖水, 黑糖水或者黃糖,不過北方地方既人會食鹹既豆花, 自己就未試過喇~感覺會唔會似食中菜咁呢?有機會要試試! 從太太的瘦身書上看到, 一碗豆花大約只有 100Kcal 左右~ 原因是由黃豆製造, 所以有豐富既營養, 係健康既食品~! 外表看只是一碗普通既豆花,除營養價值高外,價錢也很便宜,但其製作過程並不簡單,首要是選擇靚黃豆,配以食用石膏粉或鹽卥或魚膠粉去凝固,當中過程稍有偏差,豆花也整得不好,所以要食碗好味又滑既豆花,真的不易! 因為我叫左碗凍豆花已經有糖水關係, 所以無須要再加其他野 ~ 今次呢碗凍豆花我覺得好好食, 豆味重, 糖水不太甜~ 雖不算太滑, 亦唔會有一種好膠質既感覺~! 味道再加上七十年代既裝修, 好有小時侯既感覺~

食完某茶餐廳, 一出來就見到此豆腐舖, 很吸引, 諗都唔諗就入內坐下.都已幾飽, 叫只叫了碟煎豆腐, 但當然係剛煎起的; 好熱.豆腐一D都唔渣, 筷子一夾就成舊夾起.點少少辣醬, 咬一口, 原來魚肉都不少, 正.一人兩塊, 好快食晒.虛掩著的門後見到內裹的工場, 原來此小店是就地生產的,旺角街頭仍有此小店!呢類本土文化已買少見少, 希望可以繼續維持下去!

有天要去旺角辦點事，正在想午餐要吃甚麼，就想起旺角街市還保存著一檔歷史悠久的豆品檔，時代的變遷下舊式的豆品檔越來越少，就趁著還未被時代淹沒前，把它記錄下來。來到豆品檔例牌要來個熱豆花，自己試過前後點凍和熱豆花，即使有個凍豆花墊底，卻仍然覺得熱的更好吃，自此以後在有選擇下都只會選熱的吃。這裡的豆花與過往吃過的不太一樣，光看樣子就感覺後堅挺，應是石膏粉下得較多，雖然這豆花豆香夠而且滑，但滑得來硬這感覺實在怪怪的。只吃豆花不會飽，就來碟煎豆腐豆卜，然後就落鑊煎了，不是整定再翻熱真好。上菜後先試豆腐，可能豆花本就比較硬，感覺上豆腐和豆花的感覺差不多，頂多就是比較鹹的分別。倒是豆卜較吸引，雖然是從雪櫃拿出來，但煎過後仍很香脆仿如新鮮現炸，外層厚肉硬身用來炆食應該很不錯。

總有一輪 住不了去覓同一TYPE食物中國冰室午餐後 經容納不下 於是當然買豆漿啦一見門牌 價錢牌,不貴!!再一問十蚊嘅SIZE,有幾大門口姐姐答得好棧鬼~豆漿,豆味香濃,加上不怎麼甜,這才是真實的豆漿!!相比起德興隆嘅豆漿,我會覺得比較粗糙,加上冇廖同合咁重豆味但係德興隆嘅豆腐花實在無人能及!!下次要一嘗,別的!!

八月二十九日 (星期日)早上我上openrice search過,中國冰室附近有什麼好吃見到廖同合荳品廠 ,知道老公仔喜歡吃豆腐花,一於試試坐到進店子,感覺似深水埗的公和不過,有很多可怕的烏蠅........想坐久一點都不能了最後決定買支豆漿飲味道比較淡,糖落得少,都是好事不過很香滑,值得一試店子真的要攪好衛生呢

豆腐花好滑.釀豆腐好正, 一定要食.釀豆卜就一般.豆漿都唔錯.無論價錢同味道都好過過公和堂好多.

2010年3月5日 ( 4-2 ) 旺角 ( 廖同合荳品廠 - 1 ) 日程：( 維記咖啡 - 廖同合荳品廠 - 萬家燒餅皇 - 興記 ) 吃過維記之後，原想再嚐公和的豆品，但胃納有限，唯有再逛一會消化一吓吧，我倆漫步街頭，行行...重...行行，從深水埗行到旺角，剛才是想吃豆品，現在，胃納有空喇，已身處旺角了，想到Open Rice看過( 廖同合 )的荳品也不錯，記憶中是在旺角街市，我們便往街市行.....尋.....吓.....找.....吓.....問.....吓.....啊....啊....終於找到喇！坐下來後，先來兩杯豆槳，太太先呷一口，她說：好香豆味，不過，好甜呀...！我連呷數口，竟然有( 公和 )的味道，對我來說這甜度，啱我呀....是好飲的豆漿。後來詢問店員，原來這裡還有淡味豆漿的，當然叫咗一杯給太太，她也很欣賞，而那兩杯甜豆漿，令我滿足了。來到這裡，當然要試試它的豆腐花，為免過飽，兩人共吃一碗，豆腐花是有豆味，豆香好過( 亞玉 )，而( 亞玉 )是滑過這裡，這裡比較濃實，最終，豆香味道也不及早前的梧桐山豆腐花呢！Johnny 豆品之旅廖同合豆腐花：味道80分

豆腐花...味道一般,一的都唔滑.好似榚咁...但豆漿唔同....好滑,又唔太甜.好好飲....環境似70年代.服務一般.價钱十一元

1845去上堂，但我1800到旺角，見未夠鐘，我去了街市行行，四圍望，俾我望到豆腐店，行入去整碗豆腐花先，間舖望落去都有歷史，再望望招牌「廖同合」，我就醒起尼間店，老字號之一，豆腐花…好滑，唔使加黃糖，嗒落帶些薑味少甜，正，果然有實力。6元一碗，抵吃。

熱豆腐花豆花夠熱 , 入口唔覺特別滑 , 雖然還沒有加糖食 , 豆味都係比較淡 這個食評係基於自己今次的經歷我只係有碗話碗有碟話碟罷 不過好同意網友所講 , 有時真係要講運氣 !

7/11(六) 1pm清早拜會梁家,跟其雙親共晋早餐,為他們餞別.餐後味覺似乎意猶未盡,踱步到"廖同合",來了碗豆花$6.豆花光滑雪亮,順滑入喉,豆味清香!味道天然的廉價享受!

豆腐花很多地方也有得吃，就算在超市內也有符你吃，但好吃與否，真的見仁見智，本人還是喜歡那些傳統的豆品店，因為吃起來更有豆香，所以好吃的豆腐花，真的是越來越難吃得好了。今天和女友來了旺角，當然要拜會一下廖同合這間老字號的豆品店，在外邊狹窄的街市小路找到了店子，在門外放有豆卜、芽菜及其他豆品，甚至是涼粉也有得賣，而在店內再走入一點就是其豆腐工場，在吃東西的地方也可窺見一二。今天和女友來要吃的就是豆，一於盡試其豆製品，所以點了一客煎釀豆腐、兩碗熱豆花及一杯凍豆漿。先談那煎釀豆腐，豆腐上釀有薄薄的魚肉，所以魚味也欠奉，主要也是吃其豆腐的豆味，用來煎的豆腐，沒有豆腐花的豆腐那麼滑，但也算嫩滑而頗有豆味，要彈的就只不過是油了一點而已，但蘸一點辣醬及甜醬同吃，就會覺得沒有那麼油。然後來喝口凍豆漿，一口喝下，豆漿很有豆味，入口不粗嚡，沒有滿口豆粉的感覺，真的是一杯正「豆」的豆漿，稍嫌就是甜了一點。最後也是吃豆腐花了，豆腐花很滑，其表面是平如鏡的，店員舀豆花的功力真有一手，也是慣常不加黃糖來吃，吃其豆味及滑度，而其實店家本身已為豆腐花下了一點糖水，但對我來說已經是過甜了，豆花吃起來有豆味，跟九龍城的義香

星期六放工, 指定了要到旺角廣東道, 不是找林雪, 而是找隔兩間鋪的另一家古舊食肆, 而這間, 是其中一間比較有名的老牌豆腐店. 廖同合.說起姓廖既豆製品, 即時令我想起廖孖記既腐乳. 不過呢個阿廖唔同果個阿廖. 同樣有買腐乳, 但包裝價錢當然不同. (不知仲有冇廖孖記賣呢??)一到場, 第一件事當然是叫個熱食, 煎釀豆腐. 另外, 黎親豆品店, 當然要食埋碗豆腐花, 才完全像話. 兩棣一齊來, 當然先食煎釀豆腐, 只是煎釀豆腐, 不是即叫即煎, 煎完擺到凍哂才給我上碟. 豆腐方面, 嫩滑就一定不容質疑. 但豆味就值得懷疑, 感覺上, 水味比豆味重.豆腐花, 大熱天時, 當然凍食. 只是凍食的豆腐花, 是一碗碗預先裝好, 放入雪櫃冷凍的不知年豆腐花. 一看, 水份多, 豆味不太重. 而且相對起新界那些老人家豆腐花, 實有點不及也. 呢間老字號, 未算是最好, 下次訪一訪登打士街間人和先得.

"Early bird eats the worm", 中譯為早起的鳥兒有蟲吃，以前中學必背的idioms之一，鼓勵大家早起，早起就有著數。的確；早起，可快人一步吃到新鮮出爐的麵包、到街市買菜也便宜一點、粥檔的油炸鬼也就較新鮮...憑著這個信念，今天起了個大早，拜訪廖同合，誓要以豆腐作早餐！可惜，是次廖同合之旅，令我對"early bird eats the worm"此道理，生了懷疑...首先，甫坐下，想要個煎釀豆腐 - 原來，上午未有煎釀豆腐供應，很失望 (其實都唔算真係咁晨早....抵舖時都已近乎十點！)。結果，只要了一客凍豆腐花頂肚。凍豆腐花豆香是很豐富不錯，不過滑溜度實在太一般了，吃上去口感非常粗糙，蔡瀾說這裏是全香港最好的豆腐花，是過譽了？還是晨早的這批豆腐花，是昨天的出品，所以才見此效？"Early bird eats the worm", 原來，不一定全天候適用

When I eat or drink Soy Tofu products I want at least a bit of 豆味, otherwise it defeats the purpose completely doesn't it? I will consider it an Added Bonus if there's a bit more flavour and add the score as such, but I'm not fussed when its only a tiny little bit barely detectable - I think its only fair however, it has least has some that's detectable. Would you not ask for a replacement Coke that is flat and gasless, unless its slurpee/boiled coke/candy? Would you buy a Chocolate which has