廣東人小廚 (Closed)

行完附近商店之後諓心住搵個地方食下午茶，走入廣福道就見到有一間茶餐廳。比起同區其他茶餐廳，廣東人小廚算係裝修較新淨。睇下餐牌，價錢比其他餐廳平一啲啲，而最吸引人嘅係10蚊下午茶！下午茶餐牌有水吧嘅常見食物，公仔麵、多士、通粉⋯⋯雖然10蚊餐裡面冇沙律，但如果真係想食都可以睇翻正價餐牌去落單。除咗呢啲，下午茶仲有特炒，適切唔同人嘅口味👍🏿👍🏿若果下午想食小炒，咁廣東人小廚就未必係你選擇，因為下午時候，廚房淨係做外賣唔做堂食，要特別留意！

4款10蚊下午茶餐（唔包飲品），今次簡左一份火腿鮑絲通粉。清湯味道偏淡，一般人較容易接受。湯底沒有太多油脂較健康。通粉質量尚可，粒粒分明而且通爽，沒有太淋或痴埋一堆，但較細粒。火腿有十多條,仿鮑絲數量十條以內,以10蚊價錢黎講份量尚算公道湯內還有兩條芥蘭，但煮得太熟同太腍。少量蔬菜令下午茶更健康。份量較早餐和午餐少，如果淨係叫一份或冇野飲會唔夠飽，建議可以多叫一份呢次試食時間係下午茶時段，人流一般，唔需要等位或搭枱

日日唔同，今日去食就係3點到5點，叫左個沙嗲牛麵，食落去就是10蚊的份量，10蚊的味道，唔叫伏，都唔係特別出眾，俾起食m記特價單買包係ok既，細細地當下午茶錯。

之前在沙田舊鋪已經食過幾次這家店，今次終於有機會到新店打邊爐。叫了沙爹湯底，手切牛，墨魚滑及皇帝菜。份量已經足夠2個人食。普通的一個沙爹湯底已經感到老闆很用心，沙爹很香，配料有我很喜歡的芽菜（而且份量都算多），還有白蘿蔔。手切牛非常好味，牛肉味非常濃，有咬口，但又唔會太韌。用冰鎮坐著上桌，賣相不錯，價錢和質素亦相符。總括來說覺得食物質素很好👍是一間很有心的食店，而且餐廳營運至深夜，是一個宵夜好處☺️。

朋友新開張又新正頭，走去幫襯吓，今次又係打邊爐，用炭爐打，叫咗個神秘海鮮鍋底，可能係新正頭，所以海鮮唔見得神秘或特別，因兩個人唔係叫太多嘢食，只叫咗鮑魚、肥牛、鵝腸同白鱔，鵝腸好新鮮，值得推介，肥牛切得太薄，白鱔就麻麻地，鮑魚都可以，兩個人食咗900幾蚊，就真係貴咗啲啦！風味亦不及沙角村！唯有老細細心服務搭夠啦！