彬記粥麵美食 (Closed)

彬記雲吞麵真係無得輸，師傅熟手咁秒包好一隻，雲吞大多數有兩隻蝦，好足料，好香蝦子味，好好食，D麵亦好彈牙，湯底好夠味，撒上些少韮黃粒，熱騰騰一碗有4 粒嘅雲吞麵，都係三十幾蚊碗，好抵食😋👍👍👍

買左一個梅菜蒸鯇魚，一個雜燴湯飯，一個肥牛金菇豬肝湯飯，加3杯凍檸茶。雜燴湯飯正常，配菜種類都唔少，可以一試，係例湯靈活運用既成品，肥牛金菇個個亦然。梅菜蒸鯇魚，魚有魚味，無添加，天然既味道；梅菜有梅菜味，醃製品既獨特鹹味。魚尾就算啦，起碼熟左，為咗佢等左20分鐘。結果一反面，條魚尾得一面，唔係啊嘛，係咪邊個客食淨架，78蚊，不如食某x快餐啦，仲有成條倉魚。凍檸茶收左24蚊，翻到去影都無，笑死。不過其實夥計唔錯，收錯錢有即刻處理，態度亦好好，服務3星。

最喜歡食佢哋嘅下午茶。🉐水餃河腩汁多韮王-水餃隻隻都好豐滿-河粉下午茶份量剛剛好-個人比較喜歡腩汁代替普通湯底腩汁湯底有時都會見到啲牛腩😂一個禮拜食幾次都唔厭😝下午茶中跟一個飲品，凍飲就要加錢。但係佢哋嘅腩汁我就覺得已經贏得我每個禮拜可以食幾餐。食完仲唔會口渴。佢仲有其他下午茶餐都唔錯，下次可以食佢嘅爽魚皮，因為唔係度度有得食。少之有少一定要試。仲有夜晚我通常就會食佢嘅梅菜扣肉飯，扣肉炆得好琳，梅菜都好入味，下次希望可以影到俾大家睇啦。

美孚10點之後鐘營業嘅餐廳真係無幾間，除左m記都無咩選擇，街坊都黎曬食尼間，外賣會相對等耐少少牛腩麵$38大大塊牛腩+兩條牛筋，軟淋唔柴，肥瘦相間！仲要好入味👍🏻👍🏻👍🏻好好食個碗睇落唔大，不過肉同粗麵份量一d都唔少，食完好滿足涼拌皖魚皮$58魚皮爽脆，新鮮唔會腥，大量香脆花生米超jeng，點上辣椒🌶️醬油，十分惹味，唔多地方有得食新鮮魚皮，推薦鍾意食爽脆口感嘅，值得去試一試👍🏻👍🏻👍🏻

冇諗過轉咗手之後可以去到咁難食其實一入去剩係得兩個客已經知道伏，但係諗住比次機會勁唔掂嗌咗豬潤腸粉，個味道超級奇怪嗌咗碎牛粥冇乜碎牛嗌咗油炸鬼，似隔咗好多晚夜每樣嘢最後只可以食一啖，嘥晒啲錢真係冇諗過呢三樣嘢可以每樣嘢都咁難食….

其實好耐之前聽人講話呢間出名，好食因為喺返屋企會經過嘅位置所以以前都多去食而家無返工就無乜機會去食之前去食多數食粥其實味道係唔錯但每次食完都好口渴一直對呢間餐廳嘅印象係覺得都幾用心去做好d食物所以覺得食物質素ok每樣嘢都幾好食今次叫咗雲吞牛腩河河粉明顯唔係佢強項唔滑，好粉，一patpat咁雲吞同牛腩都ok，幾好味而且都算足料 (不過佢價錢都唔平)但我食完就好口渴一直到第二朝都好口渴所以我諗佢係有加味精，仲幾重手下令我開始懷疑我對呢間餐廳嘅印象係咪攪錯咗

New resident in this area, there is a lot of local breakfast cafés serving western and Hong Kong style western breakfast. So this is a nice change to have a very Chinese/canton style breakfast of congee and noodles. The potion is huge for the price and I ended up takeaway the noodles. The Cheung fun was very soft and very delicious!

美孚食野不嬲都貴既啦，就連大家樂既都要大約三十蚊都算，要個豬腸粉都是保鮮紙包住，求其得來毫無誠意。。。而呢間彬記就只有粥是最有良心價，粥配腸粉只是35蚊，而且可以揀🐷豬潤腸粉，🦐鮮蝦腸粉，平時呢d腸粉在出面都貴，加上腸粉是即叫即拉的布腸粉。如果醒目些想要生滾粥就要order魚片粥，魚片本身快熟，加上煮得耐會變魚蓉，所以魚片粥都是新鮮生滾，而不像艇仔粥，煮了一萬年。在這粥餐，要魚片豬紅雙併也是一樣價錢，幾平

難得平日有假期，歎個豐富早餐彬記重開，係美孚食粥嘅好選擇，百搭早餐有唔同配搭，叫咗皮蛋瘦肉粥，材料幾豐富，多皮蛋，粥底好綿滑，好過海x多多聲！配炸兩，雖然得八舊，但都夠飽。腸粉有葱花，醬汁好味，美中不足係油炸鬼唔夠脆。

這一區的食店很多，可是可以吃到雲吞麵水餃麵牛腩麵這些地道香港麵食的店卻只有這一家。有時不太肚餓，但又到了要吃東西的時候（長輩說定時進食對健康很重要），便會想起這店來。這晚我點了雲吞麵，雲吞不算很大隻，這反而是正宗的雲吞風味，餡料美味，蝦Q彈，就是雲吞皮略嫌厚了一點，麵條沒有鹼水味，質感爽口彈牙，湯頭也很不錯，還有少量的韭黃，令湯頭更添香味。其實這店除了粥麵，還有飯和小菜供應，選擇也是頗多的。這店是小店格局，座位尚算舒適，店員態度也很好，工作效率也高，滿勤快的，而且這店開至凌晨一時，想食宵夜也是好選擇。

中午來到美孚交抵d文件，見到以前好難食嘅怡樂園舖位轉翻做彬記，於是坐下來叫個牛肉雲吞麵食，牛肉幾滑，雲吞大隻，算是不不錯了，雖然$46蚊唔算低食但質數不錯起碼有心做，唔求其，值得再去

早咗返公司諗住食個豐富嘅早餐啦，原先諗住食麥當當，但諗諗下又唔想食，於是漫無目的咁四圍行，又諗緊買外賣好定堂食好，行行吓見到之前嘅Happy Garden嘅舖頭轉咗手後好似多咗野食咁，於是就入去試啡啦！叫咗個超級豐富嘅百搭麵餐，配料就要五香肉丁、炸魚片頭、雞肉腸出前一丁，早餐好耐都無試過咁豐富了...正當我埋頭苦幹咁打緊機時，我杯凍檸茶就送到嚟，不過專心打緊機嘅我係無理到，正到打完後就想飲之際見到有粒黑色野，我用匙羹打撈上嚟竟然係一條屍體，真係OMG！唯一好彩嘅係我之前太過專注打機而沒有未睇杯野就飲落肚...

食左兩次，都係不愉快的經歷。第一次堂食，可能岩岩新開，叫左咕嚕肉同篜魚，等左半個幾鐘都冇野食，問個阿姐，佢話諗住兩個小菜都整好先一齊比我地🙄第二次係前幾日，病左想食粥，外賣叫左魚片拼皮蛋，點知冇落到皮蛋比我，但照收左我雙拼價錢。大家去食要小心d。

突然想食粽同腸粉， 諗起呢度有間粥麵舖就入嚟試下， 叫咗個艇仔粥加皇牌鹹肉粽，個粥熱辣辣係ok嘅， 冇驚喜但係都總叫入到口，但係嗰隻蛋黃鹹肉粽， 個蛋黃細得出奇， 諗住叫皇牌鹹肉粽，唔會差得去邊啦， 嗰個蛋黃應該係一半都冇， 肥肉就多。牛肉腸出奇嘅難食， 咁耐都未食過覺得難食嘅腸粉， 最多係冇咁好食啫，呢個牛腸唔滑唔香不特， 做到可以有塑膠嘅質地同埋感覺，真係唔係咁容易........隻粽加埋腸粉真係令到之前食咗個碗粥扣曬分。可惜！