得意美食中心

Open Now

Now Closed

今日覆完診就黎食茶記呢排成日都突然落雨，拎住把遮又拎住好多盒藥，就想坐低整理好先落單把遮點擺都跌，呢個moment 伙記竟然一手幫我拎起把遮擺好🥹🥹🥹🥹！！嗰刻真的很暖呀，本來落雨都好討厭本來覺得茶記都冇咩食評好打，但眼見到啲食評話態度差⋯真的覺得很抱不平呢其實作為香港人都知茶記文化係咁，唔係態度一定差，但一定唔會五星級服務啦，多的是人情味呀～當然黎到茶記緊係食返個常餐，見到個奄列真係呆咗😂勁大舊呀🤣🤣🤣

服務態度勁差，啲嘢已經唔好食，除咗價錢平冇一樣嘢取勝，食食下仲發現有曱甴，同返職員講仲要畀職員鬧返轉頭，平時食嘢都唔會特登望入去廚房，畀人鬧完望入廚房先發現佢哋一路整嘢食，廚房一路有曱甴行，唔好貼錢買難受，寧願行過一條街去其他工廠食堂，叫單前請望望個廚房，為自己健康著想 

打電話嗰外賣 間餐廳都好似得罪佢咁樣最簡單 個嬸問我飲乜 我好禮貌問佢跟唔跟湯 好惡咁「無啊」跟住 比完個地址 直接收咗我線 跟住即刻谷氣再打返過去 禮貌地取消 反而比個啊嬸大聲狂鬧 唔俾我取消。我都算數啦 比錢買難受氣總之一打電話過去已經係 鬧我，我就咁簡單問一句送唔送外賣都想鬧我，跟住我即刻打電話過去取消個餐 本身第一次佢冇聽到 第二次我再打，佢就鬧我 係勁大聲（我本身電話係調到好細聲） 乜嘢 煮完晒 一輪嘴鬧。本身我已經想即刻取消 佢咁快收線，然後又唔聽電話 再聽電話已經鬧我

我打個電話叫個外賣 個啊嬸態度勁差 好似殺咗佢全家咁 比錢買難受？好好地有無跟湯 西聲西聲鬧住講「 無啊」 服務性行業？真係問曬號。一定叫曬住啲荃灣唔再幫襯 我係顧客 但我要比人鬧咗先？

一直多多少少都幫襯左幾年，但餐廳啲食物水準同服務越嚟越唔掂以下幾點唔會再幫襯：1。聽電話阿姐長期燥底2。成日送錯送漏餐3。外賣送到瀉哂4。炸野多粉5。俾兩個5毫都可以唔收6。外賣送頭髮一向都唔會抱太高期望食茶記，只係每日諗唔到就呢間算，但耐唔耐就要受氣，貼錢買難受，緣盡，bye。。。。。。。。。。。。。。。。。。。。。。。。。。。。。。。

對茶餐廳或飯店都好，菠蘿生炒骨係可以話香港嘅靈魂，同時可以試到間餐廳個廚有無料到，試間餐廳食材係咩質素… 係香港食咗咁多間生炒骨，呢間果然係得意地恐怖，可以係難食到食唔到落口，不論汁嘅顏色，炸粉都唔掂，個汁酸到同食醋無分别，一啲果香都無，個骨係最劣質嘅帶羶餲味嘅雪藏貨… 成碟嘢亂嚟嘅…即使三餸飯嘅餐廳，都有心做過佢…成碟飯真係只能食白飯同椰菜… 成碟餸淨咗食唔到，同揹住風扇仔嘅店員反映酸到食唔到，未講到第二句，就畀佢搶走咗碟嘢倒咗，笑咗一吓了事， 但無問駛唔駛換或轉其他嘢食… 咁就$49 白飯椰菜配奶茶… 試匀晒成個荃灣西工廠區嘅食堂，呢間可以係最劣嘅榜尾。 希望快啲汰弱…

而家日日同一班同事一齊叫外賣喺公司食,  共同抗疫。食黎食去都係果幾間, 所以決定今次試新食店: 得意美食中心。本身我係諗住叫個蒸鯇魚飯, 落單後再打嚟話賣晒, 咁唯有轉呢個蕃茄湯豬扒米粉。之後等左差不多成45 分鍾先送到。碗米粉都算幾大碗, 有少少菜, 豬扒都算大塊, 淋, 唔算肥。但係個湯底就如店名一樣: 得意, 我食到既係粟米味而唔係蕃茄味。不過去到個底, 又見到2-3 舊蕃茄。整體黎講, 價錢算平, 但質素真係一般。

上個月中午時間叫外賣，等咗一個鐘都未到，之後打電話去催，佢結果話聽電話個呀姐抄錯咗地址，話會再送過俾我，但個問題係點解送錯地址冇人收餐的時候打電話給我確認，要我自己主動去聯絡。到今天，我諗住再試試外賣，今次用WhatsApp落單，心諗唔會再聽錯地址掛，點知結果落單後，外賣一個鐘都未到，我再打電話去確認，結果他們說沒有看到我的WhatsApp message，但我睇返紀錄，在我落單後1分鐘，他們回覆了一個「好」字。今次真係好失望，所以決定以後唔會再幫襯，亦都奉勸其他想同佢哋落外賣嘅人我叫佢地外賣前請你諗清楚。

星期日起身食早餐係一件困難事好彩茶記都有港式all day breakfast.沙嗲牛肉麵🍜呢度係用福字麵牛肉好滑又大塊 沙嗲十分濃郁加上福字麵嘅爽滑 仲有菜芯同平時略有不同.三文治🥪免費烘左底超脆 配上啖啖牛油 好邪惡.奄列都好大份好厚可以話係海量火腿絲.包埋野飲先$39 凍飲加$2真係好佛心 不過位置比較隱蔽

這間茶餐廳名字好得意，就是叫得意。食了一個早餐，火腿通粉配火腿炒蛋牛油方包，28元，抵食。通粉有雜豆，火腿絲，通粉幾大粒，味道okay, 不會太淋身，湯底較淡，火腿蛋方包好味，蛋滑，方包夠淋，正

面試地點在舊公司附近,搵食總不成問題,工商業區的下午茶時間,人流怎也不及午飯時熱鬧,找個位置也很容易的。這家食堂的名字好容易記得--得意! 第一次聽到同事說"食得意囉",得意.....得意可以吃的嗎?!原來就是指這間食堂。 一貫茶記裝修,下午茶時間大多是阿哥阿叔輩,而一般茶記會供應的食品這裡都有,還有燒味下午茶,還想來個燒鴨瀨粉時發現有福麵,我要吃福麵!先來一口凍奶茶(+$2),剛才的暑氣全消,可是茶記的奶茶竟沒有勁道,只有淡淡的茶香,來自花奶的奶味更重,所以整杯奶茶也夠香滑,最合自己口味就是它用上碎冰,總覺用上碎冰的凍奶茶使人更加涼快。餐蛋福麵蠻大碗,還有幾條菜心平衡一下,非常好。吃湯麵習慣先飲湯,為什麼福麵湯竟好鹹?又沒有福麵味精湯的味道,福麵跟一丁都要配合其專有調味湯包才有最佳效果,這裡只有一個鹹字耶,愛飲麵湯的我也沒法多飲幾匙,放棄! 麵條反而煮得不錯,福麵雖然可以方便地用熱水泡軟,但以明火煮熟的麵條是更好吃的,微微有彈性的曲線福麵已好久沒吃了,只是味道已不復當年,那些年在學校或小輪上的福麵是超香的嘛。兩片切得蠻薄的午餐肉應是用上較好水準的牌子,隱約有點火腿絲在餐肉裡,雖然不多

午餐時段，來到荃灣工業區搵食，經過這店，門面幾新又未試過，就來了這裡，揀了其中一款快餐。例湯：湯料有紅蘿蔔、馬啼、南北杏及豬骨，味道是普普通通的。涼瓜牛肉飯，份量亦不少，餸料感覺是預先煮定的，涼瓜不太苦亦夠腍，牛肉有點韌，芡汁味道都幾好，整體質素是一般了。凍奶茶拿來時，冰塊似乎落得過多，茶色濃郁，甜度有餘，待冰溶到適當的甜度，除去了多餘冰粒，保持濃度，其實，飲落奶茶味道都不俗。這間餐廳就在工業中心地下，估計可容納60人以上，但午飯期間，也許附近一帶餐廳少，整間餐廳都爆滿，全部都要搭檯。其實，這裡已經是附近一帶最企理的食肆了。