德德燒烤

Open Now

Now Closed

呢間小店嘅老闆之前做過某連鎖串燒店，老闆自己喺度開舖之後，我哋都食過好多次，所以質素幾有保證。好鍾意佢嘅調味，孜然味好重，唔算太鹹，亦都唔算太辣。我哋今次叫咗牛丸，墨丸，花枝丸，仲有原條茄子，雞翼，雞軟骨，煙肉車厘茄，羊肉。老闆好細心，丸類全部係開半嘅，所以一定夠熱，又唔怕唔入味。雞軟骨燒得夠香脆，唔油，雞翼好脆皮，肉質超Juicy。今次個羊肉我就麻麻哋，因為羶味比較重😅佢另一個吸引我嘅地方係，我哋可以自帶酒水，老闆唔介意我哋自己去買啤酒嚟飲，只要我哋自己清理返OK👍🏻

好耐冇食過食到咁難食既燒烤…牛肉串3x 2串 9成9係大陸貨 😂難食到不得了 又乾又柴 又細份 燒賣唔係用陳記都賣緊15蚊串 雞亦10蚊一隻..係烚完之後再燒 😂 毫無誠意 茄子算係最正常 東大街串燒太多選擇 咩價位都有 德德呢間唔係最平 但一定係我食過最難食最冇誠意 😂 冇下次

係筲箕灣嘅一間燒烤店， 只有老闆夫妻二人， 放工同朋友去試， 果日平日唔使點等， 嘢食喜出望外 ， 食物種類好多， 最好食係海鮮， D海鮮好新鮮， 而且係即燒， 價錢唔貴， 老闆娘話 可以揀辣程度， 我哋揀咗少少麻辣， 我叫咗元貝同埋蟶子， 老闆加咗蒜蓉同埋些小辣椒去燒， 配合得好好， 好味得黎不失鮮味， 鮑魚燒完都仲係好大粒肉， 必食係燒茄子， 老闆娘好好人， 嗰日都同我哋幾好傾 ， 原來已經開業咗四五年， 係有人情味小店， 最啱同朋友三五知己聚舊，支持小店