德昌魚蛋粉

Open Now

Now Closed

呢間粉麵舖已經開咗好多年，多年前公司在附近，所以都經常會在此食早餐，價錢合理 味道正常。咁啱經過北角 入去食lunch，叫咗 ：「雙拼 魚片 墨魚米 」平心而論，墨魚丸彈牙 幾好味、辣椒油都好味我見周圍嘅人叫一碗麵 張單都係$38，但係我張單寫$52，以為伙計 計錯？打開餐牌先發現 單拼粉麵都係$38雙拼另加$8，但係唯獨 墨魚丸要另加$14唔怪得 坐咗半個鐘，差不多個個都係叫 魚蛋粉，$38一碗（三粒魚蛋+三粒魚片）可能好多人都中過伏😅

1月12日揾食肥華陪靚媽到北角做例檢，完事後路經此間在魚旦粉界，都叫做有名氣的魚旦粉麵店，而肥華又見此店門口擺咗個粉麵餐宣傳牌，就二話不說拖咗靚媽入此店，諗住每人整番個魚旦粉套餐，但坐低先知，此店嘅粉麵餐係没有魚旦粉麵供應，要食魚旦粉麵就要單點，而就算顧客食粉麵餐内，指定嘅粉麵，亦没有熱飲跟餐而係以較平價錢，叫顧客想飲嘅飲品，個碗餐内粉麵和魚旦粉麵同係一樣，賣$36元一碗，而呢間以魚旦粉為賣點嘅粉麵店，肥華就唔覺得有乜過人之處，此店唯一令肥華有驚喜衹係個盅辣椒油，總之呢餐就伏味甚濃👎🙅‍♂️👎🙅‍♂️👎🙅‍♂️👎🙅‍♂️

2人叫咗2份早餐！杯奶茶同咖啡從未試過咁唔掂！！打响老字號、可能魚旦粉各方面可以（我光顧過九龍城店）！但早餐杯奶茶真係好唔掂！！早餐一定要杯似樣嘅熱奶茶！唔係奶+茶可以過關！

3人各叫了牛腩河、魚鮫麪、魚蛋米線，另加通菜及雞翼薯條的下午茶餐！唉😮‍💨來到的牛腩河像牛腩*碎河，魚鮫麪得三粒冇乜涵料的魚鮫，魚蛋又冇乜魚味！另外，通菜$22份量少過正常一半，下午茶餐$33得2隻迷你雞翼+20條薯條！食完好似冇食過！不會有下次！我仲以為德昌老字號，一定唔會差，自此之後，永不再光顧！

夜晚放左學好肚餓，又唔想食太飽影響睡眠，一於去食魚蛋粉，我叫左片頭河多蔥，同學仔叫左貢丸魚蛋河走蔥，兩個人邊食邊滔滔不絕地傾計，傳統的地道食品真好味，魚片鮮味爽口，河粉米香軟滑，蔥香加上辣油，食得非常過癮，香港地真好，幾時都有美食，豐儉由人，幾十蚊就可以好滿足，感恩我是生活在香港。

有人去北角做嘢突然間肚餓見到魚蛋粉又衝去食講真嗰句平時食魚蛋粉其實都係為咗佢啲辣椒油同醋唔知有冇人同我一樣食辣椒油一定要落醋呢去到舖頭叔叔好好傾話晒第一次嚟食唔知食咩好就叫佢講吓囉因為係早上時間佢就叫我食早餐但係我都係想試吓佢啲魚蛋咩手勢所以我就最後叫咗咩都有嘅四寶米🫣🫣一次過試晒所有蛋類嘢非常之貪心魚蛋大大粒又彈牙爽口魚皮餃又好食仲要係大粒嘅加埋辣椒油同醋簡直係絕配食到半路叔叔都有問我意見問我點啊有冇咩評語呀咁樣傾下食下好開心

之前去過九龍城嗰間食，雖然要排大半個鐘，但係相當值得嘅今次就去公司附近呢一間分店平時都好奇怪點解佢冇人排隊 但係近近地我決定都去試吓我買過呢間嘅外賣自取兩次第一次買牛肚魚蛋河，但係魚蛋竟然得兩粒牛肚又唔好食第二次諗住單叫紫菜魚蛋河，加通菜個收銀聽錯咗我叫魚片河其實唔緊要，但係啲魚片只係得3塊我同姐姐講要辣椒油，佢話已經攞咗俾我但係我返到去發現其實都係冇嘅咁樣盛惠$64，又唔係特別好食個湯底就好似其他食評咁講係味精嘅通菜就普普通通唔係太大兜又唔係太好食咁我不如行多兩步去食權記好過啦但我食過九龍城嗰間，食個魚蛋河果次好多魚蛋同魚片所以如果食呢間，絕對唔好去北角呢間分店

奶茶咖啡 魚蛋粉麵 各式早餐 下午茶 茶餐這裡什麼都有,早餐午餐下午茶~ 下午茶最抵食,$27起,三文治餐任選2款指定食材,包茶咖啡一杯,凍飲加2佛心下午茶時段去到7PM！西多士,沙爹牛肉包,雞脾薯條,款式多~都是29蚊也有特價粉麵餐 雲吞麵,牛腩水餃丸類$30一碗,雙拚加6蚊最推薦會是自家包既雲吞同牛腩雲吞有蝦肉,爽甜,牛腩煮得嫩又入味,大大碗,好抵食

Went here randomly as I was hungry.I wasn't expecting anything good as it is just the usual noodles with a choice of fishballs etc.According to OR there is more than one branch.Ordered the beef brisket noodles.The broth was quite light and there were two pieces of radish as well as a few pieces of beef.The beef wasn't edible as it was dry and hard.The noodles were just the usual but tasteless.

在北角職安健中心上完課. 晚上九點半後來到這里醫肚. 我是看中了門口, 長長的魚片 我們點了每人一碗兩餸另加一油菜一碟來到宵夜時段, 我就點了淨餸. 淨餸的會以菜為底. 價錢和面食是一樣的. 淨魚片, 雲吞雙併菜底為西生菜, 湯底很多味精魚片白滑, 但味精較濃雲吞皮非常滑, 是細粒的. 牛肚, 牛根河粉隻併牛根, 牛肚都OK菜芯菜芯賣相不好食落唔算難食這雲吞面檔是價錢取勝，單餸面只需$30. 附近食店不多.晚上客人不斷入座, 個個快食快走.

今天下午去咗北角國賓商埸果間德昌魚旦粉食下午茶，呢間德昌不止專供應魚旦粉，而且也有一般茶餐室的食品種類供應，例如咖啡奶茶，多士，通粉等，點了一碗魚旦魚片米，一個西多下午茶餐跟一杯茶走！魚旦魚片米多蔥，香味四溢，湯底也濃郁魚湯味，魚片彈牙鮮甜，魚旦就比下去，嫌它咬落比較鬆散不夠彈牙，米粉還可以！西多是即叫即炸，充滿蛋香，配以牛油和糖槳， 好味！奶茶走糖，改加練奶，香滑夠茶味得呢而不苦澀！有水準，全部嘢埋單才是$57，可以接受啦！

由於今晚好朋友初次喺新光戲院登台演出，作為好朋友嘅我們，當然要去捧場啦！但喺開場前，我們就去咗附近喺馬寶道嘅「德昌魚蛋粉」食晚飯！我們叫咗馳名魚蛋粉嘅河粉麵質都幾煙韌軟滑，但魚蛋嘅質感相當腍身，一啲都唔爽口彈牙，而且味道亦都比較腥，仲諗著魚蛋係他們嘅「招牌」，但食落先知原來係咁，所以真係令我們覺得好失望呀！豬扒通心粉同鮮茄牛肉通心粉嘅通粉唔係好彈牙，豬扒係有炸過，雖然都幾香口，但就比較油膩，肉質都幾鬆化！而鮮茄牛肉最初我們以為係鮮茄濃湯，但原來祇係將幾片鮮茄放上面，至於牛肉嘅肉質都幾軟滑，但肉味就唔係好濃郁！

開始使用外帶食物盒/ Eco wrap一段時間。決定開始寫黎俾有心人了解下。( 慢慢後補其他經驗) 一來工作要四處去，食飯時間不定。二來為食可以裝住周圍食。三來，環保嘛！等有心都可以考慮自備盒仔。今次外賣食快簡單嘢，趕去開會食住做，四寶河。同收銀姐姐講話，我有盒可以放架。姐姐表示，個盒又幾得意喎。收銀同廚房就係對面，所以我可以直接拎過對面同呀叔叔/哥哥講啦。叔叔話:個盒有兩格可以一邊放粉，一邊放嘢幾好喎。哥哥: 你有冇話點放法？我: 放得到就得架啦！隨便你！最後佢地分開裝，又幾好。( 自己有餐具，膠袋都唔需要) 🤗對我而言個魚皮餃就咸左啲，個湯都有小小咸。其他丸都有彈性唔錯😊40 蚊碗有小小貴左啲。不過店入面既人都welcome 你用盒係價得加分。小分享: 對於自備食物盒外賣，未必個個食店都welcome, 會覺得你怪同煩，阻住流程操作。不過如果可以自己接觸到食品處理的人 or 有個好有決定權要幫你既收銀/ 落單呀姐！件事會容易啲架。🤩🤩🤩當然我明如果可以堂食可能會仲好( 不過有啲店要慳請洗碗都....用即棄既) 做得幾多就幾多啦🤓

可以攪到我地咁激氣真係唔簡單，買成二百幾蚊野，話加少少葱都話‘’無得加架喎，一係加錢啦‘，鬼咁孤寒，仲俾收銀亞姐黑面。食物一般，價錢唔平，態度差到震，一肚氣呀！

夜晚9點幾，有d肚餓，行行吓行來呢間。女人是善變的動物，原本想要魚蛋粉之類的，最後卻點了豆豆A餐。無他，想起了大學時代最愛的早餐，一定有茄汁焗豆。提筆立前，睇咗几篇其他人之前的評論。心中所想竟同一篇的年半前的評論十分一致。多士: 唔熱但夠脆吞拿鱼醬：幾滑，冇麽吞拿魚味，偏甜蕃茄: 少見的紅色，不肯定炒蛋: 唔算滑，但不老，切開還有蛋汁茄汁豆：正常熱奶茶：奶味重過茶味，容易入口，亦都相對淡口，适合我个人的口味