德發粥品專家

Open Now

Now Closed

突然想起之前去過這店念念不忘，當然要記下來。某天下午在荃灣蹓躂而有點肚餓，剛好經過這店，由於次次只經過未食過，當然要試試。去到其實超多人，幸好有一個位所以有得食，點了一個炸兩和菜乾豬骨粥。其實簡單的食物如整得好食係好難的⋯炸兩：新鮮整，流量快，油條夠熱夠脆，腸粉皮又夠厚身和熱，所以實在係最高質素級別的炸兩。菜乾豬骨粥：係可遇不可求的，因如普通生滾粥不同，店家需要浸菜乾，又要斬豬骨，更要煮好耐，係老火粥的種類。而這店的粥係好好味，因為菜乾真的浸透，容易咬斷，而豬骨係新鮮，不是鹹豬骨，所以係花功夫之作，十分溫暖滿足。雖然店面較逼，亦不算太衛生，但最重要是只需25元埋單，十分經濟，令人念念不忘。

由於呢排筆者暴飲暴食太多所以決定在荃灣食碗粥做早餐呢度24小時營業認真勤力而且門口有一定靚姐問"朋友想食咩"聽到都覺得有親切感碎牛粥熱辣辣最啱冬天要黎暖胃仲有食落又軟又綿既粥 仲有啖啖牛肉整多碟皮薄內脆既炸兩呢個配搭真係無得輸!

很久沒有吃粥品，是日的午餐便到了荃灣德發吃粥，比起大型連鎖集團的粥店，還是喜歡這種老粥店。星期六不乏食客，食店分前後店，我們到了較少人的後店。我很快便決定了吃皮蛋碎牛粥（＄１６），攪拌後才發覺店員嬸嬸送錯了皮蛋瘦肉粥，不過不打緊吧～滿滿一大碗的皮蛋粥熱辣非常，皮蛋超足料，不過粥偏稀，吃到最後幾乎只剩下水，但整體飽肚滿足。baka則點了艇仔豬紅粥（＄１６），我很怕吃豬紅、內臟等，所以沒有偷吃。油器中最愛牛俐蘇（＄７），落單時不忘叫嬸嬸要剪開，我喜歡在起初粥太熱時將牛俐蘇浸進粥內，吸了熱粥的牛俐蘇會變得熱辣辣且更有咬口，牛俐蘇很甜，滿足！必吃粥品還有炸兩（＄９），不過不失。另外吃了蝦米腸（＄１５），「混醬」和撒芝麻才是王道，腸粉很滑，但蝦米不算多。飲品是豆漿（＄７）。叫了整桌食物的價錢都不貴，吃粥果然經濟實惠。雖然到小粥店難免擁擠，但還是這樣吃粥最有感覺，最有街坊風味！

呢排食太多太heavy既野，原本想入德發食粥，最後都係叫左咸肉糉同腸粉。不過阿姐服務態度唔太友善，咸肉糉真係好差一口咬落去散晒，成口都係粉食到一半已經唔想再食落去。腸粉－唔夠滑，皮太厚唔彈牙，醬汁雖然任落，但太厚粉完全影響口感，如果凍食的話難以入口。麻醬太稀，芝麻醬唔太香口，甜醬亦是一樣。幸好價錢不貴，最後因不想浪費，吃剩半碟。

呢間粥店係荃灣開左好耐,24小時營業,絕對係宵夜好去處。炸兩基本上我食粥都必叫食物，但係要做得好絕對難，首先要佢即時幫你搵腸，但我而家仲未搵到間粥店係即時拉，而且個油條係脆既。但都無法，只好將貨就價。呢間粥店唔係特別好食，係無味精，我就已經覺得好好，唔求得咁多，好多連鎖店真係不知所謂，粥都要放味精，真係清腸胃變壙腸胃。炒麵炸兩最一定要混醬咁食

天氣凍凍地想食啲熱嘢，決定嚟德發食腸粉燒賣落咗單後唔洗一分鐘就有嘢食！先食燒賣。食第一粒夠熱，之後嗰啲都唔係好夠熱lu，重有啲硬添。腸粉幾好食既，不過又係唔係好夠熱，亦都可以再滑啲。我去既係面向眾安街舖，全店滿坐呀！

參與彌撒之後，沿途走去超市入貨，慣於走路時左眺右望的我，恰巧見到這間人旺的粥店裏有賣特別的糕點，直至我走上前看個究竟，才認出所賣就是馬蹄糕，用砵仔裝成的馬蹄糕。由於粥店實在是太過繁忙，我排在外圍的那條隊也排了數分鐘才得到阿姐的「關顧」，妳繁忙，我明白，因此我不浪費大家的時間和口水，直接了當要求了二件馬蹄糕並遞上$20, 再後來阿姐找回我一張$10時，才知道原來每件馬蹄糕是賣$5。收到馬蹄糕後，摸上手還有暖意，質感並非煙韌的那種糕質，糕型是有但吃一啖……味道偏清而淡，馬蹄肉有渣，糕質似是軟得來水份偏多，說得不好聽是漿糊質感！完全與我期望不相符，我希望的馬蹄糕是要集清、甜、爽口 …… 失望吖   (oT-T)尸

有路口同入面兩間..前者多人得制..去左後者.炒米-有d唔夠暈所以會硬身左..同埋唔夠香..食到中段先睇到好彩有芝麻台面..我就係咁落..8$ 3星芝麻糊-比較淡..食得出溝多左水.但11$ 真係係咁上下啦..3星 有0.5係比個勇佢做到咁抵..叉燒腸-一上台睇到皮透透地就知會唔錯..果然..皮薄好咬口..舀亦ok.4星.14$真係可以再試其他腸粉..全靠腸粉同價錢實惠由ok拉返上笑..

溫完書，突然好想食蒸蘿蔔糕   就黎呢道食個lunch 野食兩分鐘送到！蘿蔔糕只係微溫，如果夠熱一定好味好多不過料唔係好多  但$8 絕對值！粥就新鮮滾熱辣，$15 去邊到搵而且好多料，雖然粥較稀 但味道夠 價錢平又足料 所以呢間鋪長期多客希望佢keep住落去喇 畢竟呢d舊鋪已經買少見少

呢日lunch, 又同男友仔黎呢度食粥粥, 好味又抵食~因為自己唔太肚餓, 所以打算食碟腸粉就算..坐低之後, 就好快手叫碟我最愛既: 豬潤腸!然後男友仔就叫咗個粥: 肉片粥但係因為男友仔唔食豬潤既, 所以佢想叫個腸粉…正響佢諗緊之際, 左望右望既我, 就發現咗新玩意………………….蝦米腸炸兩!!!?其實諗都諗到係咩, 不過見佢咁有創意, 2話不說, 就叫呢個啦~上枱啦!! 先係豬潤腸, 腸粉皮一D都唔薄架, 不過勝在滑身, 而且餡料唔孤寒!腸粉包住滿滿既黃沙潤, 一啖咬落去, 豬潤爽口甘香……. 滿足!!!粥就唔使多講, 米香棉棉既粥底, 真係配咩料都咁好味!!!除咗粥好食, 呢度既油炸鬼都係一絕, 新鮮熱脆又唔會有陣皂水味~最後就係今次既特別嘉賓: 蝦米腸炸兩~果然, 同想像中既完全相同, 就係用蝦米腸包住油炸鬼, 哈哈哈…油炸鬼新鮮香脆就唔使講, 蝦米腸既蝦米亦絕不欺場, 啖啖入口都咬都蝦米香~同油炸鬼夾唔夾呢!? 個人覺得…. 都ok, 幾得意, 又有油炸鬼香味, 又有蔥香同蝦米香味, 而且… 超級飽肚!!!創意十足, 飽肚十足, 味道十足, 繼續支持!!!!

由細都係荃灣住到大即使搬入深井都常常懷念荃灣的小店呢句粥店可算係睇住我大由小學中學大學 我都不時去支持重點原因 係平抵食味道好先係炸兩 每次黎食個油炸鬼都係脆卜卜加埋自己想食的醬同芝麻真係好正 好脆唔會lum住每次黎親都叫個炒米粉原因係份量多對我自己黎講成個配搭都係$22又飽又好食！其實自己我認識的係荃灣粥店有兩間 可能有其他更多但呢間始終都係首選加埋d姐姐真係好有人情味是銀包無乜錢同埋想口痕之選哈哈一邊食住一邊打呢個食評真係有感覺哈哈哈

在荃灣上課到下午四時多還未吃午飯，七時多又再吃晚飯了，肚子很餓又不想吃太多，便在這家老店吃小吃。思前想後點了燒賣和炸両。燒賣口感微微彈牙，但粉感頗重，我想下次未必會再點了。炸兩是預先製好，但吃下去油條仍然保持香脆，配合軟軟的腸粉皮，暖暖的脆脆的，一口一口很快便吃光一碟炸腸了。炸兩上桌時只有豉油，甜醬、辣椒醬、芝麻和花生醬任君加上。肚餓時兩碟小物，確是頂肚好選擇。

今早跟媽子去食粥,點知全部食物又加價了…. 等我食清淡d叫碗白粥 $6…另外點左1個我想試好耐的 芝麻味砵仔糕 真的很特別呢, 呢款砵仔糕唔係用冰糖/庶糖黎整,而係用芝麻糊黎調製~相當之美味~紅豆的口感幾好,相信係新鮮製造~味道不錯炒米 $7上菜時見到炒米粉成座山咁高,真係好厲害!!配料有常見的紅蘿蔔,芽菜,蔥~雖然食到差唔多尾聲感到略為油膩…整體來說不錯,自行加甜醬~味道更棒

今日肚痛唔舒服，所以屋企人外賣咗瘦肉粥+腸粉比我，打開個腸粉非常之失望，因為我話要多醬+芝麻，但而家竟然得豉油，同齋腸無分別腸粉食落仲要鞋口，無嚟味道反而個瘦肉粥都還可以，瘦肉夠咸，粥都幾綿嘅，但都真係一般般

早餐嚟咗呢間德發粥鋪食，叫咗個豬紅粥加碟齋腸粉，豬紅粥嘅豬紅淡而無味，個粥就幾綿，但略嫌有少少味精。而個腸粉唔夠滑，鞋鞋哋，勝在醬料任由自己落，所以我調到啱自己口味 之後，都算ok嘅。