德興茶餐廳 (Closed)

德興茶餐廳出名食粉面，今次叫了一碗牛腩牛丸河，一碗雲吞麵，另外加$10有一碟份量不細的腐乳通菜，腐乳夠香👍🏻意想不到德興的牛丸Q彈有牛味，有勝利牛丸的風采，強推🌟🌟🌟，牛腩撞手神，今次算不錯，肥瘦適中，河粉口感都不錯😋會再N call呢碗河粉德興凍檸茶茶味甘苦得黎同檸檬好配，酸酸甜甜好好飲。

I was stopping by for a quick late lunch and didnt expect to write a review about this cha chaan ting. After dining in, I would like to give a big thumbs up for the nice and helpful staff working here. Not a surprise this was my first dining experience. I took a seat after ordering their afternoon tea sets. Cashier staff was already so welcoming introducing tea sets or main dishes people usually order. After few minutes, staff came and let us know we need to send out our order tickets and waitin

上次同一班朋友行完「大刀屻」之後，落咗粉嶺嘅「名都商場」，試咗「太興」，食物都唔錯，喺定價貴啲啲，座位又逼啲啲。今次近乎原班人馬，行完「八仙嶺」終點自然落返粉嶺，改食返「德興」，其實唔喺特別偏好，只喺大家行到好攰吓，純粹就腳費事周圍再搵。之前食評講過嘅嘢就唔再重複，總之佢喺茶餐廳之名，快餐店式營運，而下午茶時段照樣多人，不過，好在快餐店嘅客都喺快上快落，轉頭就搵到靠牆四人卡位。不過，講真呢度啲位其實都一樣唔太好坐，比較窄。晌門口櫃枱落單，攞住張飛仔去另一邊廚房櫃枱擺低，等叫「冧巴」，朋友初時唔知個做法，反而擺低咗個牌仔，自己揸住張飛，好似平常晌快餐店咁，所以，都出咗啲亂子，而收銀位嘅店主同啲師傅都唔喺好理，由得啲生客亂晒籠。門口前就楝咗個下午茶餐牌，一眼睇晒，下午茶餐、公仔麵茶餐、三文治茶餐同粉麵特價餐。雲吞米 + 熱檸水 $36老友A食嘢比較清淡，不過，佢都話有啲肚餓，所以揀咗碗雲吞米。佢話碗米粉特別就唔特別喇，啲雲吞OK啦，裏面都足料有大大隻鮮蝦，而且非常之大碗，好夠份量，食得佢好飽，喺啲湯好似少咗啲啫。西多士配雞中翼 + 熱華田 $36老友B就話食份西多都差唔多夠，所以揀咗呢個西

我喺呢間野買左個常餐,見佢叫籌攞餐流水式作業,好似大家樂大快活咁,以為好野…點知等完又等都未到,足足座喺度等足四個字,其他人有餐剩係得我冇,我於是搵個姐姐問,原來攞餐要遞飛我無遞,我等唔切堂食轉外賣, 真係俾佢玩死！啲野麻麻地好食,下次唔再幫趁！😡😡

係8:55分去買個外賣，枝竹斑腩炒河，好快就俾咗個外賣我，拎咗返屋企發現係冇枝竹，有啲好奇怪嘅配菜，包括洋蔥芽菜青椒絲，感覺係食緊人地既廚餘咁，好過份收我60蚊態度又差食俾d咁既野我

係粉嶺名都中心中間位置，呢間茶餐廳最大間最多人排隊等外賣，所以入去試吓佢。叫左印尼炒飯同牛腩炒麵之後交左飛坐低等叫no, 真係好有舊式茶餐廳嘅feel 印尼炒飯一開始見到有提子乾😂我真心未見過，但估佢唔到，個炒飯食落去又好惹味，幾足料同夠鑊氣👍🏻牛腩炒麵，炸麵底金黃香脆👍🏻牛腩份量好多，汁又夠多夠濃，配炸麵底一流。價錢中等，$60左右一個餐，冇包飲品，如果配合埋杯飲品就完美曬。下次會再試埋其他野食

諗住去行山，所以是但入左間茶記食返個早餐。嗌左雙拼水吧常餐 $46要午餐肉煎蛋轉辛辣麵 $5 配火腿奄列同牛油方包，飲品就嗌左凍檸茶同茶走。講左個麵先，麵係上黎再自己加辛辣粉，可以按個人喜好加，唔錯。可惜個麵質過淋，有啲失望。午餐肉同煎蛋都煎得好食，蛋係半生熟撈埋麵食一流，火腿奄列啲火腿數量都有誠意，唔會太過慳家，方包就嫌牛油唔夠。茶走出奇地好飲，好重手嘅煉奶夾埋一齊香甜幼滑，檸茶就不過不失，冇乜特別。茶記黎講正常發揮～

1月2號中午諗住去買個午餐！一個夏門炒米、一個星洲炒米、一個4寶米加紫菜另外一個大菜心！買嗰陣已經同收銀講咗指明要大（收咗$21蚊），去到菜檔見師傅落水嗰陣時已經覺得有啲唔妥！咁少嘅？但見到排晒長龍所以諗住攞咗對清楚先好出聲！最後攞到手後打開一睇，嘩！半個盒都冇！跟住見到老細響收銀即刻走去同佢講！點知老闆話大菜係咁多！得！以後我都唔會再幫襯！返到屋企數過，得6條菜心！真心講、粗過我手指我都算！嗰6條菜仲幼過我手指！另外夏門炒米又變咗星洲米！嬲！

肚餓，去此店食下午茶。在等食物時發覺粉麵部有廚師拉低口罩忉牛雜。立即跟老闆反晀。誰知老闡竟話佢剛剛上班。及後，他竟然說：「幸好你不是食環處的人，咁緊張。否則要停業十四天！你有十四天沒得來！」不止十四天，是永遠我都唔會來食！之後準備離開時，更見到那廚師在廚房拉低口罩食煙！而西餐部都有廚師的口罩是不正確地戴的。疫情這麼久但仍有人是這樣子

行山熱血嘅老友今日揀咗由大美督起步，經橫七古道行到去鹿頸， 唔難行，全程約10km，大概用咗4.5鐘。不過，去到鹿徑等小巴出返粉嶺就大排長龍。返到粉嶺，大家第一時間就哋搵地方食下午茶，亦喺行程之一，貪方便，加上大家對粉嶺都唔太熟，就隨意揀咗黐住地鐵「名都商場」內嘅「德興茶餐廳」，見好似好多人幫襯，搏一搏而已。 個名就改成茶餐廳，查實就喺快餐店，一眼望入去個格局都已經喺，而晌門口櫃枱落單，攞住張飛仔去另一邊廚房櫃枱擺低，等叫「冧巴」，餐具亦自取，完全喺快餐店模式。 所有食物就列晒晌鋪外嘅大水牌，當然，比快餐店嘅選擇多好多，種類、款式就行番茶記模式，包羅萬有。 而下午茶時段，門口前就楝咗另一個餐牌，陳列咗多款特價茶餐、特價粉麵餐，話就話特價，但跟大部份嘅價錢相若。 菠蘿油 $26 始終行山帶咗啲乾糧，所以，唔需要食得太大份量，菠蘿油配奶茶就喺小弟嘅最心水喇。菠蘿油睇嚟無乜搞特別喇，實際呢，都真喺好普通，而已，「菠蘿皮」唔喺好脆，牛油仲少得可憐，唯一喺佢烘番熱個包，好軟熟，好香。 熱奶茶菠蘿油真失望咗少少，好彩杯熱奶茶都幾得，當喺補番條數。奶茶色澤好對辦，深褐色得嚟有光澤，入口茶底醇香之餘，

晚上經過此店舖:粉嶺粉嶺車站路18號粉嶺名都商場3樓26-28號德興，發現關門休息後，食客吃完的食具連廚餘放在檯面，完全沒有人清理，非常不衛生，現寫出來，希望能改善。

去親茶餐廳，就會好想食西多。都唔記得藍妹幾耐冇食過西多啦，呢樣咁邪惡既野，真係間中就會好想食。—西多略嫌炸得有啲過左火，不過食落去都係超級好味，落多多既蜜糖，再加牛油，真係肥死。😍—牛腩河湯幾清淡，唔會好咸😃但係好多油喔。牛腩有啲韌呢，有陣牛既騷味，藍妹覺得味道幾特別。

晚上工作完找晚餐，大約9：30pm 普遍食堂已經停賣食物，只有香港特色食市和餐廳繼續經營，來到這裡品嘗他們的粉麵。叫了一個牛根牛腩河粉。牛腩牛根好味，牛味十足味道濃，根煮好軟滑入味，食耐少少爽口彈牙，很好的美食。牛腩亦軟淋淋，食落口很有濃郁味道。河粉軟滑，整個晚餐是十分不錯。適合喜歡食牛的朋友品嘗餐廳晚上比較少人，地方乾淨照明足夠。

當日跟朋友郊遊完太累又諗唔到食咩, 於是出返粉嶺車站"隨便吃"XD一入商場冇耐, 見到有間德興茶餐廳, 一係就其他周圍都有既連鎖店, 於是決定試下茶餐廳啦。茶餐廳黎講一向都不大期望，只是不太難吃就可以。見到好多人都食粉面, 份量都幾大碗但我們太肚餓同埋想飲野解渴, 於是大家都叫了常餐 (有湯,有野飲)加上餐只自助形式，個感覺幾地道，有點似以前舊式既茶餐廳，咁樣仲方便。常餐 連湯和飲品 $44 (凍飲另加錢) 是日例湯：冬瓜粟米豬肉湯，味道還可以，但感覺薑味重了點。湯料都算多的，冬瓜幾好味。凍寧茶：甜左少少，茶味剛好不會很苦。加上落左order之後都好快有得食，d湯同飯都夠熱的。洋蔥豬扒飯洋蔥汁：原來好多飯，又好彩夠多汁！洋蔥雖然不多，但洋蔥甜甜地幾好味既～食到最後汁仲有剩。豬扒：至於塊豬扒就細左少少，又不算厚，所以整體感覺肉不夠多。不過肉質都夠林的，唔會好硬咬唔開。加埋咁多飯所以都食到好飽。朋友點的金針菇蒸雞飯　（試食了幾啖）金針菇：菇和雲耳都幾夠香和入味，不錯。蒸雞：雞是無去骨的，有時會有少少碎骨。至於雞肉不是很滑，如果再滑ｄ會更好因為冇汁，夠又多，感覺上比較Dry。整體黎講都不錯，

不知什麼原因，在Openrice的資料庫內，還是顯示裝修中，其實已是不知多少個月的事了，相信是未更新吧!也許是新界食店，商場內好幾間食肆都開至凌晨，而且就算是十一點打後，都是人流不絕，不愁沒有生意。有時候放工晚了，都會在商場打個白鴿轉，偶爾吃碗粥，或是外賣點心，如果時間不趕，都會選擇吃碗麵頂肚。食店本身並非正宗粉麵店，所以水準不及花都廣場的幾間麵店。牛什米份量頗足，單是金錢肚已經有六七片，加上牛肺、腸及膀，蓋滿了碗面，賣相是夠澎湃，只不過好幾款食材咬落都未夠入味，部份更是未炆足時間，的確有點失望。米粉底刻意放耐一點，蘸滿了湯汁會惹味些。有時候沒有期望就沒有失望，平常心。