悅來老朱小食

Open Now

Now Closed

價錢：$16.4粒味道：少少魚味口感：淋到好似霉咗咁…懷疑啱冇牙阿婆食醬油：豉油辣椒油都完全冇特別竟然會有人介紹佢？？？正常燒賣唔係應該彈牙㗎咩？？？佢係大粒嘅，大從來未食過咁”梅”嘅燒賣

呢間燒賣店喺關注組有好多好評，之前睇youtube 都推介佢。 所以就算住好遠都想過去試下間野收1點，所以想去嘅要早點。因為唔知佢原來好大粒，所以2個人叫左8粒加4條腸粉。 一嚟到有點嚇親，嘩！貢大粒嘅，究竟係蒸到漲晒定本身咁大嘅呢？ 後尾睇返其他人嘅相，原來真係咁大粒😮一咬口感好淋，冇平時食開魚肉燒賣嗰種煙韌。好淋又有啲似粉團咁，真心係幾失望☹️ 好彩個辣椒醬都幾好味。 食完超飽超頂胃，如果想試叫2粒會好啲腸粉正常發揮，都好滑好淋。 佢係扁身又好大，成粒粟米咁

雖然身為屯門人，屯門去屯門都唔一定方便😂傳聞老朱賣曬就收工要一早去買，之前摸過一次門釘就一直未有再去⋯今日見早起身有精神二訪終於試到🤭-✨自製魚肉燒賣 $16/4雖說係魚肉燒賣，其實當中亦混和左豬肉，每日新鮮人手製作。十六蚊先得四粒呢個價錢絕對係燒賣界LV，不過size都的確好大粒。口感唔似坊間會食到嘅魚肉或者豬肉燒賣，好淋身好似食緊牛肉球咁⋯可以話好特別但個人不喜歡。可能期望太高真係有少少失望，唔會話難食不過只覺得普通，試過一次可以結案。

晨咁早去買早餐，8點幾去到，都無晒炒銀針粉，星洲炒米都剩返少少，我買完後無埋牛肉。姐姐話星期六唔開，真係好難食到佢。燒賣同牛肉都大大粒，同埋係手造嘅，燒賣用魚肉同豬肉製成，似淋左嘅鯪魚肉又有點豬油，同平時食到嘅燒賣好唔同。牛肉球配喼汁，咬開好JUICY，唔會太多肥膏，加返少少香茜就完美啦。炒米粉同星洲米粉雙併+$5，米粉有少少蘿蔔絲、火腿、菜一齊炒，星洲果邊有雞蛋，感覺少少油，但有啲油先可以條條分明，份量非常多，滿滿一盒夠食埋LUNCH。

0530 Romance 話說睇完一個電視節目介紹呢間人手製造燒賣，二話不說，0530 鄧風上身由銅鑼灣直踩屯門，0615 到達，見到老闆鐵漢柔情地逐粒逐粒包燒賣，唔使講嘢即刻Order肥豬肉混入魚肉，油香豐富！淋上豉油再加d自家製辣椒油，真係食得好滋味！手製牛肉球比手製燒賣更少見，牛肉香甜多汁而且彈性十足可惜我覺得略嫌豬油味唔夠香，燒賣口感可以再軟糯一點、點都好專程嚟到等佢買返$200生燒賣行街啦，總括嚟講，如果我住附近呢間必定係我蒲點，不過如果要特登鄧風的話，咁就要我嗰日去新財記買靚牛肉、或者去興記食燒鵝中間一段小插曲路程😊😊😊

悅來老朱小食 長期受到香港燒賣關注組（下稱香燒關🤣）讚好既老朱小食🌼睇黎真係好好食😮😮今次要多謝同事特登買早餐比我☺️因為佢地只係開05-13，過咗中午就冇啦，想話下午茶去食都冇❌真係名不虛傳，勁大粒☺️☺️唔好睇佢得四粒唔夠食，食食下都好飽🤣🤣好多魚肉，似食緊鯪魚肉多過燒賣🤣食返黃色皮個邊就似返d燒賣😌加上佢地自製既辣椒油🌶好有heart 呀食得出一粒粒既辣椒😳再加多咗一層辣味層次🙌🏻🙌🏻📍 悅來老朱小食 (屯門)屯門龍門居商場地下25號

久仰老朱大名但聽聞好早收鋪 又離家甚遠一路無機會試試依間燒賣都幾多街坊買早餐食仲有腸粉炒麵嗰啲但我只對燒賣有興趣見其他又好似普普通通就唔試啦七蚊兩粒 偏貴 但又幾大粒所以叫咗四粒算呀姐係會幫你落埋汁醬 有啲人唔鐘意 我無所謂咬落去 好淋唔似平時食嘅魚肉燒賣咁會煙煙韌韌無乜魚肉嘅彈牙反而似食啲淋咗又發脹嘅麵粉咁但佢又唔係真係（好多）麵粉…入面食到係魚肉肥豬肉嚟㗎喎….無再特別想食嘅感覺可以一試 但要特登去就不必了比佢好味嘅燒賣鋪太多啦

2021年11月29日(一)今日做早起的鳥兒來屯門出晒名嘅「悅來老朱小食」食早餐腸粉3條$6手打牛肉球1粒$7自製魚肉燒賣4粒$14自家製辣椒油免費腸粉滑滑好味道牛肉球大大粒好鬆化魚肉燒賣都比一般嘅大，肉質好似牛肉球一樣咁鬆軟，沒有煙韌口感，唔係傳聞中咁好味啫辣油要問姐姐攞，佢直接將辣油淋上牛肉球及燒賣上邊，冇得自己控制辣到，不太方便另外辣味道都唔係特別好，普普通通除咗腸粉係覺得佢夠滑之外，呢度嘅自家製牛肉球、魚肉燒賣、辣油，以我嘅個人口味來講，只係屬於一般。今朝觀察呢條街，朝頭早得呢一檔有埋呢類型嘅食物，所以特別多人幫襯囉，因為得一檔。

“自製魚肉燒賣”($14/4粒)屯門龍門居悅來老朱嘅燒賣一向都好出名一直都想試好耐！可惜真係比較遠,營業時間又太早唔係街坊真係比較難會食到🥺最近終於偶爾有機會朝早過到屯門可以買到啦😍雖然呢道燒賣$14得4粒但原來粒粒都好大😍食完係會飽肚🤣除咗魚肉,入面仲加咗豬肉所以食落充滿豬油香🐷加埋自家炒辣油真心幾正🌶唔怪得呢間啲燒賣咁受歡迎🤤當日仲好好彩買到最後8粒😝悅來老朱小食屯門龍門居商場地下25號

大粒，三啖到先食完一粒，每粒已經溝咗魚肉同豬肉喺裡面，個口感似軟身嘅鯪魚球，食落有油香味，每粒燒賣之間唔黐身，最怕黐到甩晒皮嗰隻燒賣，嗰個自家配辣豉油真係要試下。想食到燒賣一定要9:00前到下次想要試埋牛肉球

睇到網上介紹呢間人手燒賣,特登市區入來試試。燒賣好大粒，魚肉味道算重，但太林唔彈牙。味道唔似燒賣似魚丸。而且太大粒賣相一般。21元得幾粒好似好貴。整體評分不高。因為無驚喜連相都冇影

早上返工，得呢間龍門居小食店開門。平時叫開腸粉，今日胃口好，叫埋燒賣😋另外，有粥、粉面、糯米雞等港式早餐賣。（事前唔知道呢間燒賣咁出名）嗌咗腸粉+4粒魚肉燒賣。一打開，粒燒賣大大粒，一個乒乓波咁大🏓一咬落去😍已經愛上咗‼️打到起膠嘅魚肉，一啲都唔腥！有少少漿力有咬口🤤真係不得了魚肉帶點胡椒味，燒賣皮唔乾👍🏻每一個細節都好出色！-上網做吓research 先知燒賣加咗豬肉，將魚肉+豬肉打至起膠，超軟糯😋好多人都介紹要加辣油，但一朝早廢事咁重味，等你哋試完話我知💬-腸粉就冇咩特別，唔會太濕太黏，較實身 都好好食。-如果早餐腸粉+4粒燒賣，對我嚟講太多啦$24超飽肚！聽日試下剩食燒賣😋價錢：物有所值！👍🏻$14 4粒燒賣食味：好啱胃口，夠特別！

本🐻又去龍門居搵好西，不過今次早少少，雖然有好多鋪都未開門，但有一間老字號一定要早點來先有得食 😛 作為燒賣控邊會未聽過尼間自家製小店呢 😋 20多年既小店原來一直堅持每日自家新鮮製造魚肉燒賣 😮今次去到只見老婆婆一個開店，她說生意少了很多，不過如常將燒賣賣曬就收鋪了，佢建議我地飽飽地就買未蒸好既燒賣回家自己煮，仲俾左包有自家製辣椒油加埋豉油番屋企點黎食 🥰 推介‼️✨ 自家製魚肉燒賣內有魚肉漿，仲會加入脢頭豬肉，令每粒燒賣都非常軟糯，同平時食既好大分別❗️✨燒賣係超級大大粒，同牛肉球差不多size，所以佢會兩粒或者四粒咁賣，其實食一粒都幾飽❗️✨記得要自家製辣椒油點黎食，連🐻怕辣都食到覺得非常滋味啊❗️價錢‼️$7 兩粒

香港其實有好多有名氣的小食其中一樣就係 - 燒賣😍今次嚟到屯門覓食✨試左幾間後，呢間 悅來老朱小食店既燒賣好出色👍🏻未食已經聞到魚肉既香味，加上人手制，口感比平時食到既有彈性，而唔係乾爭爭難入口✨食既期間，有超級多街坊幫襯，佢地既食品全部都係有數量限定，我好幸運咁買到最後一份燒賣🤭大家嚟食既話記得早啲嚟啦💫

𝕀 𝕙𝕒𝕧𝕖 𝕔𝕣𝕒𝕧𝕚𝕟𝕘𝕤 𝕗𝕠𝕣 𝕥𝕙𝕚𝕤 𝕥𝕣𝕒𝕕𝕚𝕥𝕚𝕠𝕟𝕒𝕝 ℂ𝕙𝕚𝕟𝕖𝕤𝕖 𝕕𝕖𝕝𝕚𝕔𝕒𝕔𝕪 𝕖𝕧𝕖𝕣𝕪𝕕𝕒𝕪!最近有鋪食燒賣癮，今次就等埋大仔放學一齊入屯門龍門居嘅《悅來老朱小食》食佢哋出晒名嘅魚肉燒賣！😋😋😋我知點解佢咁出名啦！因為真係好好食！🤤🤤首先佢嘅size係同出面啲豬肉燒賣一樣（可能仲大啲添），入口唔會成口粉好似用魚蓉同漿粉嚟溝咁，所以係俾平時出面食到嘅彈牙！可能放學時間，我哋去到勁多人，好彩都俾我買到，因為佢哋賣完即止㗎！