悦 私房菜 (荃灣廣場) (Closed)

喺疫情期間竟然見到呢度要排隊等位個名又冇特別 就諗住入嚟試吓 飲下午茶入到黎原來間野好細 唔多枱好好笑 問佢拎下午茶嘅點菜紙佢話而家去印俾我試咗呢個$1燒賣都好足料 夠哂熱辣辣 用黑蒜來做燒賣 味道幾特別 叫左香片 茶香味道 不過不失迷你大澳牛崧炒飯炒飯粒粒分明 而且好香蛋黃味 係即炒都係熱辣辣上枱食得出佢啲牛肉都唔係馬虎 真係有牛味潮式鮮蝦餃 入面有芹菜我就麻麻哋但好大隻 蝦係新鮮爽口 炸兩紅米腸個樣就幾靚粉紅色但油炸鬼唔脆而且又冇味個腸粉皮又厚細細盅 但係都好足料而且好好味 好快就飲哂最後黎既係 紅油一口餃子仲有就係好多但係完全唔辣 有醋係碗底 完全蓋過左隻餃子肉味未必會再回頭 但叫試下佢

荃灣食點心本身都少選擇，就算係一些連鎖餐廳質素都是一般，自從開了這間中菜館後，差不多每次在荃灣飲茶或食中式晚飯都會選擇佢，原因是品質好，煮法新頴用心，本人最近試過翠X及利X,食物品質令人失望，點心唔熱，而且侍應態度差，但悅這間中菜館（不知算不算小店），侍應門都願意聆聽顧客的意見，記得當初開業，的確有部份食物有待改善，但現在食物無論味道、材料品質都有保證，唯一缺點是，如果鋪位可以大一些更好，不過如果六人左右來飲茶，環境依然很寬敞。

讚1. 食左幾次，點心水準不一，燒賣係好既，有肉汁，冬菇切得大細均勻；蘿蔔絲腸粉明顯有進步，腸粉滑左好多；燒乳鴿都好左，皮脆肉香2. 環境有啲陽光照入黎，唔錯彈1. 部份野食有進步空間，虎蝦米粉餅係完全無味既，海南雞好鞋呢

最近疫情影響，成日食連鎖集團外賣，食到個人都dry 今日難得出嚟抖抖氣，就試試呢間私房菜飲茶，眼見門面窄窄地，入到去係另外一片天，落地大玻璃，視野廣闊，不過入面好少位，同埋比較細間所有碗碟都用陶瓷，唔似有啲平價酒樓用膠，由於早市關係，得幾款點心選擇，不過每樣都幾特別首先迷你鳳爪排骨飯，真係好迷你，不過都算係好多排骨，足料，排骨同鳳爪都好入味雜菌腸粉，腸粉皮好香好有彈性，入面啲菇菌，又係分量足夠，再配小小甜豉油，非常清新櫻花蝦芋頭榚，應該係焗嘅，幾好，又唔油，裏面全部都係真芋頭絲，非常飽肚蒸蜂巢黑糖糕，熱辣辣，濃濃黑糖味，有啲似白糖榚嘅質感估唔到小店都有咁嘅水準，價錢又相宜，絕對性價比

今年如以往 提早食飯先 荃灣區開左間近期口碑幾好嘅食肆 就網上訂位 跟住打去問有冇餐單睇 佢就立即whatsapp俾個菜單黎 菜名就好有創意咁 但食呢就要去到先知當晚早左去水入左去後 發現枱嘅數目唔太多 之後再落多一個餸 就等待出菜頭果幾味新奇又好味 上菜時間都算快 但到最後兩道菜 雞同飯就遲遲未見影 因為有幾枱客都食完走人 所以要再催促才再上菜 不過味道就不及之前果幾味餸 但總括黎講係有心思同創新嘅 最好味係法國紅酒燴牛膝同紅蟳天鵝酥伴柚子淮山

今日來到荃灣廣場行街，好想找個地方飲茶，吃一些比較精緻的點心，所以就來了這間「悅」私房菜。這間中式菜館的地方很企理，但是枱與枱之間的距離比較窄。點心的價錢不是太便宜，但尚算合理每台也有一碟餐前小食，炸白飯魚炸得很甘香我們點了這個「黑白蝦餃」皮薄餡靚，蝦🦐爽口彈牙！燒賣味道不錯！「春卷」、「叉燒腸粉」「春卷」炸香脆可口、「叉燒腸」也香滑煙靭「鹹水角」鹹水角皮炸得香脆煙靭「牛肉球」味道不過不失！「鳳爪」味道也不過不失！總結：食物味道——點心精緻、即叫即蒸、味道很好環境——清潔企理、但枱之間距離比較窄服務——員工有禮貌、也會閑談幾句、不見有不滿意的地方。價錢——不算很便宜、但價錢合理。

行過荃灣廣場見有新開餐廳就揾埋同事嚟試。餐廳好細，樓下同位置得一間餐廳，而悅呢，得三分一既空間，而且同隔離間素菜裝修有啲似（基本上就係一般中菜餐廳既格局）所以同事都講笑咁話，係咪一個廚房煮兩間坐低咗，望見啲餐具都好似好有誠意咁。大家就開始點野啦，望吓價錢其實一啲都唔平再加上佢啲名改到好似好勁咁，即時充滿期待先嚟度小月石鍋炒腸粉。咪就係炒腸粉囉，完全食唔出同度小月有咩關係。因為加咗度小月既肉躁？sorry真係食唔出鮮蝦紅米腸：好食，蝦夠大隻，彈牙。再加埋個炸皮，好味松露帶子餃，ok既，但一籠得兩隻黑松露鮑汁鳳爪，又係食唔出黑松露既味道。係就係有一小堆松露放係面比你睇到既，但講真，鮑汁都係重味既野，加埋松露落去做咩呢。同一般鮑汁鳳爪味道一樣蒜香帶子海膽籠仔飯。嚟到既時候，我同同事都吓咗一下，話係籠仔姐，無諗過係嚟6個mini既籠仔。 好食既，但如果多過6個人點分呢😅。你知好多時大團飲茶都係叫個飯大家每人分d嚟share.呢個真係湊夠數先好叫。 而家唔知係咪個籠細，入面既飯好快凍。結果了出嚟成舊黐埋，冇軟糯既感覺.....最後係我覺得最無謂既黑椒金錢肚，用錫紙包住再放係一個手掌咁大既石盤上面

星期日瞓醒就去飲茶今日去咗荃灣廣場試吓呢一間悅聽講呢一間啲點心不錯！入到去見到啲裝修精簡，環境都OK一嚟到有一碟前菜，味道都可以先來一客黑魚子蜂巢荔芋帶子盒$78 整體來講好食 帶子完粒好大粒，荔芋包住食落好夾。新年期間有年糕試食$18試晒三種！綠茶年糕最好食，其他我就覺得冇咩特別蔥花炸両紅米腸，炸両好脆，顏色好特別好少女心鴛鴦黑白蝦餃王，蝦餃兩粒癡住咗連埋個底子都癡住咗，夾起全粒咁散晒，有少少失望～～

今天趕上悅私房菜新推出晚上套餐,就試試看,出來的菜式真是讓人驚喜,味道一貫的鹹淡適中,菜式擺盤充滿藝術品,在荃灣真的沒有第二家有這樣的出品,看到今天還有廚師推介新的菜式,新鮮的羊腩整的羊腩煲,白切東山羊,還有臘味煲仔飯,看得流口水,可惜吃不下,留待下次再品嘗

讚1. 食左幾次飲茶，點心得手，敢講係荃葵青一帶最好，雖然貴，但值，簡單既牛肉都做得好，滑得黎彈彈1. 晚市就伏啦，首先係等菜上檯既時間，耐到完全失控，半個鐘係一碟野都無得食，隔離檯真係燥到即走！我無骨氣，所以又等左一輪2. 耐都算，但野食係唔合格，生菜出晒水，豆豉雞骨多肉少仲要無味，有無搞錯呀！唔平架噃！！3. 環境非常逼，絕對建議大家午市先好黎，同晚市係天同地

全家人同婆婆慶祝生日，選了這個地方。地方比較細，around 10圍臺，大臺都勉強可以坐到9個大人2個細佬。菜色方面，前菜選了海蜇，腐皮卷，比較普通。熱菜中，黑醋排骨擺盤好靚，可惜只有半盤肉。雙色豆腐蒸帶子，帶子都算新鮮。蝦仁炒蛋和黑椒牛柳，不過不失。炸子雞都算新炸脆皮。主食選了蝦烏冬，好味，櫻花炒飯都唔錯。有幾味餸偏鹹但總體鹹淡都可以接受，不過食完覺得超級口渴，唔知是否關味精事...以私房菜來講，質素一般，不過在商場裡行完街食下，都算可以接受。

久違了的荃灣西站，一田大減價，相約朋友到此一遊和下午茶，發現一間名叫"悅"私房菜但可飲茶的地方，裝修簡潔，服務員有禮貌但略嫌手腳慢，點心以2件為主，很適合2人撐枱腳，除傳統點心，也滲入了些新穎元素，價格公道，點了幾個常吃點心 :紅蟳帶子鳳眼餃(外型味道都不錯)、古法馬拉糕(味香濃厚)、龍蝦湯紫菜鮮竹卷(肉餡多汁)、 醬皇豉汁蒸鳳爪(一般般)和松花皮蛋香茜牛肉腸 (皮蛋太大粒與香茜牛肉絕不搭配，外皮顏色奇怪不討好)，有空不防一試。

今日同屋企人嚟咗呢間私房菜試一試佢，叫咗一圍12位菜再加兩個餸。因為冇地鐵嘅關係，人流就真係比較少，邊上反而食得都幾舒服，啲員工又好笑容服務都好周到。👍🏻👍🏻👍🏻一圍枱總共有12個餸，既我就既唔得晒啦，睇相啦。特別深刻嘅就係咕嚕肉，金字塔肉碎，炸豆腐賴尿蝦，雜菌煲。😋😋總體來講食物嘅質素係非常非常之好，個咕嚕肉做得非常之好，炸到好脆。個炸豆腐賴尿蝦係極之好食，炸豆腐個皮好薄，熱辣辣，但係入邊完全不失豆腐嘅味道。個集菌煲好香黑松露味，個軒汁非常好食。總體來講呢間野食物質素我絕對比一百分！擺盤亦都好靚好有心思大家可以睇想見得到。絕對值得一讚有驚喜。👍🏻👍🏻👍🏻

讚1. 呢帶好味既點心唔多，呢間算好好，服務、野食都有水準，腸粉好味，石鍋肉臊腸粉都好味道，蘿蔔絲酥餅既皮非常鬆酥又唔油，魚湯烏冬非常鮮甜，整體好味彈1. 乳鴿平平，皮唔脆肉唔滑2. 部份座位實在冷氣過強3. 價錢係呢區黎講算幾貴

見荃灣廣場開咗間悅私房菜. 又見到朝早下午都有茶飲，有點心食，想試好耐了.咁岩朋友黎左香港玩，接左佢之後就去悅私房菜拎位飲茶. 估唔到細細間都咁多人排隊，好彩有最後一張二人枱，唔使等位點心選舉都算多，比起一般酒樓既點心較新穎而且味道也很不錯👍🏻除了點心也有很特色小吃和飯麵類的主食！龍皇桂花炒生竹米粉朋友見到已經雙眼發光，本來仲以為個米粉應該是伏！點知十分有驚喜賣相很吸引，米粉炒得很乾身而且一點也不油膩有帶子蝦肉等配料，都幾豐富食材也很新鮮，比想像中好食，下次黎飲茶會再叫黎食雞仔咸水角做形好可愛呀～～～～～～～～味道都算OK,外層小小偏甜一黎到熱辣辣應該係岩岩炸起其實佢仲有個黑蒜燒賣我都幾欣賞，但唔記得影相.  佢個味道真係幾特別，入邊嘅餡料都好足，唔錯！雖然環境係逼夾細咗少少，但食物嘅味道都唔差，比想像中好！