您的冰室

Open Now

Now Closed

放lunch同同事嚟咗屯門嘅您的冰室，我叫咗個雞扒蛋包飯，落單同上菜都算係幾快手，賣相擺盆都唔錯，估唔到普通茶記都肯花心思擺靚啲嘢食！至於味道方面，個人認為味道都幾好 ！當然未至於超好食/驚為天人，就係正正常常好食嘅蛋包飯！出面層蛋皮唔會Overcooked ，飯嘅份量都算幾多，一定食得飽！至於雞扒，就係正正常常茶記質素！有啲沙律菜中和下，叫做冇咁漏！整體嚟講，呢個餐都算大份同抵食！如果去開屯門，都可以試吓！

話說之前早餐曾經中伏。。。。但睇中佢番茄牛肉湯飯。。。比多次機會佢！入到去...強迫我出面搭枱...入面明明大把吉枱...搞錯其他熟客就可以行入去自己坐吉枱...碗野黎到...愕左然成碗湯左搵右搵一舊番茄肉都冇...再仔細搵....連番茄皮都冇.....大佬丫，番茄湯連少少既番茄肉都冇...只有紅蘿蔔 洋蔥等等配料....比盡呢碗野應該叫羅宋湯啦！ 失敗牛肉仲難食...雪藏肥牛，有雪味，好un...成碗野連凍飲58蚊食食下有個阿叔搭枱...叫左個下午茶番茄牛肉湯烏冬.... 48蚊....碗野黎到份量同午餐一模一樣.....又做左傻仔，無啦啦叫左個午餐浪費多7蚊不過真係問心果句，湯底太濃，簡直唔似番茄湯...下次請我都唔食救命！

老婆個舅父最近搬左黎紅橋，大力推薦您的冰室早餐好好味，同老婆放工後就入去試下啦！無論佢火腿 炒蛋 午餐肉 比我既感覺黎講 一般貨色！多士黎講唔算有驚喜，紅橋有幾間仲好食過佢！其次就係果兩碗野， 不論咩都好，總會有菜絲係上面，一來好影響外觀，二來睇落就已經冇乜食慾！雖然唔明呢間餐廳咁樣擺d菜落去有乜意思？我只知道我食乜野都好，每一啖都比d菜既味道整淡哂，完全唔好食好似仙女散花咁鋪到成碗野都係菜，真心想嘔！唯一可以讚既地方係奶茶幾好飲但食埋今次唔會再幫襯，因為信錯舅父先黎，哈

小店,家的味道 又平又好食 $35早餐抵食開工之前食早餐 今次入屯門係附近見到呢間小店早餐35蚊就有放滿生菜既肉丁米粉,一份牛油方包一件煙肉同腸仔平時食米粉邊會見到有菜絲咁好,好有家庭味道,小店就係溫暖食快餐都諗多步想大家食得健康D 放滿菜絲又好多五香肉丁大大碗幾乎滿出黎牛油方包烘到好脆,成份早餐比起平時大3份1,非常抵食又好食,好滿足您的冰室屯門青翠徑9號多寶大廈地下33號舖消費$35評分8/10

叫外賣自取早餐，雪菜肉絲通粉配餐肉同炒蛋粉同湯唔分開裝，炒蛋就咁掉埋入去唔係阿嘛拎到番屋企已經變成咁，糊哂咁湯無味通粉無味平時買開第二間茶記好好依間真心難食唔會再幫襯！

今日我去咗食個早餐平時都間唔中會落去食，我之前係幾鍾意嗰度嘅煙肉又大塊又厚，我不嬲都覺得嗰度嘅服務態度好一般有試過下晝去冇人管住班阿姐班阿姐傾偈同大笑超嘈，今日我去到叫咗平時一樣嘅早餐都係叫咗一份煙肉點知今日份煙肉成條又細塊又短又薄，仲要係得脂肪我即刻叫佢話可唔可以換過塊佢話今次批貨係咁㗎冇得換，一開始埋嚟嗰個應該新來嘅話唔到事跟住其他阿姐又走埋黎都係話唔得，有個男人應該係老闆嚟嘅又唔走過嚟了解咩情況企左喺度，當堂燥咗，我決定以後幫襯樓下新開左間茶餐廳，質素真係越嚟越差

過左早餐時間，但又唔想食飯，唯有搵茶餐廳食常餐。經過見到呢間冰室有常餐食就試吓啦~~!!試下餐廳推介既薑絲鮮牛肉湯公仔麵有多士，有花旗奄列，個奄列呢，個人本身唔太鍾意入面有汁，味道一般至於個薑絲鮮牛肉湯公仔麵，個湯底好好味呀, 有別於一般茶餐廳。平時出面個d一係無味，一係太濃味，但呢個呢剛剛好，有味得黎唔會太咸，唔錯！仲有d好開胃既感覺，吸引你繼續食落去。價錢方面，略嚴有dd貴，份量唔算多，職員服務態度都係一般

平時經過您的冰室嘅時間都係食早餐或常餐，有次見到人地食呢個蔥油雞扒飯餐覺得好香，今次好肚餓決定試一試巜蔥油雞扒煎蛋飯》，個餐包咗熱飲一杯，叫咗熱奶茶，餐茶先上！奶茶好重奶，都好飲！等咗幾分鐘個飯都好快到，煎蛋特別叫咗個熟蛋，其實可以揀太陽蛋，但我個肚受唔到，炸雞扒有好香嘅美極鮮醬油味😋，將蔥油同飯攪勻一齊食令整碟都有好香嘅蔥油香味，鍾意食蔥嘅人，一定覺得好開胃！對女性來講，份量算多呀！埋單冇加一，實收$45！

叫了一份精選午餐份量不多，有奄列有多士跟碗沙嗲牛肉通粉，碗通粉好少，似早餐多啲！少都唔係大問題，最唔掂係一路食發現湯裡有螞蟻，仲唔止一隻，好噁心！同店員投訴後佢話今餐唔收我錢，我話唔收錢都唔會再有下次幫襯！雖然廚房係 open kitchen好似好乾淨咁，唔知過都唔知咁恐怖！

星期日和老公中午經過這新開茶餐廳，見裝修格局ok,抱著一試心態，萬萬估不到就此中伏了！Lunch時間，差唔多滿坐, 無得揀位，同人搭枱，坐左餐廳右邊靠牆位，坐位有d迫，但係點解張櫈咁高？張枱又咁低，完全彎唔到身食野，要用手捧起隻碟來食，點可以咁樣設計？見到牆上黑板寫住3款廚師推介，就點左其中2款：瑞士雞翼撈丁麵 - 雖然雞翼很深色，但瑞士汁太淡，只有死甜，味道好單薄。個丁麵差到離譜，煮到淋晒，又無調味，感覺好似食緊白烚公仔麵，完全食唔到有味道。撈麵附送一個疑似湯既物體，裡面有d生菜絲，賣相還好，點知試了一口，又係無味道既，以為自己飲緊洗菜水，試左一口就放棄了芝士焗豬扒飯 - 賣相唔錯，面頭有好多水牛芝士，一揭開塊豬扒，感覺有d唔對路，d飯煮到爛晒，水份太多，飯無炒過就攞去焗，好似食緊白飯咁，失敗！塊豬扒就正正常常，唔難食。不過$52（配一杯凍0水）呢個價錢，呢個水準，我情願去食大X樂無咁嬲雞亦撈丁配熱飲$42，焗豬扒飯配凍飲$52，埋單總共$94。餐廳環境同裝修都幾好，但食物水準奇差，一d咁普通既菜式，都可以煮到咁難食！唔配收呢個價錢！（d相係食到一半先影，因為越食條氣就越唔順，決定要

這間新開的店，本來也不太大興趣。不過看到餐牌價錢不貴，為了慳多點錢，便進去一試。我點了蕃茄牛公仔麵，只是28元。不知由何時開始，覺得這個價錢吃公仔麵是抵的。其實早好幾年，以前22元已經有一碗公仔麵早餐呢，還會有炒蛋牛油包! 香港的物價已經貴到太離譜了！賣相也不錯，牛的份量好像也算多。可惜蕃茄湯未夠濃，若果更重蕃茄味，就會給它五星。牛肉口感很滑，味道不像其他茶餐廳的牛，可以一試。然後我點了杯凍朱古力，不像我預期的味道 。我以為它會朱古力味很濃，反料它較淡。

這間鋪位已經換了很多間餐廳，上一手是「飯堂」，然而，開了一段很短的日子就被取代了。這間冰室價錢還可以，不會貴得太誇張。而它提供的，都是以早餐為題的粉面。而它的營業時間是7am.到 6pm. 所以較像有 all day breakfast 的茶記。不過它好像遲些會推出一些飯類。下午茶時段平小小，還會有飲料送。我點了 番茄牛烏冬加凍朱古力 $30。它的番茄湯是滿新鮮的，還有一點番茄粒。它的牛肉是自家製的手切牛肉，很嫩滑，不過沒有牛味，可能是不夠新鮮或者雪了很久的關係吧!而它的烏冬很硬很鞋，亦不彈牙，不好吃。加了兩元點凍朱古力，朱古力不算太稀，但也不濃。叫了少冰仍然很夠凍，不錯!裝修上就還美美的，設計擺設也是春夏 feel, 很令人有輕鬆的感覺。