惠三郎

Open Now

Now Closed

今日帶埋呀仔去中央廣場整回鄉證，痴線架，咁既天氣商場壞冷氣，等左1個鐘終於搞掂啦。整完落樓搵野食，見到好幾間都要枱bb上樓梯，再轉入商場搵到呢間。開頭都好驚商場壞冷氣好熱，但姐姐話佢坐果個涼啲，又真係喎。佢午餐有豬扒炸蝦飯，但驚吾夠淋呀仔食吾到，姐姐好好人幫我轉左雞扒，仲送麵豉湯，不過不失啦。雞扒炸蝦飯，麵豉湯加一杯飲品 $50因為呢排呀仔食得好慢，食下食下都食左1個鐘，姐姐話因為坐位比較少，搞到我都勁幾吾好意思。

早餐堂食，只是$39元的沙爹牛肉麵，有超厚午餐肉約半cm以上，很不錯的炒蛋份量大，重味沙爹牛肉，還配上牛角包！牛角包味道很好，就美心$18的級數。要了咖啡來配著吃很好味。

等咗幾個月，終於可以去補領回鄉證，人好多有排等，所以攞咗籌之後就去食早餐，中央廣場樓下呢間惠三郎細細間但早餐竟然有牛角包就入去試下，入去無位坐住吧枱先，之後靚姐見我着住裙，一有位就叫我轉落卡位，之後我搵紙巾抹餐具佢馬上比杯水我，好細心呀！早餐平均$32-40，點了個粟米火腿通+餐肉炒蛋牛角包+凍咖啡，每樣嘢都熱辣辣攞出嚟幾吸引！味道亦唔錯，如果落單可以香趣D更好，一間平實的小店值得支持。

屯門中央廣場樓下的其中一間日式小店，應該係家庭式經營, 暫時只做早餐和午市，午餐嘅時候需要搭枱，看似生意唔錯，店員會推介午市優惠，主要係飯餐, 舖頭內裝修好有日本小店感覺，第一次幫襯嗌咗一個炸蝦牛粒飯，牛粒有啲似係牛丸嘅感覺，食到有脂肪嘅味道，炸蝦粉漿較厚，蟹肉比較幼小，反而洋蔥汁同配菜係做得幾好味，第一口食落去覺得好甜之後覺得撈飯唔錯，飯真係日本米，檸茶有真檸檬👍由於係小店所以不設免費紙巾提供，而且只收現金，大家要留意。

近年屯門泳池附近有新寓所落成，隨著人流增加，餐廳亦愈開愈多今次跟朋友一齊食呢間平民日式小店。我們各自要了一個套餐，包括一份茶碗蒸及麵豉湯，仲有飲品，抵食！茶碗蒸用上湯加入蛋漿、蟹柳、菇、洋蔥等材料蒸成，好夠味道！麵豉湯，味道不過不失啦！🥄煎和牛粒溏心蛋飯和牛粒質感軟腍，好易咬開，肉質一點都不老。丼飯仲有一隻流心蛋，用匙羹切開見到蛋液流出好吸引。飯量超足，要了少飯但都食得好飽！不過略嫌醬汁鹹咗少少。🥄咖喱吉列魚柳飯朋友點的，份量亦豐富，吉列魚柳超大塊，比我的手掌更大🤭

朋友介紹有一間日式餐廳挺好吃，偶然今日到這邊外賣，就試試。這間食堂是連Openrice 都沒有，靠街坊宣傳。位置：在中央廣場地下，南浪海灣對面，馬路旁邊。環境：店內面積狹小，只有三張卡座和一行吧台，但相當整齊清潔，室內光線充足，簡潔明亮。服務：外賣只是等了五六分鐘，很快！午市：套餐均有沙律和餐飲，點了阿華田和熱檸水。煎和牛粒溏心蛋飯$62份量正常，有一隻完整的溏心蛋，是流心的蛋黃，很好吃😋和牛粒的牛味較淡，有少少脂肪，肉質較軟綿，有洋蔥和碎蔥，醬油汁很香，撈飯一流，整體不錯。黑豚肉生薑燒飯$50這是媽媽點叫，本來想吃鯛魚飯，怎知道賣完，看來真是頗受街坊歡迎。豬肉瘦肉多少脂肪，同樣是配洋蔥，相信味道差不多，只是肉類不同，媽媽都甚為滿意！