我想和你無所事事 (D2 Place ONE)

Open Now

Now Closed

同朋友係荔枝角D2 place 食完飯行街，覺得兩手空空，想買啲野黎飲🤤見到呢間我想和你無所事事有得坐之外一出地鐵站就係，就決定買呢間試下🤭睇meun都幾多野揀🙈同朋友一人叫左一杯不分青紅皂白桃火龍果炭燒烏龍茶（700ml）好健康！同埋白桃加火龍果既味都幾夾🤤同埋冇諗過禁大杯！鳳梨柳丁椰果炭燒烏龍茶+芝士奶蓋$7鳳梨味好出！加埋椰果，好有咬口，係我無啦啦想飲奶蓋所以多手加左，唔係成杯係非常啱飲既！

去開荔枝角見到呢間 #我想和你無所事事 ，地點喺正D2 Place門口，店面有少少餐桌給食客休息享用，門口店員親切有禮，傾開才知道，食材及烹調方法都是由台灣引入，非常正宗，週末去開荔枝角，不妨試試👍🏻 以下係我嘅食評推介🧋鹽酥雞-辣味（大）🍗一口Size，份量都幾多，雞肉有醬料預醃漬入味，而且係台式鹽酥麵粉漿，口感酥脆，肉質軟嫩。是諗但泰式珍珠奶茶 🧋用泰式茶葉沖泡，非即溶二合一沖調，味道正宗。#我想和你無所事事荔枝角分店 #d2place #鹽酥雞 #珍珠奶茶 #台式料理 #荔枝角美食

正如標題人生飲過最難飲既手搖 沒有之一兩杯咩GG奶蓋水果沙冰都世界級難飲奶蓋個味好怪沙冰質感怪 味道更怪 個火龍果沙冰簡單係每飲一啖都想打冷震一次個化學味勁重 又甜到不得了 少甜咗都係廢既另一杯咩百香芒果都係化學味 超難飲呢杯野 送比我都唔想飲可以將手搖整到咁難飲 都確實係幾難得仲要價錢比起一般手搖店亦唔算平Cp值零分味道零分唔知呢間野點解可以生存咁耐呢間野難飲既程度可以驅使我寫人生最一次既食評唔該快啲執笠 唔好再係到為害人間

D2 place 的飲品店都試得8899，唯獨是這間沒有試過，又覺得它的店名和飲品名字挺有趣，有點口渴下，今天就嚐一嚐。🙂搵食容易發達藍莓草莓炭燒烏龍茶（熱🔥）$38這個飲品名其實都有點兒格硬來😂。因為想喝熱飲，又想健康一點喝生果茶，就點了這款飲品。顏色好像涼茶一樣，超級大杯，我要少甜的，甜度也剛好，莓味就是酸酸甜甜的味道，沒什麼茶味。環境：招牌和店名挺有趣，很吸晴，但細看店內環境有點兒污糟，冷氣機都鋪滿厚厚的塵。總結：試過一次就夠了，附近有更多值得一嚐的飲料店

叫咗兩杯嘢飲 一杯無啦啦幫我篤咗個窿 一拎啲嘢飲灑曬出嚟 一杯個珍珠完全冇味 咬麵粉咁。。。十分失望 本身飲過佢其他分店都OK 估唔到呢間服務態度又差 嘢飲又難飲 唔會再試😡😡😡😡

個日經過D2 Place 貪得意去試下間手搖鋪頭，入到去兩個女店員都無咩服務態度，諗住想點左杯現榨飲品，店員即刻話做唔到而叫我再叫另一杯。咁我就再揀過一杯 GG白桃莓莓，店員一路整一路R曬頭，係咁望住雪櫃個製作方法，一路成頭問號。我即刻上openrice 睇評價，原來一直都咁多負評。最後，成杯飲品難飲到想嘔，係人生最難飲嘅垃圾，最後飲咗幾啖即刻掉咗，真心貼錢買難受，而我都決定寫返個負評等其他人唔好再中伏。我唔會再幫襯依間鋪頭及其他分店，麻煩好好培訓啲店員先再做生意。

一直都有幫襯呢一間連鎖茶飲, 但係荔枝角呢一間係咁多間態度最差，店員全部黑面，最離譜，連自己舖頭有冇得揀少冰，冇冰，都唔知道，問清楚Menu上面有冇得㨂無冰，就索性唔應你，繼續黑面。總之就係受氣之選。成條街咁多台灣茶，我唔會再幫襯佢囉

首先明明menu寫可以轉茶底但到落單又話唔得不如改過份menu去啦跟住本身都攞得嘢飲但前面有人攞緊咪企係後面等。點知有個員工就話「等攞嘢飲就企係舖頭出面等，唔好阻住個門口」態度咁惡劣幾好飲都冇下次

嗰日下午經過D2 Place，天氣好熱，想買返杯嘢飲，就走咗入去呢間我想和你無所事事😂個名幾得意。其實我完全冇idea要飲咩，問店員推介，佢介紹可以飲果茶，或者當日特價嘅水蜜桃愛玉茉莉綠茶，竟然冇sell我買貴野，都幾難得👍🏻本身我都鐘意愛玉，加上只係$15，真心平，即管試吓。愛玉分量不少，茉莉茶香中帶有水蜜桃嘅甜味，水蜜桃味唔假、冇藥水味👍🏻加上我要求少糖，飲得到茶味，飲完真係消暑解渴。下次再無所事事經過開，都會再去買杯野飲，唔知下次會有咩特價呢😋

喺荔枝角想買番杯嘢飲，但八點幾好多茶飲舖都收晒🤣上網見到呢間台式茶飲差評都幾多，但由於太口渴，戰戰兢兢咁嗌咗一杯，飲落又OK正常冇上網講得咁差，可能比較保守嗌咗芝士奶蓋茶🤔🤔🍴 法蘭西芝士奶蓋炭燒烏龍 $29 (7/10)少冰無糖，冇諗過咁大杯🤣無糖嘅炭燒烏龍茶味都有嘅，帶好輕微嘅炭燒味道，唔甜，芝士奶蓋都夠厚，質感濃稠，飲落輕微嘅芝士味，奶香味好重甜甜哋，但又唔係奶精嗰種，芝士控表示呢個價錢合格啦。推薦指數: 7/10茶飲評價真係好不一，保守啲叫穩陣嘅應該冇事，冇上網講得咁差！

企門口招呼人嗰個基本上係冇招呼，冇笑容，冇表情。我見到出邊燈箱賣廣告嘅飲品，問佢有無，佢都唔知係乜，企後邊嘅職員見到門口嗰個唔識答，冇人出嚟幫佢。講嘢無頭無尾。我影埋相佢睇，佢知道係乜喇，但三樣嘢入面兩樣都話無。然後繼續無表情，我真係火都嚟，嬲得滯走人過去對面買珠奶。呢間嘢真係店如其名，連啲職員都無所事事。如果係啅頭，咁真係好失敗，唔該train吓啲員工先好做生意。前面有兩個後生女啱啱買完嘢飲，拎轉面都偷笑反問：乜做生意唔係應該要講啲嘢架咩？

很有趣的飲品名字成功使我更加難選擇要飲什麼每次經過荔枝角必飲今次可了茫茫人海茉莉綠茶很多芒果 落足料✨🫰另外荔枝烏龍也很香好像是招牌飲品輕輕推一下！打卡可以去！

🥰個名聽就聽得多，今次係第一次飲，不過可以咁有年資既飲品店，普通飲品一定有水準，所以要試特別啲，黎個期間限定。🥛火龍果芒果乳酸奶 😋芒果加酸奶一定安全既，開頭怕火龍果唔夾，原來唔會。因為火龍果味唔重，所以冇咩問題，而且有火龍果味，味道豐富左又靚左！