我是珍奶狗 (Closed)

去台灣旅行嘅時候有好多美食嘅引誘 冇試過呢款toast😭見葵廣有又近我 就過下口癮先😚呢到總共有九隻款可以揀 有甜有咸 除咗紫薯同芋泥仲有地瓜🍠一定有一款啱你✨不過...今次有少少唔開心...因為營業時間係12:00 但係我哋等到13:30先開☹️好彩今次食左兩款都勁好食🥰雖然佢勁多餡 但係都冇整淋到個包 食落仲係好脆卜卜🤤冇白等到嘅感覺😳.紫薯Oreo吐司💜 $38我鐘意食呢款甜嘅多啲😚紫薯相對冇芋泥咁厚 但係咁嘅份量就啱啱好 食落冇咁濟😳原本以為個餡得紫薯同埋Oreo 點知佢仲搽左層煉奶?🍼食落有啲似奶醬多😂因為已經有Oreo 所以甜左少少🤏🏻不過好彩都冇蓋過淡淡嘅紫薯清甜味🤩反而Oreo有啲失色~~整得太碎同埋淋晒 冇乜口感🥺.芋泥肉松吐司🧡 $35兩邊嘅芋泥同肉鬆分怖得好唔平均🙈一邊好厚芋泥 一邊就好多肉鬆🤣不過因為我唔太好肉松 所以就食咗另一邊😎芋泥相對上冇紫薯咁甜同咁濃味🤫同埋肉鬆嘅份量都多 存在感都幾高 所以食落個味都幾出🧐呢個toast芋泥個口感我好滿意 整得好綿密 好滑😍最鍾意就係佢唔甜 食到天然嘅芋香味😋

葵廣好一段時間冇行啦葵廣一定係掃街啦 發現呢間台灣嘢超厚吐司揀咗紫芋味，感覺口感都好滑，哄得幾脆，買返公司食坐得舒舒服服，另外再買埋芋圓糖水，都唔錯啦！煙煙韌韌，兩樣食曬真係好飽啦

-葵芳廣場之 《我是珍奶狗》🥪每次看到有芋泥吐司都會忍不住去🥺可惜暫時在香港吃過兩家都是失望而回！數數最失望的一家應該是元朗的👇🏻羅東肉焿番😿然後今次這家是第二失望😹🥪芋泥肉鬆吐司 （$35）芋泥太淡味、甜度不足、而且沒有芋頭塊的口感🥴唯一可以說的就是份量夠足料！芋泥溶超厚的🤫吃完這個後沒有再點它的飲料、因為人已失望了😑我要走了好嗎！

「我是珍奶狗」雖然都算是台灣手調飲品店，也有製作類似「水蜜桃紅茶」的手調紅茶飲品「桃膠蜜桃茶」。但是「桃膠蜜桃茶」卻沒有像「水蜜桃紅茶」一樣，蜜桃甜味濃厚之餘，又有濃厚紅茶茶味感覺。而且「我是珍奶狗」版本的「水蜜桃紅茶」，飲品裡面還會加入，口感類似「雪耳」，咬下去會有少許爽脆的感覺，但是難以跟煙韌的食用「珍珠」看齊的配料。另一方面，我以為選擇為「桃膠蜜桃茶」選擇「少冰」，就可以喝到相對比較濃厚的水蜜桃甜味，但是「我是珍奶狗」製作出來的「桃膠蜜桃茶」，飲品的蜜桃甜味最後還是打了少許折扣，感覺飲品蜜桃甜味被食店廚房沖淡了。所以「我是珍奶狗」和「我是珍奶狗」廚房製作出來的「桃膠蜜桃茶」，暫時不是在我飲過的蜜桃系紅茶飲品裡面最甜的一杯。後來我向食店，店員回應指「桃膠蜜桃茶」以類似「沖撞」的調製方法製作出來。所以「桃膠蜜桃茶」裡面的蜜桃甜味在飲品沖調過程裡面，隨著冰塊被沖調期間，冰塊在所難免地撞至融化，間接令飲品的蜜桃糖漿甜味，難以保存至到最濃厚的狀態。所以葵芳分店「我是珍奶狗」廚房，跟廚房店員製作出來的「桃膠蜜桃茶」，暫時屬於我飲過的蜜桃紅茶飲品裡面，甜味味道比較淡薄的一杯，也不是我最喜歡的一

今日約埋兩個姊妹去朋友屋企打番幾圈，然後就叫外賣嘢飲去朋友屋企飲。有得選擇嘅當然係選擇 「黃店」，我就選擇咗呢間外帶台式茶飲店 - 我是珍奶狗。奶綠燒仙草，就係綠茶 + 牛奶 + 燒仙草飲落去勁有台灣味道，仙草煙煙靭靭又滑嘟嘟，其實有啲似涼粉咁樣，有回甘味 ; 我之前未飲過綠茶加牛奶， 我自己覺得係一個幾特別嘅味道，有牛奶香又有綠茶香，不過就好似牛奶嘅比例多咗啲，有少少cover咗綠茶嘅原本味道，味道唔算係太甜，都幾好飲。下次都會再試下第二啲飲品

作為紫薯粉絲 見到紫薯產品完全忍唔到口😔於是叫咗個紫薯芋泥吐司！除咗紫薯 仲有地瓜 肉鬆...其他組合😂好創新呢間鋪買嘅人好多 但得既時間唔算耐 大概五至十分鐘左右..而且真係熱辣辣到手 即叫即整既感覺☺️芋泥好滑 而且唔會好甜 出奇地食晒成個都唔會覺得好濟好膩😋但比其他吐司飽滿感更高 因為個人比較細食 所以食一份可以當一餐而家間鋪除左賣吐司仲有賣野飲 啲口味&配搭都比較特別 有機會可以試試！下次都會想試埋其他口味既吐司

今日去到葵廣 年初二好多小店都仲未開鋪 我旁邊既人兄之前就睇到中左呢度有間鋪既芋泥金莎巧古力吐司 撞岩今日年初二都照開 一於食佢呢個芋泥金莎巧古力吐司係即製 不過今日咁岩無其他人買 所以只係等左五分鐘度就有不過起佢做緊個陣就見到佢唔係用金莎係用棒子朱古力加花生 可能係想罷買金莎做貨源？但佢門口又放左個嘉頓麪包既來貨架仔 真係睇唔透 講講芋泥金莎巧古力吐司 芋泥係凍既 棒子朱古力加花生就偏向室溫 雖然佢吐司幾脆口 但係真係有啲濃得制 黑曬咁 食落芋泥同棒子朱古力唔多夾 芋泥冰凍 幾乎食唔到有芋頭味 全部野都好唔夾 新年收多5蚊 40幾蚊一份咁樣既吐司 好失望

台灣不嬲出名既吐司 宜家係香港已經好多地方有得食 基本上好多賣台灣野既食店都已經有得食了 本身我對吐司都幾有興趣既 當然要試試啦 不過有咁多間 又唔知邊間好食 咁就隨便試間近近地既算了 上網碌facebook見到葵涌廣場有間賣珍珠奶茶既舖頭有 就近近地即管去試下 去到見到啲人都係等雞蛋仔既多 我見吐司既款式都有好幾款 咁我同朋友就揀左紫薯肉鬆吐司$35蚊價錢都唔係問題 最緊要味道 吐司呢啲應該即叫即做既 等左5分鐘左右 店員已經將吐司整好 放左落盒俾我了 一打開個樣幾吸引 好多紫薯 摸上手仲暖暖地 仲諗住個吐司會係熱辣辣 點知唔係 已經凍凍地 微暖 一咬落口 啲紫薯係凍冰冰既 紫薯下面就係肉鬆 上面既紫薯都幾多下 不過下面啲肉鬆就得好少 有啲失望 如果成個吐司都係熱辣辣會更加好味 呢個吐司試一次就夠了 唔可以話難食既 但又唔可以話好味 普普通通咁啦

近期店舖推出左超邪惡嘅台灣芋泥吐司，但小編去幫襯嘅時候暫時仲係出名主打酸奶未推出吐司，係後來上網先留意到😭💛黃店：櫃檯擺咗支持香港嘅飾物💛⭐️出示學生證有八五折優惠，好似幾吸引。👓超級oreo酸奶 $28冇叫少甜少冰。似溝稀咗嘅酸奶，乳酪味囉，又唔夠稠身，配有oreo碎，但其實兩者係完全唔夾味！好奇怪！又唔算非常難飲嘅，不過少失望唔係想像中所期待嘅味道。大家千祈唔好揀依隻口味嘅酸奶，至於吐司好唔好食真係唔知🤓評分：6.5/10

我是珍奶狗 #葵芳 #葵涌廣場 好鍾意食所有有關芋頭嘅食物，見到最近葵廣呢一間店舖有賣芋泥吐司，台灣好普遍，但香港真係好少見過，即刻衝過去試！佢哋有唔同味道選擇，包括芋泥金莎朱古力🍫、芋泥花生醬🥜、芋泥草莓🍓、紫薯芋頭一齊嘅紫芋吐司💜、紫薯奧利奧🍪、地瓜肉鬆🍠同埋抹茶紅豆💚，價錢介乎$35至$38。另外見到佢哋係個收銀機度有貼香港加油嘅貼紙，但係喺黃藍地圖都未見佢哋個名，唔知有冇人可以幫手fc下呢！今次揀咗呢個經典配搭芋泥肉鬆吐司🍞$35芋泥打到蓉，質地較一pat咁，口感爭少少，鍾意佢唔會好甜，但係芋頭香氣唔算好重。肉鬆亦都有啲乾身，不過好在味道都幾重夠濃。成個吐司份量都算足料，可惜當時個包即使烘咗都係淋身有啲韌，可能係我嗰一個嘅問題(?)覺得試一次就足夠。味道3.2/5性價比: 3.3/5

之前見到fb有介紹，講到好特別，好好食咁，一場黎到都要試下。想食芋泥口味，有4款㨂：㨂左一陣，最後㨂左芋泥花生醬口味：見員工烘兩塊麵包，之後搽一層都厚厚地嘅花生醬，加兩大球芋泥。之後包到好靚再切開。味道呢... ok,吐司烘得啱啱好，微暖，少少脆，但我覺得花生醬搶左芋泥味，可能個芋泥芋味唔夠濃，不過佢真係幾足料，啖啖都食到好多芋泥，食完都幾飽。

最近網上見到廣告賣台灣出名既鐵板芋泥吐司，食落非常吸引，於是就去試一試。可能因為午飯時間冇咩人，除左鐵板吐司，台灣飲料外，仲有特色雞蛋仔。我點左廣告推介既鐵板芋泥金莎朱古力吐司，等左5分鐘左右就到手，不過吐司只係微暖唔太熱，有紙袋裝住就算唔係即食都幾方便。佢用紙包住吐司，但由於係多層既紙，紙邊會有紙碎痴住吐司既餡，都比較麻煩。我過左十分鐘之黎先食，已經凍晒，雖然表面有少少烘過既金黃色，但吐司依然係唸身。中間既餡料飽滿，但金莎味會搶過芋泥，唔太食得出芋頭味，只食到微甜既金莎醬味同芋泥口感既吐司，有點兒失望。而且價錢偏貴，所以試過一次就夠。

➖➖➖葵芳。芋泥紫薯吐司🥪➖➖➖。❤️紫薯完勝👌.前幾日係IG 見到呢份吐司，即刻好想試🙈之前見到元朗有，但係實在太遠啦🙈葵芳飲品店有新吐司，近我🥳。➖➖吐司有九種味道：芋泥、紫薯、地瓜▫️紫薯Oreo 吐司$38▪️芋泥肉鬆吐司$35.▫️紫薯出色好香甜呀，味道比芋泥濃郁，加埋啲Oreo喺面，兩種口感好食啊。▪️芋泥好順滑唔太甜，但係就冇咗芋頭蓉嘅口感，芋頭味唔算太濃，不過味道天然冇加任何嘅色素。...▪️紫薯粒紫薯牛奶奶蓋自從同喜茶割蓆之後，好耐冇飲奶蓋😫呢杯有驚喜😍奶蓋好挺身，不過少左份鹹香紫薯真係好香甜，天然甜味，唔似假甜紫薯+牛奶🥛好好飲飲品入邊仲食到紫薯粒....➖小總結：杯紫薯飲品真係出色，紫薯出品好食過芋泥🤣下次想試吓地瓜吐司。芋泥金莎朱古力吐司不過地瓜琴日已經賣晒🙈吐司即叫即整，麵包係烘過的但唔太脆🤨製作需時，等左差唔多20-30分鐘🙈分量好似好細，但係食完都好飽

茶飲店一共新推出左9款唔同口味, 而我就分別試左一鹹一甜既芋泥口味🙆🏻‍♀️•••🍞ᴛᴏᴀsᴛ·芋泥肉鬆吐司 $35﹟諗住試就試個最classic既吐司組合實無死🤔但可惜同我想像中係有出入架😐塊麵包係有吐司應有烘過既痕跡...但就無左應有既溫度🙈同埋麵包質感都係偏亁, 至於入面個餡, 鐘意佢個芋泥唔會話好甜, 但芋香味唔太夠, 份量都算係足料, 都有d爆爆地餡既視覺享受😂而個肉鬆就令人有少少失望, 一黎睇相都見到份量偏少...同埋佢個肉鬆唔鬆化, 似係通左風既感覺, 味道亦都有d奇怪🤔🍞ᴛᴏᴀsᴛ·芋泥金莎巧克力吐司 $38﹟試完個鹹既芋泥, 試埋個甜既芋泥組合😆食落會發現原來佢地既味道幾夾😯因為個芋泥唔太甜, 配返個甜既朱古力醬, 岩岩好做左個balance, 再係面頭灑左d花生粒粒, 睇得下之餘又增加左個口感😂不過個人認為$38一份, 可以自我衡量一下抵唔抵食喇💁🏻‍♀️

有2至3人排隊,不是等很久,叫了一杯天使芒果芝芝,與同我男友一起分享,同一舖面見到有雞蛋仔諗住又買黎試下,以為都係佢地既啦,杯嘢飲,我已經攞左架啦,已經係再一次排隊叫底雞蛋仔食下,間舖d人話：唔係我地嗰喎,可能成日有人誤以為係佢地架啦,所以答我嗰下都好唔滿意,其實買佢地杯嘢飲時,已經不太好態度,又不會講多謝,都算了,結果我男友同我都各飲了一啖,覺得除了無味,仲怪怪地味,我不服氣還攪勻飲多一啖,還是一樣,沒有芒果味,也沒芝士味,男友也叫我不要飲了,最後掉垃圾筒