手作餃子專門店 (松苑)

Open Now

Now Closed

上openrice見到屯門有依間以🥟🥟為主題的小店, 今日來試一下, 有好多款都想試一下😝, 見到有三拼🥟🥟, 但已經 set 好款式, 今日就試D餐加8元要上海拉麵再加8元菜心, D餐係鮮肉粟米南瓜餃🌽加鮮蝦🦐海鮮餃🥟加京葱羊肉🐏餃, 等左一陣, 碗湯麵送到, 賣相都幾靚仔🥰👍, 飲啖湯先, 係幾清甜好飲, 但我個人就覺得有点兒口渴🤣, 食口上海拉麵, 質地就一般, 有d都一條條黐埋😆要慢慢整散佢, 不過味道浸左湯都還可以, 食粒🥟先, 係南瓜粟米🌽, 都饀料豐富, 好多南瓜蓉, 不過味道我自己就喜歡太子另一個名的鋪頭😝多d, 再之後食京蔥羊肉🐏, 未食過這樣配搭, 亦未食過京蔥羊肉的味道😂, 原來係極之重口味, 平時我都會食羊架同羊腩, 但依只羊食落就太so羊味, 我就麻麻地了🤐, 再之後食鮮蝦🦐海鮮餃, 係食到爽彈蝦🦐的味道, 味道唔錯, 我個人就喜歡依個味道多一点😝😝, 另外菜心係比苗, 食落又淋又清甜❤️, 等我第日又來試下其他口味先🤪

今次食飯經驗真係超差！之前食過一次，味道都唔錯，所以今日又經過附近，想再試下。結果一行二人，等咗一陣，阿姨話就嚟有位㗎啦，叫我哋等一陣，等咗一陣剛好有1個客坐住既四人枱離開，店員話有位可以入去。我心裡還以為今日會有個好心情，點知入到去之後，裏面嘅店員話要比後面三個人先坐。咁我哋就話我們係先到的，仲係你哋店員叫我入嚟嘅。點知，阿姨就話，吾係！嗰張四人枱要比後面三個人用。完全冇道理可言，真係超級無語！ 我真係好困惑，其實如果係咁，排隊做咩？你叫我入去做咩？如果四人枱要比後面三個人先，咁點解要叫我哋入去呢？這種安排簡直無法理解，讓我感到很不公平。整體來講，今次的經歷讓我失望透頂，根本唔會再想光顧。希望大家都留意，選擇其他地方食飯肯定會更好！這種服務態度實在令我難以接受，唔建議大家來這裡食！

雖然OpenRice評語唔係一致好評，但仍然想試佢啲特別款餃子一共12款口味，另外有小食、麵、糖水叫咗個9隻湯餃 ($54)雙拼 (+$2)🥟鍾意佢個鮮淮山紅蘿蔔豬骨老火靚湯👍🏻真材實料，零味精，健康又養生▶️ 鮮肉日式紫菜餃好少有用紫菜做餡料，味道超濃感覺同豬肉融為一體餃子皮有韌度咬口，唔會一咬就散有驚喜，超推介😻▶️ 鮮肉雲耳椰菜餃爆多餡料，椰菜比例最多可惜餃子煲熟咗少少，餃子皮開始鬆散🤥整體調味偏淡，可能試其他惹味啲嘅口味較好-餃子做得飽滿，餃子皮煙韌，餡料唔會過分調味另外可以加自家製辣菜脯服務都可以，見佢哋好忙碌環境OK，以舖頭面積嚟講算多座位價錢亦相當抵食，平均$50-60/人朋友話京蔥羊肉煎餃同鮮肉粟米南瓜餃都好食，餃子控值得一試！

本身諗住錫隔籬間車仔麵點知冇開入左去食呢間餃子又幾抵食喎～🥰原來下午茶唔使加錢轉煎餃添🥹🥹跟餐會連嘢飲或者菜添餃子菜同肉比例7:3佢哋仲主打老火湯做湯底下次可以再試吓其他餃先👅

好多學生排隊，等咗陣先有位。🤔本次用餐食物：什錦湯餃（韮菜餃，白菜餃，香芹餃）🥟 $41湯底幾清甜，暖笠笠♨️，幾舒服😌。韮菜餃🥬夠晒韮菜味，白菜餃🥬無乜特別，香芹餃🌿個芹香味幾特別，我個人就唔係好岩🌿。餃子皮薄餡靚，咬落去口感幾好😋，唔會太厚身，餡料都幾多，但啲肉好似唔夠菥鮮，整體幾ok！不過份量就唔夠大隻。🌟手作餃子專門店 (松苑)📍德政圍29號松苑地舖

喺屯門覓食，周圍行見到間餃子專門店，岩心水就入去試試味隨意叫咗雙併湯餃6隻加上海麵，有啲驚喜！1.鮮肉粟米南瓜餃南瓜蓉超甜！真係好好食係encore之選！必食！2.鮮蝦海鮮餃啲蝦冇咩特別，但入面嘅韭黃就好惹味🫣仲有，佢嘅淮山紅蘿蔔豬骨湯無味精之餘，仲好多料，已經食咗好多舊淮山😂

健康手作餃子店，叫咗一個湯餃子，一個煎餃子，湯餃子嘅湯真的是沒有味精，餃子很新鮮製造，但沒有什麼味道，煎餃會比較惹味，內涵亦是沒有什麼味道，感覺用料不是很新鮮。

惹味健康餃子店今次去咗間食咗好多年嘅餃子舖。就係位於屯門嘅＜手作餃子專門店（松苑）＞，叫咗個每次都會食嘅‘’鮮肉冬蔭功香辣水餃”我用咗唔同嘅角度去分析一下今次嘅餐飲體驗。份量：佢有分六隻或者九隻，而佢每一隻水餃都好大隻，所以我自己嚟講食六隻就夠飽，如果六隻唔夠飽，亦都可以加面。味道：細細個就食呢一間手作水餃舖，咁多年來個味道都冇變到，依然係非常之好味。另外啊，佢嘅冬陰功餃嘅酸辣平衡十分之出色，非常之啱香港人進食。肉餡好新鮮，唔會太鹹亦唔會太油，另外佢堂食會跟一個湯，嗰個湯就包閉啦，就係淮山花膠豬骨老火靚湯（無味精）。每次飲呢個湯，都覺得有家的味道，湯入邊仲有好多紅蘿蔔添。另外啊，佢哋嘅自家製菜譜亦相當好食。上餐速度：迅速店員態度：良好店內環境：親民交通地理：便利付款方法：可八達通人均消費：$40Wifi：沒有改善方案：沒有下次希望繼續食冬陰功湯餃。

近年越來越多又大隻又抵食嘅餃子專門店，仲要全部都係用無味精嘅老火靚湯做湯底，今次無意中食到呢間手作餃子專門店，每碗湯嘅顏色都好濃郁，而且又有埋紅蘿蔔，真材實料～鮮肉白菜湯餃(6隻)💰HK$38湯底真係好鮮甜，飲哂成碗都唔會覺得口渴！鮮肉白菜餃子味道就不過不失，係穩陣之選～鮮肉冬蔭公香辣湯餃 (6隻)💰HK$41貪得意叫咗呢款泰式風味嘅餃子，味道酸酸辣辣，開胃惹味，略嫌餡料唔夠紮實比較鬆散～自製清熱潤喉羅漢果茶💰HK$13味道唔會太甜，感覺清涼下火～

依家講講我喺呢間食店嘅體驗啦🍴! 今次我哋一行人嗌咗幾款餃子，每一款嗌口都唔同，刺激哂味蕾。其中個鮮肉粟米香菇煎餃，外皮煎得金黃酥脆，湊埋粟米嘅清甜同香菇嘅鮮味，真係咁食咁過癮😋! 湯餃方面，鮮肉白菜湯餃嘅湯底鮮甜得嚟又滋補，但就覺得白菜味過咗頭，餡料嘅肉味就喺白菜海裡面游咗少少。當食到鮮肉日式紫菜餃嗰陣，呢款就真係出色！鼓鼓哋嘅紫菜包裹住肉餡，咬落鮮味無窮，啱啱好嘅咸香味，摻埋一丁點魚露嘅提味，真係扣晒我哋嘅心弦🥟。至於鮮肉冬蔭功香辣餃，冬蔭功嘅那股酸辣味，係每啖都刺激到你想再嚟多啖，個人我最中意！另外，佢哋店嘅服務真係可以話係無得輸，同行朋友嘆到佢哋嘅湯正，店家即刻送多碗黎，霸氣又大方！總括嚟講，呢個價錢食到咁過癮嘅餃子，係絕對值得推介，真係溫暖到心❤️‍🔥! 下次還會返嚟，非常值得一試！

早前經過呢間舖頭，我不嬲都係餃子控，款式多味道好 價錢合理，而且大大粒，佢個湯餃唔錯，飲完個湯之後唔會口乾，之後叫咗個煎餃，脆卜卜，但係呢真係要彈一彈佢有啲油。食完個口油淋淋，但係咁嘅價錢你想點啊？

下午茶時間入去, 但因為下午茶冇想食既餃子口味, 唯有單叫, 叫左雞肉薯仔煎餃（+$2）上海面, $38 6隻, 再加$8要上海面, 埋單$48, 餃子質感好實好足料, 面個湯都唔錯既, 感覺味精不多, 值得一試, 係煎餃有啲多油...但我成餐有啲坐立難安, 因為等緊期間見個凍櫃後面有小強出末, 後尾又走返入去, 我諗住當見唔到, 始終食肆有小強又唔出奇既...但後尾我前面地下又見到隻, 我即刻起身調位, 同姐姐講有小強爬左上櫈, 點知姐姐好似習而為常咁, 唔出聲用毛巾包走左佢...佢地包餃子就係客人隔離, 我都擔心包包下包埋小強入去... 食個時逐隻咬開有望下, 希望佢哋衛生做好啲啦, 畢竟野食真係唔差既...

收工去屯門練射箭前約埋老友食個晚飯先，老友介紹黎呢間專門食餃子既小店，未食過就一於黎試試。小店面積唔算好細，都有約10張枱，每張都係4人位，不過位與位之間就比較密d，由於當晚客人都幾多所以唔太方便影個環境啦，坐底睇下餐牌，餃子既種類都唔少，可以揀煎餃或湯餃，煎餃就要另加2蚊。煎鮮肉車打芝士餃配上海麵有好幾款餃子都想試，今次先試下呢個鮮肉車打芝士餃，加2蚊轉煎餃，由於係即叫即煎落單後大約都等左十幾分鐘，上到枱時都好熱，外皮煎得好香脆唔會過火，皮都唔算好厚，餡料黎講芝士比例不多，只食到好輕微芝士味，主要都係豬肉，食落其實算幾好食不過偏油，成個餃子都充滿油光，怕油既朋友可能要自己拎張紙吸一吸啦，配上海麵就加8蚊，麵既質地算唔錯，軟硬適中，湯底就正常豬骨湯無特別，配料有幾塊紅蘿蔔不過有d位無刨乾淨，就咁咬左d乾淨既位都算幾甜。煎鮮肉冬蔭功香辣餃配上海麵老友揀呢份，基本上除左餃子其他野一樣，我試左一粒有少少冬蔭功果隻辣味，好輕微，味道都幾唔錯。豆漿 羅漢果茶飲品加7蚊，各叫左1杯，羅漢果水清清甜甜，豆漿老友叫既無問到感想。埋單每人$56，價錢黎講中規中矩，餃子黎講餡料還可以係煎餃比較油，不過就真

冬天食熱辣辣既湯面就最暖，就諗起呢間連湯都飲得既餃子店試左芝士鮮肉湯餃加8蚊食埋豬骨湯米線（最鍾意既紅薯粉賣哂）咬左一啖芝士餃子，有又香又暖既芝士汁流出，唔會太漏，豬肉又好食，夠juicy紅蘿蔔豬骨湯湯底又清甜，連埋米線一齊食好暖又健康+$6 有白蘿蔔夠淋但係凍既，一般，自己手動將蘿蔔浸返入米線果碗既湯一陣先暖食到+$6有菜心有3定4條菜，菜夠入味又淋朋友叫左鮮肉韭菜煎餃， 見到入面係好多料，煎得又香又脆，又大粒又juicy

食完餃子去上堂😜隻隻都漲卜卜！(˶‾᷄ ⁻̫ ‾᷅˵)✨京蔥羊肉餃好香羊肉味，再加埋京蔥好夾！唔會好太陣羊蘇味😂好鮮仲好多汁！個湯底又冇乜味精，可以飲🤤✨鮮肉白菜餃好鮮味，不過肥米個人唔太鍾意白菜個陣鮮味😂所以都係鍾意羊肉餃多啲，但都好食嘅！✨豬扒雲耳青瓜絲重慶酸辣薯粉呢個就普通冇咩特別，個薯粉有啲淋左啲🤏🏻不過都ok嘅~始終個間都係食餃子嘅店😂#手作餃子專門店📍屯門德政圍29號松苑地舖