撈喜 (Closed)

今晩心血來潮想食好嘢，但又想 keep it under budget，一定就係嚟「撈喜」。價錢合理，嘢食正，份量足，最緊要唔洗收一。花膠燉雞 ($58) 燉湯好岀名，所以我都唔執輸。真係勁多花膠，好足料。湯底靜甜，一啲都唔覺得鹹或有味精。食埋啲雞肉，煲完湯都可以保持嫩滑。黑松露四頭南非鮑魚意大利飯 ($88)連個係 Fusion 菜。南非鮑魚一啲都唔惹少，質感彈牙，腍而入味。意大利飯雖然做唔到意大利 Risotto 嗰啲口感，都偏港色，但勝在黑松露味非常濃郁，從相片可見，黑松露偏佈成個飯。

去筲箕灣除了雞蛋仔外還有很多美食，今晩就去了這間朋友介紹很掋食的「撈喜」晩飯。在地鐵站附近的食街中，十分方便。魚翅燉雞 ($58) 湯底清甜，魚翅彈牙厚身。雞肉份量也不少，而且一點也不鞋，還能保留鮮嫩，還有一整隻雞腳在內，絕對真材實料！我點了薑葱安格斯撈 ($68)，粗麵偏爽乾身，煙韌有嚼感。安格斯牛肉嫩滑多汁，牛味濃郁，份量也不少，吃完一片又一片。用了薑葱炒香更惹味更有鑊氣。小食蜜椒雞中翼 ($28) 也有驚喜，雞翼外表炸得香脆，還有芝麻香。而裡面就是熱騰騰和嫩滑多汁的雞肉。蜜糖味非常豐富，甜甜的令人一試難忘。

東大街有好多美食，而呢一間就係喺東大街嘅街頭，咁啱又見到門口停到車，就決定食呢間🤔撈喜係一碟新年嘅時候會食嘅菜式，將所有食物切絲，然後將佢地「撈起」，咁就係呢個名嘅來源啦呢間撈喜就無撈喜食嘅，不過就有其他菜式。我地嗌左黑松露四頭南非鮑魚意大利飯、蒜香牛油龍蝦黑椒帶子闊條麵、招牌花膠撈蝦籽麵同木瓜花膠奶凍黑松露四頭南非鮑魚意大利飯鮑魚大大隻，咬落肉質結實，四頭嘅意思啫係一斤有四隻咁解。每一啖飯都食到黑松露，飯粒小煙韌有咬口，味道濃得嚟又唔會膩同鹹👍🏿蒜香牛油龍蝦黑椒帶子闊條麵龍蝦同帶子都係重蒜蓉味嘅🤤 不過咁樣可能會遮咗肉嘅鮮味～ 闊條麵個汁有黑椒，唔係白汁忌廉汁個啲，但好味！招牌花膠撈蝦籽麵呢個係午餐嚟，會送碟油菜，油菜幾新鮮，唔會煮到老哂。花膠俾得好大舊，口感爽口，另外配咗冬菇同啲西蘭花。啲汁幾好，份量夠撈落每一啖麵，但又唔會過鹹木瓜花膠奶凍奶凍個味好正，真係好似飲緊鮮奶，唔會似其他舖頭落魚膠粉多。𥚃面都有兩三舊大花膠，木瓜鮮甜，仲有啲紅棗😋服務員會主動幫我地斟水同問我地有咩需要，而且幾好笑容。食緊途中都不斷有客人，相信都幾好生意～

星期天，我和家人行完山在筲箕灣打滾，看到東大街有間吃花膠撈麵的餐廳非常出名，我們二話不說便去試試看！來到這間店當然要吃馳名的招牌花膠撈蝦子麵吧！連時菜也只是$68而已！有兩大件花膠，一件炆得入味的冬菇，還有三件西蘭花，加上蠔油醬撈在蝦子麵上，非常美味🤤🤤🤤另外，除了花膠撈麵，我們還點了蔥油炸雞脾撈蝦籽麵，連時菜售$48。一大隻炸得外脆內嫩的雞脾，放在三件西蘭花之上。蔥油撈麵很香，但我略嫌乾身，還是跟花膠撈麵比下去，縱使這個麵整體而言也是美味的。跟餐的時菜是生菜，圖中是三人份量；多油煮出來的菜當然於賣相以及味道上也不錯！再另外，我們點了香煎鹿兒島牛柳10粒配芥末蜜糖醬$48，外脆內軟，好正😋😋😋

人人都話好食當然要去試吓啦，我分咗兩日去試，結果係除咗撈麵咩都唔好食，牛肉粒好似香口膠咁，牛油雞翼雞翼冇味，勁多油，特別推介龍蝦白汁意粉，龍蝦係霉嘅，我知道100頭啲價錢係唔會食到好食嘅龍蝦，咁你咪賣二百幾＄300囉，又或者改用大蝦，唔好係霉囉，所謂嘅鮑魚燴飯，真係得個樣，不過佢嘅招牌花膠撈麵，就真係幾好食嘅，花膠同粗麵都好值得比百二蚊去食，其他就不要啦

新張一段時間，終有機會試下lar!嗌左兩set套餐，每人燉湯一盅，撈麵一碟，小食一碟，油菜一碟。醬汁味道適中，花膠有彈性。雲耳少酸，頗開胃。豬頸肉片得夠薄，煎得香口美味。仲有燉湯，一致認為花膠燉湯值得一試，湯有膠質，廋肉又唔會燉到變柴。至於撈麵，我都係覺得黑松露花膠撈麵好食。

週末，與友人打算到石澳一遊，筲箕灣東大街是著名的美食街，於是走走看，看有什麼美食。整條美食街都是食店，而且來訪的人數不少，更有店舖有著長長的人龍。來到此店，餐牌有花膠，有安格斯等，看來很吸引，而且看到店內仍有位，立時進去。餐牌很簡單，並沒有豪華的設計，裝修也很平實，並不花巧，雖不是太多座位，也快要滿座，看來是味道吸引著各方食客。我們三人，選了三份一起分享，撈喜豪華午餐，選擇了花膠雞湯，小食選泰式豬頸肉，午餐A胡椒海鮮花膠泡飯，加配紅棗柚子茶，黑松露四頭南非鮑魚意大利飯。招牌花膠撈麵與花膠雞湯，同時送上。小小的燉湯，卻是滿滿材料，花膠、紅棗、杞子等，材料十足。招牌花膠撈麵，一邊是大大塊的花膠，一邊是傳統的蝦子麵，花膠下是蔬菜，單是這樣已經非常地吸引。先試花膠雞湯，花膠味香濃，膠質重的口感，當中還有瘦肉作配，令湯的味道更香更甜，值得推薦。招牌花膠撈麵，大大的花膠，讓人有點不捨分開它，原來在花膠之下，還有一塊大大的冬菇，花膠香軟入味，骨膠原豐富的口感，令人一試愛上，麵質爽口，配合醬汁，非常可口，冬菇入味，煮得很軟，容易分開，店員也可代勞將冬菇分開。泰式豬頸肉，每片厚度相若，而有份量十足，豬肉

剛巧在東區行完山，十一點多落到東大街，準備要吃個早飯，苦無選擇。漫無目的地走到東大街棵路中大樹前，見此店名《撈喜》，見吸引的餐牌，於是入內品嘗餐牌選擇不多，樣樣都想點，最後選擇了D餐招牌菜和牛柳粒。鹿兒島牛柳粒鍋氣充足，牛質鮮嫩，不會過於煙韌，配以黃芥末食用，怎會停口呢？價值$68的 D餐招牌菜 - 花膠撈蝦籽麵，先不說麵量夠多；花膠與冬菇炆得合時，不太林身。況且鮑魚汁與蝦籽麵互相配合，食過番尋味！隨餐送一碟生菜，配以甜醬油，炒得很香口在市區簡簡單單食個平個滋補餐，應該要Encore吧

想試呢間撈喜好耐喇，今晚終於得閒過黎食。入到黎，餐廳門面唔算好大、裝修亦偏向簡單，但亦因為咁，俾人一種舒服、溫暖既感覺。第一次食當然係試下佢既花膠撈麵。花膠份量比我想像中大，不過就係薄身d既。配黑松露汁既撈麵都幾入味，但略嫌d汁太多，稍為影響左麵既口感。順帶講講個麵，用既麵係闊身既麵，口感剛好，唔會太硬、亦唔會太林。小總結，呢個撈面既價錢（$72），唔可以要求咁多，所以花膠份量同質素亦算合理。另外嗌多左個冰鎮鮑魚，出奇地，好有酒味亦好入味，唔會話只係d汁淋係表面。鮑魚亦好林，食得出老闆處理個鮑魚好恰當。$28真係好抵試！最好講講，員工服務態度好好，好有禮貌。會幫你剪開d麵、亦好樂意幫你斟茶！

夜晚嚟到呢間 唔多起眼 嘅舖頭食麵叫咗招牌好出名嘅花膠撈麵連個店名logo都有花膠呢兩個字，證明嚟呢度食花膠真係冇錯招牌花膠撈麵好大碟兩大塊花膠下面有花菇，西蘭花，同埋濃厚嘅飽汁花膠扒雖然唔算好厚，但勝在食完唔會覺得好淋，反而好彈牙有咬口，膠質黏稠度啱啱好最開心嘅時刻梗係同朋友一齊「撈起」同珍貴嘅食材花膠一齊食嘅，係平凡嘅粗麵，估唔到呢個咁大對比嘅配搭都夾到蝦籽滿滿咁鋪係面，同埋爽口嘅粗麵，撈埋鮑汁好好食另外叫咗個小食：麻辣雲耳(小辣)好多雲耳浸咗係麻辣嘅醬汁中，味道唔辛，反而有點麻好過癮，啲芝麻粒都好多細細碟好抵食推介

晚上7點半鐘去到，雖然係食飯時間，但都唔需要等位，可能係平日嘅原故叫左兩碟另類啲嘅麵試試佢蒜香牛油龍蝦黑椒帶子闊條麵 $98店員一放低就聞到好香嘅蒜蓉味! 帶子都唔算細隻，大概有5蚊銀嘅size而且比較厚身，而且兩邊都有煎香到同上面仲專登鋪返少少蒜蓉添。 食茹落去口感唔錯，唔會煮到太熟而搞到又乾又韌，但都未去到入即溶嘅地步。 龍蝦方面就有半隻，肉質爽口，特別係佢嘅殼都比較脆，用刀叉已經可以好容易砌開，唔怕食到好狼狽! 但係麵方面就因為蒜蓉味太強而蓋過本來醬汁嘅味道，有啲可惜，但整體以$98黎講非常抵食!薑蔥安格斯撈$68整體薑蔥味好香，但對比上一碟嘅蒜蓉味就差少少。牛肉質素好好, 好香而且入口有少少溶化嘅感覺，但可惜份量較少，而且薄身。 今次嘅麵就食得出蝦籽麵味道! 汁方面佢依然係用返招牌花膠汁, 味道配合得幾好，可以一試!木瓜花膠奶凍叫咗凍食，都可以叫熱食好足料，有紅棗，木瓜同埋花膠，好養生唔會太甜，配埋爽口彈牙嘅花膠，好抵食食買呢個飯後甜品就為呢餐劃上咗完美嘅句號小店位於筲箕灣東大街, 對於新界人黎講非常之遠, 但係都值得一試!

今日就同朋友嚟到呢間撈喜試下呢度鋪頭細細，其實就唔係好多位嘅所以如果喺繁忙時間嚟嘅，可能大家就要等一等不過我哋今次呢就唔係人一黎就有位啦其實一開頭只係聽過間鋪頭名但係從來冇諗過原來係食花膠嘅專門店黎到呢度見到鋪頭名寫住花膠專門店就覺得點都要試吓佢哋嘅花膠撈麵啦所以就嗌左個主打嘅花膠撈麵啦然後打開餐牌睇下仲有冇其他嘢食啦發現餐牌其實分類得幾好有分小食，主食，燉湯同甜品除咗Menu之外呢仲有一張是日推介可以睇埋每一日有啲乜嘢食嘅今次我哋除咗嗌咗招牌花膠撈之外呢仲有呢個是日推介嘅黑松露四頭鮑意大利飯同埋有兩個小食就諗住大家share可以食多啲嘢食啦一個泰式豬頸肉同埋香煎鹿兒島牛柳粒見個招牌花膠撈麵就好多人都有介紹過所以今次呢就主要講下個黑松露意大利飯同埋果兩個小食喇首先講吓呢個香煎牛柳粒先啦非常之大舊啊絕對唔係牛柳粒係牛柳塊，抵好特別嘅係呢佢隔離仲擺咗honey mustard喺隔離好少會見到有牛柳粒點honey mustard但係又幾得意喎個牛柳粒加埋落啲甜甜地嘅醬到食落去好容易入口又唔韌😚跟住嗰個豬頸肉煎得幾好條邊燶燶地咁跟住兩邊又煎到好脆加埋個沙嗲醬簡直一流呀😋然後到個黑松露四頭包意大

早前在網上看到有foodie推薦筲箕灣有足料花膠撈麵，非常適合女生，當然要馬上出動覓食！來到了位於東大街的撈喜餐廳面積不算很大，裝修別緻，感覺舒適撈喜主打燉湯，和海參、鮑魚、花膠等海味類撈麵，初次來吃，便點了撈喜豪華餐，一次過品嚐主打菜式先來的是花膠燉湯，一大塊花膠在面上，底下還有雞肉、金華火腿、紅棗杞子等食材，材料把湯盎填得滿滿的，非常足料！先喝一口湯，鮮甜好夠味，啖啖雞肉和火腿香然後係招牌花膠撈麵🍜份量十足，一大塊花膠很吸引呢，入口富膠質麵底我選了喬麥麵，伴進醬汁的麵條很好吃呢！旁邊的西蘭花和冬菇吸收了醬汁的精華，好入味！泰式豬頸肉有六片，肥瘦適中，每塊都燒得金黃香脆，沾上微辣的沙爹醬一同食用，格外惹味套餐還包了油菜，吃完整個餐真係非常飽肚呢！

蒜香牛油龍蝦黑椒帶子闊條麵（$98） Menu明明寫闊條麵，但係其實唔多似闊條麵喎🤔麵同龍蝦都用咗蒜蓉同牛油炒過，所以食落特別香👅麵質煮得剛好，而且個麵唔會炒到肥笠笠👍🏻帶子2小粒，但隻龍蝦俾佢嚇襯，細隻到呢。。。👉🏻👈🏻見到真係好失望😞不過食落肉質彈牙之餘仲帶鮮味🙌🏻表面脆炸過，好惹味，真係估佢唔到，呢點係有驚喜嘅👀不過太細隻呢～雖然好食，但定價真係太高了🙈香煎鹿兒島牛柳粒（$48） Pan Fried Diced Beef Tenderloin with Mustard & Honey Sauce鹿兒島牛柳粒大約有10塊左右🐃配上🍯蜜糖芥末醬，牛柳肉質軟腍❤️表面煎封過，所以牛柳粒外面脆脆地，中間仲可以保持一定嘅肉汁💦好食無誤😋👍🏻以$48蚊嚟講，性價比超高🌟

東大街實在有太多好野食，今次朋友介紹，去食呢間花膠撈麵。餐牌都幾多選擇，但既然第一次食，梗係要食豪啲試下撈喜豪華餐。原盅燉湯，飲得出無加味精，有好大塊花膠，非常足料，好好飲小食揀咗泰式豬頸肉，焦香爽口，唔錯！主角到。撈麵上面灑滿蝦子，好香，花膠超大塊！呢個價錢真係算好抵食。另外點咗薑葱安格斯撈，個汁同花膠撈一樣，多咗葱香，牛肉厚切，幾有咬口。套餐仲有碟生菜總括來講，食物味道唔錯，用料十足，員工好有禮貌，會再幫襯。