Video
Opening Hours
Mon - Sun
15:30 - 23:00
Above information is for reference only. Please check details with the restaurant.
Signature Dishes
❄️冬天想食啲暖笠笠嘅嘢，第一時間諗到熱辣辣嘅羊腩煲🔥睇YouTube 睇到人介紹元朗呢間羊腩煲，香港罕有採用新鮮羊製作嘅羊腩煲，話過完年就唔做了😿咁啱有日要入元朗，所以就嚟呢間買啦...2點去到嘅時候，店員話要4點先開售...行左陣街，3點半返到去...就已經大排長龍了🙈前面起碼有20人！好在店主準備咗超多份量，排到我都仲有得買啊🤗問買完嘅人先知大細盒詳情😂 🥵山長水遠拎返屋企之後，放哂落個煲度整返熱，就食得咖啦！羊腩煲 細$340 大$440細份：1大盒羊腩同竹枝，1袋生菜，2盒湯，1細盒腐乳醬（1-3人）大份：1大盒羊腩，1細盒竹枝，1袋生菜，3盒湯，1細盒腐乳醬（4-6人）🍖羊腩味道好香，夠哂軟腍，近脂肪位置一啲都唔羶👍🏻上次媽媽自製羊腩煲羶到不得了😹🙉難怪店主堅持用新鮮羊💫 真材實料味道都唔同啲！肉同骨嘅比例呢...骨都幾大舊，而肉嘅比例唔算多。🫒馬蹄，大粒又爽口！⚡️竹枝，成盒竹枝同生菜掉哂落去吸醬汁味😆☕️湯底藥材味濃，連媽媽都飲到藥材味...呢間嘅羊腩煲採用22種藥材熬製而成，包括山藥、炸枝竹、冬菇、馬蹄，認真製作🤩如果住附近嘅話可以再去買嘅，今次特登去買嚟試下，可以寫一篇難忘的一天🤗如果想去嘅話記得早少少排隊，就嚟絕版了
continue reading
如果要推介羊腩煲，相信元朗街坊的答案必然是「文樂」。每逢冬天排滿門口的桌子，不管是二人或大伙兒的七、八至十人，檯上必有一鍋熱氣騰騰的羊腩煲，無疑「文樂」是眾街坊共認的「羊腩煲專門店」，實幹的幹叔是功不可沒的靈魂大廚！冬去夏來，羊腩煲再不適合炎熱時享用，「文樂」仿佛被遺忘了！其實幹叔也精於懷舊小菜，家常菜式更是難不到他！，雖然暫未有機會預約品嚐幹叔的懷舊小菜，但在前陣子疫情放緩期間，就在店門前吃過一頓幹叔的小炒晚餐，順便感受地道的街頭風味！侍應姐姐稱白鱔很新鮮，於是我們便來一道豉汁蒸鱔 HK$138。鱔魚不是太粗壯，不過鱔肉是爽口彈牙的，我倆也不喜歡軟綿綿的鱔魚肉，還以為軟綿的鱔肉是不夠新鮮，豈料上次跟奶奶提到，原來鱔魚有分爽口和軟腍兩種，老人家如外婆喜歡軟腍易咬的魚肉，所以買的時候要跟檔主說清楚！另外蒜豉汁來得溫純，紅辣椒只是添點色彩而已，沒有辣意，而原粒沒壓扁的豆豉，咬落有豆香而不鹹，再混和點點磨豉，輕輕的鹹意帶微微的甜香，老少鹹宜，味道來得很住家！豆腐是我們喜愛的食材，在家久不久也會弄一道豆腐菜式，且試試幹叔的麻婆包仔豆腐 HK$78 吧！肉碎、芫荽、蔥花、椒絲與包仔豆腐並不是傳統的四川口味，最明顯是外表沒有紅油，入口也沒有重重的辛辣。反之只屬於微辣、豆腐裡透出佐料的香氣、兼帶有輕輕的麻意，如果沒有期侍四川強度的麻婆豆腐，幹叔的版本絕不會令您失望，它溫柔得令人有一種舒暢感，拌飯一流，麻煩多來一碗白飯！再來是家常到不得了的通菜炒牛肉 HK$80，最欣賞炒得滑溜的通菜，而菜莖則爽口翠綠，混和香而不過鹹的蝦醬，無需要太多，這感覺就夠滿足了！侍應姐姐還淮許我們帶著旁邊的真奶用餐，天時暑熱真的需要有凍飲降降溫，還有是街坊的人情味好！當權者失職，不徹底封關引爆武肺第三波，市民、醫護、食肆等首當其衝，在恢復晚市、情況稍為好轉之際，又再度失去晚市生意的收入，進入比冰河時期更糟的經營環境。對小店「文樂」而言，夏天本已是淡季，武肺令一向苦幹的幹叔苦上加苦，又沒有外送服務，只好倚靠外賣自取 85折救援！作為元朗街坊，必定撐小店，特意到「文樂」購買外賣回家享用！簡單來說幹叔一口腩仔 HK$108 是自家製的炸燒肉，配上中式芥末醬，令我想起泰國的炸燒肉伴海鮮汁。五花腩連皮事先醃製，再炸得四面金黃焦脆，入口肥肉部份爽彈而不油膩，至合不太愛肥的我，不過瘦的部份略為柴口，也許炸得有點過火了，我和老公也覺得鹹度可再重一點。由於份量挺多，剩下的用來做了苦瓜燜幹叔一口腩仔，好吃又不浪費啊！第二道是我們常吃的涼瓜燜䱽魚 HK$128。涼瓜和䱽魚也燜得入味，而涼瓜不單有瓜味，更帶有回甘，非常的讚！什麼是古法炒時蔬，這道古法炒油麥菜 HK$68 終讓我們學懂了！油麥菜經蒜片、紅蔥頭及薑片清炒，細香而不油，加上油麥菜炒得爽軟交雜，柔和調味與自然的菜香，來得清雅健康，是挺不錯的炒時蔬方法！「文樂」的小菜雖不及小炒皇和羊腩煲有讓人驚艷的元素，但我愛它不放味精，帶出溫醇的住家菜滋味，這才是耐吃與健康的基本！「文樂」跟 「勤記」同樣是元朗區無味精住家小菜的好推介！大家在家抗疫，請也不忘支持小店！
continue reading
早前的星期日5:30pm到達文樂，職員話：羊腩已被人外賣售罄，想堂食或外賣要等到八點後先至再有羊腩煲供應。今日星期六晚上九點鐘到達二位食，叫左二個餸羊腩煲（細）$298味道都很好，羊腩煲湯汁多及惹味，適合叫其他火鍋料打邊爐。幹叔小炒皇 $88小炒皇香口惹味，味道似乾炒牛河，適合配白飯或啤酒。街坊小店，講人情味，需要自己動手或者等候時間會較長，如果要服務，請去高級餐館。下次再光顧，我會試埋佢嘅乳鴿、沙薑雞及炸大腸
continue reading
以為好涷，點知又俾天文台老點。要100%有位，唯有6pm前到達。一個大羊腩煲，送一碟生菜，點多碟唐篙，加多碟支竹.....4個人飽飽啲汁我當湯飲，好味到呢佢個腐乳醬十分嘢味，回味啊
continue reading
其實由未發生羊肉事件已經開始幫襯陳記老細好鬼friendly 老闆娘又好好人家庭式既生意 別有一番《家》的味道☺️得閒老闆會行過黎問下我地覺得佢煮成點 叫我地俾d意見佢 有時直程會坐係度慢慢傾添我地成家都好鍾意幫襯佢架 價錢又好平民化 又唔會特別貴文樂小炒王（香口之選。飲酒一流）椒鹽鮮魷 就係要食佢既香口 懷舊既味道（小時候既味道 食過既人就會明白😏）中山紅燒乳鴨 基本每次黎都必點不能錯過的乳鴨雖然門面坐位唔多 但我就係鐘意黎陳記同老闆吹吹水 支持下佢💪🏻
continue reading