文香園茶餐廳 (Closed)

呢間野之前幫趁過兩次，頭兩次都係幫趁下午茶。佢下午茶餐牌好吸引，但份量極少，連我細食嘅女朋友都覺得唔飽。話返正題，琴日同朋友返OU，但OU個飯堂有一半用嚟搞活動，搞到好難搵位，咁就諗住去何文田廣場食喇，由於唔想食炸野，所以無去到KFC同M記，就梗左呢一間。入到去，見有午餐，同朋友不約而同都梗左D餐─上海粗炒。等左10分鐘，碟野嚟到，賣相已經唔吸引，成碟野得幾條爛鬼肉絲，加幾片棷菜，最攞命係連上色都懶，豉油都唔落多兩滴，食落口除左麻油味之外，乜味都無。我形容為人食嘅飼料，朋友則評為連狗糧都不如。埋單位位三十二，一定無下次!!!!!!!!!!!PS：上次嚟食，間野有間位方便廚房拎野出嚟，我坐個位望到入面，見到有人嚟裡面食煙！

10年1月31日（星期日）下午，是日放假，女友特意來陪我溫書，因為我想找個比較靜卻不是圖書館的地方溫書，所以打算去公開大學。未去溫書之前要醫醫肚先，沒有刻意去選擇，就去最近落車巴士站的商場，隨意找間茶記吃，於是就來了這裡。店內人客不多，電視機正播放著賽馬，和女友找個卡位坐下後就看看吃甚麼茶餐，女友點了西多士拼珍寶腸拼薯條跟熱華田。是日我突然很想吃沙爹牛肉出前一丁所以就點這個，落單時有性格的金髮型男哥仔便說：「加三蚊喎？」，然後我點頭示意，跟著我說餐飲要熱咖啡，這位金髮型男連續講左三次：「凍咖啡？」，我惟有好肯定地再說一次，幸好最終沒有落錯單。西多士拼珍寶腸拼薯條很快就送來，上檯速度可與「大字頭」的快餐媲美，想必都是將所有“配件”預先炸好，收到單再放上碟；半件西多士和薯條都很腍身，珍寶腸油光泛泛，這碟「油炸三寶」果然有特色；沙爹牛肉出前一丁本應是茶記最穩陣的食物，但這店的沙爹醬呈黑啡色，味道上更沒有半點沙爹味，出前一丁又煮得過腍，本來期待美味的沙爹牛肉出前一丁走了樣，有點失望。最令我驚怕的是湯底，由深黑色的沙爹醬和附送的味精湯包再加上原有的味精湯底組成，奇鹹無比，令我不敢多喝一口。相信最

在這日,我去了文香園食晚飯,因文香園出名難食的關係,但我不信,因為食左好多次,並不太差,所以我充滿信心,點了一碟西檸雞,豆鼓魚炒a菜和紅燒豆腐,結果保持高水準,尤其西檸雞,不太酸,雞係非常香口的,但其他也是高水準的菜色,使我有一餐好的晚飯.

何文田廣場的文香園真係好唔掂, 那天叫了個黃咖喱雞飯, 心想套餐連凍飲都要成$32, 在何文田屋村地方實在太貴, 不過麥當奴多人到迫都迫唔入, 在無乜選擇, 及趕時間下, 才在這裏食, 果碟飯一黎到, D雞得果四舊, 仲要係雞轉彎, 雞背, 雞肶頭, 全部無舊有肉, 唯有靠D汁餸飯啦, 點不知D汁咸到無倫, 唯有硬食這碟豬稍, 發誓以後都唔會有番單!

還記得約4,5年前,差不多每一個星期日都會和家人一起到文香園吃晚飯. 但自從屋企經濟環境下滑及文香園轉了老細後,我們也沒有到文香園繼續我們的星期日飯局了.約前年,自從文香園轉文老闆後,真的發覺無論什麼時段,人流也減少了. 雖然重新裝修,但始終人流及食物的質素和以前相差很遠.何文田村有兩間茶餐廳,未轉老闆之前,兩間的人流也是五十五十,但自從轉了老闆後,兩間茶餐廳便成了一個很大的對比.記得去年年尾,我在上班前在文香園order了一個普通的早餐,只是普通的早餐,都可以令我失望,但相反過兩天到了另外的茶餐廳,早餐味道和文香園相差很遠,完全明白為什麼兩間茶餐廳流會相差那麼遠.半年後的今天,我和母親大人每人也order了兩個下午茶餐.1)豬扒包+凍奶茶雖然味道也算合格,但我覺得這一個應叫"豬柳包"會比較合適.2)西多士拼薯條腸記得以前是很多薯條及很大件珍寶腸,現在,真的相差很遠,而且現在是加了價的.雖然裝修後的環境是靚過以前很多,但如果食物的質素仍是這樣沒有進步,長久下去,都很難繼續生存.

上個星期去何文田工作 ~中午時份去左何文田廣場搵食 ~由於選擇不多 ~ 就黎左呢間咁"好食"既茶餐廳 ....當日有幾個時日午餐選擇 ~~睇落去最穩陣既野食應該係咖哩吧 ..所以就叫左個青咖哩牛肉飯 !!等左一陣間 個飯黎左 ~我真係唔敢相信眼前見到既野 ..我只係見到一碟白飯 同一碗湯渣 ..個碗青咖哩真係不敢恭維 ..係咖哩水 ~ 我真係第一次見到同水係冇分別既咖哩..佢純粹係有少少青咖哩味 ~仲有碗野到有d好似平時人地茶餐廳送既中湯咁既料..或者咁講 佢成碗同人地送既中湯係差唔多一樣咁既樣 ~算啦 ~ 真係提起碗野都冇胃口 ~之後黎個杯紅豆冰一樣咁掂 !!!佢d唔知咩奶 .. 同出面大家樂,或者其他地方飲既紅豆冰係唔同味 ~真係夠曬特別 ~ 我開頭都以為正常佢地用d奶係咁既味啦 ..點知 ......我食佢d紅豆先出事 .. d豆係變曬味 ~ 酸酸地咁 ~~真係食到我火都黎埋 !!!之後 只好同個收銀阿嬸投訴完就走人..我真係寧願下次過隔離老麥食d所謂既垃圾食物 .. 好過真係左d真既 ..

其實一直以來只會在這裏吃泰式粉麵，因為味道最佳，而且煮的人也是泰國人味道不會差得去邊。其他的東西真的麻麻。食炒粉麵到樓下的明利穩陣很多，但見佢新裝修，咪入去試試，裝修後的格局和以前差不多，只是光猛了，而且乾淨了。叫了排骨和豆豉魚油麥菜，先來中湯，味精較重手。不過排骨來到真的驚喜居然有暑條在碟底，茶餐廳都咁好心機，實是少見。而且味道惹味、香口，用來配飯很不錯，油麥菜也很好，如多點豆豉魚更佳，但份量十足，我和朋友兩人好不容易才吃得下全部。裝修後的這裏食物較以往佳，不過人流仍及不上樓下的店子，真的要繼續努力洗脫舊有的形象。

和同事六個人去食文香園叫了四款快餐有三款也非常難食.甚麼綠咖哩肉片飯...好難食呀連菠蘿雞粒炒飯也淡而無味，非常唔掂....連飲品也可以如此難飲....以後唔會再去....

一向知有這「地茂」茶餐廳，完全無期望，直至最近裝修完，換了餐牌，才發覺有聲稱由泰國人主理的泰國食品，姑且一試，叫了泰式豬頸肉飯，誰知一試難忘，豬頸肉香口有肉汁，那醬汁更有在泰國吃食物時的香料味，幾日後再試泰式肉碎炒飯，完全是在泰國吃時的味道，香、辣、濃濃香料味，真係「估佢唔倒」。其他食物乏善足陳，去到只叫餐牌上泰國人主理那欄好了。

我有一次去食野，我同伙記叫野食，佢當我熟客般有傾有講，還好好禮貌地服務客人，在茶餐聽已徑是非常好的。

今朝諗住二樓服務態度差, 就去三樓食啦...點知去食左個早餐, 嘩! 勁唔掂!簡單到連腸仔都唔好食, 不特此!茶餐廳既茶水好緊要架ma, 杯凍奶茶食完個餐吹左兩次都未黎!黎到又一d都唔好飲, 簡直想死! 搞到我飲左幾啖就走人!

因為常常在何文田出現所以亦偶有來這吃些東西聽聞這間文香園歷史悠久怪不得質素有時太過差亦仍然有一班客繼續支持吃過這裡的早餐…真的是一個字差麵是暖的~所有東西都是暖的連就算叫個奶油多都是暖的= =常飲凍檸水走甜~不可能更差是整個早餐最好的一樣間或又有來吃個晚飯水準也是不算穩定椒鹽豆腐不錯~鮮魷就有時下得太多椒鹽要不就是用食粉俺得未夠例水一慣都是味精粟米斑塊? 算了吧…

杯奶茶及檸檬茶亦不錯

我冇係呢度食過中午飯呀,只係好鍾意係度食下午茶.兩個人一齊,通常係食兩個餐:半份西多士+珍寶腸+薯條+飲品= $18鮮油多+飲品= $12涷飲加兩蚊西多士餐水準唔錯,不過我覺得佢呢個配搭幾開心,一次過滿足三個願望,哈哈最驚喜係佢個鮮油多,聽我朋友講,真正o既鮮油多係要用檸檬夾住一片片厚牛油過夜,等牛油吸收檸檬味,夾多士時就唔單止係牛油味,係好清新o既檸檬味.試過好多地方o既鮮油多都唔會有檸檬味喇,呢度係少數有檸檬味鮮油多o既茶餐廳.另外,佢地杯奶茶同咖啡都好香好滑,鍾意茶餐廳o既朋友要試下喇!

今日約左個初黎何文田返工既fd, 咁就揀係何文田廣場食啦, 由於大家都唔熟呢度, 是但揀間茶餐廰就算, 見呢間門面都唔係話太差, 一於入去試下, 一入去坐低, 有少少後悔添......首先, 午餐,快餐都唔吸引, 仲要成$26加杯野飲, 貴左d喎老細, 睇勻全場, 都冇乜人叫快餐食~~ 見個個都食粉, 咁我都叫個泰式湯河餐食下先, 個餐包一個湯河, 一碟油菜, 仲有餐飲, 承惠$30(凍飲加$2)。係冇乜得揀既情況下, 叫左個雲吞河, 完全冇乜特別, 雲吞一般, 但得四粒, 個湯完全唔得, 勁多油, 又冇乜香味, 但河粉係夠滑既, 湯河都夠大碗。油菜一下唔記得叫佢走油, 卒之又係勁多油同蠔油。(莫非d 油好平??)呢餐純粹填飽個肚都叫ok既, 但味道就差左d。