新世界韓式食品

Open Now

Now Closed

午餐後既小食－脆卜卜無骨炸雞每逢行過韓國街都會忍唔住入黎買野食，就算唔買都要入黎望2眼，今日都唔例外，不過岩岩先食完lunch, 唯有買少d😜 今次買左無骨炸雞，紫菜蛋卷，甜蕃薯，辣蘿蔔韓式飯捲。熱氣指數為極高😝炸雞平均$7一件，其實真係唔抵食😝忍唔住要即刻食，仲係熱既唔係暖，所以好脆，食到好重蒜味，佢本身無汁，不過已經好夠味，仲有2個汁可以自己加上去，黃色果枝係甜，紅色果枝就辣。加左就更加好味，甜甜辣辣。甜蕃薯就無咩特別，只係當中有一、二舊個食到少少脆皮，因為係糖漿硬左，所以先形成脆皮😂紫菜蛋卷都無咩特別，可能我食慣日式蛋卷，都係鐘意甜d， 韓式就唔太甜。因為佢無咩味，我加左炸雞既辣醬仲買左韓式辣蘿蔔飯捲

無骨炸雞最喜歡.炸雞本身好好味，但不是即炸，所以覺得有點不熱的感覺， 熱辣辣才是最好的，份量也足夠，員工好好， 如果有座位更好。 價錢適中， 邊度好多種濾泡菜。 壽司卷。

尖沙咀金巴利個頭真心好多野食😍，為食既小編都揾到間水準唔錯既韓國小店 手卷都係唔錯嘅選擇 起碼健康少少 ✋🤤手卷有火腿，雞蛋🥚酸蘿蔔既材料食到有好重既醃蘿蔔味🥒味道酸酸地 又幾醒胃手卷 食多幾啖你會發現有陣陣麻香滲囇出泥 完全係齒頰留香種感覺 😲

放學經過這間小店，每一次都會心思思入黎買小小外賣返去食，呢間店很小有很多不同的韓式小食，例如泡菜都有幾款菜你㨂，仲有辣有唔辣，亦有生醃八爪魚，辣魷魚等......今次買了豉油蟹同煎魚塊返去食，老闆娘仲好好人送盒炒粉絲我食😘😘😘😘諗住返去同男朋友撐枱腳，點知佢話好難食！真無引😭

煎蛋卷 $30 @ 新世界韓式食品行到韓國街食返d小食先🤘雞蛋卷好吸引，忍唔住就買左😋，雞蛋卷裏面有紅蘿蔔粒同蔥花，再包住紫菜，做得唔錯唔會話好鬆散。可惜凍左少少😣，如果熱食應該無得頂。

韓國街嗰邊有幾間賣韓式食品，同埋都係叫新世界嘅舖頭，其中有間就係賣唔同款式嘅自家製泡菜同韓式小食等等，琳瑯滿目都幾吸引，於是就買咗少少嘢返去食。醃蘿蔔切得粗身，咬起上嚟爽口，酸味適中開胃唔嗱喉。醃大豆芽嘅表面有啲韓式辣醬，但係又幾乾身冇乜多餘水份，質感脆身微辣。仲有冇影相嘅炸雞年糕，拎到返去嘅初時就仲有少少暖暖哋，同埋香噴噴嘅，雖然擺咗陣攤到涼晒先食，不過炸雞外層都仍然有少少脆脆哋，甜甜辣辣咁幾惹味，如果趁熱食嘅話應該會仲好食。

有時經過這條韓食街, 都會心思思想要買條韓國捲飯。由火腿, 菠菜, 雞蛋, 酸蘿蔔等餡料包製而成的kimbap, 與日本壽司不同, 由醋香變成滿滿的麻油香, 這條味道簡單的김밥。除了捲飯, 還有凍櫃賣著醃漬食品和其他熱食小食, 味道多年不變, 輕鬆健康解決一餐... 只是, 價錢愈加愈貴。

中意食韓國野既我 每次一定去尖沙咀韓國街 -- 新世界韓式食品, 買韓國捲飯番屋企食!!新世界有吾同既口味 包括有烤肉, 甜辣炸雞, 辣鯷魚, 芝士, 辣蘿蔔乾....而我每次刀系揀韓國捲飯 (芝士)  ~~韓國捲飯 (芝士) 裹面有火腿, 蘿蔔, 青瓜, 熔熔地既芝士...岩晒一啲吾想食肉類既朋友味道方面, 芝士捲飯已切好左一舊舊 好方便隨時食用捲飯好軟熟 米吾系有硬粒! 加上有爽口既青瓜同蘿蔔 大大增加口感; 至於芝士...食落去吾會有好漏既感覺 而且芝士吾系乾晒而系熔熔地 芝士味道吾錯 不太濃不淡... 但如果放耐左, 韓國捲飯會變林晒 會無甘好味!可惜價錢比較貴 韓國捲飯 (辣鯷魚, 芝士, 辣蘿蔔乾) $35.00/一條 &韓國捲飯 (烤肉, 甜辣炸雞) $38.00/一條..

韓國食品中我比較喜歡食泡菜，而且泡菜種類多樣食法千變萬化，可以配燒肉加生菜，也可以和年糕虎蝦一起炒⋯⋯大白菜泡菜 - 可以話在韓國泡菜中比較常見的一種味道以辣為主，當然當地人各家各戶也有不同秘方，但是製造方法可以話大同小異，而這間新世界的泡菜十分易入口香辣爽脆味道一流，只是他們的服務態度比較差，而且價錢也比較貴。

什麼東東雪白粘稠咬一口糯綿有趙頭7新世界韓食的炸雞盒會醒2件韓國年糕是香港靚女新歡幾紅新小吃全份包裝滿滿簡約但露出年糕這個價錢的炸雞自然是雪藏雞塊不太好料也只是*先*製not鮮製她們賣的是好味汁！而且韓國大媽好識煮食生意絡繹不絕數據9件炸雞2粒韓國年糕30元想，有得做。大眾化:客路就夠。總之抵吃。

去開金巴利街數次，都見到呢間新世界嘅韓國舖頭，佢吸引小妹嘅地方係舖頭正正方方，但就只係擺放左右两邊嘅凍櫃，入面一兜兜腌好晒嘅韓國地道小食，仲有幾個韓國阿豬媽招待客人，好似去左韓國咁(雖然小妹仲未去過韓國)，因為一次空姐朋友喺韓國空運左啲韓國壽司，小妹一試難忘，而今次行過又見真係有啲肚餓，就入去揀返條壽司食！喺選擇困難症阻撓之下，小妹一路揀，一路見啲客人真係無停過出入，買壽司又有，買腌野嘅更多，礙於呢排小妹養生關係，要戒口生冷野一排，唔係一定篤篤篤，咩都叫哂黎試下，講遠左喺爭札底下小妹最後都係叫返原味…呢條原味壽司價值30大元急不及待拆開黎咬！唔等啦！入面有菠菜，火腿，蛋，蟹柳，紅蘿蔔，牛蒡，酸蘿白，雖然材料好簡單，但又真係好好味，同韓國空運返黎嘅味道好相近，日本嘅壽司會食到醋嘅酸味加材料嘅鮮味，點豉油食就岩，但韓國嘅壽司唔使點豉油，有小小甜味加上本身材料嘅味道，交雜埋一齊實在太美妙最貼心係切晒一舊舊，小妹一路行一路食都得，好方便！下次再叫啲腌野試下先！

今日太多工作, 沒有時間食飯, 所以回公司時, 經過韓國小店買了個kimbap紫菜飯卷回公司食.份量望落有D小, 而且比去年已經加左價啦, 而家$30一條, 感覺有點不太值. 這個價錢可以食到一碗雲吞麵了. 哈哈!餡料有紅蘿蔔, 醃蘿蔔, 雞蛋, 火腿, 蟹柳, 菠菜和牛篣.飯口感不太腍不太硬, 配上蔬菜的爽脆口感, 和淡淡的火腿肉味, 好食得停不了口, 不一會便消滅了整條. 要是份量再多點便好了!這間店還有很多不同種類的泡菜, 下次有空再買個回家食, 過過口癮.

今次黎呢度試下出名的炸雞，比我想像的貴,要$50一份，不過幾好食，炸雞吾會好肥，而且份量好多，如果熱食仲正。另外，個年糕好抵食，一份$30，份量好多，一個盒滿晒，而且好足料，年糕好入味，醬汁甜辣適中。不過壽司有啲失望，味道好普通。

與P先生路過金巴利街，便隨意入內逛逛，店內有很多不同款式的韓式小吃，有豉油蟹、生醃蠔、辣魷魚、生醃八爪魚等...今次只買來了韓式壽司做小吃。韓式壽司HKD25這裏的壽司只有一款，沒有其他選擇，長長的壽司用錫紙包好，全卷頭尾的餡料也包得滿滿的，內裏夾了漬蘿蔔、甘筍、雞蛋、蟹柳等，飯卷質感較爽，帶點麻油味，用料雖然簡單，但勝在清新健康，感覺很輕盈！

韓國街內出名既舖頭，就算本身唔知，經過見到長長既人龍，就係呢間：新世界。排隊排到出門口，好在落單同攞野食既速度夠快，十分鐘都唔洗就到我，嗌左粉絲(小$25)同泡菜煎餅($10)。先講粉絲，細細盒但壓到實，份量足，讚！粉絲夠軟滑，有少少麻油香，好食！但果幾條配菜，賣相就夠靚，食落就係…好老既一條菜…確係敗筆。而呢個泡菜煎餅，只可以講，將貨就價啦。$10咁平，仲想點。不冷不熱，泡菜都唔多粒，成塊餅無辣味，只有丁點酸味，食粉團咁。完。