新世界韓式食品

Open Now

Now Closed

韓國街嗰邊有幾間賣韓式食品，同埋都係叫新世界嘅舖頭，其中有間就係賣唔同款式嘅自家製泡菜同韓式小食等等，琳瑯滿目都幾吸引，於是就買咗少少嘢返去食。醃蘿蔔切得粗身，咬起上嚟爽口，酸味適中開胃唔嗱喉。醃大豆芽嘅表面有啲韓式辣醬，但係又幾乾身冇乜多餘水份，質感脆身微辣。仲有冇影相嘅炸雞年糕，拎到返去嘅初時就仲有少少暖暖哋，同埋香噴噴嘅，雖然擺咗陣攤到涼晒先食，不過炸雞外層都仍然有少少脆脆哋，甜甜辣辣咁幾惹味，如果趁熱食嘅話應該會仲好食。