新仙清湯腩咖喱專門店 (Closed)

星期日的中午, 天氣熱得要命, 現在才六月, 還有四個月涯, 諗起就常死了… 印度和巴基斯坦的地方, 天氣熱, 人們本來無咩胃口, 所以發明了許多香料, 增加食物香味, 使胃口大增, 也同昤可以保存食物更耐. 如果對印度和巴基斯坦兩國的衝突有所好奇, 但又未能攪清楚當中因由, 那….最好就是由他們的咖哩開始吧….但如果你連"巴基斯坦"和"巴勒斯坦"都攪錯時......  哈哈哈…我最愛咖哩, 既愛馬來咖哩的椰奶味, 泰式咖哩的香辣味, 也愛印度咖哩的香料味, 當然也包括既基斯坦的洋蔥味, 但最提不起興趣的就是日本咖哩.雖說印度咖哩是用最多香料, 但巴基斯坦的咖哩也不弱, 只不過重點不同, 巴基斯坦咖哩的重點是洋蔥, 把洋蔥炒過再熬, 咖哩中的甜味更濃更香. 咖哩上檯, 份量足, 非常強的咖哩香味, 入口味道濃厚, 辣味較重.獨特的香味來自月桂葉牛腩味道當然已被咖哩味蓋過, 肉質熟而不爛, 另有一些半透明牛筋, 咬落又香又腍.白飯, 軟硬度適中, 出街食飯, 白飯不夠熱是常識吧, 無投訴啦, 起碼唔會淋淋沾在一舊已經“呵哩陀佛”了…講起巴基斯坦咖哩, 必定會想起佐敦的”亞龍咖喱”, “新

平日午飯時間黎到土瓜灣搵食，經過門口見餐廳話自己係米之蓮，就同朋友諗都唔諗入去，入面無乜客。睇餐牌時，已經見到有大烏蠅周圍飛，朋友叫左 $651. 招牌咖哩牛腩：咖哩一般貨色，全部都係牛肥膏，無肉食2. 熱菜蜜： 唔明點解咁普通既野都會酸！我叫左：$471. 豬潤雲吞蝦子麵： 得3片小豬潤，味道一般，雲吞同蝦籽麵都無特別，隻碟小小污糟最後去門口收銀俾錢，我同朋友都得一百蚊紙，好禮貌話想分開俾，佢話唔得，我以為自己聽錯，問多次，佢指收銀櫃貼出黎既牌，大約寫住「本餐廳不接受分單付款」。洗唔洗咁串呀？

不知所謂既舖頭一碗價值$45 既蕃茄濃湯坑腩河換來一吐火首先，成換湯根本冇蕃茄味說好的濃湯只不過係清湯底加兩舊煮爛既蕃茄而已。好，蕃茄濃湯我都可以放過你坑腩我都會期待Hi! 我成碗野只得四粒碎曬既腩好，我都忍，好食我都放過你點知牛腩碎仲難食，冇味之餘仲起渣一吐氣之後起身埋單比100蚊去找，點知連收錢果個都不知所謂串你 '咩梨毛吾蚊咩' (大陸人，包容下口音)最起碼既服務態度都九流咁就唔好拎米芝蓮出黎啦影衰曬祝早日結業

想當初此店在土瓜灣新開時, 確是給了我驚喜, 除了味道好之外, 老闆娘的服務熱誠更令我讚賞. 我是一個傳統的汁怪, 每次必定是叫多汁, 慢慢員工都能認到我, 而老闆娘更會每次都問問我汁夠不夠, 有時汁不夠多時更會為我添加. 因此我成為了棒場客.後來開分店, 老闆娘不在土瓜灣了, 服務態度開始下降. 很多時感覺是員工在和客人鬥氣, 你點多汁就特別給你小一點, 味道也開始不穩定, 叫中辣有時辣到跳舞, 有時又淡而無味. 加上工作關係, 慢慢地開始減少了幫襯.今天剛好中午有空, 心血來潮就去光顧, 還是如舊的點了咖哩牛脷中辣多汁. 結果又是來了一個特小汁小辣的出品. 忍不住就叫阿姐過來說點了多汁但又是特別小, 可不可給我多一點. 阿姐不斷說份量就是如此, 肯定比正常多了, 那麼多都不夠沒法子幫你. 天呀~~~你當熟客是傻的? 我也不明白, 多飯, 粉麵加腩汁等都沒問題, 一個熟客欣賞你的汁, 為什麼次次好像把客人當乞兒? 為什麼老闆娘在時就多謝你欣賞, 問你夠不夠? 算, 我說加錢行了吧, 阿姐很負氣說那加十蚊吧, 加杯飲品都未要十蚊, 十元八塊不算多, 但突然覺得為什麼付錢吃餐飯都那麼受氣

同老公去土瓜灣拎野順道食lunch,行過就見到米芝蓮咖喱牛腩，老公話想試下就入去喇！佢點左個咖喱牛筋肚飯，咖喱幾濃，份量夠，牛肚薯仔都多。我點左清湯腩河，牛腩唔係稔哂既，湯底ok，蘿蔔甜，而且辣度同牛腩肥瘦都可選擇，呢個價錢都ok既，未至於驚為天人但比一般牛雜麵舖算不錯，米芝蓮呢，其實可以忘記佢。

其實食粉麵都幾個人口味，有人LIKE加醋, 有人唔LIKE --- 我係唔LIKE的。因此，個湯既味道對我來說好重要。今次食呢間---湯味OK, 最OK係2種牛腩粉麵的湯味居然有D濃淡唔同 --- 唔通係分開煲??!牛腩方面，2種都OK, 不過如果你係LIKE極"林"身果D, 就可能唔會太滿意, 因為佢煮出黎係仲有咬口既。

本人很懶，食過很多，但係第一次寫食評。家住土瓜灣，但係甚少喺本區出沒…咁約人又唔會約呢頭，同屋企人唔係飲茶食飯就快餐店多…所以北帝街呢條食街，都無幾間幫襯過…日前飲茶之後路經此處，看見招牌，有四種腩喎，重有咩夠飽唔夠喉咖哩，屋企人話下次來試下。到今日晚餐無著落，又唔想食啲成日食的，就決定來試下。先說清楚，來之前無睇過食評，連佢係米芝蓮美食嘅分店都唔知(真係孤陋寡聞)…7點幾去到，都重有好多位…餐牌翻了好久，老豆點了清湯瘦腩河常餐，老媽要崩沙腩河，我入門口就聞到咖哩好香，叫了咖哩坑腩飯。另外叫了兩個菜。咖哩先來，好大碟下…咁$58無返咁上下大碟點得？本人是十分喜歡熱辣濃郁的咖哩的，而這碟看來蠻香濃的，料也很多，食落也十分對味，沒有令我失望，牛腩薯仔夠腍夠入味，還有牛筋！只是雖然叫了大辣，卻尚不夠叫我下一滴汗。這是我媽叫的崩沙腩，她說太多肥了，但其他還ok。我偷了一塊，湯頭不錯，肉也很腍。我爸的瘦腩…沒有肥的關係，比較硬，但食得瘦都預左，肉都幾入味。同埋我覺得有得你揀係好的，而家啲人食嘢注重健康，老人家唔食得咁肥，唔通係唔係都畀舊半肥瘦佢，一樣價錢食一半吐一半好唔抵。個菜唔算大，但係十零蚊

想當日這兒還不是米芝蓮推介店之前，牛腩的水準倒是不錯的。現在名聲是更響了，連分店也開埋，但食物的質素卻是每況愈下，令人搖頭嘆息....好像這個崩砂腩，連最簡單的將它炆淰透的步驟的任務也做不到，咬得一口是渣的有好幾件最後真的忍不住要吐出來。那層本應爽軟的薄膠質食落卻是硬如石頭....蘿蔔還好一點，起碼是夠淰的....一夠淰的話就較易嗦湯，這樣子難吃極也有個譜了....但縱然如此，這一碗仍是一碗極失敗的牛腩....通常來不是點牛腩便是咖喱，吃蕃茄湯粉倒是首趟。呷一口湯，只覺酸味迫人，但這種酸卻是酸得令人咯喉不已，很不自然的樣子。幸好湯內也下了不少鮮蕃茄，算是一個補鑊之舉；花枝丸當然是用上來貨的，但食落滿有彈性咬口而且也真的藏有不少花枝粒....這種交來的貨色出來的效果竟比自家炆製的店自慢出品更好吃，實屬始料不及....煎鯪魚餅是太薄身了，少了咬口的它自然要扣分；幸好魚肉並沒有溝太多其他的雜質在內，不會吃得一口是粉....老實說，若是繼續維持着如斯的水平的話，恐怕遲些會受到車胎人之離棄了....

筆者好少出無圖食評,不過一出就肯定係劣評.因為若然我無影相而又覺得間食肆好食值得推介,我會再去幫襯補影相.若然無影相而又覺得間食肆唔得,就當然不會再去影相咁笨啦,係咪先?而芸芸眾多唔得嘅食肆入面,又總會有很多到最後是不了了之無寫.剩返寫得出嚟嘅,就一定係劣評之中的極品!位於北帝街的新仙清湯腩,是砵蘭街新仙挾米芝蓮推介之威在土瓜灣開設的分店.其清湯腩及咖喱腩的味道,跟早幾年開到成行成市的生龍清湯腩相近.而後者在分店越開越多的情況下,食物質素越來越差.故此,筆者樂見新仙能夠繼續提供有質素的巴基斯坦咖喱.早上十一時多,筆者在跟朋友打波前,提早到新仙吃個午飯.這個時間新仙應該是剛開鋪,人客不多而且阿姐還在清潔牆壁.筆者坐下後照舊點了一個HKD37的咖喱牛筋牛肚飯配凍檸茶(凍飲+HKD2).在飯未來之前,檸茶先來,筆者下意識篤了幾下檸檬就啜來飲...一飲入口,怎麼檸檬茶會有咖喱味?!再細看檸茶表面浮著油花,不問而知是檸茶被污染了.跟阿姐投訴後換了一杯,同樣有咖喱味!!再要求更換時阿姐開始有火(我都未有火佢有火,俾個叻佢),反指那應該是檸檬味.我請她用另一枝飲管試試面頭那浸油,個阿姐就篤咗支飲管落

土瓜灣的確美食云云,找野食都幾相腦筋之前見電視介紹過新仙清湯腩,在猶豫之際.....見唔洗等位,門口又貼住米之蓮標誌就試一試吧就點了清湯腩薯粉,而腩可自由選擇肥瘦不幸的是....小懶貓點了瘦腩的關係......舊腩超靱,就好像煲湯瘦肉般 -.-可能選半肥瘦的話口感會完全不同來新仙...切記勿點薯粉!!!!真係難食到喊~~~~又淋又鞋...完全吃不下,仲要另加$3 !!真係可以慳返~~~ $37蚊碗完全唔值~~

始於油麻地，幫襯新仙因為店外一張大海報，分析各門派清湯腩好壞，寫得自己咁勁就睇你咩料...首先老鋪的出品是非常有水準，導致對土瓜灣新鋪有了個起碼的要求。打自餐牌，與油麻地差不多，地方大了應正呀，忘來個腩河醫肚....當阿姐將腩河送上，還未肯定自己的想法，拿起筷子左撩撩右搞搞，發覺事件與我想像一樣....只得牛腩四小件。雖然無論湯與牛腩的水準仍然保持，但份量真少得可憐。其後再試其他粉麵，普遍份量偏少，只能當點心看待。

位於北帝街的新仙，早前路經過門而不能入，無它旺場是也今日一於午飯時段過後，再度闖關、試試能否安然入座這裏專售賣牛腩、牛坑腩等馳名，臨走看到卡片原來是油麻地新仙之分店場內除了大賣之牛腩外，主打咖喱也是相當受大熱眼見餐廳上常餐牌也推介上咖喱為主打，所以就落單叫上咖喱好了個人對牛類製品不是太於偏好，所以很多時看到（清湯腩）這個名堂也過門而不入但這裏就比較多元化一點，有雞、豬還有蕃茄底，較佐敦道出名的（巴基斯坦）咖喱專門店等更多選擇、更吸引今日揀上一個咖喱雞扒常餐$37.本應是配飯，但我試問下可改米線、便來個像牛腩撈粗一樣的（自製撈麵是也）要上小辣之咖喱汁入口濃郁而不帶重椰汁，正正就是巴基斯坦風味、重重之洋蔥亦己被煑得綿綿咖喱汁稀杰適中之餘薯仔和洋蔥也不嗇吝，雞扒也煎得剛好不至太乾、今個年代用上這個價錢、可享用到真正（知味）食物真是少之又少米線煮得也很是細滑，自製撈麵下之米線、（隔去上湯用個小碗自家製作）每條都沾上咖喱濃重味，好吃至於餐飲之咖啡，又是犯著大部份餐廳共通點、奶多於咖啡，試過便算美食沙漠下如果要我揀，我想也會專誠重返因為個咖喱汁真的煑得很好味。

土瓜灣的有一條食街~名叫北帝街這樣開了不少食店之前開了一陣子我都沒去試食過的.今天一試就深深吸引了我的~~~胃了~一間小小的麵店,發現服務員招呼好好~~下order時會問的牛腩要瘦/肥/定半肥招牌清湯腩河(細)$32~有大約7-8件細的半肥瘦牛腩,二件大舊的白蘿蔔. 而且是清湯來的. 牛腩好軟,好夠淋,而且牛肉味好鮮. 清湯已是很濃的牛肉湯來的. 白蘿蔔好甜帶著有牛肉的味道鎮店雙寶湯河$38~~牛腩雲吞河,牛腩真係好淋,雲吞好細粒,有少少散,唔夠實,唔覺有鮮蝦味道的麻辣黑柏葉$30~~~份量真係好細份,黑柏葉可能時間耐左少少~無咁爽口,韌左少少蜆芥鯪魚球$28~~~立即炸出來的,全個球都係鯪魚肉,炸起來的炸卜卜,好香口,不過大家要小心燙到嘴, 炸起上來之時,魚肉入面個心真好熱的.油菜$12~~~叫左碟菜走

受上星期某電視飲食節目的影響,專承落車去土瓜灣食牛腩.當時餐廳沒有太多人, 看了看餐牌叫了崩山腩麵同蜜糖咸檸七.崩山腩似半肥瘦的牛腩配以牛筋,好硬,兩者都咬吾開,我成塊放入口咬吞下.麵質就OK.蜜糖咸檸七味道OK.

土瓜灣是連地鐵也不到的舊區，米芝蓮是法國佬飲食權威指南，兩者似乎牛馬不相及。偏偏，在砵蘭街賣牛腩，賣到被米芝蓮推介的新仙清湯腩，在土瓜灣北帝街開分店。很多人也知道，我是九記的鐵杆fans，雖然，身邊有些朋友，怎樣說九記服務點差，牛腩水準名大於實，不過，多年以來，我在九記的經驗，是愉快的。雖然熱愛九記，但我也會吃其他牛腩店，不論是柱候，清湯，鹵水系。。。作為一個好吃，而且是寫食評之仕，沒有理由長期只吃一間，否則，又點會知道，外邊的世界是怎樣？讀者亦不會喜歡你寫來寫去，也是寫同一間食店。年多前慕名來到新仙，覺得牛腩水準不錯，湯底還是差一點點。除了清湯牛腩，咖哩牛腩外，更有豬潤，甚至珍菌清湯。。。明顯地沒有九記的專注，你試試在九記說要吃個牛腩飯，看看侍者給你甚麼答案？第一次到訪，先試其牛腩撈伊麵。半肥瘦的牛腩，肥膏與瘦肉分明，一咬之下，肥位油潤中，帶著豐滿的脂香，瘦肉部位鬆軟不黐牙，還有牛肉應有的鮮香。牛湯味道沒錯是鮮甜，但欠缺一點甘醇感。九記的湯底，無人能取代。數天後再訪新仙，中午時間坐滿食客，於是索性外賣回家吃。反正我吃的是咖哩牛腩，外帶是絕無問題。這裡的咖哩是巴基斯坦風格，大約是偏向乾