Video
5-min walk from Exit A1, Tsuen Wan MTR Station
continue reading
Telephone
62103979
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
依間湯飯店我幫襯過超過十次，因為佢啲豬肉丸真係好食，所以去完都會再去，但最近三次嘅用餐體驗真係令我不得不開個帳戶為佢寫食評。第一次同老婆去食晚飯，湯飯我哋都係每人叫一碗四餸，因為肉丸好食，所以依一次我老婆喺四樣餸入面叫咗兩份肉丸，而我係一份肉丸。湯飯嚟到嘅時候，我果碗湯飯只有2粒肉丸，而我老婆果碗有4粒(但平時一份肉丸係有3粒)。咁我向侍應阿姐了解嘅時候，佢話「不嬲都係咁架喎」，咁我哋以為佢「扣餸加價」，所以無為意第二次之後自己一個嚟食，我四餸湯飯入面叫咗一份肉丸，嚟到確認係有3粒！即係唔係「扣餸加價」啦第三次尋日再同老婆去食多次，同樣地湯飯我哋都係每人叫一碗四餸，我老婆都係叫兩份肉丸。今次就好笑喇，我果碗有３粒肉丸，我老婆果碗有５粒肉丸（如果咁計，應該係６粒啦?）。於是我又問侍應阿姐，阿姐好隨便咁問完廚房，跟住同我哋講「廚房話係咁架喎」，我真心忍唔住問：「餸錢你收我四餸，仲要每加一樣餸嘅餸錢就越貴，但你俾得越少肉丸我？唔合理啊嘛？」然後個侍應阿姐勁不爽咁先叫廚房補返一粒肉丸俾我。結論：就算你依間舖要計「雙併、三併、四併」嘅縮數，越併越少餸我唔怪你，但你次次嘅說法都唔一樣，就令人覺得咁做生意好有問題，而且依種服務態度叫人好不爽，唔會再幫襯。
continue reading
好搞笑，明明打左堆留言，今日睇返唔見左，唔知係系統出錯定咩原因。間唔中都有去呢間粥鋪到食，有得揀湯飯又有得揀粉麵，仲有生滾粥，除左炒粉麵好難食，其他質素同價錢都合理，服務態度正正常常。但係自從換左依加個收銀同落單阿姐後，個阿姐間唔中會出錯，漏單，唔知搞咩一大倫後先過來落單或者收錢。有一次阿姐仲懶醒甘叫我食完就好走，唔好坐甘耐，話出面有人等緊位，當聽到距甘講，同枱唔識既人都望住我，我好錯愕，最後埋單個陣我大聲話俾阿姐知，我由入來鋪頭坐低到俾你趕我走，我都只係用左20分鐘，我叫左湯飯，我食完湯飯仲有杯野飲未飲，我飲埋杯野，由入座到離座埋單都係用左25分鐘，甘都叫坐左好耐？！如果你要求所有客人要係呢個時間完成用膳時間，有本事就貼張紙出來俾每一位客人見到。
continue reading
炒面、炸両都是不熱、咸煎餅甜的、咖啡難飲，最基本都做不到，極差，從未食過如此低質素的粥面店，問店員可否提供一杯開水，都說沒有。食品質素如此低劣，咖啡超差。千萬不要幫襯
continue reading
服務俾一星，係因為最低只可俾一星，建議引入美女廚房嘅負分制。牙痛，去咗食白粥，食完叫侍應埋單，叫第一次侍應唔理，第二次嘴臉態度不屑嫌棄，聽唔清楚內容，再問一次，竟然大聲夾惡「十一蚊囉」，就此我都算，趕住睇醫生，亦明白又唔係咩名店、大生意，食飽快啲走，然後唔再幫襯就算。但係俾錢時d錢比人扔，真係火起，同該名有問題嘅店員（同上述侍應為同一人）理論，竟然被鬧返轉頭，萬分堅持自己嘅正常及正確，唔講以為我係嚟打工，佢係老細呀，更加被其他店員「圍」，係我旁邊叉腰眼超超，好驚呀，疑似恐嚇，離開店面後竟然仍然高談闊論我嘅「問題」、「有病」，大佬，街坊生意，唔係咁呀？
continue reading
尼間係專食湯飯，但今次叫粥品食。有冷氣夏天坐住食舒服。食物亦好快送上。假日午市，坐滿哂人。魚腩粥($40)，魚腩肉滑，骨大條，方便食。魚腩量亦多。粥綿，量多，加入薑絲、蔥等簡單調味，已經好好食。重點熱辣辣，暖入心。牛脷酥腸粉($21)，平時食得多炸両，第一次食腸粉包牛脷酥，原來又幾夾。腸粉皮屬厚，米味重，牛脷酥脆脆，內軟，配甜豉油食，亦好味。綠豆沙，估唔到好多渣，完全唔係水浠浠既狀態。不過略甜。聽到隔離枱落order，原來可以雙拼紅豆沙。燒賣，過下口癮。魚味重，唔會成口粉漿既感覺。整體，簡單既粥品，但好考功夫。要整得好食，一d都唔容易。
continue reading